09/12/2022
Fluit-fluit, ons storie is uit
AfriForum Uitgewers (voorheen bekend as Kraal Uitgewers) was vir die afgelope 12 jaar die trotse uitgewershuis van die Solidariteit Beweging. Die primêre fokus was om instellings in die Beweging te ondersteun met die uitgee van hoëgehaltepublikasies oor sake van belang vir die onderskeie organisasies, asook om ’n gebalanseerde weergawe van die Suid-Afrikaanse geskiedenis (in die besonder van Afrikanergeskiedenis) te bied.
Met ’n herbelyning van die Solidariteit Beweging se werksaamhede, is daar besluit dat die uitgewery in sy huidige formaat moet ophou bestaan. Dit beteken dat ons voortaan nie meer boeke en ander produkte gaan verkoop of versprei nie. Manuskripte van die publiek sal dus ook nie meer vir publikasie oorweeg word nie. Die funksie om instellings in die Solidariteit Beweging met publikasies te ondersteun, sal wel behou word.
Let asseblief op die volgende reëlings:
Finale aanlyn bestellings en aankope in die boekwinkel:
Vóór of op Woensdag 7 Desember 2022
Afhaling van bestellings (persoonlik of per koerier):
Nie later as Woensdag 14 Desember 2022 nie
Hiermee bedank ons graag al ons kliënte, beide privaat en in die bedryf, vir jul jare lange ondersteuning. Sonder julle sou die geskiedenis nooit kon lewe kry nie!
Mag julle nooit ophou lees nie.
Boekgroete,
die AfriForum Uitgewers-span
