06/10/2025
Personal Realization :
Usahay mangandoy ta’g nindot nga butang diri sa kalibutan, nindot nga balay, sakyanan, ug mga bahandi. Pero inig-abot sa mga kalamidad, bisan pa og lig-on nga balay o mga high-tech nga gamit, mahimo ra gyud nga mawala sa usa ka igpamilok. Bisan unsa ka tibay sa atong pinuy-anan, dili kini makahatag og tinuod nga proteksyon ug kasigurohan sa kinabuhi. Ug bisan unsa kadaghan sa atong mga kabtangan, walay garantiya nga magpabilin kini kanato.
Tinuod, mura’g makapamalandong ug medyo "preachy," pero mao gyud ni. Mas maayo gyud nga atong i-secure ang atong kinabuhi diha sa Ginoo pinaagi sa Iyang mga pamaagi, dili lang sa atong kaugalingong kabubut-on. Kay ang kinabuhi nato dali ra kaayo, pwede naa ta karon, ug pwede pud nga mawala ta ugma. Apan ang Ginoo nagtanyag og tinuod nga kasigurohan: ang kinabuhing walay katapusan. Kadtong motuo ug mosalig kang Hesu-Kristo, makabaton og kaluwasan ug makig-uban Niya hangtod sa kahangturan.
Kung aduna pakay gininhawa karon, buot ni Hesus nga modool ka Niya. Bisan lisud ang imong sitwasyon, bisan sakit ang imong mga naagian, dool lang gyud Kaniya kay Siya ang tinuod nga Maghuhupay. Nakabalo Siya sa imong mga gibati, nahibaloan Niya tanan bahin sa imong kinabuhi. Tuguti Siya nga muhatag og kaayuhan sa imong kalag, lawas, ug espiritu.
Padayon kita sa pag-ampo para sa mga biktima sa linog, alang sa mga pamilya nga nagkinahanglan og tabang, ug alang sa mga nagsubo tungod sa pagkawala sa ilang hinigugma. Mag-ampo kita nga makabaton sila og kusog ug kas comfort gikan sa Ginoo niining lisud nga panahon. Og sa atong goberno alang safe og efficient nga tabang sa mga biktima.
In Jesus name. To God be all the Glory!
