Izindaba 247

20/10/2025

Amaphara ahlupha umasipala weTheku asevele abuyela emgwaqeni ngemuva kokushiswa kwemikhukhu ebesehlala kuyo eduzane nawo lo mgwaqo.

Ikhona lento ebahlalise kule ndawo ngoba ngisho kwenziwani, abayi kude, bavumbuka eduzane.

20/10/2025

Usephinde waqopha umlando umculi kaMaskandi uKhuzani 'Indlamlenze' Mpungose emenyezelwa njengomunye wabaculi abasethubeni lokunqoba indondo kuma-awards aseMelika.

UKhuzani usethubeni lokubuya nezindondo ezimbili njengoba engene emunxeni weBest Male Artist (Africa) nowe-Best Independent Artist (African) kuma-Hollywood and African Prestigious Awards. Umcimbi uzobe se-Los Angeles ngenyanga ezayo.

“Ukuhlonishwa emcimbini waloluhlobo kuyisibusiso futhi kutshengisa ukuthi umculo kaMaskandi usuhambe ibanga elingakanani. Lokhu kuhlonishwa kungokwabo bonke abalandeli abakholelwa kumculo wase-Afrika,” kusho uKhuzani.

20/10/2025

Kuleli sonto iMadlanga Commission izolalela ofakazi abathathu abangeke badalulwe, bazozwakala bekhuluma nje kuphela ngoba bethula ubufakazi obubucayi.

Bonke bangaphenyi.

20/10/2025

Amanye amalungu eNdlunkulu kaZulu athi ngeke abe yingxenye yomhlangano wobumbano obizwe yiSilo uMisuzulu kaZwelithini.

UMisuzulu ubize umhlangano ngemuva kwesinqumo seNkantolo eNkulu yokuDluliswa kwamaCala emkhiphe phambili embangweni wakhe noMntwana uSimakade.

Bekhuluma esithangamini nabezindaba eThekwini ngeSonto ntambama, labo abangahambisani nobuholi beNkosi uMisuzulu bathe ngeke balubhade emhlanganweni.

19/10/2025

Sekuphoxeke abagijimi ababalelwa ku-24,000 kuhoxiswa iCape Town Marathon ngenza yesimo sezulu eKapa.

Abantu bakhala ngezimali zabo abazichithile bethenga amathikithi amabhanoyi, accommodation kanye nesikhathi abasichithe belungiselela umjaho.

17/10/2025

Ungqongqoshe wamaPhoyisa omisiwe uSenzo Mchunu izolo uveze ukuthi isizathu sokuthatha isinqumo sokuthi avale ukusebenza kwePolitical Killings Task Team (PKTT) wukuthi wayefuna kusungulwe uhlaka olusha oluzobheka amanye amacala abucayi enzeka emphakathini, njenge-gang violence yaseKapa, nokunye okumise kabi abantu.

17/10/2025

16/10/2025

IMadlanga Commission ayivezwa kwiTV namhlanje nakusasa ngoba kwethulwa ubufakazi obubucayi.

Abezindaba bazamile ukusiphikisa lesi sinqumo kodwa bakhala ngaphansi.

Ofakazayo njengamanje ngeke livezwe igama lakhe emphakathini.

16/10/2025

Ungqongqoshe wamaPhoyisa kuleli uSenzo Mchunu ngesikhathi efika ePhalamende (eGood Hope Chamber) ngaphambi kokwethula ubufakazi phambi kwekomiti lesikhashana eliphenya ngenkohlakalo nokuphazamiswa kokusebenza kwengalo yomthetho kwiSAPS.

Video: EWN

16/10/2025

UMengameli Cyril Ramaphosa usemise umhloli-jikelele wezobunhloli kuleli, u-Imtiaz Fazel, njengoba kuzoba nophenyo lwasephalamende mayelana nokuziphatha kwakhe.

Izikhalo ngokuziphatha ngendlela engalungile kuka Fazel ngezinye zezinto eziholele ekuthenini agcine emiswa emsebenzini.

15/10/2025

Ijoint operation phakathi ka Home Affairs, Dept of Labour, Public Works, SAPS kanye no Maspala bagasele emaplazini kanye nasezitolo eziseBhamshela nokuyilapho okutholakale abasebenzi abangaphezu kuka 30 abangenayo imvume yokuba kuleli, kwashaqwa impala engekho emthethweni, kwavalwa nesitolo esingahambisani nemigomo yokuhweba yakuleli, kwaboshwa abanikazi bamaplazi ababili kwaphinde kwakhishwa nama compliance orders and prohibition certificates kwezinye zezitolo.

15/10/2025

Abezimo eziphuthumayo senseless ukuphahlaka kwebhanoyi ngaseNottingham Road.