Malindisa news

14/11/2025

14/11/2025

ISELA | Lona osesithombeni ngu-Ayanda Nzimande obengunogada ebhilidini e-PMB oqoshwe ikhamera etshotsha kanti uhlangene nabathile kwinkampani abeyisebenzela i-Alpha Security.

UNzimande ubesebenza njengo Team leader kwinkampani yonogada Alpha Security ebigada ibhilidi Forests Waters Lifestyle eliku-70 Connor road e-PMB ngemuva kwe Liberty Mall. Kulelibhilidi bese kuphele iminyaka abahlala khona belahlekelwa izinto. Belahlekelwa ama Laptops, Cellphones, imali, izimpahla ezibizayo, amawashi nokunye. Imvama lapha abahlali balapha bebenokushiya okhiye egedeni uma kunento ezolungiswa noma ewushiyela othile, Kanti lonogada uyabathatha eyosika amawele okhiye. Ilapho ke abengena khona atshotshe lezizinto ezibizayo kodwa eziphathekayo.

Akabuzanga elangeni kanti uzongena kwelinye igumbi kucushwe ikhamera. Yabe isimqopha etshotsha epayitela. Wafika umnikazi wendlu othe mayedlala ifilimu le wase ephuthuma emaphoyiseni wavula icala. Kube sekuthiwa iziphathimandla zebhilidi nenkampani ayisebenzelayo. Kulenkampani Alpha Security kwaba khona usathane abetshotsha nawo wamqwashisa wathi makabaleke isibhemile. Nempela wabaleka waqonda esiteshini samabhasi e Mcdonald nanka lawa alibangisa eGoli, kanti uzobonwa othile wathi mayehlaba umkhosi amaphoyisa afika eseshaye wachitha. Kanti ubonakele ethatha imoto yakwa Alpha imbalekisa.

Kuno Supervisor walenkampani okukhomba ukuthi ubehlangene nalokhu kuganga ngoba uye lo owayemgugumbisa embalekisa. Esebaleka esiteshini samabhasi kwasala isikhwama salo isele sinepasi nethikithi, ithikithi elithe malihlonzwa kwahlaluka ukuthi belithengwe uyena Alpha Security.

Lelisela liyafuneka olibonayo athinte amaphoyisa ku: 033 845 7789

Isithombe: Ayanda Nzimande isela.

08/11/2025

KUGXEKIWE UKUHLOBA NGEHLAZO EMCIMBINI
KWAHLABISA

08 NOVEMBER 2025

ISIPHONGOZO
Kuphithizele abantu kwaze kwafiphala inhlamvu yelanga izolo emcimbini wokubungazo iNkosi Hlabisa, njengalokhu kubongwa impilo kanye nenqubekela phambili esesihlalweni sobukhosi iminyaka engu (48).

ISENDLALELO
Kulomcimbi osezingeni eliphezulu bekunezikhulu zombuso, ezingweni likaZwelonke kanye nasesiFundazweni, amakhosi amaningi, ngaphansi kokhalo lwesifunda, oSodolobha, kanye namalunga aqavile emaqenjini ezombusazwe.

UKWENABA
Ekhuluma ngokujulile uNkosi Biyela waseMahlayizeni, ubongele iNkosi Hlabisa ngokubambelela kakhulu esihlontini esahlelembeka esandleni soMtwana wakwaPhindangene, mayela nokusingatha izindaba zesizwe ngobunono kanye nobuqotho.

ISILANDISO
Eqhubeka nokulandisa okaMenziwa uncome iqhaza likaNdlunkulu ngokweseka iNkosi, waphinda wabagxeka abaholi abahlulekaneyo ukuhlonipha isizwe, abazazi bona, maqede bashaye indiva imizwa yabantu.

EKANTI
OkaMenziwa uyihlabe wayihlikiza inkohlwakalo, ubugovu kanye nempakamo kubaHoli.
Uthe ubuqotho yibona obenza ubuholi buhlonipheke, hhayi ukuhloba ngamahlazo nsuku zaphuma.

OKUNYE
Sifisa ukudlulisa ukuthobeka kakhulu kukhona konke okuhle okwenziwe ukuqhakambisa izenzo, ubuholi, ukutusa amava amahle esizweni.

Kuyiqiniso nokuthi baningi abasekele lomcimbi ezinhlakeni eyahlukeneyo, ekanti kumele sizithobe kakhulu nakubona.

UKUTHAYISELA
Singafisa ukubona imicimbi eminingi ehlelwayo kubanjiswane nezinhlaka ezahlukeneyo, njengalokhu kwenzekile nakulo lomcimbi, amalungiselelo onke aqale ngegxathu elicoyisakele. Ekanti nezinhlaka zokuphepha, ikakhulukazi abombutho babeyinxenye kukhona konke, ukuqinisekisa ukukhuseleka kokhumbintethe lonke.

Siyathobeka kakhulu

Ihhovisi likaSihlalo weSigungu Sokuphepha komphakathi esifundeni saseMkhanyakude

07/11/2025

Isukile bahlali....

07/11/2025

Indoda eyayingumfundisi waseZayoni yakwaMhlabuyalingana e Manguzi yenza ubugebengu obushaqisa ikhanda isabhadla ejele. Yena nabanye abasebancane babulala intombazane eyayinebala elimhlophe "Albino" ngenhloso yokwenza umuthi ' 😭💔⚠️

Ngokusho kwabantu' bebekhishiwe beyozixolisela emphakathini wasesiCabazini khona KwaMhlabuyalingana bakhombisa ukuzisola ngesenzo abasenza. Lento yashiya abantu bethukile namanje basathukile ngokwenzeka.😭💔😭