KZN Community Newspaper

13/12/2025

12/12/2025

Izogadulisana neMexico iBafana Bafana endebeni yomhlaba (FIFA World Cup 2026)
https://kznnamuhlanews.co.za/2025/12/12/izogadulisana-nemexico-ibafana-bafana-endebeni-yomhlaba-fifa-world-cup-2026/

SBU MAMBA

Iqembu lesizwe iBafana Bafana izophinde ibhekane neMexico emdlalweni wayo wokuqala ku Group A ku FIFA World Cup 2026 ezobanjelwa emazweni amathathu ngokubambisana okuyi Mexico, Canada neNemelika (USA) amaqembu esewonke ku Group A amikanje Mexico, South Korea,South Africa kanti kusalindwe iqembu lesine phakathi kwe Denmark neNorth Macedonia, amaqembu amabili azoqeda endaweni enhle kule Group azozibekela indawo kumkhumulajezi walomqhudelwano, uma izwe lihamba ibanga elide kulemidlalo yendebe FIFA World Cup lizobuya netshe lemali (izigidi zamadola asemelika)

Umqeqeshi uHugo Broos uthi ngeke kube lula kodwa unethemba ukuthi bazokwazi ukuthola amaphuzu amane noma ayisithupha ku Group A bangene esigabeni esilandelayo , esigabeni esilandelayo bazobheka nezinkuzi izikhondlakhondlal oBrazil, France, Belgium, France, Norway, Spain neGermany., USimphiwe Tshabalala waseNingizimu Afrika owashaya igoli lokuqala leNdebe yoMhlaba ye-FIFA ngo -2010 bedlala neMexico eFNB Stadium ngoJuni 11, 2010 eGoli ujabule kakhulu ngalomdlalo uthe isifiso sakhe sifezekile uthe isifiso sakhe ukuthi iBafana ishaye iMexico ithathe amaphuzu amathathu. UTshabalala uvumile ukuthi ngeke kufane njengo-2010, lapho iningi labalandeli abangu-85,000 ababegcwele enkundleni yezemidlalo i-FNB Stadium bebesekela iNingizimu Africa, uthe iBafana izoba nobunzima kulokhu njengeqembu elivakashile kodwa uthe maningi amathuba okuthi iBafana iqede esicongweni sale Group noma endaweni yesibili.

12/12/2025

USabelo “ZeroohRsa” Tembe waseNgwavuma unethemba lokuthi nizomeseka ngokummema emicimbini ehlelwayo
https://kznnamuhlanews.co.za/2025/12/12/usabelo-zeroohrsa-tembe-wasengwavuma-unethemba-lokuthi-nizomeseka-ngokummema-emicimbini-ehlelwayo/

My real name is Sabelo Wiseman Tembe,My stage name is ZeroohRsa. Ngizalelwe eNgwavuma, eMachobeni, KZN kodwa manje ngihlala eTongaat. I started music ngo-2018, inspired by local events ezazithinta impilo yami. My first song ngiliqophe ngefoni, and when I performed it, that moment made me realise ukuthi music is my calling.From there, ngazifundisa ukwenza ama-beats, recording, mixing and mastering. I learned a lot by sitting down with local producers, observing and asking questions. Ngo-2022 ngahlangana no-Andile Mthembu from Ubunye Agency at an event, and that connection led to me doing radio interviews on different local stations.Namuhla I’m still growing my sound storytelling, emotions, and a modern South African feel. Ngithemba ukukhula ngibe ngomunye wamazwi amasha avela eKZN naseNingizimu Afrika.Ngiyabonga for the opportunity and for taking interest in my journey. On Facebook: ZeroohRsa YouTube and all other platfoms , email address: [email protected] noma calls / WhatsApp: 074 377 7923.

12/12/2025

UNathi Myeza waseMsinga ocula Gospel ubonga abamxhasile njengoba esebuya nasemazweni apheshela
https://kznnamuhlanews.co.za/2025/12/12/unathi-myeza-wasemsinga-ocula-gospel-ubonga-abamxhasile-njengoba-esebuya-nasemazweni-apheshela/

Umculi we Gospel Nathi Myeza ukhombisa ukukhula endimeni yomculo. Lomculi ongowokuzalwa eMsinga Pomoroyi unethalente elimangazayo. Ukhule ecula kwikwaya ebhala izingoma kuyo lelokwaya ayecula nalo bebezigwazela ibhece behlomula ngezindondo zikhathi zonke. Ngonyaka ka 2024 ngo October wathola umyalezo ovela ku Esheily odabuka ezweni lase Kenya emunxenxa ekutheni enze inhlolokhono. Kulapho ke enikezwe iminingwane nokungenela inhlolokhono, wabe esebathinta. Uthe eqeda ukubathumelela umculo wakhe base bemuthinta kungakapheli ngisho imizuzu eyishumi. Inkampani DCMUSICLOVE yakuqinisekisa ukuthi izomhlelela ithikithi lebhanayi, indawo azohlala kuyo kanjalo nokudla.

Lenkampani eyahlabeka umxhwele ilentokazi izinze kwelase London phesheya kwezilwandle nokuyilapho wafike waqopha khona phesheya izingoma ezingamashumi amathathu. Kulezozingoma kukhona nengoma ethi: “One Love” esematheni ayenze nabaculi abaqhamuka emazweni afana noKhenya, Mozambique, Zimbabwe kanjalo nase London. Lentokazi yenze lengoma lapho idlulisa umyalezo wokuthi abantu ababumbane bayeke ukucwasana nokubulalana. Abadinga ukuthola umsebenzi wakhe Nathi Myeza, uyatholakala kuzona zonke izitolo ezidayisa umculo. Kulabo abadinga ukuxhumana naye. Ukhona Facebook: Nathi Myeza Gospel artist, YouTube-Nathi Myeza, Tiktok-Nathi Myeza naku WhatsApp / Call: 076 187 4609.

12/12/2025

UThembinkosi “Ijongo Elisha” Xulu waKwaMaphumulo ukhiphe EP iyathola ku-Online stores
https://kznnamuhlanews.co.za/2025/12/12/uthembinkosi-ijongo-elisha-xulu-wakwamaphumulo-ukhiphe-ep-iyathola-ku-online-stores/

UThembinkosi Xulu odabuka KwaMaphumulo Emhlangandlovu eNkosini uNtanzi owaziwa ngeJongo Elisha odedele I-Ep esihloko sithi: “I’M THE CLAIRVOYANT” neyenza kahle kakhulu kuma online stores. Usengenele umcintiswano competition yama Nima Award ethuthukisa abaculi abasebancane.Ngiyacela ukuba nimuvotele kuvotwa nge sms kanje (NIMA G) uthumele ku 40439 kuvotwa noma ikangaki -sms ibiza u-R2 kuqaliwe mhlaka-1 Disemba kuyovalwa mhlaka-31 january 2026 kanti ovote kakhulu maliwinile Ijongo Elisha uyothola ingxenye yemali eyobe ihamba nomkomelo wejongo elisha umusic we jongo elisha uyatholakala kuwowonke ama-online stores liyatholakala kwabafisa ukuliqasha emicimbini bengalithinta WhatsApp / Call: 079 343 7975, facebook: thembinkosi xulu, facebook: ijongo elisha sa, tiktok: ijongo elisha s a, instagram ijongo elisha s a, naku email: [email protected].

12/12/2025

Ubeyimpumelelo umcimbi weMiss Bergville bebetelebhela ozime
https://kznnamuhlanews.co.za/2025/12/12/ubeyimpumelelo-umcimbi-wemiss-bergville-bebetelebhela-ozime/

Abawinile
Syamthanda Khumalo Miss Bergville 2025
Simlindile khoza Teen Miss Bergville 2025
Miss Bergville 2025 2nd runner up Zama Sibaya
Miss Bergville 2025 1st runner up SILINDELO Khoza
Teen Miss Bergville 2025 2nd runner up Nonhlanhla Hlongwame
Teen Miss Bergville 2025 1st runner up Amahle Thwala
Miss Bergville 2025 Directors Choice SITHEMBOKUHLE Miya
Miss Bergville Overall Winner & Ambassador Vuyiswa Khubheka

12/12/2025

Injabulo ibibhalwe emehlweni ngesikhathi kunomcimbi wokuklomelisa abenza kahle emphakathini, kisukela kwabemisakazo, abamaphephandaba, osomabhizinisi, sibala nabakwi construction ukwakhiwa kwezindlu, abapheki, abasiki bengqebhu kuya kubafundisi kanye nodokotela Lomcimbi obuse Phoenix e Greenbury ehholo lomphakathi mhla zingu-30 Novemba 2025.. Lomcimbi wokukomelisa obuhlelwe uZanele Mkhize onguMsunguli we-EMBOLIGHTS MUSIC AND BUSINESS AWARDS.

12/12/2025

UMasipala weTheku uqhube umkhankaso wokuqwashisa ngokuphatha ukudla
https://kznnamuhlanews.co.za/2025/12/12/umasipala-wetheku-uqhube-umkhankaso-wokuqwashisa-ngokuphatha-ukudla/

SHEILA MHLONGO

UPhiko lukaMasipala lwezeMpilo yeMvelo luqhube umkhankaso wokuqwashisa ngokusingathwa kokudla, eNanda. Umphakathi uqwashiswe ngezindlela ezifanele zokuphatha ukudla, nobungozi obutholakala ekudleni.Luphinde lwafundisa ngokubaluleka kokugcina ukudla kuhlanzekile, kuphekiwe, futhi kulondolozwe ngendlela efanele ukuze kugwemeke izifo ezithathelana ngokudla. Lo mkhankaso uhlanganise abapheki bokudla nomphakathi, ngenhloso yokukhuthaza ukubambisana ekuvikeleni impilo yezakhamizi nokwakha isiko lokugcinwa kokudla ngendlela ephephile emiphakathini yethu.

12/12/2025

UMasipala weTheku usesilungiselele ngokugcwele isikhathi samaholidi
https://kznnamuhlanews.co.za/2025/12/12/umasipala-wetheku-usesilungiselele-ngokugcwele-isikhathi-samaholidi/

SHEILA MHLONGO

UMasipala weTheku uthi usesilungiselele ngokugcwele isikhathi samaholidi kaKhisimusi, njengoba kuzothuthukiswa ukuphepha kwamabhishi, ingqalasizinda eqinisiwe kanye nezikhundla ezisanda kuqinisekiswa. Ethula inkulumo kwabezindaba eNkosi Albert Luthuli Durban International Convention Centre namuhla, ngoLwesine, 4 December 2025 nguMhlonishwa iMeya uCyril Xaba, uMqondisi Omkhulu uSipho Cele, iNhloko yezoMthetho uMalusi Mhlongo. IMeya uXaba ithe wonke amabhishi aseThekwini aphephile ukuthi angabhukuda ngemuva kokugadwa kabanzi kulandela izikhukhula zango-2022.

Ekhuluma ngokugcinwa kwesimo esikhona, uXaba uthe ukuze kuncishiswe ukungcoliswa kwamabhishi uma kunemifudlana ehlanzekile enemvula ngokusebenzisa uHlanzimvelo okuhlanganisa nemizamo yokuphishekela 'ifulegi eliluhlaza'. Ukuqokwa kwabaqondisi abasha abathathu okunguMnuz Ednick Msweli oyiNhloko yoPhiko lwaManzi, uNksz Lindokuhle Mkhize noMnuz Bheki Mkhize ozoqala umsebenzi wakhe ngoJanuwari. Kuphawulwe ukuthi nakuba iDemocratic Alliance iwufake enkantolo umasipala mayelana nokuqashwa kwabaqondisi abakhulu, lezi zikhundla zigunyazwe ngendlela yiMenenja kaMasipala. Mayelana nengqalasizinda, idolobha likuqinisekisile ukuthi ukulungiswa kweSiteshi Sephampu saseNtuzuma, esacekelwa umlilo ngo-Ephreli 2023, sekuphothuliwe ukulungiswa, kanti imali engaphezu kuka-R20 million yabelwe ukubuyisela amanzi. Lesi siteshi sePump sihlinzeka ngamalokishi afana nalawa; KwaMashu, Inhlongwana, Nanda, Ezimangweni, Bester. Umasipala uthi ulindele izivakashi ezibalelwa ku-1.3 million eThekwini kulesi sikhathi samaholide futhi usuqinise izindlela zokuphepha kuwo wonke amabhishi angamashumi amabili nantathu, imigwaqo kanye nezindawo zokuzijabulisa.

12/12/2025

IMeya uXaba ithe wonke amabhishi angu-23 ziqinisekiswe ezokuphepha
https://kznnamuhlanews.co.za/2025/12/12/imeya-uxaba-ithe-wonke-amabhishi-angu-23-ziqinisekiswe-ezokuphepha/

SHEILA MHLONGO

Idolobha lethule ngempumelelo izinhlelo zalo zokuphatha ngesikhathi samaholide e-Ushaka Marine namuhla. IMeya uXaba ithe wonke amabhishi okugeza angu-23 aphephile ukubhukuda.Uthe angaphezu kuka-2 000 amaphoyisa azosebenza ubusuku nemini emigwaqweni enguthelawayeka, ogwini lolwandle, ezinxanxatheleni zezitolo nasezindaweni ezinobugebengu. Yonke le mizamo yezokuphepha nezokuphepha izosekelwa amakhamera eCCTV angaphezu kuka-500. Idolobhakazi likhulise umthamo walo endaweni engasebhishi ngokuqasha abasebenzi abangama-650. Idolobhakazi selilungele ukuletha isizini yamaholide ephephile, enempilo futhi ekhumbulekayo .

12/12/2025

I-ConCourt inikeze abazali ikhefu lokuyoteta elilinganayo
https://kznnamuhlanews.co.za/2025/12/12/i-concourt-inikeze-abazali-ikhefu-lokuyoteta-elilinganayo/

ZAMA MAJOLA

INkantolo Yomthethosisekelo ikhiphe isinqumo esiyingqopha-mlando esinikeza omama nobaba ikhefu elilinganayo labazali izinyanga ezine nezinsuku eziyishumi. Lesi sinqumo, sishaya phansi ngonyawo izigaba zomthetho i-Basic Conditions of Employment Act (BCEA) phambilini owawunike omama ikhefu lokuyoteta izinyanga ezine kodwa obaba banqunyelwe izinsuku eziyishumi. Inkantolo ithole ukuthi lolu hlelo lubandlulula ngokungafanele ngenxa yobulili nesakhiwo somndeni. Efunda lesi sinqumo, uJustice Zukiswa Tshiqi uthe abasolwa bazothola ikhefu lezinyanga ezine nezinsuku ezingu-10, bese benikwa ithuba lokuzihlukanisela noma bahlukaniselane ngalo njengoba bethanda. Lokhu akusebenzi kubazali begazi kuphela kodwa nakubazali bokutholwa njenge-surrogacy.

Lesi sinqumo silandela inselelo eyalethwa ngo-2023 nguWerner kanye no-Adele van Wyk, owesilisa oshadile owaphikisana nomthetho wokuthi uhlukumeza amalungelo omthethosisekelo okulingana nesithunzi. Lapho uWerner efaka isicelo sekhefu lezinyanga ezine labazali umqashi wakhe wathi unelungelo lezinsuku ezingu-10 kuphela, njengoba ikhefu lokuyoteta lisebenza kuphela kwabesifazane ababebelethile.Laba bashadikazi, neSonke Gender Justice, baphonsele inselelo umthetho enkantolo enkulu, bephikisana nomthetho we-BCEA kanye ne-Unemployed Insurance Fund (UIF) ngokungafanele ivuna omama abazalayo kunobaba nezinye izigaba zabazali. Esinqumweni sayo, i-ConCourt ivumelene nokutholwe yinkantolo ephakeme ukuthi i-BCEA kanye noMthetho we-UIF wephula ilungelo likababa lesithunzi ngokubukela phansi ukuzibandakanya kwakhe njengomzali nokuphuca abazali ithuba lokuzikhethela ukuhlela izibopho zabo zokukhulisa izingane.

12/12/2025

I-WHO yengeze i-GLP-1 ohlwini lwemithi yokulwa nobhubhane lokukhuluphala
https://kznnamuhlanews.co.za/2025/12/12/i-who-yengeze-i-glp-1-ohlwini-lwemithi-yokulwa-nobhubhane-lokukhuluphala/

ZAMA MAJOLA

Uhlu lwezidakamizwa ezinciphisa isisindo kanye nesifo sikashukela lungasiza ekuguquleni umsuka wobhubhane lokukhuluphala ngokweqile, oluthinta abantu abangaphezu kwesigidigidi emhlabeni jikelele, kusho iWorld Health Organisation. Isizukulwane esisha sezidakamizwa ezicindezela ukudla ezibizwa ngokuthi ama-GLP-1 agonists okuhlanganisa nezinhlobo ze-blockbuster i-Ozempic ne-Mounjaro sesidume kakhulu eminyakeni yakamuva. Muva nje, inhlangano yezempilo yeZizwe Ezihlangene ikhiphe imihlahlandlela yayo yokuqala yokuthi izidakamizwa ezinjalo zingasetshenziswa kanjani njengethuluzi elibalulekile lokwelapha ukukhuluphala kubantu abadala njengesifo esingalapheki, esibuyela emuva.

Bangaphezu kwezigidi ezingu-3.7 abantu ababulawa yizifo ezihlobene nokukhuluphala ngokweqile ngo-2022, ngokwezibalo ze-WHO -- ngaphezu kwezifo ezithathelwanayo eziphezulu umalaleveva, isifo sofuba kanye ne-HIV kuhlangene. Isibalo sabantu abaphila nokukhuluphala ngokweqile sizophindeka kabili ngo-2030 ngaphandle uma kuthathwa izinyathelo ezinqala zokunqanda lokhu kukhula. "Ukukhuluphala kuyinselelo enkulu yezempilo emhlabeni wonke," kusho isikhulu se-WHO uTedros Adhanom Ghebreyesus esitatimendeni. “Yize imithi yodwa ingeke iyixazulule lenkinga yezempilo yomhlaba wonke, izindlela zokwelapha ze-GLP-1 zingasiza izigidi ukuba zinqobe ukukhuluphala futhi zinciphise ukulimala okuhambisana nakho. Imihlahlandlela emisha ifuna ukuthi izindlela zokwelapha ze-GLP-1 zisetshenziswe abantu abadala, ngaphandle kwabesifazane abakhulelwe, "ekwelapheni isikhathi eside sokukhuluphala". I-WHO yengeza i-GLP-1s ohlwini lwayo lwemithi ebalulekile.