LEKKER FM

Directions Website Contact the business

LEKKER FM LEKKER FM 98.3 is jou Nr. 1 Afrikaanse radiostasie in Pretoria en omliggende gebiede, so ook aanlyn, wêreldwyd. Dit kan net LEKKER raak!!!
(3)

LEKKER FM Kommentaarbeleid. Die doel van ons Facebook-blad is om luisteraars en lesers ingelig te hou van relevante nuus by die radiostasie, ons land en die wêreld. LEKKER FM moedig ‘n intelligente en oop gesprek aan en waardeer sinvolle bydraes deur ons luisteraars en Facebook-vriende. Ons moedig almal aan om deel te neem en kommentaar te lewer op plasings. Elkeen se mening is vir ons belangrik. Lewer egter kommentaar wat relevant is tot die plasing. Ons versoek alle deelnemers om hulself te weerhou van van enige vorme van haatspraak, persoonlike aanvalle, irrelevante, agressiewe of beledigende kommentaar. Ons behou onsself die reg voor om enige kommentaar wat teenstrydig is met ons beleide en etos by LEKKER FM te verwyder.

LEKKER FM NUUS - Die DA gaan ’n strafsaak open om ondersoek te vra na die moontlike versuim van Tshwane-amptenare om inw...
16/10/2026

LEKKER FM NUUS - Die DA gaan ’n strafsaak open om ondersoek te vra na die moontlike versuim van Tshwane-amptenare om inwoners oor onveilige drinkwater in Bronkhorstspruit te waarsku. Tot 160 gevalle van diarree en ander maagdermkwale is na berig word aangemeld. Volgens die DA beweer ’n fluitjieblaser dat die plaaslike watersuiweringsaanleg die afgelope drie weke sonder chloorbehandeling bedryf is. Die oorsaak van die siektes is nog nie vasgestel nie. Die party eis die bekendmaking van watertoetsuitslae en behandelingsrekords, en dring aan op veilige water vir die betrokke gemeenskappe.

LEKKER FM NUUS - AfriForum het weer aangebied om die Tshwane-metro te help om substasies teen vandalisme en diefstal te ...
16/10/2026

LEKKER FM NUUS - AfriForum het weer aangebied om die Tshwane-metro te help om substasies teen vandalisme en diefstal te beskerm. Die organisasie sê die metro het voorheen ’n aanbod goedgekeur om veiligheidskameras by ’n substasie in Garsfontein op AfriForum se koste te installeer, maar het sy span toegang geweier toe hulle opgedaag het. AfriForum se distrikskoördineerder, Llewellynn Hemmens, doen nou ’n beroep op die metro om saam oplossings te vind vir kragonderbrekings en skade aan infrastruktuur.

LEKKER FM NUUS - Die Gautengse e-Panic Button-noodtoepassing het glo gebruikers se persoonlike inligting blootgestel. Di...
15/10/2026

LEKKER FM NUUS - Die Gautengse e-Panic Button-noodtoepassing het glo gebruikers se persoonlike inligting blootgestel. Dit is volgens ’n ondersoek deur die GroundUp-verslaggewer Joel Cedras. Hy het luidens berigte bevind dat databasisse met foto’s, misdaadverslae, persoonlike besonderhede en presiese liggings sonder die nodige toestemming toeganklik was. Na berig word, het sowat 280000 mense die toepassing gebruik. Cedras het ontwikkelaars op 21 September gewaarsku, maar sê hy het nie bevestig of die sekuriteitsprobleme opgelos is nie. Die Gautengse regering het intussen 'n saak by die polisie teen Cedras geopen. Die Gautengse regering sê die opening van ’n polisiesaak ná ’n sekuriteitsbreuk is standaardprosedure.

LEKKER FM NUUS - Die Konstitusionele Hof het ten gunste van die ANC beslis in sy dispuut met die Onafhanklike Verkiesing...
15/10/2026

LEKKER FM NUUS - Die Konstitusionele Hof het ten gunste van die ANC beslis in sy dispuut met die Onafhanklike Verkiesingskommissie (OVK) oor kandidaatlyste vir die plaaslike regeringsverkiesing in November. Die uitspraak beteken dat die betrokke ANC-kandidate op stembriewe in ses munisipaliteite ingesluit moet word. Die ANC het die OVK se besluit om sy lyste te diskwalifiseer, betwis en aangevoer dat die nodige dokumente voor die sperdatum opgelaai en deposito’s betaal is. Die party se regsverteenwoordiger het ook aangevoer dat die OVK se “Submit as Final”-knoppie ’n sagtewarefunksie is, nie ’n wetlike vereiste nie.

LEKKER FM NUUS - Motoriste wat hul bestuurslisensies en voertuiglisensieskyfies wil hernu, ervaar diensonderbrekings by ...
15/10/2026

LEKKER FM NUUS - Motoriste wat hul bestuurslisensies en voertuiglisensieskyfies wil hernu, ervaar diensonderbrekings by verskeie lisensiesentrums in Johannesburg nadat ’n diensverskaffer se kontrak vroeg in September verstryk het. Moshe Koma, die Stad se burgemeesterskomiteelid vir Openbare Veiligheid, sê die vervangingskontrak het nog nie in werking getree nie. Sentrums wat geraak word, sluit Langlaagte, Midrand en Waterfall Office Park in. Die munisipaliteit skakel met provinsiale owerhede en die Departement van Vervoer om die probleem op te los.
Foto: Business Day

LEKKER FM NUUS - Moody’s Ratings sê Suid-Afrika kan sy eerste kredietgradering-opgradering van die agentskap sedert 2009...
14/10/2026

LEKKER FM NUUS - Moody’s Ratings sê Suid-Afrika kan sy eerste kredietgradering-opgradering van die agentskap sedert 2009 ontvang indien die land se fiskale prestasie aanhou verbeter. Moody’s het die land se kredietvooruitsig in Mei van stabiel na positief verander, met verwysing na skuldstabilisering en ekonomiese hervormings. Die agentskap voorspel dat staatskuld van 87% van die Bruto Binnelandse Produk in die vorige boekjaar tot 84% teen die einde van die dekade sal daal. Die minister van Finansies Enoch Godongwana lewer volgende week 21 Oktober die middeltermyn-begrotingsoorsig.

LEKKER FM NUUS - Die polisie het die laaste drie jaar 1823 bagasiediefstalsake by OR Tambo-, Kaapstad- en King Shaka-lug...
14/10/2026

LEKKER FM NUUS - Die polisie het die laaste drie jaar 1823 bagasiediefstalsake by OR Tambo-, Kaapstad- en King Shaka-lughawens aangeteken. Dit is volgens syfers wat die waarnemende minister van Polisie, Firoz Cachalia, in ’n parlementêre antwoord bekend gemaak het. OR Tambo het 1369 gevalle gehad, teenoor 306 in Kaapstad en 148 by King Shaka. Afsonderlike syfers vir diefstal van items uit bagasie sluit nog 241 gevalle in Kaapstad en 105 by King Shaka in. Sekuriteitsmaatreëls word verskerp, maar lugrederye bly hoofsaaklik verantwoordelik vir ondersoeke en vergoeding.

LEKKER FM NUUS - Die Afrikaanse sepie Binnelanders is op 13 Oktober 2005 vir die eerste keer op M-Net en kykNET uitgesaa...
13/10/2026

LEKKER FM NUUS - Die Afrikaanse sepie Binnelanders is op 13 Oktober 2005 vir die eerste keer op M-Net en kykNET uitgesaai. Die reeks, wat by die fiktiewe Binneland Kliniek in Pretoria afspeel, het aanvanklik uit weeklikse episodes van ’n uur bestaan. In 2006 het dit ’n halfuur lange weeksdagprogram geword. Ná verskeie formaat- en naamsveranderings het die reeks in 2014 na sy oorspronklike naam teruggekeer. Teen Oktober verlede jaar was daar reeds byna 5000 episodes vervaardig.
Foto: Just Watch

LEKKER FM NUUS - Die DA se Tshwane-burgemeesterskandidaat, Cilliers Brink, sê die stad se finansies is volgens RatingsAf...
13/10/2026

LEKKER FM NUUS - Die DA se Tshwane-burgemeesterskandidaat, Cilliers Brink, sê die stad se finansies is volgens RatingsAfrika in die swakste posisie van al Suid-Afrika se metro’s. Hy beskuldig burgemeester Nasiphi Moya se administrasie daarvan dat infrastruktuurbefondsing besnoei is, terwyl besteding aan kontrakteurs en watertenkwaens toegeneem het. Brink sê waterverliese het van 32% tot 41% gestyg, terwyl Tshwane tussen April 2025 en April 2026 altesaam 85000 poste verloor het. Hy bevraagteken ook die hantering van beweerde wangedrag deur senior amptenare.

WEN WEN WEN! Ondersteun Lux Deo gemeente Arconpark. Koop jou kaartjie vandag vir slegs R50 en staan die kans om 1 van vi...
13/10/2026

WEN WEN WEN! Ondersteun Lux Deo gemeente Arconpark. Koop jou kaartjie vandag vir slegs R50 en staan die kans om 1 van vier geskenkbewyse te wen met die komplimente van Checkers…vir meer inligting skakel vir Marlene 084-623-0401, Deon 082-783-1237 of die Kerk-kantoor 016 428-3508. Onthou jy kan deelneem net daar waar jy bly…

Address

244 Norma Jean Square, Jean Avenue, Die Hoewes
Centurion
0157

Website

Alerts

Be the first to know and let us send you an email when LEKKER FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to LEKKER FM:

Shortcuts

Share

Category