VushtrriaOnline

Home
Kosovo
Vushtrri
VushtrriaOnline

VushtrriaOnline një burim i padiskutueshëm i informacionit lokal dhe vendor! Vushtrriaonline.net - Gazetë lokale për qytetin e Vushtrrisë.

Vushtrriaonline its the local news media for the region of Vushtrri.

08/07/2025

MSH njofton për aksion në barnatore private në Mitrovicën Veriore – Gjenden produkte të paautorizuara për tregun vend
- - -
Ministria e Shëndetësisë, ka njoftuar se Inspektorati Farmaceutik ka zhvilluar aktivitet inspektues në barnatore private në Mitrovicën Veriore, ku gjatë inspektimit janë hasur sasi e madhe e produkteve medicinale të paautorizuara për tregun vendas.

Nga MSH është theksuar se produktet e gjetura ishin të pajisura me banderolë të Serbisë, ose të Maqedonisë ose dhe pa banderolë.

‘‘Në njërën nga barnatoret e qytetit u hasën edhe produkte medicinale me banderolë të kuqe që janë të dedikuara për sektorin publik të shëndetesisë dhe janë falas për qytetarët apo janë të dhuruara si donacione për Spitalin e Mitrovicës Veriore. Të njëjtat janë keqperdorur duke u dërguar në barnatore private për t’u sh*tur’’, thuhet mes tjerash në njoftim.

Postimi:

Siguria dhe rregullsia e barnave – aksionet e inspektoratit

Në kuadër të aksioneve të vazhdueshme për ta ruajtur shëndetin e qytetarëve, Inspektorati Farmaceutik zhvilloi aktivitet inspektues në barnatore private në Komunën e Mitrovicës veriore.

Gjatë inspektimit u hasën sasi e madhe e produkteve medicinale të paautorizuara për tregun vendas. Produktet e gjetura ishin të pajisura me banderolë të Serbisë, ose të Maqedonisë ose dhe pa banderolë.

Në njërën nga barnatoret e qytetit u hasën edhe produkte medicinale me banderolë të kuqe që janë të dedikuara për sektorin publik të shëndetesisë dhe janë falas për qytetarët apo janë të dhuruara si donacione për Spitalin e Mitrovicës Veriore. Të njëjtat janë keqperdorur duke u dërguar në barnatore private për t’u sh*tur.

Të gjitha produktet medicinale të paautorizuara u konfiskuan nga ana e inspektoratit dhe ditëve në vazhdim do të vazhdohen me procedurat e rregullta.

Bëjmë thirrje qytetarëve të sinjalizojnë në çdo kohë në inspektoratet tona për çdo parregullsi që venë re.

08/07/2025

Zjarr tek “Kosova A”, nga KEK thonë se s’ka vend për shqetësim: Janë djegur disa barishta
- - -
Një zjarr ka shpërthyer në një pjesë të sipërfaqeve të Termocentralit “Kosova A”, ku si pasojë e temperaturave të larta janë djegur disa barishta.

Zëdhënësi i KEK, Skënder Bucolli, i kan thënë Gazetës Online Reporteri.net se nuk ka asgjë për shqetësim, duke shtuar se situate është nën kontroll.

Ai tha se zjarri është duke u lokalizuar.

“Në një pjesë të sipërfaqeve/seperimet tek Termocentralit “Kosova A” (TCA), si pasojë e temperaturave të larta janë djegur disa barishta – një dukuri kjo e zakonshme që ndodh edhe në vende të tjera në kushte të ngjashme klimatike. Zjarri është duke u lokalizuar dhe situata është nën kontroll. Ekipet e zjarrfikësve të KEK-ut ndodhen në vendngjarje dhe po veprojnë me efikasitet për të siguruar menaxhimin dhe eliminimin e plotë të zjarrit”, ka deklaruar Bucolli.

08/07/2025

Profesori amerikan: Kurti duhet t’i japë fund bllokadës politike, nuk do t’i dalë mirë në zgjedhje të reja
- - -
Profesori amerikan, Alon Ben Meir, ka thënë se bllokada politike që po ndodh tash e sa muaj është një “uzurpim” i rrezikshëm i demokracisë.

Ai në faqen e tij zyrtare, shkruan se është shumë e vështirë ta mendosh që një vend i vogël si Kosova që vazhdon të përballet me probleme ekonomike dhe në konflikt konstant me fqinjët, është tash e disa muaj duke funksionuar me qeveri në detyrë.

Ben Meir ka thënë se lideri i LVV-së, Albin Kurti, duhet t’i japë fund një bllokade të tillë politike, meqë sipas profesorit amerikan, kjo nuk do t’i përkthehet mirë në zgjedhjet e reja kurdo që të mbahen.

“Është e vështirë të imagjinohet se si një vend i vogël që po përjeton vështirësi të mëdha ekonomike dhe ndodhet në konflikt të vazhdueshëm me fqinjët e tij, është ende nën një qeveri kujdestare katër muaj pas zgjedhjeve kombëtare. Kryeministri Kurti duhet t’i japë fund bllokadës, pasi kjo situatë nuk flet mirë për të në momentin kur, pashmangshëm, do të mbahen zgjedhje të reja”, ka shkruar Ben Meir.

Kur flet për zgjidhjet e mundshme, profesori amerikan Ben Meir thotë se propozimi i kreut të LDK-së, Lumir Abdixhiku, për qeveri të unitetit, duhet të merret shumë seriozisht.

“Për më tepër, propozimi i liderit të Lidhjes Demokratike të Kosovës (LDK) për një qeveri uniteti kombëtar të udhëhequr nga një figurë politikisht neutrale – ku liderët e partive përjashtohen nga rolet ekzekutive dhe ministritë drejtohen nga profesionistë të të gjitha partive – duhet të merret seriozisht në konsideratë dhe të caktohet një datë e re për zgjedhjet. Kjo qeveri kalimtare do të fokusohej në rikthimin e funksionalitetit institucional dhe në zbatimin e reformave urgjente deri në mbajtjen e zgjedhjeve të reja”, ka shtuar tutje ai.

08/07/2025

Lokalizohet zjarri afër Manastirit të Deviçit në Skenderaj, NJSO dhe KFOR asistuan në aksion
- - -
Policia e Kosovës ka njoftuar se kanë arritur që ta lokalizojnë zjarrin e shkaktuar në përmasa të mëdha në afërsi të Manastirit të Deviçit në zonën e Skenderajt.

Zjarri kishte përfshirë sipërfaqe të madhe të malit, e gjithashtu i ishte afruar objektit të Manastirit të Deviçit dhe shtëpive përreth, transmeton Klankosova.tv

Përveç njësive policore dhe të zjarrfikësve, janë ftuar në asistim edhe Njësia Speciale Operative dhe njësi të KFOR-it, të cilët kanë ofruar ndihmën e tyre si me personel po ashtu edhe me pajisje.

“NJSO ka ofruar asistim me t**a të ujit, kurse KFOR-i ka ofruar asistimin me helikopter për shuarjen e zjarrit.

Falë përkrahjes së ofruar nga NJSO dhe KFOR-i, është evituar rreziku i përfshirjes nga zjarri të objektit të Manastirit të Deviçit dhe shtëpive përreth. Gjatë tërë natës së mbrëmshme dhe ditës së sotme njësit e Zjarrfikësve, njësitë policore dhe KFOR-i janë duke bërë përpjekje të vazhdueshme për lokalizimin e tërësishëm të zjarrit në zonën e lartcekur.

Në lidhje me rastin, Njësia e hetimeve të Stacionit Policor në Skenderaj kanë mbledhur dëshmi nga vendi i ngjarjes ku sipas personit përgjegjëses se Manastirit të Deviçit dyshohet se zjarri është shkaktuar nga telat e rrymës për shkak të erërave të forta që kanë qenë në këtë zone ditën e djeshme.” – njoftoi Policia.

08/07/2025

Agjencia e Menaxhimit Emergjent: 15 vatra aktive zjarri në sipërfaqe të hapura fushore dhe malore në Kosovë
- - -
Agjencia e Menaxhimit Emergjent ka bërë të ditur se aktualisht janë 15 vatra aktive të zjarrit në sipërfaqe të hapura fushore dhe malore.

Ka dëme materiale, mirëpo nuk ka persona të lënduar.

AME bën thirrje që qytetarët të shmangin ndezjen e zjarreve në ambiente të hapura dhe të raportojnë për cdo vatër të dyshuar.

Vatrat aktive ndodhen në:

Komuna Mitrovicë në fshatin Rashan

Komuna e Skenderajt në fshatin Llaushe, zjarr aktiv ku u intervenua nga Njësia Profesionale e Zjarrfikës dhe Shpëtimit (NJPZSH) dhe Policia e Kosovës Skenderaj, deri sa me koordinimin e Agjencisë Menaxhimit Emergjent është ofruar ndihma edhe nga ajri me helikopter,nga kapacitetit i KFOR-it.

Komuna e Ferizajt në fshatin Burrnik

Komuna e Gjakovës në fshatin Shkukëz

Komuna e Klinës në fshatin Ujmir zjarr aktiv, pjese malore e vështirë e qasshme për zjarrfikës nga toka

Komuna e Leposaviqit në fshatin Trebice, zjarr aktiv të konfirmuara nga Qendra Operative Emergjente e Agjencisë (QOE 112 Gjilan):

Komuna e Podujevës ne fshatrat Batllavë, Belloshë, Hërticë katër (4) zjarre aktive;

Komuna e Novobërdës ne fshatin Jesenovik;

Nga dita paraprake, dt.07 Korrik 2025 Zjarret e mëdha të cilat janë lokalizuar, janë:

Komuna e Malishevës

Komuna e Shtimes

Komuna e Podujevës

08/07/2025

Sonte nga ora 20:30, para Teatrit Kombëtar organizohet aksion për ndezjen e qirinjve në nderim të A.Zejnullahut. Ai vdiq në rrethana ende të paqarta në Lipjan. Pesë zyrtarë policorë, në mesin e të cilëve edhe një rreshter po hetohen për rastin e vdekjes së 27-vjeçarit. Ata u suspend...

08/07/2025

Auto Servis Gashi shpall konkurs për 3 vende të lira pune në pozitën: Auto Mekanik 🧰🔧
💼 Nëse ke përvojë ose pasion për mekanikë, kjo është mundësia jote për të punuar në një ambient profesional dhe dinamik!
🔧 Shërbimet tona:
▪️ Diagnozë Kompjuterike
▪️ Mekanikë
▪️ Servesim i Veturave
▪️ Mbushje të klimave
📞 Na kontakto për më shumë info:
+383 44/49 29 46 60

08/07/2025

15 vatra aktive zjarri në Kosovë, KFOR-i ndërhyn me helikopter në Skenderaj
- - -
Situata me zjarret në Kosovë vazhdon të jetë shqetësuese. Sipas njoftimit të fundit nga Agjencia për Menaxhim Emergjent (AME), aktualisht janë 15 vatra aktive të zjarrit në sipërfaqe të hapura fushore dhe malore në disa komuna të vendit.

AME njofton se zjarret janë përhapur në komuna të ndryshme si Mitrovicë, Skenderaj, Ferizaj, Gjakovë, Klinë, Leposaviq, Podujevë dhe Novobërdë.

Në Komunën e Skenderajt, në fshatin Llaushë, situata është më e rënduar.

LDK mbledh Kryesinë të enjten, pritet zyrtarizimi i kandidatëve për zgjedhjet lokale
Prokuroria Speciale kërkon nga Apeli dënimin e ish-ministres Dhurata Hoxha dhe të tjerëve
“U intervenua nga Njësia Profesionale e Zjarrfikës dhe Shpëtimit (NJPZSH) dhe Policia e Kosovës Skenderaj, deri sa me koordinimin e Agjencisë Menaxhimit Emergjent është ofruar ndihma edhe nga ajri me helikopter nga kapaciteti i KFOR-it,” thuhet në njoftim.

Agjencia ka shturar se nuk ka humbje të jetëve të njerëzve, deri sa janë evidente dëmet materiale.

AME apelon tek qytetarët që të shmangin ndezjen e zjarreve në ambiente të hapura, të raportojnë menjëherë çdo vatër të dyshuar në numrat emergjentë pa pagesë: 112, 193, 192 dhe të raportojnë çdo person të dyshuar për shkaktim të zjarreve.

08/07/2025

Miftaraj akuzon VV-në për standarde të dyfishta: Agon Zejnullahu gjeti vdekjen si Astrit Dehari – në duart e shtetit
- - -
Vdekja e dyshimtë e 27-vjeçarit, Agon Zejnullahu në duart e policisë në Lipjan ka tronditur mbarë opinionin publik.

Pamjet e publikuara dje dhe sot shfaqin të ndjerin të shtrirë në tokë, ndërsa pesë zyrtarë policorë ndodheshin mbi trupin e tij, duke tentuar ta arrestonin.

Në lidhje me këtë rast, Ehat Miftaraj nga Instituti i Kosovës për Drejtësi deklaroi për Klankosova.tv se rasti i Agon Zejnullahut ngjall kujtime të dhimbshme dhe paralelizma me atë të Astrit Deharit, pasi, siç thotë ai, të dy kanë humbur jetën nën përkujdesjen e shtetit.

I pari në duart e policisë e i dyti në një qendër korrektuese, shtoi Miftari.

“Agon Zejnullahu njejtë sikurse Astrit Dehari ka gjetur vdekjen në dorë të shtetit. Përderisa i pari në duar të policisë, i dyti në një qendër korrektuese. Fatkeqësisht, partia në pushtet qytetarët e Kosovës po i ndan në votues apo përkrahës të saj dhe qytetarë të tjere. Nëse vet VV me të drejtë kishte kërkuar sqarimin e rrethanave të vdekjes së Deharit, në rastin e Zejnullahut po hesht, që dëshmon zbatimin e standardeve të dyfishta dhe joparimore”, tha Miftaraj.

08/07/2025

Zjarret në Çiçavicë, ndërhyn edhe KFOR-i me Helikopter!

08/07/2025

Avokati i Popullit nis hetim për shkelje të të drejtave të njeriut për rastin e të riut në Lipjan
- - -
Avokati i Popullit ka reaguar lidhur me rastin e 27-vjeçarit Agon Zejnullahu, i cili vdiq në Lipjan në orët e para të së hënës, në rrethana të dyshimta pas arrestimit nga Policia e Kosovës.

Lidhur me rastin, janë arrestuar katër policë dhe një rreshter të cilët po dyshohen për vepren penale “Vrasje nga pakujdesia”.

Përmes një komunikate, ky institucion ka bërë me dije se ka hapur procedurë hetimore për të vlerësuar nëse ka pasur shkelje të të drejtave të njeriut, si dhe për të monitoruar veprimet e institucioneve përgjegjëse, përfshirë Policinë e Kosovës dhe Inspektoratin Policor të Kosovës

Tutje, në reagim thuhet se ushtrimi i forcës përtej asaj të domosdoshme përbën shkelje të rëndë të të drejtave themelore të njeriut, të garantuara me Kushtetutën e Republikës së Kosovës dhe me instrumentet ndërkombëtare për të drejtat e njeriut, përfshirë Konventën Evropiane për të Drejtat e Njeriut.

“Institucioni i Avokatit të Popullit kërkon transparencë të plotë nga institucionet kompetente lidhur me hetimin e rasteve. Po ashtu është e rëndësishme të theksohet rëndësia e zbatimit të standardeve profesionale në çdo ndërhyrje policore dhe domosdoshmërinë e trajnimeve të vazhdueshme për zyrtarët e rendit. Avokati i Popullit do të vazhdojë të ndjekë nga afër zhvillimet rreth këtyre rasteve dhe do të ndërmarrë të gjitha veprimet e nevojshme ligjore në mbrojtje të të drejtave të qytetarëve”.

Rasti tjetër për të cilin është nisur hetim është ai për pamjet që u publikuan ku shiheshin zyrtarë policorë duke e rrahur një qytetar ndonëse i njëjti ishte i prangosur.

08/07/2025

Instituti Kombëtar i Shëndëtësisë Publike të Kosovës ka alarmuar për rritje të rrezikut të helmimeve ushqimore për shkak të temperaturave të larta. “Siguria ushqimore u referohet të gjitha rreziqeve të cilat mund t’i shkaktojnë dëme ushqimit dhe përmes tij, shëndetit të popul...

Address

Deshmoret E Kombit
Vushtrri
42000

Website

https://www.vushtrriaonline.net/

Alerts

Be the first to know and let us send you an email when VushtrriaOnline posts news and promotions. Your email address will not be used for any other purpose, and you can unsubscribe at any time.

Contact The Business

Send a message to VushtrriaOnline:

Shortcuts