01/11/2025
لي طلبو مني قصة الزعيم من الأول
✨الجزء الاول✨
💗لاتستفزي رجولتي💗
ناعسة وخاشية راسهاا تحت لمخدة ومعصبة مامخلينهاش تنعس بغواتهم ناضت كتجري طلات من الشرجم لي كيطل على زنقى دلات راسها من شجرم وهي كتغوت:صبحنا على الله تحركي نتي وياها من حدا لباب ماجاكم دباز غير من تحت الشرجم ديالي
شافو فيها دوك لعيالات:شمن صباح راه 12 ونص هادي
خنزرات فيها شوية وتلاح عليها من شرجم:شوفي نتي راني كنجمع ليك راه نهار انشدك ماغنخلي فيك غير لي نسيت غا لبقات هضرتك كتوصلني
لمرة كضرب فصدرها:الله يا بنيتي وتيقتيهم عارفاني انهضر فيك ا وجدان
وجدان: دابا تحركو بعدو من لباب ولا انزل نفرع شي وحدة فيكم
مشاو كيطيرو عارفينها علاياش قادة وايلا قالتها راه ديرها
يلاه اتشد الشرجم وهي تشوف ختها جايا كتكسول هي وصاحبته اطلات عليها: عاااد جايا ليوم كتخرجي مع ل11
ليلى من لتحت:ضربت دوورة انا ولبنت شنو فيها
وجدان شافت فصاحبتها: نتي نعاود نشوفك معاها نخلا دار عشتك سمعتيني
البنت: مال ختك معايا
ليلى: ماديش عليها
وجدان: مزال واقفة تحركي سيري بحالك كتجمعو غا على الكواريث
مشات وهي كتعفط فجلايلها
وجدان: طلعي نتي نتفاهمو
ليلى دفعات لباب برجليها لي في من لقزدير دغيى كيتحل هدشي لا ماطاحش طلعات ودخلات لدار وهي كتمسح فعكار
وجدان واقفة وكتشوف فيها: راني شتك شهاد لخصايل واش كتقلبي على شي قتلة فين كنتو
ليلى: قلت ليك جبنة ضورة وجينا
وجدان: اجي قربي لهنا
ليلى كترجع بلور : علاش
وجدان طارت عليها وجراتها لعندها وهي كتشم فيها"ريحة دلكاارو اش هادشي شحال من مرة خاص نهضر معاك تبعدي من هاد لوسخ
ليلى كتحال تفك يديها :وراه ماشي انا راه لبنت
وجدان شداتها من شعرها وبدات تدي وتجيب فيها: ياك كنقولك داك الكلبة بعدي منها كاديري لعكس زعمة
ليلى :واااخة راه غير تلاقيتها حدا لباب دلمدراسة راه من داك نهار ما تلاقينا
وجدان :لا لا نتي خرجو رجليك لشواري من لمزيان غنمشي لداك لمدراسة نشوف شكا ديري
ليلى: وداابة رخي مني اتخسري لي شعري لي من صباح وانا نبلاكيه
وجدان رخات منها: برهووشة لوخرا
ليلى كتقاد فشعرها: 18 لعاام شمن برهوشة الوخراا
وجدان: تحركي سيري جيبي لخبز من لحانوت براكة من لهضرة شوفي راه مزال ماسالينا
ليلى: ياك ديما كنجيب النقطة لاش اتمشي لمدراسة
وجدان: غنمشي نشووف لغياااب
ليلى: ماسوقكش فالغياب ياك بغيتيني نشد لباك راه غنشدووو
وجدان طارت عليها تاني وشداتها من شعرها: بربي ونلقى شي ساعة دلغياب ياتا نريشك قداامهم تماك فلمدرسة وندير ليك ااشوهة
ليلى: اااي قصحتيني
وجدان رخات منها: تحركي من وجهي دابة
ليلى: اري لفلوس
وجدان حلات ساكها: هاكي وردي الصرف
ليلى: هاااء 20 درهم ونرد الصرف راه قالينا ساد نجيبو لفلوس على قبل نطبعو شي وراق دلمتيحانات راه قرب لوطني
وجدان: هاد لقوالب حفضتهم بلا ماتبقاي تفرعيلي راسي بيهم
ليلى وهي كتحل لباب باش تمشي: هاني مشيت
#قصص #قصصواقعية #روايات #رواية #حكايات #الزعيم
