Kis vol stories

05/04/2024

Tegwaan - Waterval Boven
24/03/2024

Ritme stap oor klippe trap ,
deur kronkel gang en gras omring..

Tree op tree nader aan voetpad end, elke trap 'n ander vind.. van mot se mooi tot blommeprag.. rooibond tot ligroospienk elk uniek aan God se hand..

By die aalwyn sentinel is die vallei ontbloot.. oopgelê deur ons Skepperhand, getooi in groenwoud kleed elke boom, bos en grashalm se ets verweef tot 'n harmonie van skilderprag..

Silwerblink waterweg inge-ets in die groenbos se prent wat kronkeldeur tot die verste end waar dit verdwyn uit die skilderprag van Vadershand..

Die helderblou hemelweg, ver daarbo, gevul met 'n wattebank van ligruis en wit tot 'n swartgrys plaat wat 'n groot belofte laat.

Stadig verkleur die hemelblou tot skakerings van reënboog pienk en helderpers tot 'n diep oranje van laaste lig.

Dan, meteens drup die vroeë belofte van lewe geleidelik na benee om nuwe lewe te gee aan 'n dorste land.

Ons vaderland, groene land..

02/04/2024

Dit sal altyd so wees...

Saluut aan ouers wat Outistiese kinders het en hul nogsteeds aan hul hande deur die lewe lei.. met liefde, geduld en passie..

Jip.. net so !!

04/03/2024

Stilte stem..

'n Gedagte van iemand se verlies..

Jou stem my seun, nou stil, so skielik en onverwags.. jou glimlag inge-ets in ons geheue, weggeruk in 'n oogwink.. met harte wat ween en trane wat loop betree ons elke nuwe dag met die hoop dat dit net 'n droom is. Maar dis nie !!!

Jou plek op die stoel is leeg.. jou bed nog opgemaak en koud.. jou sitplek in die motor ook nou leeg.. jy is weg.. hoop jy rieldans in die hemel met basuine wat blaas.. in die ewige hiernamaals..

Jy, koninskind, hemelkind, sonskynkind, jou stilte is onmeetbaar.. Nooit sal jou stem weerklink nie. Maar diep in harte is jou vrolikheid nou 'n liefdevolle herinnering.. as jou foto's maar net kon praat.. elke oomblik van elke dag, word jy gemis..

Hoe heel 'n hart met so 'n erge seer.. 'n seer wat jou hele menswees uitmergel en vrae wat onwillekeurig
opskiet na bo.. Hoekom Abba.. hoekom.. U die beskikker van lewe en hoop, waar is U troos, waar is U troos ?? Ag Abba heel asseblief hul harte, omarm hul met met U liefde van troos.. vee hul trane af met U liefde, U alleen weet hoe diep die seer lê..

Rus sag ou grote..

Ons bid vir julle grootse verlies..

21/09/2022

Baie geluk my vrou..

Vandag 31 jaar gelede het ons die eerste hoofstuk van ons lewensboek saam begin skryf.. nou 31 hoofstukke verder en ons skryf nog steeds alte lekker daaraan..

Baie dankie vir die rots wat jy in my lewe is.. jou onbaatsugtige liefde vir my en die seuns is onbeskryflik waardevol en daarom salueer ek jou vir wie jy is.. dankie vir al jou liefde en omgee.. jy is 'n " great " maat vir my en 'n " great " ma vir die seuns.. ek is oneindig lief vir jou en sien uit om nog 31 jaar saam met jou aan ons boek te skryf.. liefde, liefde en liefde vir jou.. mag Abba Vader jou ryklik seën met ons vorentoe gaan.. saam is ons al paar keer oor ons eie " mount everest "

Baie geluk ek lief jou... dankie vir die lekker kos..