Hhafsa Sstories

21/08/2025

علاش وقفت نشر الجزء 3 من الزعيم حيث تقريبا 80٪ كيطلبو مني الأجزاء الأولى والثانية داكشي علاش انبداو ب لا تستفزي رجولتي الجزء الأول من بعد أسقطته في شباكها الجزء الثاني عاد أدمنتها وبنار الهوى أحرقتها الجزء 3 شكون متافق

05/08/2025

💗الجزء الثالت ديال "لاتستفزي رجولتي" 💗
❤️‍🔥أدمنتها وبنار الهوى أحرقتها ❤️‍🔥

✨الجزء6✨

عائشة غير شافتو داخل تبسمات كان يوسف... وشكون من غيرو اللي غير كاتشوفو كاترسم لها الابتسامة بلا ما تشعر

نرجس همسات لها فودنها : هاذا كلو حب راكون كبرتوا على هادشي

عائشة : واخا كبرنا راني باقة كانحماق عليه بحال النهار الاول ولا اكثر....

قرب لعندهم يوسف باس راس وجدان : مازال فايقة في الواليد

وجدان : راه الفوق فلاتيراس

شاف فعائشة ومد لها يديه : ما جاكش النعاس؟

شبكات يديها في يديه وناضت عندو : نمشيو ننعسوا (وابتسامة على شفااايفها وعينيها كيلمعو)

تمو غاديين ووجدان كاتشوف فيهم : الله يخليهم لبعضياتهم

نرجس : امين

وهوما جالسين شوية وجدان صونا ليها التليفون كان ناصر : الو...... واخا انا طالعة

ناضت وشافت فنرجس : زوجي كيتسناني

نرجس شافت فيها وضحكات : سيري ا خالتي نتسنى حتى انا زوجي قرة عيني هههه

طلعات وجدان عند ناصر...ونرجس بقات كالسة شويه في الصاله محتاجه موراه حتى هي رجلها ومشات

⛪في جهة اخرى في القصر....

كان في الجناح ديالو اللي غادرو هاذي سنين حيث دابا ولا عايش بوحدو مستاقل مع راسو بعٌد من كل شيء..... والعائلة كيجي عندهوم مرة مرة يطل عليهم وفبحال هذ المناسبات كيبات معاهم باش يبقى قريب من جدو اللي هو ناصر....حيت ناصر كيبغي عائلتو تكون مجموعة ملي تكون ذكرى وفاة شي واحد.....

كان قدام البيسي عندو قضية محاولة قففف..تل لواحد السياسي قرا الضوسي شنو فيه والدلائل واقوال الشهود والتصاور.....مركز حيث هو هكذا اي قضية كيبغي يعطيها وقتها وكايبغي يبقى بوحدو باش يدرسها مزيان حيث كايكون قدامو كلشي وݣاع دلائل خاصو غير يركز

قطع عليه صوت التليفون التركيز ديالو طل على المتصل وارجع شاف في البيسي ديالو..... ما بغاش يجاوب ولكن التليفون ما حبش صوني مورا صوني فجاه اوقف وجاوب بجمود : شنو

جوبات بصوت انثوي محروقة وغاضبة : العافية شاعلة ليا فقلبي اهارون

شعل كارو على كلامها ساط منو ودوا بنفس الجمود : اشنو بغيتي

عضات على سنانها : البارح طفيتي التليفون وقلتي ليهم ما يخليونيش نخرج من الدار باش فالتالي نعرفك بايت مع **** موسسسسخحخة ما كتسوى والو

دوا كيصوط الدخان وكيشوف فالبحر اللي قدامو من البالكو : علاش انتي ماشي **** موسسخخحخة؟

عضات على سنانها من كلامو الجارح وقبل ما تدوي نطق : انقطع اتعاودي تصوني انكره ديلمك في حياتك اكثر من هكا

نطقات بترجي : ما تخلينيش عافاك انموت هارون صافي ما نعاودش نصدعك....ما نبقاش نصوني عليك تتبغيني انت....ما نبقى نقول والو ياك اللي قلتيها كانديرها

يلاه ايقطع وهو يسمع الغوات شي وحدة : عتتققوووووني

04/08/2025

💗الجزء الثالت ديال "لاتستفزي رجولتي" 💗
❤️‍🔥أدمنتها وبنار الهوى أحرقتها ❤️‍🔥

✨الجزء5✨

كان فلاطيراس واقف وكيشوف الناس كايركبوا فالطوموبيلات غاديين بحالهوم .....نظراتو الحادين رغم كبر سنو مازال ما تبدلوش وسامتو زادت بذاك الشيب اللي معمر لحيتو وراسو ودوك التجاعيد والعروق البارزين زادوه رجولة..... بنيتو الجسمانية مازال محتافظ عليها.....وحتى حفايدو وولادو ما مقصرينش من جهتهم باش يقابلوها ويتبعوا معاه سبور والفحص الطبي كل اربع اشهر لصحتو.... وجدان ديما في جنبو مسانداه.....

تبسم ملي حس بيها وقفات حداه....جرها لعندو محاوط خسرها.... وهي تبسمات ليه حتى هي حاطة راسها على كتافو : غبرتي عليا هاذ النهار

ناصر (شاف فيها) : ها انا دابا معاك وانتي ديما راك هنا (حط يديه على قلبو )

وجدان (زادت بسمات) : الله يخليك ليا وميحرمنيش منك...

اكتافة باش يحضنها بحضن دافي....حبهم مازال كبير وكل نهار كيزيد عشرتهم طويلة وقصتهم طويلة....

ناصر : نوبتي دابا واقيلا (كيقصد الموت )

وجدان (حطات يديها على فمو) : الله يطول فعمرك اخر مرة تقول هاذ الهضرة

ناصر (باس صبعها اللي على فمو ) : كاتخافي عليا

وجدان (ميلات راسها) انا حياتي هو انت يانمشيو بجوج يا نبقاو بجوج

ناصر باس راسها ورجع حضنها

نهبطو لتحت.....

جالسة في الصالة .... حطات الأجوندا من يديها فوق الطبلة اللي حداها من بعد ما دوزت اخر ابيل....

هبطات وجدان وجلسات حداها : عيطتي ليهم

عائشة : اه صافي غدا أيتجمعو

نرجس : ( قربات وجلسات حداهم) شكون ايتجمع

عائشة : اتفقت انا وجدان على واحد البلان

نرجس : شنو هو

عائشة : ( شافت يمين وشمال ما كاين حد) ياك هارون باغي يتزوج ولحد الآن مازال ما لقى البنت اللي تعجبو

نرجس : اهاه ومن بعد

عائشة : اوا وانا خفتو يبدل رأيو كل مرة كنشوف ليه شي وحدة كيرجع يقول لا

نرجس: اوا كملي

عائشة : درت عراضة لغدا لشي عيالات معانا فالجمعية وبناتهوم..... اختارينا غير اللي بعقلهوم ولي كنعرفو مزيان وسمعتهوم سابقاهوم .... ماحد هارون هنا معانا قلت يشوف لا عجباتو شي وحدة

نرجس: وهارون ايعجبو هادشي

وجدان : حنا ما أنقولولو والو انحطوه أمام الأمر الواقع

نرجس ضحكات: وناري فاش كتجمعو بجوج.... درتو ليه كي قدية سندريلا

عائشة : ايوا على الله نلقاو ليه سندريلا ديالو...

04/08/2025

💗الجزء الثالت ديال "لاتستفزي رجولتي" 💗
❤️‍🔥أدمنتها وبنار الهوى أحرقتها ❤️‍🔥

✨الجزء4✨

عائشة : بصاح ماحسابليش دايرة هكا ماشتها لا هي لا مها

وجدان : ايوا راه كتكون فالجمعية

عائشة : اوف بغيت نلقى ليه البنت اللي باغي محدو باغي يتزوج

وجدان: دابا تبان ما يكون غير الخير....

حتى كيسكتو ملي كايشوفهم هابطين من الدروج

عائشة : هاهو معاه

وجدان : هذا منين دخل وݣاع البيبان حاضينهم

عائشه تبسمات بفخر وهي كاتشوفوا جنب ناصر وكاتسمع همس العيالات عليه ما كايشوفوهش بزاف مخلي كلشي يجيه الفضول فين هو ....

نزلوا من الدروج هنا بان يوسف اللي دخل من الباب مشى نيشان عند باه ولدو دار بينهوم حوار بسيط .... وقف من الجهة الاخرى جنب ناصر خرج من صالة امين ومعاه عماد وقربو لعندهم كيتسالموا ووقفوا حداه.....وناصر قدامهم كيشوف في الضيوف اللي جاو وكايهز راسو زعما مرحبا بكم

وجدان : الله يحفظهم يا ربي ويطول في عمرهم ويخلينا دائما مجموعين

عائشة : امييين يا ربي

دخلوا للصالة الرجال....مجموعين وكلشي وقف احتراما ليهم لعائلة الزعيم..... فقط هاذه اللقب كاتجي منو الهيبة ورثوها هاذي سنين .....كاملين كي تعتابروا من عائلة الزعيم...... ناصر الزعيم اللي جمعهم

داااااز الوقت وطاحت الضلمة.....

دازت الصداقة والوليمة اللي داروا على خير.....

كل شيء ترحم على المرحوم احمد...... رغم الماضي ديالو انه كان زعيم م....افيا ولكن كانوا اخر ايامو زوينين ......مشى الحج شحال من مرة هو وجدان الام شد طريق الله وتاب وكان كيطلب المغفرة بزاف من الله ومن ذاكشي اللي كان كايدير......

04/08/2025

💗الجزء الثالت ديال "لاتستفزي رجولتي" 💗

❤️‍🔥أدمنتها وبنار الهوى أحرقتها ❤️‍🔥

✨الجزء 3✨

ناصر وقف وتقابل معه كيشوف فيه : شفتي امك وباك

هارون : لا جيت عندك ديريكت

ناصر كيشوف فيه ݣاع حفادو عزاز كيبقى هارون الاقرب ليه.... كيحس به نسخه منو واخا ماشي تماما كيف ناصر القديم حيث القصص ديالهم بجوج كيختلفوا....ولكن كايشوف راسو فيه غير يمكن هارون زايد فشي حوايج زايد انه مستحيل تعرف شنو تحت راسو.... وشكون هو بالضبط وزايد عليه في المكر والخبث في شي مواقف

ناصر تبسم : نهبطوا؟

هارون : انت لا باس

ناصر : الحمد لله

هارون : صافي نهبطوا

لتحت...

جالسه وعينها على الباب صوت القران مسموع وريحه البخور عاطيه في الدار والخدامات غاديين بالصواني ديال الضيافه....

عائشه كتسنى ولدها يدخل مع الباب .....

حتى كتنطق واحده من الضياف : عائشه ما شاء الله عليك العمر ما دا منك والو اللي يشوفك ما يقولش والد اربعه والكبير عنده 29 عام

عائشه شافت فيها بابتسامة مصطنعه غا دايرة الصواب واش هي في هاذ الهضره هما في ذكرى وفاة احمد : شكرا ربي يخليك

نفس المرا : هارون ما بقاش كيتشاف اصلا فين عمرنا الشناه حتى الصحافه ما كايتجرؤوا يصوروه ولا يكتبوا عليه بعيد على كل شيء احم تبارك الله عليه بعقلو ماشي بحال شي وحدين كل سيمانه.... كيديروا من جوج حتى ثلاثه د المؤتمرات صحفيه يبينوا ومشاريعهم واملاكهم.....

عائشه كتمتم : قل اعوذ برب الفلق العمى الله يحفظ لي ولدي

المرا : اش قلتي

عائشة : لا والو شكرا حتى انتي الله يخلي لك بنتك

المرا تحمسات : امين ملاك اتفتح مشروعها جديد قريب

وجبات كاتوريها في التصاور : شحال ما شفتيها واقيلا

عائشه كتشوف في البنت : شحال في عمرها

المرا : 26 عام

عائشه عجباتها : زوينة بزاف ما شاء الله ولات غزالة.... ايوا تادوزي انتي وياها عندنا نشربوا شي قهيوة

المرا اطير بالفرحه : ان شاء الله في هذه السيمانة واخا

عائشة :! اه مرحبا بكم

سمعات صوتها كاتعيط لها استاذنات وناضت عندها : اجي اش كانت كتقول هذيك

عائشة : فكرتيني عندها بنت غزالة عجباتني الصراحة وعندها 26 عام اتكون بعقلها جبنا لو بنت 16 وبناتي 20 وفوق ال 20 ما عجباتو حتى واحدة

وجدان : واش من نيتك هاذي بنتها راه كاطير كل سيمانة في بلاد....وكاتلبس الممممعري اكثر من المغطي والنص صحابها الرجال...هارون والله لاداها وهو كيقول لك تكون كيف ما بغات تكون غير تكون بعقلها وداخلة سوق راسها واخا تكون مطلقة ما عندوش مشكل راه هارون كيوزنهم وكيطيرهم من الطيارة

04/08/2025

💗الجزء الثالت ديال "لاتستفزي رجولتي" 💗

❤️‍🔥أدمنتها وبنار الهوى أحرقتها ❤️‍🔥

✨الجزء2✨

طلع الريدوات وقوص حواجبو من ضو الشمس وصوت الصداع ديال الشارع ستنشق داك الهوة ومشا بخطوات تقال لبيت تبدال جبد حوايجو لبس بالخف هز سلاحو تأكد منو وخشاه مور ضهرو وهز طليفونو وشعلو تواني وبداو يوصلوه ميساجات ميل راسو 100 ابل من عائشة الام ديالو 20 ابيل من يوسف باه 40 ابل من الطاهرة جداتو ميساج واحد من ناصر الزعيم وعاد ابيلات وميساجات من الخدمة صحابو دلبوليس لي خدامين دخل اول حاجة للميساج دناصر قراه مكتوب فيه : تشعل الطليفون اجي..

ودوز ابيل للخدمة عرف اخر المستجدات وشنو كاين ..خشا الطليفون فجيبو نسا شنو اليوم...تنهد وخرج من
الاباغطوم ركب فالبورش كحلة ديالو قبل ما يديماري جبد باكيتو دالسييجججار خدا واحد بزقو شوية بلسانو عاد دارو ففمو وشعلو....نتر نترة طويلة وساطها داك الساع وديمرا نيشان لقصر الزعيم... مخدم موسيقى كلاسيكية على عزف لكيتار .... مسافة الطريق وكان تماك نزل من الطموبيل كيشوف فالطموبيلات لي مستفين.... عرف انه كلشي مجموع..هز راسو لباب محلولة وصوت القرآن مسموع الدار عامرة ..مورالو مزفت باش يقابل عباد الله..رجع باللور ودار على الجيهة لوخرا من القصر... شاف لفوق وطلع من شرجم لشرجم بكل خفة واحترافية مولف هدشي فالتدريبات فالمدرسة العسكرية لي دوز..كانو الحرس غير كيشوفو فيه بلا تا كلمة.
وصل للبالكون هبط ليه كينفض فيديه ويقاد فحوايجو وحل لباب ودخل نيشان لعندو للمكتب سد لباب وهو كيشوفو جالس فالمكتب وكيشوف اونفاص معاه فواحد الحيط عامر بالتصاور .. قرب لعندو بهدوء وتحنا لعندو باحترام وباس يديه.. الوحيد لي كيخليه يبوس يديه هو هارون..عارف باش كيحس دابا وعارف انه لا دوا وقال شي حاجة.... ماغا يفيدو بوالو .. الحاجة لي ايدير هي يكون معاه وصافي ويسمع ليه لا بغى يدوي..

تواني وسمع صوتو : هادو كاملين حضرت لموتهم ودفنتهم

رجع تنهد ونطق سمياتهم: ياسين.. لارا....كمال (راجل روبي) أحمد ... الواليدة (وجدان الام ).. كلهم ماتو قدام عيني وانا عايش .. سكت وكمل: ليوم دكرى موت أحمد .. كون ماهو عمر ناصر كان ايكون.. هادو كاملين لي كتشوف دابا عشت معاهم يام من عمري فاتو ولكن محفورين فدماغي.. سكت تاني شحال ورجع نطق ما بغيتش نزيد نجلس على هاد الكرسي ونشوف فهاد الحيط ونلقى صورة خرا ديال شي واحد غالي عليا معلقة هنا وانا حي وهو ميت..هاد المرة صورتي لي بغيتها تكون

تم هارون شاف فيه وحط يديه على كتافو: الله يرحمهم كاملين وانت مازال اتعيش اناصر ..

ناصر تبسم بهدوء وشاف فيه: فين
كنتي

هارون : فالدار

04/08/2025

💗الجزء الثالت ديال "لاتستفزي رجولتي" 💗

❤️‍🔥أدمنتها وبنار الهوى أحرقتها ❤️‍🔥

✨الجزء 1✨

كان بووححدو وسط الصحراء ماكاين تاحد من غيرو الشمس كتحرق ورملة كتر....ريقو ناشف بالعطش عرقان بالشمس....سلللاح فيديه وهو كيتمشى شحال حتى كتبان ليه باب كبيرة تبسم وهو كيشوف ناصر جدو واقف تماك هو وشي واحد هاز فيديه وسام ديال
الترقية

كاع داك التعب مشا وهو كيشوف انه حلمو تحقق وانه صافي قرب يوصل ... قرب لعندهم حتى كيوقف من صوت لققررطااس تبلوكا وهو كيحس بالددمم نازل من راسوو تا غطا عينيه وحريق مجهد.. كانو تيراو ليه فراسوو

سمع صوت ناصر كيغوت : هاروووووووون زيييد دغيا راك قربتي زييد

بغا يزيد خطوة ولكن رجليه فشلو طاح على ركابيه وهو كيشوف ناصر كيختافي ولباب كتسد ومشا داك النوور

كابووس خلاه يحل عينيه عاقد حواجبو كلو عرقان وددممو كيغلي دقات قلبو متصارعين ووجع قاصح فدماغووو خلاه يزيد يقوص حواجبوو وناض جالس كيشوف غا الضلام تواني وتشعل الضو دلفيوزات وحس بشي بدين جاين لجيهتو قبل ما يوصلو ليه شد داك ليديين وزير شوية ويهرسهم شقلبها وجابها قداموو خلا قلبها يمشي ويجي من نضراتو الحادين وعينيه حومر جمرة ونطق بحدة: شكون نتي

تلف ليها لكلام : انا ..انا

رجع نطق وهو كيطلع يديه وبدا كيخنننقها فعنقها :هضريي

نزلو دموعها مقصحها فيديها وكيخنقها من عننتقققها كتحس بالمووت : جبتيني لبارح معاك دوزت معاك
الليلة

قوص حواجبو كيشوفها عع*ررريانة عاد تفكر الكابوس خلاه ينسا كلشي زاد زير عليها ونزل من الناموسية منزلها معاه : مانشوفش وجهك قداميي

هزات حوايجها وهي كتكح وتسترجع انفاسها وخرجات كطير مخلوعة شادة فيديها كدرها بزاف....لبارح كان سسسشككران كان ضريف ماكانش هكاا كان فشكل اما دابا بحال شي قباض رواح.....اما هو كيحس براسو ايطرطق عليه...حل المجر وجبد دوة ديالو شرب تلاتة فدقة شوية ويضرب راسو مع الحيط ناض دخل للحمام كيدوش بما باارد وتكا على الحيط ماكايحس بوالو لا بداك لما بارد لي ثلج ليه داتو ولا بريقو الناشف كيحس غير بداك الحريق لي فراسو بحال شي مطرقة كضرب فراسوو دقايق وبدا كيخفاف لوجع شوية بشوية تا جسمو ترخا رجع لما دافي ودوش وخرج لاوي عليه فوطة وقف حدا لمراية كيشوف فراسو كيف عروقو بارزين ديال جبينو عينيه حومر ماكرهش يخشي يديه فراسو ويجبد داك القرططاااسة لي لداخل لي ماقدروش يجبدوها الاطبة..هاد الحريق لي حس بيه دابا غير الدرجة الاولى ديال الحريق...اكيجيه حريق ماكتر منو بجوج درجات ماكايفيد معاه لا دوا لا ما بارد ... تنهد كيشوف فالساعة الوحدة دلعشية...هز قرعة دلما هبط عليها فدقة

21/07/2025

القصة انكملها فهاذ الصفحة

✨ ولكبريائها انا منجرف ✨

🥀الجزء34🥀

قدس : علاش انا مافخباريش هادشي والموضوع كان كيخصني....كنت انا انقرر بخاطري

أسد : حيث غير قبل منها كونتي طحتي فمشكل قد راسك حيث خرجتي بلا ماتشاوري.... وحيث انتي اللي عطيتي لداك المدرب الفرصة باش يلقى منين يدوز ليك وعطيتيه وقت...حيث كديري لي فراسك وعند بالك راه حنا خانقينك...ومكنتيقوش فيك....عرفتي دابا علاش كنبقى مراقبكم فسن المراهقة حيت مكتصرفوش بالعقل وأي واحد يقدر يضحك عليكم...وطيش ديالكم أتخلصو عليه ثمن غالي يقدر يكون مستقبلكم

قدس : دارت راسها بين يديها وكيتسمعو شهقاتها...

أسد : (وقف ومشى حدا الشرجم) شوفي فيا... هادشي اللي وقع متخليهش نقطة سوداء فحياتك...لا...اعتابريه درس وتعلمتيه...أنك متيقي فحتى واحد من غير عائلتك...مكاين اللي يبغيلك الخير من غيرنا...وعمرك تيقي فدنيا حيث ماكاتمشيش كيف بغينا فأي لحضة تقدر طيحك...وانتي خاصك تكوني دايرة هادشي فبالك...وخاصك تعرفي تصرفي فأي موقف طيحاتك فيه...وفأي ضرف مخاصكش تستسلمي... بالعكس أي مشكل ديريه درجة باش توصلي بيه لداكشي اللي بغيتي.... شوفي فيا...انتي بنت الاسماعيلي وديما خاصك تبقاي رافعة راسك لفوق حنا عارفين المعدن ديالنا وتربيتنا وحتى انتي خاصك تيقي فتربيتك...وتنساي اللي داز ولكن متنسايش الدرس اللي خديتي

قدس :( ناضت مشات كتجري عندو وعنقاتو) سمحليا أبابا... عفاك سمحليا... حيث حطيتك فهاذ الموقف (بكات بحرقة...كتخرج ݣاع داكشي اللي فقلبها) كنت باغا نكمل قرايتي...وندير مشروعي...كنت باغا حتى انا تفرحوا بيا...كنت باغا حتى انا يجي نهار اللي نلبس الكسوة البيضاء ونخرج من دارنا كحلم أي بنت (شهقاتها كيعلاو) مكنتش باغا نتزوج ونخرج من دارنا ببيجامة...مكنتش باغا نخرج وانا مخاصمة مع عائلتي حيث سنيت بزز على زواجي...مكنتش باغا هادشي

أسد مخليها كتهضر كتخوي اللي فقلبها....ودمعة نزلات من عينيه...بقات مدة حتى رتاحت وشهقاتها بداو ينقصو... وهي حسات براسها رتاحت...كانت محتاجة تهضر...كتحس بجبل وتزاح على كتفها...مكرهاتش تبقى معنقاه نهار كامل....شافها تهدنات مسح دمعتو وهو يجيبها قدامو.

أسد : ( تبسم ) صافي ارتاحيتي.... اقلبك عامر كان خاصك غير اللي يجبدك (قدس شافت فيه وتبسمات )

قدس : كان عندك الحق أبابا... انا كنت كنقول انكم كتفرقو بيناتنا وكنقول قسم كتخليوها دير اللي بغات وانا لا...دابا عاد فهمت... هادشي كديروه لمصلاحتنا وحتى قسم كنتو كديرولها بحالي حتى كبرات ولات تعرف تفرق بين صح والغلط عاد عطيتوها حريتها...

أسد : راه حتى قسم واخا كبرات راه مزال كنعرف شنو كدير... حيث حتى هي ممكن تغلط واخا كبرات...حيث ماشي كولشي بحالنا أيبغي ليكم الخير

قدس : عندك الصح هاذ الأزمة علماتني انهو حتى واحد مغيعقل عليك من غير عائلتك... وفنفس الوقت علماتني انا صحبة الصادقة كتجي بوحدها...(كتهضر وكتفكر سلمى اللي وقفات معاها هاذ المدة) بلا مقابل...بلا منضربولها الحساب... وكتحس بيها بصح باغياليك الخير.... ماشي غير مضاهر والاستغلاال

أسد : راه أي مشكل كيوقع الي وكيكون فيه الايجابي وسلبي ...غير حنا فديك اللحضة كنشوفو غير سلبي... الإيجابية كتكون على شكل ناس وقفو معانا ولا على شكل ناس عرفنا حقيقتهم...ولا على شكل درس ... وانتي هاذو بثلاتة كانو ايجابيين فمشكلتك

قدس : بصح أبابا عندك الحق

أسد : صافي مسحي عليا دوك دموع وزيدي نمشيو عندهم....يكونو باغيين يݣلسو معاك وحنا بقينا هنا (يلاه غاديين وهو يوقفها)

20/07/2025

تسريبات فستوري صفحتي الثانية 😂 كنبقى ناعسة ونجي نصدمكم

22/06/2025

اللهم إني أسألك العوض الجميل في كل شيء انكسرت فيه نفسي 🤲🏻