15/08/2025
واحد السيد شرا طموبيل جديدة دوبلفي (هيونداي توكسون) العام الاول بانو فيها مشاكل وعيوب
مشا عندهم يديرو معاه حل
قالوليه ديها لواحد كاراج كانعرفوه صايبها عندو
باش يديرو ليه شمس العشية ولكن لقاوه واعي
المهم حكمات المحكمة هاد الأسبوع بفسخ العقد ويرجعوليه فلوسو كاملة 36 مليون ويتحملو جميع المصاريف ديال الدعوة
من بعد ما دارو الخبرة وتأكدو ان الطموبيل فيها مشاكل من المصنع
عندك 3 سنوات ديال الضمان مخاصش تجتاهد راه الطراجي باين
اكتاشفتي ديفوات من المصنع ففترة الضمان
غاتمشي عندهم هاد الطموبيل فيها ديفوات غاتبدلوها بوحدة مافيها تا ديفو
بدلوها مرحبا
يلا تماطلو ولا صدروك شكاية سريعة لوكيل الملك بجميع الأدلة و رزقك غايرجع
يلا اجتاهدتي ومشيتي ديتيها لشي كاراج يتحط فيها ساروت واحد ضربك تران
غايقولوليك لا اخويا هادي لعب فيها الميكانيك ويترفع عليك الضمان
وغايربحوك
⛔️⛔️⛔️
سول قبل ما تشري
