Sonvelt Media

17/12/2025

Skakel Kersdag in om 20:00 op kykNET NOU!

28/11/2025

Ons sien so uit om hierdie met julle te deel!
Skakel in op kykNET op 30 Desember om 20:00 vir die eerste episode!

Die eerste aflewering van dié ligte romantiese drama van drie episodes word op 30 Desember om 20:00 uitgesaai.

28/11/2025

En die nuus is uit!
EK, HY en JY - Iets om na uit te sien vanaf 30 Desember, net op kykNET kanaal 144.

25/11/2025

Vrydag is om die draai! En met Vrydag bedoel ons ‘n GROOT AANKONDIGING! Hou kykNET se platforms dop om nie uit te mis op die nuus nie. Hiérdie span het mooi gemaak!


Sone Combrinck Andre Velts Reandi Grey Actress Bobby Van Jaarsveld

12/09/2025

Opwindende nuus! ‘n Desember bederf wag op julle kassie met ‘n nuwe kykNET reeks. Hou platforms dop vir verdere nuus. Vir nou is dit al wat ons uit die mou kan laat!

01/09/2025

Nuwe dag, nuwe week, nuwe maand & nuwe seisoen - Ons het ook vandag begin skiet aan 'n nuwe projek vir kykNET met Lizé Vosloo in die regisseursstoel en Sunel Haasbroek agter die kamera.
📺🎥🎞️

26/08/2025

ONTWAAK se premiere van episode 1 het by die Silwerskermfees afgespeel. Die rolverdeling is uit die boonste rakke en die storielyn aangrypend. Dit is volgende jaar te sien op Showmax.

24/08/2025

Dit was ‘n uitsonderlike Silwerskermfees vir Sonvelt Media. Van al die nominasies en wenners in beide Reënboogrant en Pronk Primêr, tot die offisiële premiere van Ontwaak se episode 1. Baie geluk aan almal betrokke, ons kon voorwaar nie nog trotser wees nie! Op nog vele kreatiewe avonture!

Andre Velts Sone Combrinck Minke Marais Mila de Villiers, Tobie Cronjé, Pietie Beyers, Laura-Lee Mostert, Cindy Swanepoel Carel Nel, Chris Chameleon, Sean-Marco Vorster, Deon Lotz

30/07/2025

Ons is PRONK trots op ons “onnies” met hul Silwerskermfees TV-benoemings. Baie geluk aan:
Pietie Beyers (Kategorie: Beste hoofspeler in ‘n komedie)
Tobie Cronjé (Kategorie: Beste byspeler in ‘n komedie)
Laura-Lee Mostert (Beste byspeler in ‘n komedie)

Sonvelt Media staan bankvas agter julle! 🦚

30/07/2025

Silwerskermfees 🎥📺
Ons is ongelooflik trots op ons Reënboogrant Brink sussies met hul TV-benoemings vir die kykNET Silwerskermtoekennings vir Film en Televisie. Baie geluk Minke Marais en Mila de Villiers! 🌈🌈

18/07/2025

Sonvelt Media stel bekend: ONTWAAK

Wat gebeur as jou grootste vyand die enigste persoon is wat jou kan help? In Ontwaak keer die psigiater Melissa Human (Cindy Swanepoel) terug na Suid-Afrika om by Noordlig te werk - ‘n tronk vir gevaarlike geestesversteurdes. Agter die hoë mure ontdek sy ‘n sinistere kultus, Horisonne, wat haar dogter, Adri (Minke Marais) ingesluk het - en haar eksverloofde, Melchior (Chris Chameleon) is die leier daarvan.

Om Adri te red moet Melissa haar eie grense oorsteek en steun op Alwyn Bekker (Carel Nel), ‘n briljante reeksmoordenaar. Elke antwoord lei egter tot ‘n nuwe gevaar, elke keuse het sy prys. Hierdie is nie net ‘n stryd teen ‘n kultus nie - dis ‘n stryd teen die donkerste dieptes van self.

Die bekroonde dramaturg Wessel Pretorius is die skrywer, met André Velts as regisseur en Sonvelt Media as vervaardiger.
**Vanaf 2026 op Showmax

Vanjaar gaan loodsepisodes van 6 nuwe reekse wat vir kykNET en Showmax bestem is, ook by die Silwerskermfees vertoon word.