Adjudant

Adjudant Afrikaanse misdaadfiksie. Francois Venter het 36 jaar vir die wet gewerk. Toe het hy opgehou wag.

Twee weke gelede het ek geskryf dat 'n mens nooit die wortels sien nie.Sedertdien het julle my vertel van die onderwyser...
25/09/2026

Twee weke gelede het ek geskryf dat 'n mens nooit die wortels sien nie.

Sedertdien het julle my vertel van die onderwyser wat vir julle gesê het julle kan skryf. Van die pa wat nie een keer "ek is trots" gesê het nie maar elke Saterdag daar was. Van die eerste keer wat julle gesien het hoe iemand wegkom met iets, en hoe daai oomblik nog steeds by julle sit.

Dit is presies wat die boek probeer doen. Dit vat vier mense en dit gaan terug na die klein oomblikke wat later alles bepaal het.

Ek skryf hierdie goed alleen, langs 'n werksdag, sonder 'n uitgewer en sonder 'n advertensiebegroting. Elke leser kom hier vandaan, van 'n post wat iemand aangestuur het.

As dit die soort storie is wat jy wil hê moet aanhou verskyn, volg die bladsy. Dit is die hele ding wat ek vra.

Wat moet Boek 6 doen? Ek luister regtig, en boek 6 is ook nou beskikbaar Die Baai.

Al ses boeke: https://adjudant.netlify.app

25/09/2026

Wat sou jy doen as die hof hulle elke keer laat loop? 🩸 Die Adjudant-reeks. 6 boeke, R120 elk of al 6 vir R550. Koop en laai dadelik af: adjudant.netlify.app

Ek wil jou net laat weet my Adjudant-reeks is nou klaar, 6 Afrikaanse misdaadboeke, en jy kan dit nou baie maklik direk ...
25/09/2026

Ek wil jou net laat weet my Adjudant-reeks is nou klaar, 6 Afrikaanse misdaadboeke, en jy kan dit nou baie maklik direk op my webwerf koop. Jy tik net jou naam en e-pos, betaal met EFT of Capitec Pay en die boek is binne 'n minuut op jou foon. R120 per boek of al 6 vir R550. As jy self nie lees nie, sal jy dit asseblief vir een of twee mense aanstuur wat van misdaadboeke hou? Dit sal vir my baie beteken. https://adjudant.netlify.app/ (Werk die beste in Chrome)

Neville Arendse het 40 jaar lank aas gegrawe op die rotse by Mosselbaai en die see het hom nog nooit iets gegee wat hy n...
25/09/2026

Neville Arendse het 40 jaar lank aas gegrawe op die rotse by Mosselbaai en die see het hom nog nooit iets gegee wat hy nie gevra het nie. Toe sit die meeue een oggend op die verkeerde plek.

Francois Venter het 2 jaar lank geleer om verby te loop. Hattingh lees 4 paragrawe op bladsy 3 van die koerant en noem dit later op die skuit terloops, soos 'n man wat die weer noem. Daar was nog een, verlede Julie by Hartenbos. Ander stasie, ander speurder, ander stapel.

DIE BAAI, Boek 6 van die Adjudant-reeks, is nou uit.

Vanaf vandag koop jy die boeke direk op my webwerf. Jy maak geen rekening oop nie. Jy tik net jou naam en e-pos, betaal met Instant EFT, Capitec Pay, SnapScan of kaart en die boek is binne 'n minuut op jou foon in PDF en EPUB. Die skakels kom ook na jou e-pos toe.

R120 per boek of al 6 vir R550.
adjudant.netlify.app (Werk die beste in Chrome)

Sou jy verby geloop het?

Neville Arendse het 40 jaar lank aas gegrawe op die rotse by Mosselbaai en die see het hom nog nooit iets gegee wat hy n...
25/09/2026

Neville Arendse het 40 jaar lank aas gegrawe op die rotse by Mosselbaai en die see het hom nog nooit iets gegee wat hy nie gevra het nie. Toe sit die meeue een oggend op die verkeerde plek.

Francois Venter het 2 jaar lank geleer om verby te loop. Hattingh lees 4 paragrawe op bladsy 3 van die koerant en noem dit later op die skuit terloops, soos 'n man wat die weer noem. Daar was nog een, verlede Julie by Hartenbos. Ander stasie, ander speurder, ander stapel.

DIE BAAI, Boek 6 van die Adjudant-reeks, is nou uit.

Vanaf vandag koop jy die boeke direk op my webwerf. Jy maak geen rekening oop nie. Jy tik net jou naam en e-pos, betaal met Instant EFT, Capitec Pay, SnapScan of kaart en die boek is binne 'n minuut op jou foon in PDF en EPUB. Die skakels kom ook na jou e-pos toe.

R120 per boek of al 6 vir R550.
adjudant.netlify.app

Sou jy verby geloop het?

WORTELS is vier boeke in een omslag. Hier is wat in elke deel gebeur.DEEL EEN. Francois, 1990 tot 1994. 'n Konstabel van...
24/09/2026

WORTELS is vier boeke in een omslag. Hier is wat in elke deel gebeur.

DEEL EEN. Francois, 1990 tot 1994. 'n Konstabel van 18. Sy pa se horlosie. Die eerste lêer wat toegemaak word terwyl niemand aangekla word nie. Sy pa se dood in Februarie 1994, en die eerste aand wat hy weet hierdie werk gaan hom iets kos.

DEEL TWEE. Die 16, van 2022 tot 2026. Veertien kort stukke, elkeen oor een naam, en elkeen begin ná die daad in plaas van voor. Dit is die swaarste deel om te lees en dit is die hart van die boek.

DEEL DRIE. Nandi, 2018 tot 2021. Haar eerste jare as speurder. Thabo. Die aand wat sy die eerste blou Croxley by die Spar gekoop het en die eerste naam daarin geskryf het.

DEEL VIER. Elrina, 2022 tot 2026. Haar kant van Boek 1 en 2, sonder dat een enkele toneel herhaal word. Sy weet nie wat hy doen nie. Sy weet net dat iets in die huis verander het.

Vier stemme, 36 jaar, een boek.

Watter een van daai vier sal jy eerste wou lees?

WORTELS: www.adjudant.netlify.app

Elke plek in die reeks is 'n regte plek.Die Rynfield-kanaal. Trichardt Road. Die stasie op Boksburg-Noord. Cinderella. V...
23/09/2026

Elke plek in die reeks is 'n regte plek.

Die Rynfield-kanaal. Trichardt Road. Die stasie op Boksburg-Noord. Cinderella. Vosloorus, Katlehong, Thokoza. Die BP-garage waar 'n man gewerk het wat gesien het en stilgebly het.

Ek het nie een plek uitgedink nie, en dit was 'n bewuste keuse.

Misdaadfiksie in hierdie land word te dikwels op 'n Kaapse promenade afgespeel, of in 'n Johannesburg wat lyk soos 'n advertensie. Die Oos-Rand kry selde 'n beurt, en as hy een kry is dit gewoonlik as agtergrond vir iets slegs.

Maar dit is waar ek grootgeword het. Ek ken die manier hoe hier gepraat word, daai mengsel van Afrikaans en Engels wat nie 'n taalfout is nie maar 'n leefstyl. Ek ken hoe 'n straat lyk om halfsewe in die oggend in die winter.

'n Plek verdien dit om beskryf te word deur iemand wat daar bly.

Wat is die plek waar jy grootgeword het, en het jy al ooit 'n boek gelees wat daar afspeel?

22/09/2026

WORTELS is 'n week uit, en vandag wil ek iets vra in plaas van iets sê.

Vier boeke lank skryf 'n mens sonder om te weet watter tonele bly sit. Jy skryf 'n hoofstuk wat jy dink die hart van die boek is, en dan noem iemand 'n heeltemal ander een wat jy in twee uur geskryf het en nooit weer aan gedink het nie.

So kom ons maak dit 'n lys.

As jy enige een van die vyf boeke gelees het, noem die een toneel wat by jou gebly het. Net die toneel, geen spoiler nie. Een sin is genoeg.

Ek gaan hulle almal lees en ek gaan op elkeen antwoord.

En as jy nog nie een gelees het nie, lees die lys as hy vol raak. Dit gaan jou meer van die reeks sê as enigiets wat ek self kan skryf.

21/09/2026

Daar is een hoofstuk in WORTELS wat ek drie keer begin het en twee keer uitgevee het.

Dit heet Die Speelgrond.

In Boek 2 gebeur die N17-rooftog en 'n dakpaneel val waar dit nie moes val nie. Ek het dit destyds geskryf soos die nuus dit sou skryf. Tyd, plek, wat gebeur het.

Wat ek nie geskryf het nie, is die Dinsdagoggend self. Die juffrou wat die register nog in haar hand gehad het. Die ma wat by die werk was en nie haar foon gehoor het nie omdat sy in 'n vergadering was. Die pa wat daai aand die klein skoene by die voordeur gekry het waar hulle altyd staan.

Die reeks tel 16 name. Twee van hulle het niks gedoen nie. Hulle het net buite gespeel.

Francois dra al 16, maar daai twee sit anders as die ander veertien, en hy weet nie hoe om hulle neer te sit nie.

Ek het hierdie hoofstuk geskryf omdat ek dink 'n mens kan nie 'n boek oor geweld skryf en net die kant wys wat lekker lees nie.

As jy dit gelees het, stuur dit vir iemand wat dink misdaadfiksie gaan net oor die speurder.

Die karakter wat my lesers die meeste laat stry, is nie Francois nie.Dit is Nandi Zulu.Sy is 34 en sy is die beste speur...
20/09/2026

Die karakter wat my lesers die meeste laat stry, is nie Francois nie.

Dit is Nandi Zulu.

Sy is 34 en sy is die beste speurder op Boksburg-Oos se stasie. Sy het die patroon gesien lank voor enigiemand anders. Sy het genoeg gehad om 'n lêer oop te maak en sy het dit nie gedoen nie. Sy het gewag.

En toe haar eie suster se aanvaller weer op straat loop met 'n lêer so dik soos 'n foongids en geen vonnis nie, het sy by 'n koffie-urn gaan staan en 'n stuk papier neergesit sonder om te kyk.

Een naam. Een adres.

Sy het nie 'n hand gelig nie. Sy het net 'n grens oorgesteek waarvan daar geen pad terug is nie.

In WORTELS gaan ek terug na 2018, na haar eerste dag as speurder, na die eerste keer wat sy 'n lêer moes toemaak wat sy weet nie reg toegemaak is nie, en na die aand wat sy daai eerste blou Croxley gekoop het.

Is wat sy gedoen het erger as wat hy gedoen het, of minder erg? Ek hoor al twee kante en ek is self nog nie klaar nie.

Address

Freeway Park Boksburg
Boksburg
1459

Telephone

+27823045793

Website

Alerts

Be the first to know and let us send you an email when Adjudant posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Adjudant:

Shortcuts

Share

Category