17/06/2026
NUUS: BOTHAVILLE MAN AANGEVAL EN VERMOOR - SAPS ONDERSOEK SAAK
Die SAPD ondersoek ’n saak van moord nadat Petrus Janse van Rensburg in Bothaville buite sy woonstel in die nywerheidsgebied aangeval en vermoor is. Volgens 'n polisieverklaring het die slagoffer se broer hulle Sondag, 14 Junie, na 'n wit Isuzu enkelkajuitbakkie ontbied, met die bakkie se deure oop en bloedspatsels binne-in en met die lyk van Van Rensburg ’n paar meter daarvandaan; hy het verskeie steekwonde aan sy regterarm, bors en die regterkant van sy nek gehad. Twee musse is naby die liggaam gevind. Slegs ‘n beursie met kontant word vermis. Die motief vir die moord is tans onbekend en niemand is nog in hegtenis geneem nie.
Ure ná die moord in die voorafgaande berig is Piet en Joheen Bouwer op hul plaas Hopefield in die Bothaville-distrik deur drie aanvallers met maskers en handskoene aan oorval, net nadat hulle Sondagaand omstreeks 20:00 tuisgekom het; Piet is met ‘n hamer oor die kop geslaan, terwyl twee van die aanvallers Joheen vasgehou het; die egpaar is toe die huis in gedwing waar hulle met ‘n staalpaal aangerand is; die aanvallers het geld geëis, wat deur die egpaar gegee is, waarna hulle beveel is om op ‘n bed te sit en is hul monde toegeplak en hul hande vasgebind; die aanvallers het daarna die huis deursoek en met ‘n rewolwer, vroueklere en skoene spore gemaak; die egpaar het omstreeks 23:30 daarin geslaag om hulself los te maak en hulp te ontbied. Die polisie ondersoek die saak, nog geen inhegtenisname. See less
Petrus “Peeta” Janse van Rensburg se lewelose liggaam Sondagoggend ʼn paar meter van sy wit bakkie gevind.
