Kalika FM

04/11/2025

04/11/2025

धान काट्दै किसान
तनहुँको म्याग्दे गाउँपालिका–४ स्थित छबिसेफाँटमा धान काट्दै किसान । मौसम सुधार भएसँगै अहिले धान काट्न किसानलाई चटारो छ ।
तस्बिर मिला दरै रासस

04/11/2025

बदामखेती
कञ्चनपुरको शुक्लाफाँटा नगरपालिका–३ का किसान खेतवारीमा लगाईएको बदाम खन्दै । यस क्षेत्रका किसानले नदी तटीय क्षेत्रको जग्गामा बदामको व्यावसायीक खेती गर्दै आएका छन ।
तस्बिर राजेन्द्रप्रसाद पनेरु/ रासस

04/11/2025

मुस्ताङको स्याङगाउँ र हिमशृङ्खला
मुस्ताङको घरपझोङ गाउँपालिका-३ स्थित पर्यटकीय स्याङगाउँ, पृष्ठभूमिमा निलगिरि र तिलिचो हिमशृङ्खला । पछिल्लो एक दशकयता स्याङगाउँलाई व्यवस्थित होमस्टेको रूपमा बिकास गर्दै लागिएको छ ।
तस्बिर: सुशीलबाबु थकाली / रासस

04/11/2025

जनताको मतमा हाम्रो प्रश्न छ ।
निर्वाचनमार्फत देशको नेतृत्व लिएर अघि बढ्ने तयारी गर्न जेनजीहरुलाई पूर्वप्रधानमन्त्री भट्टराईको सुझाव तपाईलाई कस्तो लाग्यो ?

यो प्रश्नमा आफ्नो मत ब्यक्त गर्न कालिका एफएमको आधिकारीक फेसबुक पेजमा राखिएको स्टाटसमा कमेण्ट गर्न सक्नुहुनेछ भने ट्विटर, वाट्स एप र भाईवरबाट लिखित प्रतिकृया जनाउन सक्नुहुनेछ ।

यसै प्रश्नमा आफ्नो आवाज सहितको प्रतिकृया राख्न ०५६–५१७१५८ मा सम्पर्क गर्न सक्नुहुनेछ। तपाईहरुको उत्कृष्ट प्रतिकृया प्रत्येक दिन राति ८ बजेको कालिका न्युज एक्सप्रेस र बिहान १० बजेको कालिका हाईलाईट्समा प्रशारण गरिनेछ ।

04/11/2025

बङ्गलादेशका दुग्ध उत्पादक किसान चितवनमा

चितवन, १८ कात्तिकः जिल्लाको दुग्ध उत्पादन, प्रशोधन र बजारीकरणका विषयमा जानकारी लिन बङ्गलादेशका दुग्ध उत्पादक किसानहरू यहाँ आएका छन् । बङ्गलादेशका दुग्ध उत्पादक किसान मनरुप इस्लामका नेतृत्वमा आएको १७ सदस्यीय टोलीले आज यहाँका दुग्ध उत्वपादक सहकारी उद्योग, गाई फार्महरूको अवलोकन गर्नेछ । उनीहरूले सोमबार जिल्लामा भएको दुग्ध उत्पादन र यहाँको अवस्थाका बारेमा जिल्ला दुग्ध उत्पादक सहकारी सङ्घसँग छलफल गरेका थिए ।

सङ्घका चितवन अध्यक्ष किशोर बगालेका अनुसार उनीहरुले यहाँ दूध उत्पादनको अवस्था, वितरण प्रणाली, दुग्ध उत्पादक किसानको अवस्थाबारे जानकारी लिएका हुन् । उहाँले भन्नुभयो, “दुई देशका किसानले कसरी दूध उत्पादन गर्दै आएका छन् र त्यसको बजारीकरण कसरी भइरहेको छ भन्ने विषयमा ज्ञान आदानप्रदान गरियो ।” अध्यक्ष बगालेले जिल्लामा भएको असल पशुपालन अभ्यास, उन्नत नश्लका गाईहरू ल्याउने क्रमलगायतका बिषयमा जानकारी दिनुभएको थियो ।

बङ्गलादेशी टोलीले पनि दूध उत्पादन, प्रशोधन र वितरणका विषयमा भएको प्रगतिका विषयमा जानकारी गराएको थियो । सो टोलीले आज नवलपरासीमा समेत अध्ययन गरेर बुधबार काठमाडौँ फर्कने कार्यक्रम रहेको छ ।

04/11/2025

वर्षाले धानबालीमा क्षति भएपछि किसान चिन्तित

चन्द्रपुर (रौतहट), १८ कात्तिक : गत असोजको अविरल वर्षापछि रौतहटको बकैया नदी र बागमती नदीले बाँध कटान गरेर पसेको बाढीले धानबालीमा क्षतिको आँकलन सार्वजनिक भएको छ । कृषि ज्ञान केन्द्रका अनुसार गत असोज १७ देखि १९ गतेसम्म आएको अविरल वर्षाको बाढीले जिल्लामा १७ हजार ६३८ हेक्टर खेतमा लगाएको धानबालीमा क्षति पुर्याएको छ ।

जिल्लामा बाढीले १७ हजार ६३८ हेक्टर खेतको धानबाली, एक हजार ८०४ हेक्टर क्षेत्रफलको उखुबाली, छ सय ८५ हेक्टरको तरकारी, चार सय सात हेक्टरको फलफूलबाली र पाँच सय हेक्टर अन्य बालीमा क्षति पुर्याएको कृषि ज्ञान केन्द्रका निमित्त कार्यालय प्रमुख सुरेन्द्रप्रसाद कुर्मीले जानकारी दिनुभयो ।

जिल्लाका १८ वटै पालिकासँग समन्वय गरेर क्षतिको विवरण सङ्कलन गरिएको उहाँले बताउनुभयो । बाढीले सबैभन्दा बढी राजदेवी, परोहा, राजपुर, माधव नारायण, गढीमाई, इशनाथ, मौलापुर नगरपालिका र दुर्गाभगवती गाउँपालिकालगायतमा क्षति पुर्याएको उहाँले जानकारी दिनुभयो ।

क्षतिको विवरण जिल्ला प्रशासन कार्यालयलाई बुझाइसकेको र राहतका लागि कुरा भइरहेको उहाँले जानकारी दिनुभयो । जिल्लाको करिब ५१ हजार हेक्टर धानखेतीयोग्य जमिनमध्ये ३८ हजार ५०० हेक्टरमा धानबाली लगाइएकामा बाढीले एक हजार ६३८ हेक्टर खेतको धानबालीमा क्षति पुर्याएको उहाँको भनाइ छ ।

जिल्लामा ७४ हजार मेट्रिक टन धान उत्पादन घट्ने अनुमान गरिएकोे छ । यसैबीच दुर्गा भगवती गाउँपालिकाका अध्यक्ष शम्भु सिंहले किसानले पाउनुपर्ने राहत रकम चाँडोभन्दा चाँडो उपलब्ध गराउन माग गर्नुभएको छ । बाढीले रौतहटका करिब साढे चार सय घरपरिवार विस्थापित भएका थिए ।

त्यसैगरी, पछिल्लोपटक आएको वर्षाले धानबालीमा क्षति पुर्याएको छ । भित्र्याउने बेलाको धान वर्षाले भिजाएपछि किसान चिन्तित बनेका हुन् । वर्षाले किसानले धान भित्र्याउन नपाएको बृन्दावन– १ का किसान शिवमङ्गल पटेलले गुनासो गर्नुभयो । खेतमा काटेर राखेको धान सबै वर्षाले डुबाएको छ ।

04/11/2025

यूएस बोर्डर पाट्रोलका एजेण्टहरूले ३ नोभेम्बर २०२५ मा ह्याम्पशायर, इलिनोइसमा ट्रक स्टपमा आप्रवासन नियम लागू गर्ने अभियानका क्रममा एक ट्रक चालकलाई नियन्त्रणमा लिएका छन्।
(फोटो/एरिन हूली)

04/11/2025

उत्तर कोरियाली नेता किम जोंग उन एक सैन्य परेडको क्रममा हात हल्लाउँदै । त्यही समयमा किम योंग नाम (तेस्रो बायाँ), चोए र्योंग हे (दोस्रो बायाँ) र प्याक पोंग जू (मध्य) तालि बजाउँदै छन्।
(फोटो/वोङ मे-ई)

04/11/2025

बिहानै यमुना नदीको किनारमा डुंगा वरिपरि उड्दै आएका प्रवासी चराहरूलाई खाना खुवाउँदै छन्।
(फोटो/ राजेश कुमार सिंह)

04/11/2025

धानबाली
नेपाल कृषि अनुसन्धान परिषद् क्षेत्रीय कृषि अनुसन्धान केन्द्र परवानीपुर, बारामा पाक्न लागेको धानबाली ।
तस्बिर: हिमाल लम्साल / रासस

04/11/2025

पन्ध्र शय्याको बागलुङ नगर अस्पतालमा दुई मेडिकल अधिकृत
(समाचार कमेन्टमा)