Izindaba 247

Home
South Africa
Durban
Izindaba 247

Asandile ngomlomo, umsebenzi wethu uyazikhulumela. Sikulethela izindaba ezihamba phambili ezweni.

04/06/2026

Seliqalile ukukhithika eSani Pass eDrakensberg. Izingamo zezulu zike zaxwayisa ngamakhaza azoqala namhlanje, aqhubeke kuze kube yimpelasonto.

03/06/2026

Kuphazamiseke ukuhamba kwezimoto namhlanje ekuseni ngaseMarianhill Toll engozini ehlanganisa amaloli amabili nezimoto ezincane.

01/06/2026

Inkantolo yesifunda eBrakpan izokhipha isinqumo ngesicelo sebheyili esifakwe wuMatipandile Sotheni osolwa ngokubulala owesilsa owafakaza kwiKhomishini kaMadlanga.

USotheni ubhekene namacala angu-16, okubalwa kuwo elokwakha itulo lokubulala, elokubulala nelokuzama ukubulala.

14/05/2026

Owayengumshayeli wamatekisi oseyiChief Harbour Master kwaTransnet uCaptain Rufus Lekala usethweswe iziqu ze-Master of Commerce in Maritime Studies eNyuvesi yaKwaZulu-Natal.

ULekala uqale ukusebenza njengomshayeli wamatekisi eMamelodi, ePretoria, ngaphambi kokujoyina uTransnet eqashelwa ukuba yi-Tug Master e-Port of Cape Town, wabe esedlulela echwebeni laseSaldanha Bay eqashelwe ukuba yiMarine Pilot.

Ngo-2022, waba yiHarbour Master yokuqala yoHlanga echwebeni lase-East London futhi kamuva wasebenza esikhundleni esifanayo eKapa naseThekwini ngaphambi kokuqokwa kwakhe njengo-Chief Harbour Master we-TNPA.

“Njengezwe elisogwini elinamachweba amakhulu, ikhono lethu lokuphatha imisebenzi yasolwandle ngendlela ephumelelayo linomthelela ngqo ekukhuleni komnotho, ukwakhiwa kwamathuba emisebenzi kanye nokuncintisana emhlabeni jikelele," kusho yena.

. .

14/05/2026

Kulindeleke ukuthi aphinde akhuphuke amanani kapetrol ngenyanga ezayo. Izazi zomnotho seziqala ukuxwayisa ukuthi lokhu kunyuka kwentengo kawoyela sekuzoqala kubonakale kumanani okudla ezitolo.

13/05/2026

Abanikazi bamapulaze kuMasipala waseKouga e-Eastern Cape sebeqalil ukubhekana nomonakalo oshiywe yizikhukhula. Esithombeni izihlahla zikalamula epulazini elisePatensie, okungenye yezindawo zokukhiqiza amawolintshi e-Eastern Cape.

12/05/2026

Ngemva kwesonto lezimvula ezinamandla, sekuphinde kwahlasela amakhaza anzima eWestern Cape. Ngokwemibiko sekushone oyedwa ngenxa yesimo sezulu esingesihle ezingxenyeni ezihlukene kulesi sifundazwe.

Kunezikhukhula nomoya onamandla osekuholele ekutheni kuvalwe ezinye izikole nezitolo.

12/05/2026

Umengameli Cyril Ramaphosa uthi ngeke esule kwesobumengameli ngemuva kwesinqumo senkantolo yoMthethosisekelo ngodaba lepulazi lakhe iPhala Phala.

"Noma kunabantu abathi kufanele ngihoxe esikhundleni, ayikho into kwisinqumo senkantolo yoMthethosisekelo engiphoqayo ukuthi kufanele ngihoxe.

"Ngakho ke ngicela ukucacisa nje ngenkulu inhlonipho ukuthi ngeke ngihoxe. Angiyi ndawo. Sengathi uMdali engaqhubeka abusise iNingizimu Afrika, anivikele."

10/05/2026

Kwehle izinyembezi kuThembisani Mntungwa ekhumbula unina ongasekho emhlabeni ngesikhathi ethweswa iziqu e-UKZN.

10/05/2026

INational Sea Rescue Institute (NSRI) inxusa abantu ukuthi baziqaphe ngeso lokhozi izexwayiso zesimo sezulu ezikhishwa ngabe-SA weather service njengoba kulindeleke ukuthi kube namakhaza emasontweni nasezinyangeni ezizayo.

Lesi sexwayiso silandela ukuhlengwa kwbantu kwizikhukhula eKouga e-Eastern Cape ngoLwesihlanu, okuhlanganise izinhlaka ezihlukene zabezimo eziphuthumayo.

Kuhlengwe abantu abawu-49 eKingsway resort.

Address

Durban

Website

http://www.izindaba247.co.za/

Alerts

Be the first to know and let us send you an email when Izindaba 247 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Izindaba 247:

Shortcuts

Want your business to be the top-listed Media Company in Durban?

Izindaba 247

04/06/2026

03/06/2026

01/06/2026

14/05/2026

14/05/2026

13/05/2026

12/05/2026

12/05/2026

10/05/2026

10/05/2026

Address

Website

Alerts

Contact The Business

Shortcuts

Share

Category