Zomi Congress for Democracy

24/02/2026

20/02/2026

ဇိုမီး အမျိုးသားနေ့ကို ဂုဏ်ပြုသောအားဖြင့် ဇိုမီးတိုင်းရင်းသားတို့၏ ထူးခြားတဲ့ ဝိသေသတစ်ချို့ကို တင်ဆက်ပေးလိုက်ပါတယ်။

20/02/2026

Zomi Nam Ni Hopihna
February 20, 2026

Pu Gin Kam Lian
President
Zomi Congress for Democracy

20/02/2026

K*M 78 CIN ZOMI NAM NI THUSUAH

Nimit: February 20, 2026

1. 1948 Falam khuapi ah anguai puatek in gentheihna pan suahtak nading kamkupna tungtawn in hong piangkhia ahi Zomi Nam Ni k*m 78 hong cingta hi.

2. Gambup haksatna tuamtuamte kantan khit ah Zogam Zomi in suahtakna diktak ngah theih nading lunggulhna tawh makai masa ten Democracy zia tawh siahpiak gentheihna pan hong suahtak pih uh hi.

3. Makai masa ten Panglong khuapi ah gambup buaina tawh kisai mualmite kamkupna pan a manlang pen in suahtak theih nading leh mipite phattuam zawk nading mitsuan in gambup buaina khit ah kalsuanzia ding khentatna na nei uh hi.

4. Makai vaihawm masate mah bangin tulaitak in i tuah gambup, tualsung buainate khit ah bangci kalsuan ding cih ngaihsut kholh huai hi. Hih ngaihsutna ah mipi ten khang kizom suahtakna ngah theih nading leh mipite’ suplebai a tawm thei penpen lampi teel theih ding lunggulh huai mahmah hi.

5. Zomite lung kituak in mapang khawm leng hih haksatna khempeuh Tung Pasian in hong zawhpih in Zogam leitang ah Zomite zing vaihawmna ni hong tunpih pelmawh ding hi.

Central Executive Committee
ZOMI CONGRESS FOR DEMOCRACY PARTY
Headquarters

25/10/2025

The Zomi Political Coordination Council (ZPCC), through its Department of Information and Media, extends heartfelt congratulations and profound respect to the leadership, members, and supporters of…

24/10/2025

The Four Zomi Principles: Pillars of National Development and the Reawakening of a People Abstract The Four Zomi Principles — the use of the name “Zomi”, the establishment of a ge…

24/10/2025

37th Anniversary of ZNC/ZCD Birthday!

24/10/2025

Party K*m 37 Thugenna

Pu Gin Kam Lian
President
Zomi Congress for Democracy

24/10/2025

PARTY K*M 37 CIN THUSUAH

Nimit: October 24, 2025

1. 1988 k*m Zomi National Congress (ZNC/ZCD) party kipat pan hong tonpih in lam hong lak tawntung a nungta PASIAN tungah lungdamna i ko hi. Citak tak in husan bei d**g minam ading mapang makai masate phawkna leh zahtakna i pulak hi.

2. Zomi Congress for Democracy (ZNC/ZCD) party in i tangtut nailoh policy 4 te mitsuan in mainawt ban ah Federal Democracy Gam diktak ading dapphah thu 4 te mualsuahpih zawh nading kihanciam den a, tua lak pan khat ahi Thuguiletpi (Constitution) pen February 12, 2024 in People’s Representative Committee for Federal (PRCF) pan i tangko khia khin hi.

3. 2025, December 28 ni-in kibawl ding kiteelpi ah Zomi Congress for Democracy (ZNC/ZCD) party in i tangko sa ommah bangin PRCF thukhensat zui-in kihel lo hi cih kitheisakkik hang. Gamvai buaina gamvai mah tawh lemtuah nading kamkupna om masa lo-in kibawl ding kiteelpi in kilemna leh daihna piangsak zolo ding hi ci-in ka um uh hi.

4. Mimal, innkuan, behlephung hamphatna kheng a, gam leh minam ading mapang masa i makaite khekhap zui-in lungdeih li bang cin d**g Zomi khatciat kithutuak in pilna, siamna iksit lo khut kilen in mapan khop ding i kihanthawn hi.

Central Executive Committee
ZOMI CONGRESS FOR DEMOCRACY
Headquarters

15/07/2025

Myanmar gam tawh kisai Piantit (France) palai ahi Mr. René CO***LO & Mrs. Yiling HUANG CO***LO te sapna tungtawn in BASTILE DAY (National Day) July 14, 2025 in Novotel Hotel ah Zomi Congress for Democracy (ZNC/ZCD) nuamtak kihel thei hi hang. Hih pawi ah Pu Gin Kam Lian makai a Pu Kam Lam Khup, Pi Cing Ngaih Mang leh Tg. Thang Suan Sian Khai cih teng in uap hi. Embassy dang tuamtuam pan palaite leh gamvai nasem tuamtuamte tawh tulaitak gamvai khuahun luanzia tawh kisai kamkupna zong limci tak kinei khawm hi.@@

13/05/2025

DAHNA

Nimit: May 13, 2025

Zomi National Congress/Zomi Congress for Democracy Party policy pan hoi hetlo in, a nuntakna hu bei d**g minam leh gam ading mapang ahi Pu Zam Khan Suan (K*m 77) in May 12, 2025 in T**A kiang hong zuatsan ahih manin a nusiat sanggam ulenaute tawh kibangin Party i dah mahmah hi.

ZNC kiphuatcil pan kipan thalengal, pilna siamna, hunlenite iksit hetlo in township, state leh central committee te ah citak tak in mapang den Pu Suanno ahi hi. Aituam phattuamna ding peuhmah ngaihsun lo, minam phattuamna ding mitsuatna tawh Zomi aitang in United Nation Special Envoy on Myanmar tawh 12 vei bang kamk*m khawm ngei uh hi. Gam leh minam vai ah muibuntak sepzawh nading lunggulhna in multungmi kipawlna United Nationalities Alliance kiphutkhiatna ah a kihel makai masa khat zong ahi hi. Pu Suanno bangin cihtakna leh veina kopkhawm makai khat’ hong nusiatna in ZNC/ZCD party ah behlap kik theihpak loh ding hemna ahi hi.

Zogam khuakim s*k ciatciat in na vawh khaicite Zomi khangthak na tu na ta ten at pelmawh ding uh hi. Makai masa ten nong sialsak uh tuanglam dungah na khekhap uh mitsuan in lungdeih li bang cin d**g maban kizom toto ding hi.

Thangvan ah dawnbang tuahkik mateng Zal Mangpha maw Pu Suanno!

Zomi Congress for Democracy
Central Executive Committee
Headquarters.

09/04/2025

April 9,2025 ni, 75 vei na ahi India Council for Cultural Relations ( ICCR )pawikhamna ah kihel thei hang. Zangkong India Palai zum aa Excellency Abhay Thakur tawh zong Zogam vai tom kimcing kik*m thei ungh.