https://www.facebook.com/100290211765203/

Zëri jonë.USA, Washington DC, Plymouth, MI (2025)

08/21/2025

Deputeti i zgjedhur i Partisë Demokratike, Klevis Balliu, ka dhënë një deklaratë për mediat ku akuzon qeverinë për krijimin e një afere të rëndë korruptive që cënon drejtpërdrejt sigurinë kombëtare të vendit.

Sipas Balliut, në maj 2024, kryeministri Edi Rama themeloi shoqërinë ‘KAYO’, duke emëruar në krye ish-drejtorin e Policisë së Shtetit, Ardi Veliu, dhe i dha kësaj shoqërie kompetenca të jashtëzakonshme për kontrata dhe negociata me kompani private në industrinë e armëve, me vendim të firmosur nga Belinda Balluku.

Ai thekson se një nga kompanitë e përfshira, TIMAC shpk, është promovuar personalisht nga Rama dhe më 17 qershor 2025, 49% e aksioneve të saj u sh*ten për vetëm 490 euro mikut të afërt të kryeministrit, Ron Yeffet. Balliu thekson lidhjet e dyshimta të Yeffet me projekte dhe afera financiare brenda dhe jashtë vendit.

Pas këtij transaksioni, KAYO ka bashkëthemeluar me TIMAC kompaninë TIMAC Defence dhe me MSSC kompanitë MKD dhe GUNA Tactical, të gjitha me kapital të vogël dhe sipas PD-së, me mungesë transparence dhe kritere ligjore të paqarta.

Sipas Balliut, KAYO ka ndërhyrë gjithashtu në ambientet e televizionit News24 duke shkelur vendimet gjyqësore, për të uzurpuar hapësirat e tij, duke rritur shqetësimin për sigurinë kombëtare.

Partia Demokratike i bën thirrje institucioneve shtetërore të kryejnë hetim të plotë dhe transparent mbi ligjshmërinë dhe kriteret e këtyre kompanive, duke ndaluar çdo veprim që mund të rrezikojë pasuritë strategjike dhe pronat ushtarake të vendit.

“Ky skandal nuk është vetëm financiar, por lidhet drejtpërdrejt me sigurinë kombëtare dhe integritetin e institucioneve,” përfundon Balliu, duke siguruar se PD do të ndjekë çështjen deri në fund.

Deklarata e plotë:

Partia Demokratike denoncon me forcë një aferë të re dhe tepër të rëndë korruptive, e cila cenon drejtpërdrejt sigurinë kombëtare të vendit.

Në maj të vitit 2024, kryeministri Edi Rama krijoi shoqërinë ‘KAYO’, duke emëruar në krye ish-drejtorin famëkeq të Policisë së Shtetit, Ardi Veliun. Me vendim qeverie, kësaj shoqërie iu dhanë kompetenca të jashtëzakonshme për të lidhur kontrata dhe negociata me kompani private në fushën e industrisë së armëve me vendim qeverie te firmosur nga Belinda Balluku.

Një nga kompanitë e përfshira është TIMAC shpk, e cila është promovuar personalisht nga vetë Edi Rama. Ai e ka ftuar pronaren e saj, znj. Arjeta Puca , në podcast-in e tij dhe madje e ka vizituar disa herë në ambientet e kompanisë në Kashar. Në datën 17 qershor 2025, znj. Puca sh*ti 49% të aksioneve të TIMAC shpk për vetëm 490 euro mikut të afërt të Edi Ramës, z. Ron Yeffet, një emër i lidhur me disa afera të dyshimta financiare.

Sipas burimeve publike dhe dëshmive politike:

Z. Yeffet është përmendur nga zv/kryeministri i kohës si personi që kërkonte të blinte borxhin e, gjë që u refuzua nga z. Arben Ahmetaj. Po ashtu, ai ka tentuar të blejë pronën e Ambasadës së Shqipërisë në SHBA për të ngritur rezidenca private, një projekt i refuzuar nga Ministria e Jashtme.

Emri i tij është lidhur edhe me aferën e Air Albania.

Për më tepër, në Senegal, një marrëveshje e tij me qeverinë e kohës u anulua dhe po hetohet për korrupsion nga autoritetet e reja.

Vetëm pak javë pas këtij transaksioni të dyshimtë, më 4 gusht 2025, KAYO bashkëthemeloi me TIMAC shpk kompaninë TIMAC Defence, ku 80% zotërohen nga TIMAC dhe 20% nga KAYO e Ardi Veliut, me kapital fillestar prej vetëm 35 mijë eurosh.

Në të njëjtën kohë, më 1 gusht 2025, KAYO bashkëthemeloi me kompaninë MSSC (në pronësi të Emiljano Dushës) kompaninë MKD, Myslym Keta Defence, me administrator Gentian Karaj, ku MSSC zotëron 80% dhe KAYO 20% të aksioneve, sërish me kapital minimal prej 35 mijë eurosh.

Më tej, më 1 gusht 2025, KAYO dhe MSSC themeluan edhe kompaninë GUNA Tactical, ku MSSC zotëron 49% dhe KAYO 51% të aksioneve, me kapital të njëjtë prej 35 mijë eurosh.

Ajo që e bën aferën akoma më të rëndë është fakti se vetëm dy javë pas krijimit të këtyre kompanive, KAYO ndërhyri me forcë dhe në shkelje të hapur të ligjit, duke mos respektuar vendimet gjyqësore, për të uzurpuar ambientet e televizionit News24, pavarësisht se ky i fundit kishte kontratë të vlefshme deri në vitin 2033.

Të gjitha këto kompani, me kapital qesharak, pretendohet se do të ndërtojnë industrinë e prodhimit të armëve në Shqipëri, një projekt jo vetëm i pashembullt në absurditetin e tij, por edhe thellësisht i rrezikshëm për shkak të mungesës së transparencës, kritereve ligjore dhe garancive të sigurisë.

Si rrjedhojë këtu lindin disa pyetje, Sipas cilave kritere janë përzgjedhur këto kompani?

A kanë këto kompani certifikata sigurie dhe eksperiencë në industrinë e mbrojtjes? Si është e mundur që gjysma e një kompanie të sh*tet për vetëm 490 euro? Kush mbron interesat kombëtare në një proces kaq delikat?

Partia Demokratike i bën thirrje të gjitha institucioneve shtetërore, përfshirë organet e drejtësisë, që:

Të nisin menjëherë një hetim të plotë dhe transparent për këtë aferë. Të verifikojnë ligjshmërinë, kriteret dhe standardet e sigurisë kombëtare të kompanive të krijuara. Të ndalojnë çdo veprim që rrezikon pasuritë strategjike dhe pronat ushtarake të vendit.

Kjo aferë nuk është thjesht një skandal financiar. Ajo lidhet drejtpërdrejt me sigurinë kombëtare të Shqipërisë dhe me integritetin e institucioneve tona.

Partia Demokratike do të vijojë ta ndjekë këtë çështje deri në fund, në mbrojtje të interesit publik dhe të sigurisë së vendit.

08/21/2025

Miratimi i projektit për ndërtimin e kullave shumëkatëshe në stadiumin “Flamurtari” dhe Pallatin e Sportit ka sjellë një reagim të ashpër nga kryetari i Partisë Demokratike, Sali Berisha. Në një postim në faqen e tij zyrtare në Facebook, Berisha akuzoi kryebashkiakun Ermal Dredha si zbatues të verbër të urdhrave të kryeministrit Edi Rama dhe si përfaqësues të oligarkëve që po grabisin qytetin.

“Përfaqësuesi i çunave të Dubait miraton urdhrin e Ramaduros për kullat e tyre të drogës!”, shkroi Berisha, duke e cilësuar projektin një aferë të rëndë që shkatërron pasuritë publike dhe i kalon ato në duart e biznesmenit Sinan Idrizi.

Sipas tij, pas vendimit të Këshillit Bashkiak, Vlora humb dy nga asetet e saj më të rëndësishme sportive, ndërsa qyteti kthehet në shesh betoni për interesa private. Berisha u bëri thirrje qytetarëve të ndjekin debatin në Këshillin Bashkiak për të parë sesi, “pushteti lokal nuk i shërben më qytetit, por vetëm klientelës së Ramës”.

Reagimi i liderit demokrat vjen pasi mes kundërshtive të forta, Këshilli Bashkiak i Vlorës miratoi projektin e shumëdebatuar që parashikon ndërtimin e kullave shumëkatëshe në stadiumin “Flamurtari” dhe në Pallatin e Sportit.

Vendimi u shtyu përpara nga kryebashkiaku Ermal Dredha, i cili sipas opozitës po vepron si “noter i oligarkëve”, duke i kaluar pasuritë publike biznesmenit të njohur Sinan Idrizi.

Opozita e akuzoi Dredhën dhe qeverinë socialiste se po shkatërrojnë trashëgiminë sportive të qytetit për të favorizuar interesat private. Përfaqësuesit e opozitës theksuan se ky është një tjetër akt i kapjes së pasurive publike, ku qytetarët humbin, ndërsa një grusht biznesmenësh përfitojnë miliona.

Në mbledhje, Dredha u mbrojt duke premtuar një stadium të ri modern në vend të infrastrukturës së amortizuar, por shmangu çdo koment për përfitimet e drejtpërdrejta të Idrizit. Ky qëndrim ngriti dyshime të mëdha për transparencën e projektit dhe për interesat reale që fshihen pas tij.

Megjithëse qyteti kërkon zhvillim, mënyra si u miratua projekti – me 30 vota pro, vetëm 4 kundër dhe 1 abstenim – shihet si një vendim i imponuar, që injoron zërin e qytetarëve dhe të opozitës. Projekti, i konsideruar si një nga më të mëdhenjtë në jug të vendit, pritet të kthehet në simbol të betonizimit dhe grabitjes së aseteve publike në emër të “zhvillimit”.

08/21/2025

Nga Çim Peka/

Me arrogancën e një gruaje që ka shkëputur çdo lidhje me moralin dhe realitetin, nëse ka pasur ndonjë herë, prej tre ditësh portalet e Ramës botojnë porositë e Linda Ramës nga një autointervistë e saj.
Shprehte “keqardhjen” për shtëpitë e prishura në Theth, por në mungesë të ambasadores së SHBA në Tiranë, u bënte të qartë malokëve të Thethit se nuk mund të ndërtoni pa leje.

A thua se kjo gruaja dhe burri i saj nuk ndërtojnë pa leje prej dekadash. Madje edhe dhe kulla pa leje në mes Tiranës.

Më epikja ishte verdikti i kësaj sovraneje nga morali, kundër deputetëve të opozitës që denoncuan milionat që merr gjoja për të kontrolluar qeverinë e burrit të saj.

Duhej tu vijë turp thoshte për gratë deputete të opozitës, kjo grua që i jep të drejtën vetes edhe të diktojë nëse duhet denoncuar babëzia e saj ne gjithçka.

Së fundi ka hyrë edhe në media me portale e duke paracaktuar drejtuesen e TV publik, si shpërblim ndaj fletërrufesë së saj kundër deputetëve të opozitës që denoncuan Linditën.

Tani këto zonjat e opozitës që janë sulmuar nga Lindita Rama, se paku mund të përdorin GPT, që mos të reagojë Doris Pack para tyre!

08/21/2025

Deputetja e Partisë Demokratike, Jorida Tabaku, ka shprehur shqetësimet e saj mbi procesin e integrimit evropian të Shqipërisë. E ftuar në News24, Tabaku theksoi se veprimet me forcë nga ana e qeverisë cënojnë rrugën drejt BE-së.

“Tendenca për të treguar forcën nga ana e qeverisë është e rrezikshme për integrimin evropian të Shqipërisë. Tregimi i forcës me policinë e ushtrinë është problematik. Shoh një tendencë për të vendosur dhunën përmes ligjit dhe jo përmes zbatimit të ligjit,” tha Tabaku.
Deputetja shprehu shqetësim edhe për ndryshimet ligjore të fundit:

“Kam parë me shqetësim të madh ndryshimin e Kodit Penal, ndryshimin e akuzës për korrupsionin, ligjin për zonat e mbrojtura, etj, vetëm sepse nuk i pëlqejnë dikujt. Kjo nuk është Shqipëria e vitit 2025 dhe as Shqipëria evropiane,” u shpreh ajo.

Tabaku theksoi se vendit nuk i duhen ligje të shumta të miratuara në nxitim, por reforma të thella në thelb:

“Na duhet balanca e pushtetit, kontrolli i institucioneve, një parlament i fortë, institucione që kërkojnë llogari. Kjo është ajo që ka më shumë rëndësi në këtë fazë të hapjes së negociatave të integrimit.”

Duke e lidhur me zhvillimet ndërkombëtare, ajo theksoi se zgjerimi i BE-së është kthyer në çështje sigurie pas agresionit rus ndaj Ukrainës, por kjo nuk duhet të bëhet justifikim për të fshehur problemet e brendshme të Shqipërisë.

08/21/2025

Në selinë e Partisë Demokratike është zhvilluar një takim mes Sekretarit të Përgjithshëm të Partisë së Lirisë, Tedi Blushi, dhe Sekretarit të Përgjithshëm të PD-së, Flamur Noka.

Takimi, që mësohet se zgjati mbi dy orë, u përqendrua tek aksioni opozitar i paralajmëruar për muajin shtator, si në Kuvend ashtu edhe në terren.

Burime bëjnë të ditur se në qendër të diskutimeve kanë qenë lëvizjet e përbashkëta të opozitës, koordinimi mes PD-së dhe PL-së, si dhe masat që do të ndërmerren në kuadër të nismave parlamentare.

Gjithashtu, është folur edhe për mundësinë e rinisjes së protestave kombëtare, të cila janë paralajmëruar më herët edhe nga kreu i PD-së, Sali Berisha.

08/21/2025

Nga Artan Fuga

Vendosja e një takse shtesë për shtëpitë dhe apartamentet dytësore ka vend për disa komente, besoj.

Shtesa e një takse nuk është kaq e thjeshtë. Shekuj më parë të shtoje pak taksën për kripën, apo për kanellën, bëhej nami! Përmbysej gjysma e Evropës. Por, ata ishin bujkrobër, kishin sedër, ne jemi qytetarë, nuk merremi me punë taksash.

Ne bëjmë skulptura se Koçi i Teto Sofkës!

Edhe kur atë e bënin mbretër që edhe njerëzit i kishin pronë të tyre. Jo më në një demokraci kaq të zhvilluar sikurse jemi ne!

Duket se kjo taksa e banesës së dytë është një masë popullore. Sikur me të preken vetëm manjatët e ndërtimeve, ata që kanë nga pesëdhjetë apartamente, apo disa shtëpi ku katet e nëdheshme janë disa herë më të mëdha sa katet që duken mbi tokë.

Por, kjo është një iluzion. Imagjinoni sa shtresa popullore kanë lënë shtëpitë e tyre në fshatrat dhe qytetet e lindjes dhe kanë ardhur në qytete më të mëdha ose në Tiranë. Tani ata do të duhet të përballojnë një taksë shtesë. Do të goditen në xhep edhe emigrantët që pasi kanë lënë shtëpitë e tyre në fshatra, kanë blerë -me lekë djerse nga një apartament në një qytet më të madh për ta pasur.

Cfarë do të bëjnë këta? Do t’i shesin a t’i prishin shtëpitë në zonat rurale? A nuk do të çojë kjo një në braktisje edhe më të madhe të këtyre zonave periferike dhe një boshatisje tjetër më të dhimbshme?

Dikush do të thotë, e po edhe në Evropë ka taksa plus për banesën e dytë. Patjetër. Puna është se kur duam t’i ngarkojmë barra të tjera qytetarëve shohim nga Evropa, por nuk shohim çfarë lehtësirash krijon ajo për evropianët! Mos harrojmë se në Evropë ka masa që taksa e shtëpive për ata që kanë të ardhura të pakta ose me statuse të veçanta nuk ekziston fare, ose reduktohet në madhëszi simbolike.

Mua më duket se është pak e pakuptueshme që kjo taksë u dashka që të shtohet buxheti i pushtetit lokal ku njerëzit kanë banesa të dyta, ta zemë në zona turistike!!!

Shumë mirë. Atëherë le të përgjysmohet taksa për banesën kryesore dhe pjesa e dytë e mbetur e asaj takse të përdoret për të paguar taksën e banesës së dytë. Në këtë mënyrë edhe dora nuk futet në xhepin e qytetarit, edhe një pjesë e flukseve financiare rishpërndahet duke shkuar për shembull edhe drejt zonave bregdetare.

Se normalisht qytetarët që kanë banesë të dytë në këtë zona, i sjellin tashmë fitime pushteteve lokale edhe pa këtë taksë. Se ata atje pinë, hanë, paguajnë për ujin, energjinë, etj. Më duan?

Aq më shumë që kjo taksë nuk ka përse të mbushë buxhete bashkish në faliment. Nuk trajtohet kështu çështja. Paratë e taksave janë për t’ju kthyer përsëri qytetarit, me rrugë të mira, trotuare, pemë, gjelbërim, etj. Pra, nuk është të paguhet taksa për të nxjerrë bashkinë nga falimenti që vjen nga shpenzime krejt të pamonitoruara nga qytetari, por që ato lekë të kthehen në formë shërbimesh dhe investimesh për qytetarin.

Ajo më e rëndësishmja, më djegësja, më cimbisësja, është se taksimi i popullsisë ka një “kundërtaksë” : Kush paguan taksë në një territor, duhet të ketë të gjitha të drejtat në atë territor. Pra të konsiderohet si qytetar me të drejta të plota atje. Duhet të ketë të drejtë të shfrytëzojë spitalin ambulancat, të çojë fëmijët në shkollë, të marrë rambursime sociale nëse plotëson kushtet, dhe mbi të gjitha, mbi të gjitha fare :

të ketë të drejtë” të votojë atje!

Si? Të votojë në dy vende? – do të thoshte ndonjë kokëbosh? Edhe ku ka banesën kryesore edhe ku ka banesën dytësore apo pronën?

Po, patjetër! Të ketë të drejtën të votojë ku të dojë, një herë do të votojë, por atje ku do ai. Në fillim të çdo viti ai përcakton se ku do të votojë.

Ndërkaq qytetar i asaj lagjeje, i atij fshati, i asaj zone bregdetare, i atij qyteti ai është. Pra, duhet të ketë të drejtën të jetë i rregjistruar në gjendjen civile atje.

Dakord? Doni Evropën? Doni taksë për banesën e dytë? Hallall! Por, Evropa kështu e ka!

Madje edhe shtetasit e huaj, ardhur nga një vendi por që banojnë atje, pa qenë qytetarë atje, kanë të drejtë të votojnë për pushtetin lokal.

Përndryshe ku e di ai që paguan taksë për banesën se paratë e tij nuk do të bëhen rrush e kumbulla, nuk do të shkojnë për të blerë gjela deti, pjekur, bakllava, pilaf dhe ngrënë për vit të ri?

Si? Dikush që në banesën e dytë qendron ta zemë vetëm një muaj në vit u dashka të paguajë taksa sa ai që është qytetar me banim të përhershëm atje?

Pse njësoj e përdorin rrugën, trotuaret, stolat, njësoj i konsumojnë tubat e ujit, e ndosin mjedisin, pra njësoj sjellin shpenzime për pushtetin lokal si ata që jetojnë gjithë kohën atje?

Mirë taksa shtesë, por nuk ka të drejtë qytetari që me pushtetin 6lokal të nënshkruajë çdo vit një kontratë se ku do të shpenzohet taksa plus e banesës së dytë?

Ku ka kështu? Jep lekë dhe ik fshi buzët!

Nuk ke asnjë këshilltar që të përfaqëson, se ti nuk ke të drejtë vote atje! Je skllav!

Të paguash taksa, pa të drejtë votimi, pra pa të drejtë statusi qytetar, për të kontrolluar ata që e përdorin atë, kjo e dini çfarë është?

Edhe nëse e pranon pa thënë një fjalë një deputet apo këshilltar opozite në pushtetin lokal, edhe ai apo ajo nuk ka degraduar kështu veçse një gjendje dhe mendësi skllavi!

08/21/2025

Gazetari Klodian Tomorri ka komentuar zhdukjen e ish-zv/drejtorit të AKSHI-t, Daniel Shima. Me një reagim në profilin e tij, Tomorri shkruan se, ky është një zhvillim i kobshëm në Shqipëri, rrëmbim që bën shtetin palë.

‘Unë uroj shumë që ish zv/drejtori i AKSHI-t ta ketë inskenuar vetë zhdukjen dhe të ketë ikur. Ky do të ishte një lajm shumë i mirë për Shqipërinë.

Por nëse është varianti tjetër, ai që e kanë rrëmbyer, ky është një nga zhvillimet më të kobshme në historinë e Shqipërisë, ne 100 vitet e fundit.

Kjo e bën Shqipërinë zyrtarisht një shtet të mirëfilltë mafioz.

Sepse këtu nuk kemi të bëjmë me rrëmbime bandash, që qërojnë hesapet e drogës me njëra me tjetrën.

Ky është një natyrë tjetër rrëmbimi, që bën shtetin palë, në një formë ose tjetër’, shkruan Klodian Tomorri në reagimin e tij.

08/21/2025

“Ata që ndezin zjarre duhet të marrin dënimin më të rëndë që parashikon ligji” – u shfaq kryeministri përballë një kronike televizive të Syri.tv, ndërsa Delvina, qyteti im, po digjej.

Tek ky prononcim të vetëm, me gjithçka të gënjeshtërt brenda, ai që mban përgjegjësinë kryesore për zjarret që kanë pushtuar Shqipërinë, sheh fillimin dhe fundin e zgjidhjes.

Zjarret, fatkeqësitë natyrore, dramat spitalore, braktisja e vendit, zbrazja e fshatrave dhe 1001 probleme të tjera janë episode pa asnjë vlerë për të, nuk i krijojnë asnjë ndjeshmëri sociale si kryeministër, pa le më si njeri “sociologjik”.
Tani që grabiti votat dhe në mendjen e tij është siguruar edhe për një mandat 4-vjeçar, e gjen veten të futur në shpellën e mafies, duke vazhduar bisedimet e mëtejshme mbi obsesionin e kullave.

Në thelb, ai ka një jetë paralele me projekte futuriste, të cilat nuk kanë asnjë lidhje me hallet dhe fatkeqësitë e shqiptarëve.
Nuk gjen justifikim më bajat se ky, i cili duket hapur që është plotësisht në rangun e gënjeshtrës.

Sepse nuk është zjarrvënia halli i hallit të krizës së madhe të zjarreve, por keqqeverisja.
Kjo që thotë kryeministri është marifeti i tij i radhës, ku përpiqet që t’ua kalojë si gjithmonë problemet e keqqeverisjes së tij të tjerëve.

Natyrisht, që zjarret janë problem, edhe nga ata njerëz që i ndezin. Por kjo është ku e ku me përgjegjësinë kryesore për menaxhimin e tyre.
Sepse fillimisht, ai duhet të mendonte e të organizonte parandalimin e tyre.

Ndryshimet klimatike janë një problem serioz, por në diskutimet shkencore nuk ka konsensus se toka po ngrohet vetëm nga dora e njeriut.
Toka është ngrohur, është ftohur dhe përsëri është ngrohur, duke përvijuar cikle klimatike me periudha ndoshta 100-vjeçare.
Njerëzit në historinë e njerëzimit janë mësuar edhe me kushte më armiqësore, me vapën dhe temperaturat e këtij viti ose këtij 50-vjeçari, dhe kanë bashkëjetuar si fitimtarë me forcat e verbra të natyrës.

Temperatura të larta ka pasur edhe më parë dhe relativiteti i shifrave shkencore nuk të çliron nga përgjegjësia personale dhe shtetërore që ka kryeministri me avionin personal “Ismaili”, që bredh me udhëtime javë të tëra nëpër Europë ose nëpër botë.
Klima, me ndryshime të vogla, ka qenë kjo që është, me temperatura të larta verore të cilat nuk ia bënë papritur për t’u hakmarrë ndaj pushtetit të tij.

Madje kujtoj në adoleshencën time, se në vitin 1972 në Çiflik të Konispolit u regjistrua temperatura 42 gradë në hije. Regjimi i diktaturës ishte ai që dimë, por ndryshe nga regjimi i Ramës diktator sot, të paktën zjarret i kishte bërë zap.
Kishte një organizim, i cili edhe pse mbështetej në disiplinën e keqe të atij regjimi, nuk i la kurrë këto fatkeqësi natyrore në rënie të lirë.

Ta shikosh burimin e kësaj fatkeqësie historike që po ndodh sot në Shqipëri vetëm tek dy njerëz pa ndërgjegje, që venë diku zjarre, është të fshihesh pas gishtit.
As tek vapa nuk mund ta gjesh, as tek terreni. Por burimi i zjarrit mund të ketë arsye të shumta – nga shkaqet natyrore deri te pakujdesia.
Dhe për të gjitha këto shkaqe, duke përfshirë edhe parandalimin, në krye të përgjegjësisë qëndron qeveria.

Shteti e ka për detyrë që t’i përballojë sulmet agresive të natyrës. Kjo nuk ka nevojë të përsëritet dhe aq më shumë të kapërcehet situata me gënjeshtra.
Po pse duhen bërë ca llogari për blerjen e avionëve – siç thotë kreu i qeverisë?!
E dimë: e ka fjalën për lekët, i ziu, që i pëlqejnë aq shumë. Por për lekët e xhepit të vet, jo për lekët e të tjerëve.

Po ku ka pyetur ai për llogaritë – se ku shkon, çfarë bën, me çfarë udhëton. Nga i merr lekët për udhëtimet e tij të pafundme, etj?
Ndërsa për të blerë dy-tre avionë për shuarje zjarresh që kushtojnë disa herë më pak se një helikopter, dridhet e përdridhet. Lekët, doemos, i duhen për paktet e fëlliqura me oligarkët.
Sepse është pasuria e popullit që digjet, dhe pasuria e popullit – gjithashtu edhe jeta e popullit – është një shqelm në arrogancën e këmbëve të pushtetit të tij të grabitur.

Kryetari i regjimit e ekzagjeron çdo gjë qëllimisht për fuqinë shkatërruese të nxehtësisë dhe pranon fatalitetin.
Të njëjtin qëndrim justifikues ka mbajtur edhe ndaj shpërthimeve të tjera të verbra të natyrës, po të kemi parasysh këtu fatkeqësinë e tërmetit, përmbytjet e herëpashershme në çdo skaj të Shqipërisë, fatkeqësinë e pandemisë Covid-19 apo çdo surprizë tjetër sfiduese të natyrës.

Keqardhje e pakufishme për çfarë kemi parë dhe për atë që po ndodh me zjarret në Delvinë dhe me gjithçka tjetër që lidhet me flakët në Shqipërinë e sotme.
Nuk e kishim shkuar kurrën e kurrës ndër mend se do bëheshim dëshmitarë që të na pushtonin flakët nga çdo anë.
Mund të digjet një shtëpi, një kala, një kompleks historik nga pakujdesia, por edhe nga papërgatitja përballë agresivitetit të natyrës. Por jo të rrethohet një qytet i tërë si Delvina nga flakët.

Ku i ka patronazhistët dhe ushtrinë prej 224 mijë personash të administratës?!
Supozoj që, në stilin e tij mafioz, iu ka shkelur syrin vartësve për t’iu dhënë leje shpërblyese pas betejës kriminale që bënë së bashku për rrëmbimin e mandatit të katërt.

Manipulatori që sot po drejton, sigurisht, do ta gjejë shkakun si gjithmonë te temperaturat... Por në sytë e së vërtetës është ai, me regjimin e tij, që po e djeg Shqipërinë dhe po tmerron njerëzit për t’u larguar një nga një nga ky vend.
Edhe ata që po vuajnë sot, në fakt, janë disi fajtorë për veten e tyre, por edhe për të gjithë ne të tjerët. Ai votat i vodhi, por edhe e votuan. Disa njerëz, sipas meje, janë skllavëruar në batakun e ideologjisë.

Përgjegjësia e qeverisjes për të nuk imagjinohet të dalë përtej kornizës së shkarravinave të tij të përziera, të cilat me gjenialitetin e së keqes që ka brenda qenies së tij, çfarëdo që të ndodhë, me papërgjegjshmëri dhe pandjeshmëri çnjerëzore, e zbukuron, e transformon, duke e shpënë në Bruksel apo diku tjetër, me kanavacën e tij shqiptare që nuk ka lënë vend pa e varur e pa e tundur.

Kjo është filozofia dhe shpirti i regjimit, por edhe drama jonë historike.

08/21/2025

Lideri i PD-së Sali Berisha ka reaguar lidhur me zhdukjen e ish-zv/drejtorit të AKSHI-t, Daniel Shima. Në një postim në facebook Berisha poston pjesë nga intervista që Arben Ahmetaj ka dhënë për gazetarin Çim Peka, në Syri Tv një vit më parë, ku dëshmon se ai ishte kërcënuar nga Rama për të mbyllur gojën.

“Daniel Shima është tek Rama në Surrel!” shkruan Berisha në postimin e tij

Më 29 korrik 2024 ish-zv.kryeministri Arben Ahmetaj në një intervistë për Syri Tv, me gazetarin Çim Peka

"AKSHI është tmerr. Danieli është kërcënuar. Tani ata që e kuptojnë e dinë shumë mirë që të mbylli gojën. Danieli është kërcënuar nga vetë kryeministri që të mbyllë gojën. Le të dalë e të bëjë batuta, jo tha..." deklaroi atëherë Ahmetaj.

Çfarë tha policia?
‘Më datë 20.08.2025, rreth orës 17:00, në Komisariatin e Policisë Nr. 1 është paraqitur shtetasja M. Sh., e cila ka kallëzuar se ditën e sotme ka humbur kontaktet me djalin e saj, shtetasin D. Sh., 34 vjeç. Shërbimet e Policisë po punojnë për sqarimin e rrethanave të rastit dhe për gjetjen e tij’, informon policia e Tiranës.

08/21/2025

Presidenti Trump duhet përgëzuar për përpjekjen për të gjetur një zgjidhje diplomatike për konfliktin mes Ukrainës dhe Rusisë, i cili ka kushtuar mbi një milion jetë

Nga Mark Penn, FOX NEWS

Titujt mbuluan faqet kryesore të lajmeve. Trump kërkon lëshime për rusët. Presidenti Donald Trump nuk fitoi asgjë nga samiti në Alaskë. Trump i jep fitoren Putinit. Liderët europianë po vijnë të joshin Trump-in.

Një titull pas tjetrit që përçmonin presidentin dhe përpjekjen e tij për të bashkuar fuqitë botërore për paqe në Ukrainë. Analistët e lajmeve arritën të gjenin një këndvështrim negativ për çdo aspekt të këtyre negociatave.

Realiteti është qartësisht ndryshe, dhe titujt do të ishin krejt të tjerë po të ishte ndonjë president tjetër. Imagjinoni sikur presidenti Barack Obama, fitues i Çmimit Nobel për Paqe, të kishte realizuar takime me të gjitha palët ndërluftuese, drejtpërdrejt dhe në kohë rekord. Titujt do të ishin plot me admirim, ndoshta duke kërkuar një çmim të dytë Nobel.

Por kjo nuk ndodhi. Në fakt, presidenti Obama qëndroi pasiv ndërsa Rusia pushtonte Krimenë në mars 2014 – që ishte në të vërtetë fillimi i problemit. “Rifillimi” i marrëdhënieve me Rusinë nuk ndodhi kurrë. Vijat e kuqe u kapërcyen pa pasoja, ndërsa fuqia parandaluese amerikane u zbeh.

Siç e ka thënë vetë Presidenti Trump, këto përpjekje mund të dështojnë nëse Putini nuk është i gatshëm të përfundojë luftën, por përpjekja që po ndërmerret në nivelet më të larta është pa precedent. Presidenti Joe Biden mezi arriti të marrë pjesë në takimet e G7-ës dhe u kap duke humbur në hapësirë gjatë fotove zyrtare.

Presidenti i mëparshëm nuk ishte i aftë për diplomacinë direkte në nivele të larta, e nevojshme për të zgjidhur situata të ndërlikuara botërore, dhe SHBA ishte realisht në rrezik për shkak të këtij vakuumi dhe mbështetjes te ndihmësit, në vend të liderit vetë. Rreziku real nga fshehja e gjendjes shëndetësore të presidentit të kaluar nuk qëndronte tek politika e brendshme, por në paaftësinë që i shkaktoi SHBA-së në çështjet ndërkombëtare.

Krahasojeni këtë me situatën e sotme: Trump po zhvillon takime dhe nxit bisedime që zakonisht kërkojnë muaj apo vite për t’u organizuar. Ai i ka realizuar brenda pak ditësh.

Liderët evropianë lanë gjithçka kishin në axhendë për të shkuar në Shtëpinë e Bardhë të hënën, për një takim aleatësh të tillë që nuk është parë ndonjëherë më parë. Dhe kjo ndodh në një kohë kur vazhdohet të thuhet se Trump e ka dëmtuar aleancën evropiane.

Megjithatë, presidenti ka arritur të realizojë si një marrëveshje tregtare, ashtu edhe negociata pan-evropiane brenda vetëm disa muajsh. Kur arriti në një pikë të caktuar, thjesht i telefonoi Putinit – një skenë që mund të ishte marrë nga filmi “Dr. Strangelove”. Bisedë direkte, lider me lider.

Trump mund të ketë ose jo sukses këtu, por ai i ka bërë të gjitha palët të flasin për mënyrën se si mund të përfundojë një luftë që ka qenë në ngërç prej vitesh – një luftë që ka kushtuar mbi një milion jetë. Në vend që të hidhte financime i vetëm për këtë problem, siç bëri administrata e kaluar, Trump ka vënë në lojë presidencën e tij dhe Amerikën për të gjetur një zgjidhje jashtë fushëbetejës.

Kjo është në traditën më të mirë të asaj që Amerika mund dhe duhet të bëjë si udhëheqëse e botës së lirë. “America First” nuk duhet të nënkuptojë kurrë lejimin që bota të dalë jashtë kontrollit dhe të përfshihet në konflikte të pafundme.

Unë gjithmonë them se diplomacia është të bindësh njerëzit të bëjnë gjëra që nuk duan t’i bëjnë – pa armë. Dhe në këtë aspekt, Trump po praktikon qartësisht artin e hollë të diplomacisë, dhe si media ashtu edhe vendi duhet të mbështesin suksesin e tij, jo të analizojnë çdo lëvizje për ta kritikuar.

Kjo është ajo që po e mban vendin tonë më të përçarë sesa duhet – kur njëra palë bën diçka që është qartazi pozitive, si përpjekja për të zgjidhur luftën më të madhe në botë, titujt e lajmeve duhet ta pasqyrojnë këtë përpjekje, pavarësisht nga përkatësia politike.

08/20/2025

Deputeti i zgjedhur i PD-së në Lezhë, Gjin Gjoni ka akuzuar Edi Ramën se, thuajse të gjitha urat që lidhin Shkodrën e Lezhën me Tiranën janë në shembje. Sipas Gjonit, Edi Rama i dhuron veriut vetëm trarë me pagesë, e jo zgjidhje të tjera.

‘Mbyllja e urës së Milotit në kulmin e sezonit turistik solli kaos në trafik, kolaps të lëvizjes në aksin Milot–Lezhë dhe humbje të mëdha financiare për sipërmarrësit nga Shëngjini në Velipojë.

Ura mund të ishte bllokuar në shtator, por u zgjodh muaji korrik, duke i bërë një tjetër goditje pushuesve dhe ekonomisë së veriut, ndërsa Ura e Zogut, monument kulture, ka mbetur e braktisur prej vitesh, pasi investimi i nisur për shpëtimin e saj nuk dha asnjë zgjidhje.

Po ashtu rrezikon mbylljen edhe ura e Rubikut, e amortizuar nga dekada mungesë ndërhyrjesh, ndërkohë që çdo ditë mbingarkohet me automjete të tonazhit të rëndë që shfrytëzojnë pasuritë e zonës.

Nëse edhe kjo del jashtë funksioni, nga katër ura që lidhin veriun me Tiranën, në funksion mbetet vetëm ura e Berlusconit. Kjo është katastrofë infrastrukturore për qarkun Lezhë dhe Shkodër!

Ky është realiteti i qeverisjes së Edi Ramës: mashtrim dhe propagandë. Heshtja përballë këtij diskriminimi nuk është zgjidhje, protestat dhe përballja janë e vetmja alternativë.’ Shkruan Gjin Gjoni në Facebook.

© SYRI.net

08/20/2025

Është raportuar se biznesmeni dhe botuesi i disa mediave, Irfan Hysenbelliu, është kërcënuar me jetë.

Televizioni informativ që ai drejton, News24 që u rikthye në transmetim 10 ditë pasi Edi Rama i ndërpreu sinjalin, bën me dije se Hysenbelliu dhe familjarët e tij janë kërcënuar me jetë nga një person, të cilin emisionet investigative të tij e kanë denoncuar për korrupsion, por nuk japin më tepër detaje se kush është personazhi në fjalë.

‘Botuesi i News24 dhe Panorama Grup së bashku me familjarë të tij, janë kërcënuar me jetë nga një prej personazheve të denoncuar më herët për afera të dyshuara korruptive nga emisionet investigative në News24’, thonë mediat e Hysenbelliut.

Sipas mediave të Hysenbelliut, kërcënuesi raportohet se ka lidhje të ngushta me nivele të larta të qeverisjes.

Po ashtu, bëhet me dije se avokatët e familjes do të ndjekin të gjitha procedurat ligjore, duke depozituar edhe provat përkatëse që provojnë kanosjen.

Zëri jonë.USA

08/21/2025

08/21/2025

08/21/2025

08/21/2025

08/21/2025

08/21/2025

08/21/2025

08/21/2025

08/21/2025

08/21/2025

08/20/2025

08/20/2025

Address

Website

Alerts

Contact The Business

Shortcuts

Share

Category