https://www.facebook.com/101288676207139/

Soulvy van Keimoes se Nuwe Stories, Cape Town (2025)

06/08/2025

My hart, my hart.....

Goeie naand julle. Ek groet julle regstreeks hier uit Melomed (storie vir ‘n ander dag).

Dit het my verskriklik lank gevat om oor die volgende gebeure te skryf want dit was vreeslik traumaties vir my.

Vir lank al (meer as 3 jaar, ek d**k dit het begin in 2019) het ek die hartkloppings gehad waar dit voel of my hart uit my borskas wil spring. So was ek dokter toe en is verwys na ’n kardioloog by Kuilsrivier Netcare. Vreeslike klomp toetse gedoen, maar net gevind my hart was vergroot. Dr. het medikasie voorgeskryf en vir ’n tyd het die hartkloppings opgehou.

In 2023 toe begin die hartkloppings weer. Ek sit rustig en dan is my hartklop baie vinnig en dan kom dit met steek borspyne en ‘n moegheid en lamheid.

So beland ek toe by ’n kardioloog in Melomed. Klomp toetse gedoen, hulle kon nie iets vreesliks fout vind nie en het gesien dat my hart toe nie vergroot was nie. Ek was geskeduleer om die kardioloog weer in 3 maande te sien en as my toestand nie verbeter het nie, dan moet ek kom vir ’n angiogram (waar hulle met klein kameratjie ingaan in jou are om te kyk of daar enige blokkasies is of fout met hartspiere en so aan). Ek was glad nie opgewonde oor die vooruitsig van hierdie prosedure nie...

Seker so 2 weke na my besoek aan die kardioloog word ek siek en het borspyne en gaan ER toe. Ek word opgeneem en gerush ICU toe. Stresvlakke is hoog vir al die klomp masjiene en drade waaraan ek gekoppel is. Ek moes toe noodgedwonge gaan vir die angiogram.

Nou kyk hier, ek het mos al ’n hele paar operasies aan hierdie ou liggaampie gehad en die ou lyf het seker nou gevoel sy’s nou immuun teen narkose of die inspuiting wat hulle my in my binneboud sal gee.

So met die gevolg het ek ALLES gevoel wat hulle met my in daai teater aangevang het. Ek het geskree en gehuil van die pyn! Deel van die prosedure was om my met adrenalien in te spuit om te kyk hoe my hart reageer onder stress.

Toe hulle daai met my doen, toe voel ek: hier gaan ek vandag sterf! So probeer ek my gedagtes gospel liedjies sing om my te kalmeer en die enigste lied wat by my opkom is die volgende:
“hold me close
Let you Love surround me”
Daai gedeelte van die lied was nog oraait, maar toe ek by die volgende gedeelte kom van:
“and as I wait,
I’ll rise up like an eagle!”
Toe sê ek vir myself, nog nooit! Ek kan nooit nou rise up like an eagle in die Here se arms nie!

Daai oomblikke sukkel ek skoons om asem te kry en ek sien hoe kom haal die dood my vandag. Ek het sommer van vooraf my saak reggemaak met die Here. In al die konsternasie bid ek en ek sê: “Here U kan my nog nooit nou al kom haal nie! My kinders is net te jonk en ek weet my man gaan gou weer trou want hys mos mooi en sexy en manne kan oor die algemeen nie lank sonder ‘n vrou bly nie. Ek weet by my begrafnis gaan daar al klaar meide wees wat hulle oë op hom gaan het. Here dai meid wat my man gaan trou gaan my kinders opmors. U weet mos hoe smaak Elzeka se bekkie. Sy gaan nie haar mond hou vir daai 2de vrou nie en moenie eers praat van JP nie. Sy gaan my Sonkies mos opmors! Nee Here, hou my asseblief in die holte van U hand en spaar my lewe.”

Julle dis nie soos ek hier vir julle vertel nie. Dit was ’n vreeslikheid. Na wat gevoel het soos ure is die marteling oor en was die Here my darem genadig en het Hy my lewe uitgespaar.

Ek is terug na ICU toe vir 2 dae en daarna oor na gewone saal. Hierdie keer kon hulle ook nie foutvind nie en ek is huis toe.

Ek d**k ek moet ’n live doen waar ek julle vertel sodat julle kan verstaan wat ek rerig deurgemaak het.

Ek het weereens na hierdie ervaring besef hoe God Sy hand van genade oor my strek en hoe Hy my bewaar.

Stuur groete van huis tot huis en bly gesond.

Soulvy van Keimoes se Nuwe Stories

12/07/2025

Birthday wisdom

Ek is mos darm vandag 'n Jaar ouer en ek wil vinnig met julle iets deel.

Ek het seker 15 minute lis geraak vir 'n ou drink dingetjie. Ek het water in die ketel gegooi, die plug in die muur gesit, langs my man voor die kaggel gaan sit en gewag vir die ketel om te kook.

Later het ek my leesboek in die kamer gaan haal en weer Lang's manlief kom sit en lees. So sit en wag ek seker langer as 15minute Vir die ketel, maar al wat kook is Karina ketel.

Ek het al op 'n stadium vir manlief gevra of ek wel die ketel aangesit het, maar die het my net een kyk gegee, want hy was mos nie by toe ek kombuis toe was nie.

My lis vir 'n drink dingetjie is nou Al weg en ek besluit toe om te gaan kyk wat gaan aan met die ketel, want hoekom hoor ek danie die ketel nie?

Toe ek by die ketel kom, toe sien ek dat ek nooit die KETEL aangeskakel het nie!

Baie kere in die lewe wil ons maklik die duiwel skull omdat goed te lank vat om reg te loop of ons d**k die Here straf ons of toets ons...

Dis nie net vir bid en die Here gee geee gee net nie. Jy moet ook jou deel doen - jou Volle deel. Jy kanie 'n ding halfpad doen en verwag dit moet magically gebeur nie.

Jy soek werk, maar jou CV is nie eens updated nie of ordentlik gedoen nie. Jy moet gewig verloor agv gesondheidsredes maar met Elke maaltyd eet jy soos een wat weke laas geëet het en Al die verkeerde kosse wat jy nie moet eet nie. Jy wil 'n beter werk hê, maar jy loop nie kursesse nie.

En so kan ek aangaan.

Hou op mense skuld gee en sê die mense is jaloers en sug op jou en mense toor jou.

Sit die ketel aan!!!

Groete van huis tot huis en share ASB die stukkie wysheid van my grysheid.

04/07/2025

BEROEPSKEUSES

Goeie môre julle vanuit 'n nat, koue rëenerige Kaapstad. Hoop julle is snoesig warm en die wat bevoorreg is om op vakansie te wees soos ek, lê lekker onder die warm komberse.

Vanoggend het ek en my kinders tuisgebakte brood met koffie geëet vir ontbyt. Miskien ken julle nie van koffie en brood nie, maar as kind was dit of suikerwater en brood ons stapelvoedsel. As daar jêm was, was sit dai mix fruit jêm wat so donkerrooi was en by geluk peanut butter.

Ek verkyk my aan die mense wat sê hulle gee nie hulle kinders koffie nie. Ons het dit van kleins af ingekry soos moedersmelk. Eers was ons gespeen met melkerige rooibostee, dan skoon rooibostee en dan as die nood druk, gewone swart tee. Daarna beginne jy met koffie of suikerwater met brood en veral in die somermaande dan was dit magou en brood.

Vir die wat nie wat wat is magou nie, dis 'n dun mieliemeel pap wat fermenteer en met of suiker gedrink word.

In elk geval, daar was 'n sekere manier hoe ons brood met enige vloeistof geëet het: jy breek die brood in stukkies, gooi dit in die vloeistof en eet dit met jou lepel. Al te lekker en die beste was om die verrassing van 'n bietjie suiker onderaan die beker te kry!

Hier is ek alweer vergete van my eintlike storie! Ons kon vanoggend lekker gesmul want ek het gister geknie en brood gebak met 'n lekker pot sop. Iemand het my geseën met 'n Pak Buckwheat meel en ek het besluit om dit te meng met my gewone meel and nutty wheat. Die brood het nogal gouer bruin gebak en dit het so 'n lekker krakerige korsie gemaak.

Eerstens wil ek my hoed afhaal vir elke onderwyser. Of dit nou laerskool, hoërskool, universiteit, crèche of Sondagskool is. Ek salute julle, want 'n mens het rerag Job se geduld nodig. Om te d**k as kind was my begeerte om eendag onderwyser te word. Die Groot Meester het geweet dinge gaan nie balance as ek moet skoolgee nie. Ek het wel vir jare Sondagskool gegee, maar dit was mos 1 x per week vir 'n uur en die gouste manier hoe jy 'n gelowige afvallig kan maak, is as jy hulle kinders verskree of slaan in die Sondagskool lmklaaaaaa 😂🤣.

So gister het ek besluit om vir Elzeka te leer om te knie. Ek het my groot wit erdeskottel uitgehaal, my 3 mele gemeng en my bestandele in gegooi. Ek het vir Elzeka van hierdie meel en suurdeeg mengel in 'n kleiner bak gegooi. Ek het laat sy vir my kniewater ingooi in 'n puntbeker en die temperatuur voel en laat sy vir haar ook kniewater ingooi wat dieselfde hitte het as myne.

Toe het die knieproses begin. Ek wys vir haar en verduidelik elke aksie wat ek doen. Dit het maar geneuk, maar uiteindelik is ons klaar. My oorlede Ouma Martha het my sommer 1st time leer knie in 'n groot erdeskottel. Dit was omtrent 'n gesukkel met die ou dun armpies van my, maar ek het daai skottel gewen.

Na die geknieëry moes Elzeka haar degie oorsit in een van my potte om in die lou oond te rys. Ek was so moeg na hierdie les, maar super trots op my meisiekind.

Ek moes my net inhou, want as daar een ding is wat ek weet, dan is dit ek nie geduld het om iemand te leer nie. Ek sal jou 1, 2, 3 keer wys en by die 4de keer moet jy al gevang het en dit self kan doen. Moenie as ek vir jou stap vir stap aanwysings neergeskryf het met screenshots en dan kom vra jy weer nie. Dan smaak dit mos my bloed kan kook!

Elzeka het haar goed van haar task gekwyt. Haar degie het mooi gerys en lekker gebak.

Aai, maar ons Groot Leermeester raak nooit moeg of kwaad vir ons nie. Hy leer ons die regte manier en dan maak ons weer dieselfde foute. HY raak nie ongeduldig of gee moed op wanneer ons nie wil luister nie en ons eie kop wil volg nie.....

Dis net God wat vir ons kans sien, al het het ons Hom diep teleur gestel.

Dankie Here vir u oneindige liefde.

Soulvy van Keimoes se Nuwe Stories

19/05/2025

REFLECTIVE STRIPS

Vanoggend oppad werk toe sien ek ‘n man in werksklere geklee met “reflective strips”. Die Heilige Gees openbaar die volgende vir my.

As die kar se lig nie op reflective strips skyn nie, gaan dit nie die blink weerkaatsing aktiveer nie. So die lig en reflective strips is afhanklik van mekaar. Die reflective strips kan maak wat hulle wil, maar sodra daardie kar se lig op dit val, dan blink dit.

So is dit met ons en die Heilige Gees wat in ons woon. Ons kan ons nie wegsteek nie. Wanneer God se lig of selfs die vyand se lig (aandag) op ons is, moet God se Heilige Gees terugflits. Soms wil ons onsself wegsteek, maar ons kan nie. God se Heilige Gees laat hom nie verdoesel nie.

Die teenoorgestelde is ook waar….

As jou klere nie reflective strips ophet nie, sal niemand jou kan sien nie. Veral as jy donker klere aanhet. Vir sommige is dit ‘n hartseer saak, want God se Heilige Gees het hulle lankal verlaat en hulle kom dit nie eens agter nie, maar sodra daar ‘n lig op hulle skyn, dan is daar niks wat terugflits nie.

Hulle het net ‘n klinkende metaal en ‘n luidende simbaal geword wat ‘n groot geraas kan maak! Wit geverde grafte wat net die gedaante van godsalligheid het. . .

Die Heilige Gees wat in hulle moet woon en hulle moet beskerm is nie meer daar nie. Dis hoekom die storms van die lewe hulle tref en hulle kan nie verstaan wat aangaan nie.

As jy vandag jou reflective strips verloor het, as jy vandag die Heilige Gees se teenwoordigheid in jou lewe mis, is daar ‘n kans vir jou om reg te maak.

Net 5 woorde: Ek glo. Here vergewe my.

Dis nooit te laat nie. Daar is altyd nog ‘n kans.

Soulvy van Keimoes se Nuwe Stories

19/05/2025

Vandag se kinders ken Baie min dinge. Wie weet hoe lekker smaak 'n beker magou of suikerwater met stukkies bruinbrood of bakbrood daarin op gebreek? Of 'n beker soet swart moerkoffie met bakbrood wat dik gesmeer is van die "megerien" (dis hoe ons dit uit gespreek het desjare). Dan eet jy jy dai brood so lekker uit dai beker uit en die lekkerste lekker is om 'n bietjie suiker onder in jou beker te kry!

Mooi en geseende dag verder Vir julle en onthou dis die Klein goedjies in die lewe wat die mooiste herinneringe maak.
Soulvy van Keimoes se Nuwe Stories

18/04/2025

Goeie naand julle. Ek wil nie weer seafood of vis baie gou weer sien nie.

Ek hoop julle het darem ‘n geseënde Paasfees gehad met julle famillies.

Hoe weet ‘n mens wanneer is dit Easter in die Kaap? Van die die Woensdag voor Easter Friday, dan ruik jy net kerrie, uie en asyn in die strate.

Ek gesels gister met iemand van Keimoes en ek vra vir haar of haar kerrievis al ingelê is. Ek vertel vir haar toe ek mos groot geword het in Keimoes het ons nie geken van kerrievis maak of kerrievis eet nie. Die Kapenaars noem dit mos pickled fish. Die naaste wat ek as kind aan kerrievis gekom het, was die pickled fish wat jy in ‘n blikkie gekry het (op die foto). Ek het glad nie van die smaak gehou nie.

So Mammegoed het mos nie kerrievis gemaak nie en ek het nooit geleer om dit te maak nie. Laasjaar het ek darem naby daaraan gekom toe ek vir die kerrievis wat ek gekoop het by iemand, ekstra uie en sous gemaak het. Dit het nogal lekker uitgekom, al moet ek dit self sê. Laasjaar het ons kerrievis en seafood pot gehad as ek reg onthou.

Die jaar het ek besluit om ‘n lekker pot paella te maak en skoonsis in Fisantekraal het ‘n creamy shrimp pasta gemaak. Toe ons hier in Fisantekraal kom, het skoonsis se skoonma kerrievis gemaak en ek was sommer eerste in dai bak kerrievis met seker 3 hot cross buns. Daarna het ek my begewe in die shrimp pasta en paella.

Oehhh, my paella was lekker!! (al moet ek dit ok nou self sê). Ek het baie lank laas paella gemaak en het maar so raai-raai en op gevoel gemaak hierdie keer. Ek het so ‘n lekker seafood wet paste gekoop by Visfabriek, maar toe smaak dit nog steeds nie na my sin nie. Toe meng ek my masala en seafood spice en maak my eie lekker makajawas.

Wel, nou is ek klaar met alles wat in die see is. Ek kort nou net ‘n lekker lang glas Coke.

Ek hoop julle het darem onthou dat Paasfees nie net gaan oor kerrievis en hot cross buns nie, maar dat Jesus ter wille van my en jou sondes op Vrydag soos hierdie, gekruisig was sodat ons nie verlore mag gaan nie.

As jy nog nie vriendskap met Jesus gesluit het nie, sal ek jou aanraai om Jesus ‘n kans te gee. Jy het miskien al baie dinge probeer en niks werk uit in die lewe vir jou nie. Gee Jesus ‘n kans en jy sal nie spyt wees nie.

Seën en vrede en groete van huis tot huis.
Soulvy van Keimoes se Nuwe Stories

12/04/2025

VAT 'n KANS!
Goeie naand julle. Hoop dit gaan goed met julle op hierdie nat en koue aand. Dit reën nou tog te lekker hier in die Kaap.

Vandag was ek lis vir ‘n lekker pot groenboontjiebredie met lekker vleis in. Toe d**k ek sommer aan hoe Mamme altyd haar pot met ‘n stukkie tamatie in gemaak het. Tog te lekker.

Terwyl ek so besig was met die voorbereiding van die groenbone, toe laat dit my d**k aan die eerste keer toe ek waterblommetjie bredie gemaak het. Soos julle weet is ek mos nie ‘n expert of bobaas kok nie. Ek is wel ‘n waaghalsige kok LOL!

Baie mense het gesê dat ‘n mens waterblommetjies kook soos jy groenboontjies kook. Dis nie wat my uitgestres het nie. Dit was die skoonmaak van die waterblommetjies en om seker te maak dat ek al die sand uitkry wat tussen die blomblare lê.

Ek het gegoogle tot my oë oormekaar gekyk het. Die skoonmakery van die waterblommetjies het my heel afsin gemaak vir die kokery, maar ek het deurgedruk. Die waterblommetjies was gevries en dit het die skoonmaak proses nog moeiliker gemaak.

Uiteindelik was ek klaar met die skoonmaak en het die opkook proses begin. Ek het seker vyf keer die water vervang waarin ek die waterblommetjies. Die was vir my ‘n vreemde besigheid. Ek kon nie verstaan dat die plant wat in vars water groei, so na seewater geruik het nie!

Nadat die waterblommetjies sag genoeg was, het ek dit vir die laaste maal afgewater en by die vlies gegooi met aartappels en klomp peper in. Ek het dit laat prut totdat die sous van die vleis lekker deur die waterblommetjies en aartappels getrek het.

Toe kom die groot toets: opskep tyd....

Ek het die waterblommetjiebredie bedien met rys en beetslaai. My huismense het weg gelê aan hulle borde. JP en sy pa het 2 keer geëet en die terugvoering van JP was: “Mammie moet weer sulke kos maak!”

Die hele episode met die waterblommetjies het my baie diep laat d**k. Baie keer is ons bang om iets te doen, want ons het dit nog nooit gedoen nie. Miskien is ons bang oor wat mense gaan sê as jy dit gaan doen. Miskien het jy ‘n nuwe besigheid of droom in gedagte, maar is te bang om dit te probeer.

Vandag wil ek jou sterk bemoedig. God het ons wysheid gegee. As jy nie wysheid het nie, bid en vra vir God om jou te gee. Dan is daar tools soos Google en YouTube waar alles vir jou stap-vir-stap gewys word wat jy nie weet nie.

Gooi daai bangheid en skaamheid van jou ver weg van jou af. Jy gaan nooit weet of iets gaan slaag en of dit gaan flop as jy nie ‘n kans waag nie. En so what as dit miskien nie uitwerk nie. Ten minste kan jy sê dat jy probeer het.

So begin skryf aan jou boek oor jou lewe, begin met jou eerste gedig, probeer daardie nuwe resep, verander jou klerestyl, probeer ‘n nuwe haarstyl of grimering. Maak nie saak wat nie, doen net iets!

31/03/2025

Naand sê julle. Hoop dat dit nog goed gaan met julle.

Van laasweek af is ek so lis vir 'n lekker gebakte poeding. Gister gaan kuier ons by my skoonsister in Fisantekraal en ek kry toe gedagte van daai lekker souserige poedings wat Mammegoed altyd in 'n pot op die stoof gemaak het.

Ek krap toe daar deur my resepte en kom af op 'n lekker toffee caramel poeding. Die resep is basies maar 'n malvapoeding en jy gooi ideal melk ipv water in die sous.

Dit was die eerste keer wat ek die resep maak, so ek het vreeslik getwyfel of die resep sal uitwerk. Ek het natuurlik my eie makajawas weer gemaak met die resep (1 koppie koekmeel vervang met self-raising meel en 'n ekstra teelepel bakpoeier by gegooi).

Ek het die res van die resep stap vir stap gevolg. Na 35 minute het ek in die pot geloer en die beslag het darem soos koek gelyk en dit het gerys!

Daarna het ek my vla gemaak en toe lyk dit asof my vla 'n flop gaan wees... Ek het dit probeer fix en gehoop vir die beste.

Die Groot toets het gekom toe ek die poeding moes opskep. Poeding was perfek, glad nie kluitjierig soos ek gevrees het nie en my custard was perfek. Ek, JP en skoonsis het 2 bakkies elk geëet en JP se neef het amper 3 bakkies geëet!

Die hele storie het my aan die d**k gesit. Ek, die onervare poedingbaker wat die persoon wat die resep geskryf het, so betwyfel het. Die resepskrywer het presies geweet daar moet 2 teelepels koeksoda, 2 eiers, die hoeveelheid meel en die res van die ander bestandele inkom. Hoe het sy geweet?

Sy het daardie resep beproef en het dalk vele male daardie resep gemaak en dit het elke keer perfek uitgekom. Miskien het sy selfs variasies op die resep uitprobeer en daardie spesifieke resep het gewerk vir haar.

Net soos ek daardie resep betwyfel het, so betwyfel ons soms God se wysheid en Almag.

"Maar Here wat as dit nie werk nie?"
"Maar Here ek d**k dit gaan 'n mislukking wees"

Ons Hemelse Vader is so oulik. Hy gee ons 'n opdrag, met 'n resep/handleiding (die Bybel) en Hy sê verder: "I know the plans I have for you. It is plans to prosper you and not to harm you."

So kom ons raak stil sodat ons God se stem duideliker kan hoor....

07/03/2025

Die wonderwerk van Lazarus

Goeie naand julle. Hoop dit gaan goed met julle.

Soggens wanneer my gesin klaar maak vir werk en skool, probeer ek iewers in die geharwar tyd inruim om ‘n Bybelversie of twee te lees. Ons is soggens al 5uur op en half6 maak ons die kinders wakker om hulle ontbyt te gee en reg te maak vir skool. Dan moet ek brood insit vir Manlief en kinders en dan gryp ek vinnig my Bybel en ek lees ‘n paar skrifte terwyl ek pap maak.

So lees ek raak in die boek van Johannes van Lazarus. Almal ken mos die verhaal van broer Lassie wat gesterwe het en toe gaan sy suster Martha mos so aan toe Jesus eers 4 dae na sy dood daar by hulle huis opdaag. Jesus het toe vir Lazarus uit die dood uit opgewek en almal daar was gelukkig.

So was broer Lassie in die sewende hemel met die wat hy mos nou weer lewendig is en terug by sy familie. Hy het natuurlik vir almal wat wou hoor vertel hoe Jesus hom uit die dood uit opgewek het. So ver as wat hy gegaan het, het hy vertel van die wonderwerk.

So het die storie van Lazarus by die Joodse Raad te h**e gekom van Lazarus wat so wyd en suid verkondig van Jesus se magtige wonderwerk. Net daar besluit hulle arme Lazarus moet maar weer dood gemaak word! Kan jy dit glo?!

Nou net soos die arme Lazarus geteiken was deur die Joodse Raad, so gebeur dit ook met ons. God se guns op ons lewe maak dat daar mense is wat ons nie kan verdra nie, hulle skinder van ons, beplan hoe om jou te ondermyn en probeer alles in hulle vermoëns om jou en jou reputasie te beswadder.

Soms is dit so erg dat jy begin wonder of jy nie dalk iets verkeerd gedoen het nie. Vandag kan ek jou verseker: jy het niks verkeerd gedoen nie. Jy kry soms net bitter mense wat nie kan hanteer dat God Sy guns aan jou bewys nie.

So laat jou liggie skyn en vertel vir almal met jou breë glimlag hoe wonderlik God is!

Groete van huis tot huis.
Regstreeks uit Melomed Hospitaal (Bellville)

25/11/2024

Doen goed

Weet jy waar begin die meeste van ons probleme? Ons verwag te veel van mense.

Ons doen goed aan ander en verwag hulle gaan dieselfde doen. Dis vir my kinders wat ek so veel opgeoffer het, dis vir my man/vrou, dis my eie bloed broer/sister, dis my baas/manager, dis my kollega met wie ek al jare saamwerk, dis my jarelange vriend/vriendin, dis my kerksuster/broer...

Lower your standards and expectations to avoid disappointment. Verwag eerder dat mense jou teleur gaan stel, want dis in hulle DNA.

Niemand is niks aan jou verskuldig nie. Solank hulle kan voordeel trek uit jou uit, sal hulle jou gebruik. Die moment die fonteintjie op gedroog het, dieselfde tyd vlieg hulle lojaliteit, hulle liefde by die deur uit.

Nou gaan jy swaar deur die lewe omdat jy nie sekere behandeling van mense verwag het nie. Jy het dan so Baie opgeoffer vir jou kinders, jy het dan so hard gewerk al die jare en selfs siek-siek werk toe gegaan, jy het so Baie gedoen vir jou familie, jyt jou kollegas gehelp, ensovoorts.....

Doen eerder goed sonder om enigiets terug te verwag. You're setting yourself up for disappointment if you're expecting the same treatment back.

07/11/2024

Goeie more julle. Weet julle, soms moet ek net in verwondering staan vir hoe die Here te werke gaan.

Die Hemelse Vader het vir my en Manlief geseën met 2 kinders (JP & Elzeka). Baie mense sê dat ons kinders glad nie soos ek lyk nie, maar wanneer ek kyk na foto’s waar ek klein was en ek kyk na Elzeka, dan sien ek dat daar darem ooreenkomste is. Ek heg 'n paar foto's aan ter stawing. . . .

Ons twee woelwaters het beslis hulle pa se bene en lang tone (LOL!) en natuurlik daardie sterk wenkbroue en ellelange wimpers. Dan is daar een spesifieke kenmerke wat hulle tweetjies van hulle moeder geërf het…

Op my regterkantse boud, naby my knie is daar ‘n klein swart moesie. Elzeka en JP het presies dieselfde moesie op hulle regterkantse boud.

Nou d**k gou mooi nè. Dit klink half maklik om te sê die kind het sy pa se neus of is so lank soos sy pa of bruin oë soos die ma, maar vir ons Hemelse Vader om vir my, Elzeka en JP op presies dieselfde plek dieselfde moesie te gee, is pretty amazing! Ek sien eintlik hoe het ons Hemelse Vader met ‘n glimlag op Sy gesig gesit toe Hy besig was om vir JP en Elzeka aanmekaar te sit…

Verstaan julle die proses wanneer ‘n baba gevorm word? Manlike en vroulike sel ontmoet, bevrugting vind plaas. Dan verdeel daai sel in 2, dan in 4, dan 8 tot dit verdeel in 32 selletjies. Weet julle dat wanner daai sel in 2 verdeel, dan word dinge soos oogkleur al reeds vasgestel?

Ek wil vandag iemand bemoedig. As die Here wat so amazing kan wees om vir my en ons twee kinders dieselfde moesie te gee, hoe te meer sal Hy nie in staat wees om jou omstandighede wat miskien nou so hopeloos lyk, in ‘n oogwink te verander nie? Hoe te meer is Hy nie in staat om dit wat vandag vir jou so ontmoontlik lyk, moontlik te maak nie?

Hou goeie moed, God is nog steeds op die troon.

06/11/2024

JP se verjaarsdag wenslys

Goeie middag julle. Ek voel skoons skaam om na so ‘n lang tyd weer ‘n bietjie met julle te gesels. Elke keer maak ek my klaar, maar dan val iets voor en dan het ek al weer nie ‘n storie gepost nie.

JP verjaar mos nou Vrydag. Die man het al lank voor die tyd gesê wat hy wil hê vir sy verjaarsdag:
‘n ice cream koek
‘n motor bike
met ‘n helmet en baadjie
‘n kar
en natuurlik ‘n verjaarsdag partytjie!

Die kind is vol selfvertroue dat sy ouers al hierdie dinge vir hom kan gee. Hy worry nou nie hoe ons dit gaan doen nie, maar ons word elke dag herinner van sy verjaarsdag en wat hy wil hê.

As gevolg van dit, het ek nou al videos op YOUTUBE en TikTok oor hoe om ‘n ice cream koek te maak en ek en Manlief het nou maar besluit om einde van die maand tog vir die klong ietsie kleins te gee vir sy verjaarsdag.

Wat vir my uitstaan is JP se geloof dat hy al hierdie dinge gaan kry van ons as sy ouers. Hy weet dat ons alles in ons vermoëns gaan doen om sy wense waar te maak. Al kan ons nou nie die bike of kar of ander goed doen, sal dit wat ons wel vir hom kan doen, uit ons harte kom.

Nou as ons net ‘n klein bietjie van JP se geloof kan het, d**k net watse verskil sal dit maak in hoe ons God dien in ons daaglikse lewe….

Mooi dag vir julle en d**k aan my wat nog moet uitfigure hoe om daai wafferse ice cream koek aan mekaar te slaan!

Soulvy van Keimoes se Nuwe Stories

06/08/2025

12/07/2025

04/07/2025

19/05/2025

19/05/2025

18/04/2025

12/04/2025

31/03/2025

07/03/2025

25/11/2024

07/11/2024

06/11/2024

Address

Website

Alerts

Contact The Business

Shortcuts

Share

Category