Die Landbougesprek

28/05/2026

Johan van den Berg is weer terug op sy pos met sy weeklikse weerverslag op RSG Landbou.

Klik op die skakel in die komentaarafdeling om na hierdie week se weerverslag te luister 👇.

Plaas Media

28/05/2026

In vandag se aflewering van RSG Landbou:

Die minister van openbare werke en infrastruktuur, Dean MacPherson, het tydens vanjaar se Nampo-oesdag ‘n nuwe inisiatief bekendgestel. Dit staan bekend as die Adopt-a-Municipality-inisiatief en ons het daar met hom gesels.

Die waarde van herlewings- en bewaringslandbou het ook tydens Nampo ter sprake gekom. Alhoewel Suid-Afrika onder die top tien lande is wat herlewingslandbou as praktyk toepas, moet produsente besef dat ‘n kopskuif nodig is. Die praktyke verlaag onder meer insetkoste, en verseker gesonde grond en biodiversiteit. So sê dr Hendrik Smith van Asset Research.

In ons weergesprek met Johan van den Berg, gesels ons oor die realiteit van die El Niño-weerverskynsel en Chris Derksen is terug met die week se vleispryse.

Klik op die skakel in die komentaarafdeling om na die uitsending te luister! 👇


NAMPO

27/05/2026

In vandag se aflewering van RSG Landbou:

Wetenskaplikes van die Universiteit van Pretoria en Texas A&M Universiteit in die Verenigde State, het befondsing ontvang vir 'n projek wat fokus op klimaatslim beesvleisproduksie in Suid-Afrika en die bestuur daarvan deur kunsmatige intelligensie. Ons het meer hieroor gaan uitvind.

Die toestand van plattelandse paaie, toegang tot silo’s, munisipale vermoëns en gemeenskapsbetrokkenheid is tydens vanjaar se Nampo bespreek. Naudé Pienaar van Agri Noordwes het die werklike situasie rondom swak padinfrastruktuur uitgelig en ons het na afloop van die paneelbespreking met hom hieroor gesels.

Dan is Izak Hofmeyr aan die woord met die nuuste internasionale landbounuus.

Klik op die skakel in die komentaarafdeling om na die uitsending te luister! 👇

University of Pretoria Texas A&M University Agri NW

26/05/2026

In vandag se aflewering van RSG Landbou:

Het jy geweet een skaap het verskillende tipes wol in sy vag? Daar is rugwol, kortwol, langer wol en penswol, en van elke tipe word iets anders gemaak. Cor Uys is die fasiliteerder van vanjaar se skeerdemonstrasies by die Karoo Winterwolfees wat vanaf 3 tot 4 Julie by Middelburg in die Oos-Kaap gehou word. Hy praat oor die waarde van die geleentheid vir die wolbedryf.

Carmé Naudé van Bergrivier Besproeiing nooi produsente uit na ‘n boeredag in die Paarl, waartydens kundiges oor nuwe en innoverende besproeiingsoplossing sal gesels.

En dan is Heinrich Victor oudergewoonte terug met die nuutste wolmarkverslag.

Klik op die skakel in die komentaarafdeling om na die uitsending te luister! 👇

Karoo Winter Wool Festival Bergrivier Besproeiing

25/05/2026

In vandag se aflewering van RSG Landbou:

Het jy geweet dat die Nasionale Wolkwekersvereniging vanjaar hul 100ste bestaansjaar vier? Die amptelike handelsmerk van dié vereniging is ‘n springbokkop. Annelize Smit van Niekerk van die NWKV, verduidelik in vanoggend se RSG Landbou, hoe daar in 1931 op dié kenteken besluit is. Die Springbokkop-wolklasserkwalifikasie is ook hoogste kwalifikasie wat ‘n wolklasser kan bereik. Sy vertel meer hieroor.

En in hierdie week se landbounuus berig ons onder meer oor die pluimveegroep, Astral, se nuutste finansiële resultate, die bek-en-klouseer siektebeheergebied in KwaZulu-Natal wat geskrap is, en Suid-Afrika se koring-invoertarief wat na nul rand per ton gespring het.

Klik op die skakel in die komentaarafdeling om na die uitsending te luister! 👇

NWGA SACOTA

21/05/2026

In vandag se aflewering van RSG Landbou:

Die Koejawelprodusentevereniging van Suid-Afrika verwag ‘n oes van so 21 000 ton. Die reën wat die Wes-Kaap onlangs ontvang het, kan moontlik ‘n positiewe impak op finale oessyfers hê. En het jy geweet daar is koejawelboorde wat 80 tot ‘n honderde jare oud is en steeds vrugte dra? Ons gesels met Jacques Jordaan oor hierdie interessante bedryf.

Johan van den Berg is terug met ons weeklikse weervooruitsigte en Chris Derksen vertel wat hierdie week met vleispryse in die Noord-Vrystaat gebeur het.

Klik op die skakel in die komentaarafdeling om na die uitsending te luister! 👇

20/05/2026

In vandag se aflewering van RSG Landbou:

Het jy geweet dat wildeienaars van die Springbokvlakte tot onlangs nog verbied was om springbokke aan te hou? Wildbedryf Suid-Afrika het die hof namens sy lede en die breër bedryf genader, nadat die Gautengse regering begin het om voorwaardes op te lê om die aanhou van sekere spesies te verbied. Richard York gesels hieroor.

Waarna kyk finansiers wanneer ‘n kredietaansoek oorweeg word? Dawie Maree van FNB het tydens die Oranjeriviervoere-boeredag op Prieska, met boere hieroor gesels.

Ons hoor ook wat Dries Pienaar, ‘n skaapboer van die Molteno-omgewing, oor die toekoms van skaapboerdery in die Karoo te sê het.

Klik op die skakel in die komentaarafdeling om na die uitsending te luister! 👇

Wildlife Ranching South Africa FNB Oranjeriviervoere Prieska

19/05/2026

In vandag se aflewering van RSG Landbou:

Daar is al hoe minder boerderye wat deesdae as ‘n eenmansaak bedryf word. Soos ‘n boerderybesigheid verander en groter word, is dit goed om maatskappystrukture in te bring. Luister wat Hennie de Swardt van FNB hieroor gesê het tydens die Oranjeriviervoere-boeredag op Prieska.

Veeveilings waar diere fisies by veilingskrale teenwoordig is, vind stadig maar seker weer plaas in gebiede waar bek-en-klouseer onder beheer is. Dit is goeie nuus vir die Au Albidus-groep van Brahman-beestelers in Limpopo, wat op 30 Mei hul derde versveiling by Bela-Bela aanbied. Willem Barnard vertel ons meer.

Henirich Victor is ook oudergewoonte op sy pos met die nuutste wolmarkverslag.

Klik op die skakel in die komentaarafdeling om na die uitsending te luister! 👇

Oranjeriviervoere Prieska FNB Au Albidus

18/05/2026

In vandag se aflewering van RSG Landbou:

In hierdie week se landbounuus op RSG Landbou praat ons oor Suid-Afrika se 2026 wyndruif-oes, plaaslike verkope van landboumasjinerie, die Suid-Afrikaanse tafeldruifbedryf se 2025/26-seisoen en Agri Wes-Kaap se kandidate vir sy 2026 Jongboer van die Jaar-kompetisie.

Verder gesels ons met Francois Knowles, die registrateur van die Landbouprodukte-agenteraad, APAC, oor dié organisasie se protokolle vir lewendehawe-agente. Dit kom nadat 'n bek-en-klouseer voorval ‘n paar weke gelede by Tobie Myburgh Afslaers se Bloemfontein-veilingskraal bevestig is.

En Aartappels SA vertel ons ook wat met aartappelpryse in April gebeur het.

Klik op die skakel in die komentaarafdeling om na die uitsending te luister! 👇

Agri Wes-Kaap Agricultural Produce Agents' Council Potato Nation Tobie Myburgh Afslaers

Ons ontvang ons die jongste landbounuus, daar is meer oor APAC se protokolle vir lewendehawe-agente, en ons hoor wat met aartappelpryse in April gebeur het.

14/05/2026

In vandag se aflewering van RSG Landbou:

As jy kan sing en in die kern- en steenvrugte-,wyn-, tafeldruif- en sitrusbedrywe werksaam is, kan jy nou inskryf vir die jaarlikse Agri’s Got Talent-kompetisie. Dit is meer as net ‘n sangkompetisie – dit is ‘n projek wat ook die individu se selfvertroue en selfbeeld verbeter. Thea van Zyl vertel ons meer.

Die Lewendehawe Registrerende Federasie se Veeskool wat vanjaar weer in Oktober gehou word, fokus op die potensiaal van die beesvleiswaardeketting. Izaan du Plooy gesels oor onderwerpe wat bespreek word en vertel ook van Catriona Millen, ‘n vee-genetikus uit Australië, wat as spreker sal optree.

Johan van den Berg is terug met ons weervooruitsigte en Chris Derksen met nuus oor die week se vleispryse.

Klik op die skakel in die komentaarafdeling om na die uitsending te luister! 👇

Agri's got Talent Livestock Registering Federation

13/05/2026

In vandag se aflewering van RSG Landbou:

Landbouers in die Noord-Kaap is verheug oor die reën wat dié provinsie ontvang het, maar lusernprodusente voel nie noodwendig dieselfde daaroor nie. En hoe lyk die paaie? Willem Symington gee terugvoer.

En as jy in landbou-opleiding belangstel, moenie ons gesprek met Shaun Welmans van Agri Skills Transfer misloop nie. Hy gesels oor hul Junie-innames, die plaas in Cullinan waar praktiese opleiding gedoen word en die aanlynstudies wat hulle aanbied.

Klik op die skakel in die komentaarafdeling om na die uitsending te luister! 👇

Agri Skills Transfer