Icamagu News

17/06/2026

Owayesakuba yinkokeli ye-DA uJohn Steenhuisen ususiwe kwisikhundla sakhe njengoMphathiswa wezoLimo emva kwesicelo esivela kwinkokeli yeqela lakhe uGeordin Hill-Lewis.

USteenhuisen uye wehliselwa kwisikhundla sokuba nguSekela-Mphathiswa wezoRhwebo noShishino.

UMphathiswa wezeHlathi, uLwandle kunye neNdalo uWillie Aucamp uthathe indawo yakhe njengoMphathiswa wezoLimo.

17/06/2026

ISIKHUMBUZO SEJUNE 16: UMongameli uCyril Ramaphosa uthi abantu bangaphandle akufuneki basolwe ngokungabikho kwemisebenzi kunye nolwaphulo-mthetho. Uye wongeza wathi ezona zizathu zokwenyani zezi ngxaki kukungalingani kwezoqoqosho kunye nokukhula kancinci koqoqosho.

17/06/2026

Subscribe to get exclusive benefits:
https://www.facebook.com/icamagunewspaper/subscribenow

14/06/2026

13/06/2026

**IVELE ENKUNDLENI INDODA EBULELE
UMKHULUWA WAYO**

Indoda eneminyaka engama-36 ivele okokuqala enkundleni, ngolwesihlanu umhla we-12 KweyeSilimela 2026, eCacadu. Le ndoda ityholwa ngokubulala umkhuluwa wayo oneminyaka engama-61.

Kuthiwa ngomhla we-10 KweyeSilimela 2026 ezinzulwini zobusuku, amapolisa aseCacadu abizelwa kwindawo yesiganeko sokubulala eLower Mgwalana. Ekufikeni kwawo, afumana umzimba wendoda ulele phantsi endlwini, unenxeba entloko kunye nengalo ekrokrelwa ukuba yaphukile.

Ulwazi oluvela kumangqina lubonisa ukuba umfi, owayenengxaki yengqondo, walwa nomzalwana wakhe omncinci ngobusuku obungaphambili waza wonzakala. Iinkonzo zonyango ziqinisekisile ukusweleka kwakhe apho kwindawo yesiganeko.

Umrhanelwa wabanjwa apho kwindawo yesiganeko waza wagcinwa kwizisele zamapolisa eCacadu.

12/06/2026

🚨 **AMADODA AMABINI ABANJIWE EMVA KOKUFUNYANWA KWEZIDUMBU EMOTWENI ENQANQARHU** 🚨

Amadoda amabini aneminyaka engama-38 nama-24 abanjiwe ngamapolisa emva kokufunyanwa kwezidumbu ezimbini ngaphakathi kwiveni iMercedes Benz eNqanqarhu namhlanje, umhla we-12 KweyeSilimela 2026.

Kuthiwa amapolisa afumene ulwazi ngemoto ethwele izidumbu isiya KwaBhaca. Emva kokuyilandela, imoto ifunyenwe ipakiwe ngaphandle kwesuphamakethi phakathi kwentsasa. Xa ivulwa, kufunyenwe izidumbu ezimbini zisongelwe ngeplastiki emhlophe, kukho negazi.

Umqhubi uthe babethutha izidumbu zisuka eKapa zisiwa kumzi wedumbu KwaBhaca. Kuthiwa enye sele yayisiwe ngaphambili isuka eGqeberha.

Abasebenzi bezempilo yokusingqongileyo banike lamadoda isohlwayo se-R1000 ngamnye ngenxa yokungabi nephepha-mvume elifunekayo.

Okwangoku akukho matyala asemthethweni abekiweyo, kodwa amapolisa aqhubeka nophando. Izidumbu zithathwe zasiwa kumzi wezidumbu kaRhulumene ukuze zigcinwe, kwaye izalamane zibizelwe ukuzokuzichonga.

⚠️ Uphando luyaqhuba.

12/06/2026

ABANTU ABA-7 NABATYHOLWA KWITYALA LOKUBULAWA KUKA-AKA NOTIBZ BEBEVELE ENKUNDLENI

Amadoda asixhenxe atyholwa ngokubandakanyeka ekubulaweni komrepha odumileyo uKiernan “AKA” Forbes kunye noTebello “Tibz” Motsoane avele kwiNkundla ePhakamileyo eThekwini ngoLwesine.

Bajongene nezityholo ezinzima kuquka iyelenqe lokubulala, ukubulala kabini, ukuzama ukubulala kunye namatyala anxulumene nokuba nezixhobo ezinobungozi.

Esi sehlo senzeka ngomhla we-10 kuFebruwari 2023 ngaphandle kwendawo yokutyela eFlorida Road eThekwini.

Ityala lihlehliselwe umhla we-13 kweyeThupha 2026 ukuze kugqitywe amalungiselelo angaphambi kwetyala, kanti ityala ngokwalo kulindeleke liqale nge-05 Oktobha ukuya ku-06 kweyeDwarha 2026.

Bonke abarhanelwa basahleli eluvalelweni.

12/06/2026

Mthande uMakhelwane wakho njengoko nawe uzithanda. Uyabona apha ukuba awuvani noMeza usengxakini.🤦🏻🤦🏻🙆🙆

11/06/2026

🚨 *ABASOLWA BABANJWE NEZIYOBISI – KUFUNYENWE INTSANGU EXABISA NGAPHEZU KWE-R340 000* 🚨

Amapolisa eSAPS kwiSithili saseAmathole aqinise amaphulo awo ebusuku, kuquka imimiselo kunye nokujonga iimoto ku-N2 nakwezinye iindlela eziphambili, ngenjongo yokulwa urhwebo lweziyobisi.

Ezi nzame zikhokelele ekubanjweni kwamadoda amathathu kufuphi naseDutywa, apho kufunyenwe iingxowa ezili-15 zentsangu ezinobunzima obungaphezu kwe-69kg, nezixabisa malunga ne-R346 000. Kwakhona kuthathwe imoto yawo, iVW Polo emdaka-ngwevu.

Abarhanelwa abaneminyaka ephakathi kwama-32 nama-42 baza kuvela enkundleni yaseDutywa namhlanje umhla we-11KweyeSilimela 2026, bejongene namatyala aphantsi koMthetho weziyobisi.

Umphathi wesithili, uBrigadier Zinikele Freddie, uncome umsebenzi wamapolisa, esithi le yimpumelelo yesibini efanayo kule ndawo kwisithuba esingaphaya kwenyanga.