https://www.facebook.com/profile.php?id=61558071912535

Uthando luhle, East London (2026)

23/09/2026

INSERT 43

[NARRATED]

Luyanda:Bawo yenza sizakuhamba
Mawethu:Siyaphi?
Luyanda:Siyokulungisa lento wayenzayo
Mawethu:Sizakuyilungisa njani? Sele I tender yawela k*m ndayitya nemali
Luyanda:Yiyekele k*m yonke enye into yenza sihambe
Mawethu:Okay Yima ndithathe ibhatyi noko alilihlanga elizulu

Ube sele senyuka u Mawethu ukuya phezulu ubuyile sele enxibe nesilamba baphume belandelelana nonyana wakhe, ohh kodwa Ibuhlungu lento ayenzayo u Jola ebantwaneni bakhe jonga ngoku bekunzima uba athethiswe ngu Elihle kuba ngulowo wamthengisayo ngapha kwelinye icala nomfazi wakhe akamthethisi phofu siye sithi Isixhosa uzenzile akakhalelwa.

Bakhwele emotweni umntu no Nyana wakhe babe sebesingisa edolophini ibengathi iyaphuma kancinci imoto apha edolophini yahamba nje umgama omncinci. Iyomisa phambi kwesosithabathaba somzi uthe xa efika pha u Luyanda wabe sekhupha umnxeba wakhe wawucofa wandula ngowubeka endlebeni, uthethile wathi ukugqiba kwakhe wawucima wajonga kuyise wakhe.

Mawethu:Kuphi apha?
Luyanda:Kulapho ubuzokwendisela khona intombi yakho
Mawethu:Ngoku sizokuthini?
Luyanda:Uzorhoxisa esosivumelwano
Mawethu:Ndiyakuva nyana uba abavumi?
Luyanda:Kuzakunyanzeleka sibanyanzele kaloku
Mawethu:Njani?
Luyanda:Yonke lonto izakulungiswa ndim

Kube sek*misa imoto apho ecaleni kwakhe u Luyanda, Tyhini kwehlike u Sizwe ehamba neqela labantu bebeyile pha ku five uphinde wajonga kutata wakhe u Luyanda.

Luyanda:Masehlike Bawo
Mawethu:Ngobani ababantu?
Luyanda:Abazanga kuwe bahamba nam

Ubumbon nje u Mawethu uba unako ukuthandabuza akafuni kuhlika kodwa ekugqibeleni bekunyanzelekile ehlikile. Baye behlika kwabe sekusiza nonogada wakulomzi baze kuwo bachaza uba ngobani baphi bavulelwa bangena ngaphakathi.

Ubabonisile apho u nogada bekufuneka bangene khona bachule ukunyathela obhuti abakhulu baya apho bakhonjwa khona, banqonqozile kwathiwa mabangene benze njalo nabo bayalelwa uba bahlale ndawoni.

“Tyhini Jola ndoda ndavakashelwa nguwe”
Mawethu:Inqabelene Krila
Krila:Ndakugqibela kudala uzuqonda bendisithi sizakhe sidibane kula meeting izakubakhona before i tender lee iphume
Mawethu:Kunjani kodwa ngempilo?
Krila:Sinyamezele Jola noba zikhona soze sizixele ngaphandle nje komntu loo ugugayo qha ninjani nina?
Mawethu:Sonwabile nathi akukho nto ndoda sibulela uvuka umphefumlo usadibene nenyama
Krila:Ewe marn, sandwendwelwa nguwe Jola kukho ingxaki?
Mawethu:Ikhona Krila kukho umba ekufuneka siwushukuxile sobabini
Krila:Ndimamele
Mawethu:Malunga nala deal sayenzayo kwiminyaka emibini edlulileyo
Krila:Ehh, ukuthini kwayo?
Mawethu:Ndize apha nje namhlanje ndizokurhoxisa yonke la deal sayenzayo
Krila:Awukwazi ukuyenza lonto savumelana thina sobabini, ndenza isithembiso sam I tender yawela kuwe ngoku awukwazi ukusirhoxisa
Mawethu:Ungalibali uba la mali yala tender sayitya sobabini ngoko ke ndinalo ilungelo lokurhoxisa laa deal sasivumelene ngayo
Krila:Sukuyiqala into ongazuyimela Mawethu akukho deal izakurhoxa apha, intombi yakho izakutshata no Mxolisi kunyaka ozayo finish
Mawethu:Nam ndiyakuxelela Xhanti uba akukho mtshato uzakukwenzeka apha soze ndivume uthengisa ngomntwana wam
Xhanti:(Ekhwaza)Mxolisi, Mxolisi

Uze sele ekhawulezile loo Mxolisi ufike wena apha ecaleni ko tata wakhe

Mxolisi:Thangana
Xhanti:Biza onogada pha baza kususa esisibhanxa apha
Mxolisi:Kulungile xhego

Ube sele esuka apha ngaku tata wakhe kuba ezakujongisa emnyango uvele u Luyanda wamtsala ngengalo.

Luyanda:Not so fast young man
Mxolisi:And then ungubani kewena?
Luyanda:Mna ke ndiyindoda engathandiyo uziphindaphinda xa ndithetha, mamela apha xhego ndini andikhathali noba kwakwenzeke ntoni phakathi kwakho no Bawo futhi andiyikhathalelanga lonto leyo into endiyaziyo akukho kwa mtshato uzokwenzeka ngowasekhaya umntwana
Xhanti:Ungayiqali inyoka izihlele ndoda yinto yabantu abadala lee wena awungeni ndawo kuyo
Luyanda:Kanti ndiyangena akukho mntu unokwenza izigqibo ngabakuthi abantu ugqiba ndimyeke nje kanjalo
Mxolisi:Lo nto ingathi undwebile
Luyanda:Gada amazwi wakho young man
Mxolisi:Andingo young man mna
Luyanda:Xhego bendisatsho ke loo deal wayenzayo no Bawo uze uyazi uba xa siphuma ngala mgubasi ipatyalakile uvile?
Xhanti:Mawethu wathula ndidelelwa ngunyana wakho? Kwedini Uyandazi mna? Lento uyiqalayo soze uyimele
Luyanda:Ndiyathemba uba sivakele andingethandi tuu uba singaphinda sibuye size apha kuba xa sibuya kuyakube kungekuhlanga
Mxolisi:(Ekhwaza)Guard

Uvele wayihleka u Luyanda bedibene no Sizwe zizile I guard ezintathu sele zihambela phezulu

Guard1:Boss kukho ingxaki?
Mxolisi:Mazinyamalale ezizinto phambi kobuso bam
Guard1: Nivile madoda makuhanjwe

Batsho sebesondela ko Luyanda bephethe ezo donkey piri zabo bathe kanye xa bezakubamba u Luyanda abantu baka Sizwe bakhupja i guns ugqiba bakhomba kubo bavele baqhala amehlo.

Luyanda:Bendithe sanungxama nizakuyibhuda lento
Xhanti:Kwedini hambani apha
Luyanda:Ndiyathemba uba sivakele akukho deal ikhoyo apha phakathi kwakho ne family yam kungekunjalo uzakudibana nembila zithutha. Khona wena ungumjita onjani loo ukhangelelwa unkosikazi? Okanye kutheni awukwazi kuzikhangelela wena?

Uthe cwaka u Mxolisi akaphendula, phofu wena ubuzakuphendula njani kukho umpu ojonge kuwe

Luyanda:Ndiyathemba sivakele xhego andingethandi tuu uba ndibuye kwakhona kulomzi kuba xa kunokwenzeka ndibuye andinofika ndidlale tuu njengoba ndisenza ngoku
Sizwe:Ingathi yonke into ivakele bafo naba bengaphenduli
Luyanda:Kumnandi xa kunjena, masibe yindlela bantu badala

Uphakame kuqala u Mawethu wow imenemene ibingathi alikho tuu kulendlu kangehlobo eli ebethule ngalo, baphakamile bashiya abanogada apho izizinto ezingathi zi chocke ngumbane baphumile bethe chuu bayokuphuma nge gate bakhwela kwimoto zabo bajongisa e town. Bafike nje e town wabe sehlika u Luyanda wajongisa apho ko Sizwe kulemoto bahamba ngayo.

Luyanda:Bafo
Sizwe:Kumnandi ubanomfazi xa usuke watyhileka kanjena
Luyanda:Oko ndatyhileka nje mna
Sizwe:Hasuka ngoku wawuqothole apha uthandana no Zikhona
Luyanda:(Ehleka)Oko wawungamfuni umntwana wabantu awumfuni nangoku engasekhoyo
Sizwe:Uyayazi andidibani nendlavini mna, bekuzakuba kubi ngoku ube uthathe uKhwezi kodwa ukhona
Luyanda:Kodwa naye inoba wayezibona uba akayo wife material
Sizwe:Akukho kwanto ebeyazi lowa ngaphandle kwesigezo, congratulations bafo marn you deserve this
Luyanda:Asibonge bafo
Sizwe:Uzukhe wethuse elithayima lakho kancinci liphambene straight liyayidinga imbumbulu noba kulapha ezimpundu
Luyanda:Eyy bafo uyandidika okwam lamntu zange ndayibona indoda engabhadlanga njengaye
Sizwe:Xa enohlale asuke anithengise yeer
Luyanda:Kungcono uba siyilungisile yonke lento bafo
Sizwe:Sawulindela nantoni na ezakuza endleleni yethu ngoku
Luyanda:Andiqondi uba bangayithatha loo risk kodwa
Sizwe:Uba bafuna ukufa before time basizame nje
Luyanda:Abanolenza, zonke izinto zisahamba kakuhle?
Sizwe:Kakuhle kakhulu bafo
Luyanda:Makube njalo bafo, sizakuthintana emnxebeni mandileqe inoba sele elaqaza lamfazi
Sizwe:Zatsho ezizekileyo madoda, sure bafo

Babe sebexhawulana wabuyela kwimoto yakhe u Sizwe wayirhuqa no Luyanda wabuyela kweyakhe naye wayindlela ebheka kowabo.

Luyanda:Ndiyathemba Bawo ndigqibelisile ukulwela amadabi wakho
Mawethu:Soze ndiphinde nyana noko ndingumntu okhalezayo ukusifunda isifundo
Luyanda:Kungcono xa kunjalo
Mawethu:Mandibulele Jola ngokwenene uyindoda
Luyanda:Kufuneka ucele uxolo ku Lihle naku mama kengoku
Mawethu:Ndizakufika ndiyenze ngoku lonto, Enkosi kwakhona Jola inkulu lento undenzele yona
Luyanda:Akukho ngxaki bawo, ndiyakucela bawo khawuyeke uthanda imali kangaka izakubulalisa lento yakho
Mawethu:Ndivile Jola
Luyanda:Ndiyathemba uba uve nyani andizosoloko ndikhona mna ndilwela amadabi wakho ngongathi ungumntu loo uhluphekayo imali ingathi uyaqala uyibona
Mawethu:Yehla nyana soze ndiphinde

LIKE
SHARE
COMMENT
INVITE YOUR FRIENDS

23/09/2026

INSERT 42

Luyanda:Mfazi wam ndedwa
Me:Myeni wam ndedwa
Luyanda:Ndicela undenzele I favour
Me:Yiza nayo baby ndikwenzele
Luyanda:Serious?
Me:Yes

Uphakamile apha ecaleni kwam wavula I pedestal wabuya ne envelop e brown undinikile ndayivula ndifike kukho igama lomntu kunye ne pictures zakhe

Me:Ndiyithini lento baby
Luyanda:Ndicela wenze odume ngazo
Me:Okay yintoni ofuna uyazi ngalomntu?
Luyanda:Yonke into ngaye
Me:Kukho ingxaki baby?
Luyanda:Ndicela ube undenzela lee into ndizakubuya ndithethe nawe after
Me:Okay

Nam ndibe sendiphakama ndaya kwi wardrobe ndikhuphe I laptop yam ndabe sendi connect to i wifi ugqiba kwam ndaqalisa kengoku ukwenza lee ndiyithunywa yilendoda. Ndikhangele apho ndayifumana yonke into ngaye lomntu nokuba uhala phi , uphangela phi ndijike ndajonga ku Luyanda.

Me:Ndigqibile
Luyanda:Fast so?
Me:Ewe
Luyanda:Okay khawuthi ndibone

Ndibe sendimgqithisela I laptop ujonge apho ixesha elide ugqiba wabuya wajonga k*m.

Luyanda:Enkosi sthandwa sam
Me:Usengxakini Luh?
Luyanda:No baby, ndizakubuya ndikuxelele uba kwenzeka ntoni okwangoku kufuneka ndihambile
Me:Ohhk

Uye kwi wardrobe wakhupha imipu ndimjonge ngalomehlo athethayo kodwa khange aqalise kwa undihoya loo bhuti, uyithathile wayifaka esinqeni ugqiba kwakhe weza k*m ufike wandincamisa.

Luyanda:Kumnandi kanjena ke ubanomfazi ofundileyo
Me:Baby uyaphi? at least ndixelele leyo into
Luyanda:Uyayazi indoda yakho izakubuya sukubane stress bhabha
Me:Okay ube safe please
Luyanda:Khululeka andiyanga uyolwa mna qha kukho into ekufuneka ndiyoyilungisa fast
Me:Okay

Ube sethatha izitixo zemoto waphuma ngomnyango nam ndishiyeke ndilandela apha emva kwakhe ndaya endlini enkulu, ndifike kubukelwe I tv ngabantu.

MaBhejula:Uyaphi na u Luyanda?
Me:Usaleqa apha e town mama
MaBhejula:Ohh okay

Ndibe sendiyohlala phantsi ecaleni kuka Alwande, ndibukele loo tv ibukelwe apho ecaleni babe bezincokolela abantu. Into endingayitsho yinto yoba mna no tatazala wam besingena ncoko tuu uzuqonda ubungasoze umve ethetha nam, nam ubungasoze undive ndithetha naye ndiyayazi mo’s uba akandifuni so bekungekho nto endizakuyithetha naye same as u Zolani keyena bendicaphukela lanto wayithetha k*m wavele wandonyanyisa zisuka so andinancoko naye tuu.

Kwalile exesheni ndabe sendiyokwenzela abantu i lunch ndincediswa ngu Elihle kwalapho Sithe ugqiba kwethu sabe sesiphakela abantu sahamba sayobanika okuka Luyanda ndakufaka kwi microwave ebezakutya ubuya kwakhe. Sityile sagqiba then ndabe sendiphinda ndiziqokelela ezozitya ndayozihlamba ndabuya ndachopha phantsi nam ndacofa nje umnxeba wam.

Bendinako ketana ukukhathazeka ngalento ka Luh kuba noba uyephi ebehambe yedwa so andiyazi into ezakukwenzeka apho akhoyo. Sithe sisahleli njalo seva ngemoto edumayo phandle kwalile ethubeni kwangena u Luyanda ebusuke wa pink sana umbona nje uba unomsindo ufike wahlala apha ecaleni ko mama wakhe.

Luyanda:Bawo wena ungenza nantoni na for imali nhe?
Mawethu:Kwenzeka ntoni ngoku nyana? Bendicinga sigqithile kwinto ka Koti
Luyanda:Yee oledy uyayazi lendoda utshate nayo?
Nosimo:Kwenzeka ntoni Luyanda?
Luyanda:Utata iyamphambanisa imali nhe?
Mawethu:Hayi kwedini suthetha njalo ngam andiyontanga yakho
Luyanda:Kodwa izinto ozenzayo azibonisi tuu uba umdala ingathi zenziwa ngu Alwande
Nosimo:Luyanda ngu tata wakho loo uthetha kanjena naye
Luyanda:Uba u Bawo angayeka unyolukela imali inoba nam ndingayeka uthetha kanjena naye
Mawethu:Luyanda!!
Nosimo:Kanti wenze ntoni lee ungade uyithethe?
Luyanda:Uyayazi into ayenzileyo makayithethe ngokwakhe
Mawethu:Andikwazi uba uthetha ngantoni kwedini
Luyanda:Awuyazi nyani? Wayifumana kwiminyaka emibini edlulileyo wayifumana njani?
Mawethu:Ndayifumana kuba babebona nabo akekho omnye umntu ebengayenza lanto ngaphandle kwam
Luyanda:Ohh nyani? Uba ndikhumbula kakuhle mna ndathi xa ndikubuzayo wathi wena bawo udibene no Dalibhuga yanguye okugqithisela kula tender
Mawethu:Yinto enye mo’s leyo nam andisakhumbuli kakuhle kwakukudala ngoko
Luyanda:Bawo yintoni ingxaki yakho nemali? Wenza ngathi andikuniki tuu imali kodwa nyanga nenyanga mna ndenza isiqinisekiso soba uyayifumana imali udibene no mama ngoku niphangelayo. Yintoni ukunyoluka kangaka Bawo wagqiba ukuba mdala
Nosimo:Luyanda Yima ndoda thetha kwenzeka ntoni? Asikuva tuu ngoku kuba uyaxabana
Mawethu:Kanti makathethe nyani kuba usibhidile thina
Luyanda: Nyani ubhidiwe Bawo? Okanye uyazenzisa?
Mawethu:Anduzuphinda ndibuza uba uthetha ngantoni
Luyanda:La tender Bawo wayifumana ngothengisa ngo mntwana wakho ugqiba kuthi waxoka wathi uyinikwe ngu Dalibhuga kanti uyazazi wathengisa ngo Elihle loo

Uvele wakhohlela into engapheliyo u Jola, wabe u Elihle ewakhuphe wonke amehlo ejonge utata wakhe.

Elihle:Bhuti uthi wenzeni?
Luyanda:Wayifumana ngawe utata laa tender wathengisa wena, wenza isithembiso kwababantu uba uzakuthi ugqiba kwakho u grade 12 uyotshata nala tata worse lixhego elidala eliya
Nosimo:Yima Luyanda uthi kutheni?
Luyanda:Injalo, Bawo uthengisa njani ngo mntwana Ona 18 years exhegweni elidala kanjeya?
Mawethu:Uyithatha phi lonto kwedini?
Luyanda:Oyena umntu ungakhange uthengise ngaye kulendlu ngu Zolani thina sonke ubuthengise ngathi

Uvele wasethula apha isikhalo umama ka Luyanda bethuna yabe nentombi yakhe imncedisa, hayi loo tata kodwa unzulu yini lee uxolela uthengisa abantwana bakhe ngenxa yemali qha qwaba. Hayi wayenyanisile u Zahara ngokuya wayecula langoma ithi “mali mbangi yesono sesibulalana ngenxa yakho” because yintoni nale yenziwa ngu Mawethu Mbekweni?

Hayi ndiyamoyika kucacile angathengisa nango Alwande loo athi ekhula umntwana ka Luyanda kube kukho umyeni omlindileyo. Uphakamile umama ka Luyanda wabashiya apho wenyuka ukubheka phezulu loo unengalo ezitsolo uleqeke emva ko mama ka Luyanda bendingazi namleqela yona.

Ushiyeke ephakama u Zolani waphuma ngomnyango ndabe mna ndithuthuzela u Elihle uye wathi uyokulala naye unentloko ndiye ndamyeka ke wabe no Alwande esithi naye uyolala, uphumile no Luyanda waya endlini yethu ndilandele apha emva kwakhe ndafika ndachopha apha ecaleni kwakhe.

Me:Baby
Luyanda:Bhabha
Me:U right?
Luyanda:Ndizakuba right sthandwa sam
Me:Ndingakuphatheli amanzi?
Luyanda:No ndizakusela Le whiskey
Me:Khange utye kodwa
Luyanda:Bendityile e town baby, yerr ungcolile loo tata usizalayo marn
Me:Kodwa baby ngewungayithethanga ecako Elihle lanto umbonile umntwana umkhathaze njani ngoku
Luyanda:Ndishiywe ngumsindo bhabha
Me:I understand
Luyanda:Uba ubungalibona elaxhego baby, lingamzala u Lihle yerr yinja utata wethu Caba oyena umntu ungafanelwangwa kuthengiswa apha ekhaya ngu Zolani sonke thina masithengiswe
Me:Yehlisa umoya baby please
Luyanda:Ndiyacaphuka bonanje, worse bendihambela lento yale tender apha sendide ndifumana lee into
Me:Uhambe njani kuyo?
Luyanda:Ndiyifumene amaphepha azakuza kuthi siwa sign andiyazi kengoku ndizakuyigqithisa njani ku Bawo emva kwale into
Me:Ohh kodwa no bawo unjani na
Luyanda:Hayi andimazi
Me:So sizakuthini asikwazi uyivumela lonto yenzeke ku Elihle
Luyanda:Soze yenzeke sthandwa sam ndixolela uphuma ilihlo
Me:Xa kukho into ofuna uncedwa kuyo undixelele
Luyanda:Ndizakukwenza njalo

LIKE
SHARE
COMMENT
INVITE YOUR FRIENDS

22/09/2026

INSERT 41

[NARRATED]

Ibiyimini enkulu namhlanje imini yokunxityiswa komfazi ka Luyanda, uzuqonda yonke lento ibisele igqityiwe yonke into ezakudingeka namhlanje ibisele ikhona bekungekho nto ishotayo into exela uba u Luyanda loo kudala eyibalile yonke lento.

Kuvukiwe ekuseni ngabantu babe benqunqa izinto ezizakudingeka ekuhambeni kwexesha ndiquka umakoti loo walapha nAye ebevuke ngenja ixukuxa encedisa abantu base mzini, Ohh enye into bethuna bekungadingi noba kube kuthengwa igusha ka tsiki kuba kaloku zikhona kulomzi kufuyiwe akukho nto ingekhoyo xa nditsho njalo ke ndibala wena gusha, Nkomo, bhokhwe kunye nenkukhu emntwini ongawaziyo nyani lomzi ubunogqiba uba kuthwelwe nyani kanti akunjalo qha abantu balapha bahlakaniphile kwaye imali bayakwazi ukuyisebenzisa ezintweni ezakhayo.

Kuthe xa kupha exesheni wayalelwa u Khwezi uba yena makabe ayokuhlamba kuba nomsebenzi loo ubusele uzakuqala ngoku naye wenze njalo waya endlini abalala kuyo nomyeni wakhe wafika watshona ebhafini wahlamba uthe ugqiba kwakhe kwabe sekungena odabawo boo Luyanda belandelwa ngu Elihle bephethe amajerumane bafike bawabeka phezu kwebhedi babe sebeqalisa uk*mnxibisa bathe ugqiba kwabo babe sebethatha ukhukho baphuma ngomnyango besitsho ku makoti loo uba alandele apha emva kwabo.

Bahambile baya kwindlu enkulu bafika bamhlalisa phantsi u makoti waqalisa umsebenzi wa namhlanje, bayalile abantu bethetha bashiya abangalaziyo igama kuthwe ukugqitywa kwalonto wabe senikwa igama u makoti loba ngu Awandise so sweet AWANDISE UMZI WOJOLA. Kuthe ukugqitywa wabe setyiswa no tsiki wakhe wayalelwa ukuba ahambe ayokwenza I tea uphakamile waya ekhitshini ufike kukho omakoti abathathu nabangabafazi babazala boo Luyanda ubulisile wababuza impilo ugqiba kwakhe wabe sesiya kwi ketile wenza itea ecaleni ebepura ikomityi ezigalela kwi trey

Lizoma:Kutheni ungabuzi nje usuke wenze kodwa sithi abantu ekudala bekwelikhitshi?
Solakha:Uyambona nje loo uze sesazi kulomzi uzakuyixela nyani uba yintoni into emenza angabuzi jonga ngoku wenza I tea esele kudala ikhona kwi flask
Alakhe:Hayi kodwa nani benifuna avumise umntwana bantu kodwa khange nimxelele?
Lizoma:Ebezosuke axelelwe na engabuzanga sisi?
Alakhe:Kodwa I wrong kele niyenzileyo into yiza sisi ndikuncedise
Khwezi:Enkosi sisi
Solakha:Yehake wase wathandisa ngathi

Ubajonge nje u Alakhe akaqalisa tuu ubaphendula, uncedise u Khwezi etini babe sebeyithatha ukuyisa endlini enkulu bagalelela wonke umntu ugqiba kwabo baphuma bahamba babuyela ekhitshini.

Alakhe:Kuthiwe ungubani ke sisi igama lakho
Khwezi:Ndingu Awandise sisi
Alakhe:Siyakwamkela ko Jola sisi
Khwezi:Enkosi
Lizoma:Mingaphi iminyaka yakho?
Alakhe:Uzakuyenza ntoni wena wawubuzwe ngubani obobubhanxa?
Solakha:Ebengabuzi kakubi kodwa sisi akukho sidingo soba umphoxe
Lizoma:Use wazenza tsolo ngathi
Alakhe:Ingathi uyazilibala uba uthetha nabani Lizoma
Lizoma:Whuu uxolo sisi

Utsho sele ehleka loo ntsini iphambeneyo akukho mntu ebezithandile njengo Khwezi ibingathi akekho tuu ngoku akhoyo futhi ebesenza kakuhle angabe ezinyusela iswekile ngalemileqwa ingo Lizoma.

Baphinde baya endlini enkulu baqokelela ikomityi sekusitshiwo uba baphake bafike nje ekhitshini babeka ezokomityi phantsi babe sebeqalisa ukuphaka bancame bazirhuqa no Solakha bancedisa kuba loo ka Luyanda umfazi ebengena kwaxesha labo.

Baphakile bagqiba babe sebehambisa I plate ebantwini ugqib kwabo babuya nabo bazoziphakela bahlala phantsi batya, kungene u Alwande waya kusisi wakhe encumile.

Alwande:Awusemhle mommy

Oww kodwa lomntwana ebenesigqezu xa ebona abantu yintoni emenza abize uKhwezi ngo “Mommy” kodwa uqhele umbiza sisi? Ukhupha abantu ishori lee banayo nesigezo.

Khwezi:Enkosi baby, uzofuna ukutya?
Alwande:Ewe mommy
Khwezi:Uphi u Elihle kuba naye akakufumenanga?
Alwande:Yima ndiyombiza

Ube sephuma umntwana ka Luyanda ushiyeke ebephakela edibene no Elihle bazile wabanika ukutya kwabo after waqhubekeka nokwakhe.

Lizoma:U Luyanda akafuna tuu utshata nenkosazana ngenxa yakho Awandise?
Solakha:Ngubani na umntu ongala utshata nomntu wasebukhosini kutyetywe kangakaya pha?
Lizoma:Nantsi indoda ka Awandise yalile yade yaxolela ukukhomba abantu ngemipu
Alakhe:Niziphethe kakubi kodwa Lizoma
Lizoma:Uyasisukela kodwa sisi kuba thina sithetha into ibiyenzekile asithethi ntsomi
Alakhe:Khange niyibuzwe lonto leyo jongani lee nize kuyo into niyeke into eningangeni ndawo kuyo
“Kanti ngebethatha i advice yakho iyakubanceda lonto”

Ungene sele esitsho u Luyanda bavele bazinkukhu ezisikwe umlomo ngoku oo Lizoma kodwa bebethetha gqithi.

Luyanda:Bhabha use right?
Khwezi:Ewe sthandwa sam ndise right
Luyanda:U busy yintoni?
Khwezi:Ndizakuhlamba izitya ngoku
Luyanda:Masambe uyofota kuqala izitya uzakubuya ngazo
Alakhe:Hamba sisi ndizakube ndibeka amanzi mna

Uncumile uKhwezi wabe sephakama apho waya ngaku Luyanda umbambe ngesandla baphuma, baye ngasendlini enkulu kweza u Elihle wabe sefota u Luyanda nomfazi wakhe Caba lomfoto ubusenzeka apho ubonwe ngangu mamazala kuba naye uye weza wafota nomakoti wakwakhe. Bazile nabanye abantu bakwi family abafuna ufota ugqiba kwabo wabe sebuyela kwabanye abatshakazi u Khwezi wayohlamba izitya.

Ufike u Alakhe emile sele eqalisa izitya babe o Lizoma bethutha indaba qha qwaba bona khange athethe uvele wancedisa u Alakhe bazidudula futhi izitya bobabini benga khange bakhuphe nelimdaka ilizwi elibhekisa kula mavila mabini.

Bathe ugqiba kwabo bahlala phantsi baphumla uye wabhalela umyeni wakhe u Khwezi uba makamphathele ntoni nyani uze nayo u Luyanda wafika wanika umfazi wakhe bekukho ne drink’s kobotywala.

Khwezi:Enkosi kakhulu sisi ngento ondenzele yona nantsi into endikubulela ngayo
Alakhe:Enkosi sisi undincedile
Khwezi:Undincede gqithi bendingasoze ndiwugqibe msinya loo msebenzi uba ubungekho
Lizoma:Ingathi thina asibalwa nje?
Khwezi:Benenze ntoni kenina ngaphandle kwendaba ezi benizilophoza?

Bavele bathi cwaka ndiyabona khange bayilindele loo mpendulo ku Khwezi uvele wayihleka u Alakhe wabe secela indlela wemka nezinto zakhe. Nabo bahambe bembombozela benjalo oo Solakha, inoba mhlawumbi bebecinga uzakutshintsha ingqondo u Khwezi abanike into kodwa bebethetha ukusa apha? Abamazi umfazi ka Luyanda uba uligeza elinjani kufuneka bakhe baqale benze I research ngaye bazak*mfunda bamazi.

Abantu bemke ngomka kwade kwashiyeka aba balapha abantu naye u Khwezi exesheni uqalise imbiza za late wazoncediswa ngu Elihle basiphekile isidlo sangokuhlwa bagqiba then balungisa itafile kwabe sekuphakelwa umntu wonke. Kutyiwe kwagqitwa baqokelela izitya bayozihlamba yangulowo emva koko waya kwigumbi lakhe lokulala.

Luyanda:Baby umhle, Uyabona ufaneleke njani
Khwezi:Nyani?
Luyanda:Ingathi bezithungelwa kuwe
Khwezi:Enkosi sthandwa sam
Luyanda:Andiyikholwa uba ide yenzeka lento
Khwezi:Andikholwa yazi nam
Luyanda:Sendibulela nje yonke into ihambe kakuhle bendinexhala ketana
Khwezi:Bebengasoze bakuqale bekwazi ungumntu onjani
Luyanda:Ndinjani baby?
Khwezi:Uyi gentleman wena myeni wam
Luyanda:(Ehleka)Amen
Khwezi:Into ye tender uzakwenza njani?
Luyanda:Ndizakuyilungisa lanto ndifuna ukhupha laa nkosi lee shori anayo, izakubayeka Bawo la tender ayeke ubuqhophololo obu anabo
Khwezi:(Ehleka)Nawe uzakwenza ubuqhophololo nje myeni wam
Luyanda:Kodwa mna andizuthengisa mntu qha I tender yona izakuza apha kwa Jola
Khwezi:Uze nayo then ubale no Zolani kulonto
Luyanda:Andisoze ndimvalele ngaphandle baby
Khwezi:Enkosi baby
Luyanda:Bathe ungubani igama lakho?
Khwezi:Ndingu Awandise
Luyanda:Yhoo ndizakulilibala mna
Khwezi:Hayike asazi, masilale ndidiniwe
Luyanda:Njani na kodwa awukandivisi ngoku ungumfazi wam?
Khwezi:Baby umdaka wena
Luyanda:Ndifuna uva uba I taste iyafana na

Basuke bahleka bobabini kodwa lee ndoda uThixo ayinike u Khwezi inako ukungabhadli kancinci, yintoni ezakwenza itshintshe I taste yalento ayiqhelileyo? Benze lomijikelo ivumayo ugqiba kwam bayohlamba babuya balala imizimba yabo ithe saa kamnandi.

LIKE
SHARE
COMMENT
INVITE YOUR FRIENDS

22/09/2026

INSERT 40

Me:Xa ndingahambi mna nizakuphekelwa ngubani ekhaya?
Luyanda:Suzikhathaza ngalonto sele ndiyilungisile
Me:Njani?
Luyanda:Ikhona enye itshomi yam eyi chef ndithethile nayo yonke into ilungile baby
Me:Ndiyakuva
Luyanda:Wena wenze sure uba upheka apha uyeva bazakubuya batye abantu
Me:Ndizakukwenza njalo
Luyanda:So imali yelobolo?
Me:Wenze isiqinisekiso soba ibuyela ikwi account yam yona andinamali izokushiyeka no Ntsika mna
Luyanda:Yinto engena msebenzi leyo
Me:Thank you for everything
Luyanda:Nam ndiyabulela ngondithanda baby nemithwalo yam, wathi sele uyazi uba ndingumntu onjani owandilahla wahlala nam
Me:Futhi andizukuya ndawo baby ndisazoqhubeka ndikuthande
Luyanda:Mandenze sizakuhamba ndizakubona xa ndibuyayo wena
Me:Okay baby nihambe kakuhle
Luyanda:Nawe usale kakuhle, please ungasebenzi kakhulu
Me:O’right

Uzile wandincamisa wabe sephuma ukubheka emnyango, ndincume ndodwa. Ha.aa marn bethuna ibikhona nje into endiyigalelelwe ngu Luyanda ningaxela uba yintoni lee yenza ndimthande kangaka? Ndibe nam sele ndilandela apha emva kwakhe ndaya endlini enkulu ndifike bonke abantu sele beme ngenyawo

MaBhejula:Tata uncede ungafiki ubhoxe pha
Jola:Andizokuyenza lonto
Luyanda:Iyakunceda lonto Bawo
MaBhejula:Nihambe kakuhle
Jola:Siyabulela nkosikazi, masihambeni bantu bakuthi

Babe sebebhekisa emnyango bendithuswe nayile yoba kuhamba no Zolani ebesiyaphi keyena? Uyathanda uzenza ngathi uyakhathala yazi. Bakhwelile emotweni yabe iqhutywa ngu Luyanda iye yayophuma ngamasango sashiyeka sijongene no mama ka Luyanda.

MaBhejula:Ingathi kuyaxokwa uba iyenzeka lento
Me:Ndithandazela uba yonke into ihambe kakuhle
MaBhejula:Izakuhamba kakuhle sana lwam sukhathazeka
Me:Masithembe njalo mma
MaBhejula:Masingene endlini nathi sibe siqalisa ukwenza izinto kuba ndiyamazi uzakubuya engatyanga u JOLA pha
Me:Akukho ngxaki mama

Sibe sesingena ngaphakathi saqalisa yonke into edibene nembiza wabe no Elihle esincedisa. Iqhubile imini sabe nathi si busy kungekho nto singayenziyo no mamazala wam besifuna babuye oo Luyanda yonke into ihamba kakuhle.

Lihambile ixesha zahamba iyure besele sigqibe kwanto thina apha endlini, besele silindele ba foun ababantu batsho uba basendleleni ebuyayo. Kukhale umnxeba wam sabe sichophe phantsi bekungekho nto siyenzayo ndifike ingu Kunge ndiphakame ndaya phandle ndabe sendiyibamba

Me:Hello
Kunge:Mzala unjani?
Me:Ndiyaphila akhonto unjani wena?
Kunge:Ndiyaphila nam mntase, hayibow ndabona sele kungena abantu ekhaya sisi besithi bazokwakha ubuhlobo
Me:So ikhona ingxaki?
Kunge:Hayi ayikho mntase qha ndimangazwe yinto yoba ude uqashe umntu wopheka kodwa ndikhona ngewuse wacela mna nje
Me:Ohh? Bendingayazi kaloku uba mna nawe siyavana futhi ungayenza into oyicelwa ndim
Kunge:Sukuba njalo mntase, ngowaphi umkhwenyana?
Me:Ukhona apho ndicela uze ubuze yena
Kunge:Hayibow Khwezi yintoni undiphoxa kangaka kodwa ndincokola kakuhle?
Me:Ndixakwa yinto yoba kutheni usuke wanencoko ngak*m
Kunge:Kuyingxaki na ukucinga umzala wakho?
Me:Kungentando yazi ndi busy ketana apha uyandiphazamisa
Kunge:Okay usale kakuhle mntase
Me:Bye

Ndibe sendicima umnxeba wam ebendiphambanela loo ungu Kunge ndiqale nini ukubayi tshomi yakhe ngoku mna? Wase wazenza onomdla ngak*m kodwa ndiyayazi mna into ebeyi founela ba late sheim uba bacinga bazakuyibhaqa eyam imali yelobola Oww hayi bashiywe yii bus ka 10 nyani. Ndibe sendibuyela endlini ko mama ka Luyanda

MaBhejula:Abaka foun?
Me:Hayi mama
MaBhejula:Khawuthi I foun yam pha Alwande ndizaku founela noba ngu Zolani

Ebe sebelaka u Alwande ukuyothatha I foun e charge wabuya wayinika umakhulu wakhe, uwucofile umnxeba wakhe ugqiba kwakhe wawubeka endlebeni.

MaBhejula:Ndifuna uqonda ndoda nihamba njani? Ewe ndoda… Ohh okay hayike kuhle xa kunjalo… bye

Ube secima umnxeba ugqiba wajonga kuthi

MaBhejula:Yonke into ihambe kakuhle sisi
Me:Sele besendleleni?
MaBhejula:Bazakuphuma ngoku
Me:Kungcono noko amaxhala wehlile

Sibe sesincokola ezinye wethu indaba into ebendingayitsho mna kukuba unobubele u mama ka Luyanda futhi uyabathanda abantu nqwa nentombi yakhe ebenobubele usisi bethuna. Iqhubile loo mini oko silindele abayeni uba bafike.

Oko sihleli apho kuye kwangena umyalezo emnxebeni wam ndafika usuka ku Luyanda wabe sexela uba balapha edolophini so masilungise, ndixelele umamazala sabe sesiqalisa ukulungisa itafile sibeka nezinto ezo besiziphekile khange kube kudala yama imoto phandle uphume ekhawulezile umama ka Luyanda wabe sekikizela behlika abantu.

Bazile apha endlini bangena kwahlalwa phantsi babe sebexela indlela ke, kuye kwaphinda kwangena umyalezo emnxebeni wam xa ndijonga yimali engenayo ndivele ndabona o zero abaninzi ndavele ndanesifuthufuthu ndiphume nge back door ndaya phandle bendidinga ubethwa ngu moya tyhini imali engaka e Luyanda alobole ngayo. Ndifike apho phandle ndama ndabe ndiziphekuza bendisuke yangathi kunyuke iswekile mntakabawo ndizokwethuswa ngu Luyanda othetha emveni kwam

Luyanda:Mfazi wam kunini ndikukhangela kanti uzifihle apha?
Me:Bendifuna ubethwa ngumoya baby so ndiye ndaphuma nge back door
Luyanda:Okay otherwise use right?
Me:Yes myeni wam ndise right wena?
Luyanda:I missed you, now that ndiyakubon ndi right
Me:Uyathanda ubaxa izinto
Luyanda:Andizibaxi, uyibonile imali yakho?
Me:Ewe Luh ndiyibonile khange athethe u malume ukubona kwakho?
Luyanda:Tuu ketana oko ebengunokulunga pha
Me:(Ehleka)Sugeza babe
Luyanda:Nyani uzuqonda nguye nangoku ophinde wandinika lemai wathi mayize kuwe
Me:Noko unayo indawo ebhadlileyo nje
Luyanda:Ndiyamvuthiswa umntu mna
Me:Madibuyele endlini
Luyanda:Masambe bendihleli ndizokubiza uyafunwa ngamaxhego pha

Silandelelene ukuphindela endlini ndabe sendisiya ebantwini abadala, bendethuswe lihlobo okuncokolwa ngalo bekuvanwa hayi marn u Luyanda uyakwazi ubalungisa abantu abagezayo yazi Jonga kwa loo ungu Mawethu atsho indlathi ebehleka ingathi ayinguyanga loo usileyo. Bayithethile kelonto yabo bejonge k*m ecaleni bezityela ukutya kwakhe bathe ugqiba kwabo bakhupha utywala basela.

Mawethu/Jola: Kusasa ke Mbulelo kuzabe kutyiswa umakoti wethu utsiki
Mbulelo:Akukho ngxaki sizakuvukela apha
Mawethu:Okwangoku masonwabeleni indlela lee yethu ibiye yantle
Mbulelo:Injalo Jola

Baqhubekeke notywala babo nathi sabe siqokelela izitya ecaleni sahamba sayokuzihlamba ndincediswa ngu Elihle.

LIKE
SHARE
COMMENT
INVITE YOUR FRIENDS

22/09/2026

Zixhasiwe I insert, enkosi kubaxhasi kwande apho bathatha khona 😍

22/09/2026

INSERT 39

Bendizilele ke mna u Luyanda yena ebengekho andimazi noba ebeyephi, so since engekho ndiqonde uba mandiyozivalela kula flat yethu bendibaleka utata ka Luyanda ebendijonga kakubi nankuya umntu. Bendizakuphuma apha kule flat xa kufike u Luyanda soze kaloku so bendizingqengqele ndabe ndizicofela umnxeba wam kungekho nto ingako.

Ndithe ndisangqengqe kanjalo ndeva ngento endibandisa apha ezinyaweni ndiphakamise lee fleece bendiyembathile ndithe ntla ngenyoka Yhoo into endivele ndayilila kulondlu ndabe ndikhwaza igama lika Luyanda phofu kuvuleke umnyango wangena ebaleka u Luh.

Luyanda:Baby kwenzeka ntoni?

Ndithathe nje ngokhomba apho ikhoyo lonyoka besele ndingafuni kwa uyijonga ndihleli ndiyoyika kakade mna.

Luyanda:Ayilumi baby relax
Me:Susa lonto Luyanda please
Luyanda:Baby yinyoka yalapha lee
Me:Yinyoka yalapha?
Luyanda:Ewe ngeyalapha ekhaya
Me:Nithwele nina apha kowenu Luh? Kutheni nizakuba nenyoka?
Luyanda:Baby akuthwelanga ekhaya yilanyoka kuthiwa ngu MaJola loo
Me:Ngoku ufuna ntoni k*m ndingengo Jola?
Luyanda:Yima sthandwa sam ndithethe nayo
Me:Ihambe apha ndiyayoyika mna

Ndimshiye apho u Luyanda esondela kuyo mna ndahamba ndaya e bathroom ndifike nje ndachama ndabe sendihlamba nobuso, ndithe ugqiba kwam ndabuyela kuye kwelacala ndifike esonga loo fleece

Me:Imkile?
Luyanda:Ewe baby
Me:Kungcono, ubuyephi?
Luyanda:Bekukho nje into ebendisafuna uyiqoshelisa
Me:Uyiqoshelisile kengoku?
Luyanda:Yeah
Me:Kungcono, Yee baby wavele awandixelela uba ufuna ukundenza umfazi sele ndiyiva apha lonto
Luyanda:Bendifuna ibeyi surprise baby
Me:Uyayibona surprise isibeke phi? Uba bendingavumanga kwaphela ukuza apha ubuzakukwenza njani?
Luyanda:Kudala ndicinga uyenza lonto baby qha bendisoyika wena uba ungangavumi
Me:Ndingavumi ukutshata?
Luyanda:Ewe
Me:Bendingasoze ndiyenze lonto mna, bendizakuvuma lula nje
Luyanda:Nyani?
Me:Ewe baby mna ndifuna uphila ubom bam bonke nawe kunye no Alwande bendingasoze ndingavumi
Luyanda:Ndoyike into engekhoyo mo’s
Me:Ulilo negwala
Luyanda:Andililo kodwa xa kuziwa ngakuwe ndiyakoyika marn
Me:Sukundoyika baby yiqhele into yothetha nam sibonisane xa kufuneka sibonisene
Luyanda:Ndizakukwenza njalo love

MaBhejula:Tata lento uzakuyenza kude kubenini?
Jola:Usithatha phi isibindi sokukhomba mna ngompu u Luyanda? Ndakugqiba uk*mkhulisa wabayilandoda ayiyo
MaBhejula:Kanti ubufuna athini tata? Andithi nguwe loo unyanzele Yonke lento sele ndikuxelela uba yiyeke u Luyanda unaye umntu ancumisana naye
Jola:Ngoku ndilahlekelwe yimali mna ngenxa ka Luyanda ongasebenzisi ngqondo?
MaBhejula:Uxolela ukulahlekelwa ngumntwana wakho tata ngenxa yemali?
Jola:Awuyiqondi lento wena Nosimo
MaBhejula:Nguwe umntu ongayiqondiyo yonke lento, mamela apha ke tata ndikuxelele uyabona mna andizokulahlekelwa ngumntwana ngenxa yakho, ngenxa ye ntliziyo yakho ende yintoni u Luyanda angakwenzeli yona? Ayikho kodwa lihlobo ombulela ngalo eli?
Jola:Sukundinyusela ilizwi Nosimo
MaBhejula:Uba Ukhe wahamba nje u Luyanda uze uyazi nam kugqibelisa kwakho undibona apha kulamasango ooJola, andisoze ndivume mna tata uthengise ngo mntwana wam not ndisaphila u Luyanda wenza isiqinisekiso soba eleke nyanga wena uyayifumana imali xa ndithi imali mna andibali cent ndithetha ngento enje ngemali kodwa xa ku namhlanje lihlobo ombulela ngalo eli? Ngokungafuni umfazi wakhe engakwenzanganto ngenxa yonyolukela imali tata
Jola:Nkosikazi uxolela uba si loose I millions ngento ibinothethwa ingqitywe? U Luyanda angamthatha lamntwana njengo nkosikazi wakhe wesibini andali
MaBhejula:Akukho sithembu siza kukwenzeka apha u Luyanda uzak*mtshata u Khwezi kwaye uzakuyamkela lonto futhi umxhase
Jola:Awuzundilawula
MaBhejula:Ingathi ngewuphakama kulo sofa uyothetha nonyana wakho nizokwazi ukuhambisa ilobolo kulo Khwezi
Jola:Ewe kaloku ngoba nindiphethe udibene no Luyanda
MaBhejula:Tyhini andina mntwana uzakulahla ikhaya lakhe mna ngenxa yakho futhi ndingazubana bantwana abazakujongana ngezikhondo zamehlo mna ngenxa yokunyoluka kwakho
Jola:Sundithuka Nosimo
MaBhejula:Andikuthuki tata ndikuxelela inyani lee ungafuni kuyiva xa kucaca uba uyazifuna ezi millions zale tender kutheni ungazifuni pha ku Luyanda kuba ndiqinisekile unazo?
Jola:Makhe ndiphakame ndihambe

Nyani ube sephakama endishiya apho kwelogumbi, bendingena xesha lakhe tuu kona into lee bendifuna ukuyithetha ndiyithethile kuye futhi enendlebe nje uvile. Ndibe nam sendiphakama kulo sofa ndalandela apha emva kwakhe ukuya ezantsi.

[NARRATED]

Ufike sele uJola ehambela phezulu apha ezantsi ubabize bonke abantwana bakhe uba basondele uphakamile u Elihle wayobiza u Luyanda kula flat yakhe watsho ukuba no Khwezi naye uyabizwa. Balandelelene ukuya kulondlu inkulu bafike wonke omnye umntu sele ehleli babulisile nabo bahlala phantsi.

Luyanda:Ikhawuleze yonke lento siyibizelwa apha kuba kufuneka ndiyolungisa izinto mna
MaBhejula:Yima kaloku ndoda uve uba utata ufuna uthini
Luyanda:Makayeke uthula kaloku athethe
Jola:Luyanda
Luyanda:Bawo
Jola:Ndiyawuvuma umtshato wakho nale ntwazana ungaqalisa ukuwenza amalungiselelo elobola
Luyanda:Enkosi Bawo
Jola:Uzakuya nini kengoku ukuyolobola?
Luyanda:Kusasa
Jola:Ndizakuthetha no malume bakho sikwazi ukuvukela khona kusasa
MaBhejula:Intle lento uyenzileyo tata ndiyaziqhenya ngawe
Jola:Andina choice kuba ndiyabona u Luyanda angasibulala ngenxa yalomntwana xa ekwazile ukusikhuphela imipu sakugqiba umzala
MaBhejula:Ubokhe uyeke ubhoxa tata yini silungisa
Zolani:Kodwa uthetha inyani u Bawo imbi lento yenziwe ngu bafo izolo
Luyanda:Nisathetha njalo kukho umba endifuna uwugqithisa
Jola:Simamele
Luyanda:Xelelani lonyana wenu ahlukane nomfazi wam, intombi zininzi gqithi phandle akazukhangelelwa ndim
Zolani:Akukho nto ndiyifuna emfazini wakho mna
Luyanda:Izakunceda lonto kuba andingethandi tuu ubone elinye icala lam ongalaziyo
Jola:Uyayiva kengoku lento bendiyithetha Nosimo? Xa ekwazi ukugrogrisa igazi lakhe uLuyanda ngenxa yalomntwana
Luyanda:Andigrogrisi Bawo ndenza isithembiso uba Ukhe nje waphinda waphambanela ku Khwezi u Zolani uzakundazi, ahambe ebuzisa ngam kwabandaziyo bazak*mxelela
Jola:Ngumhlola loo

Utsho sele eqhwaba izandla u Jola inoba ebengayikholelwa tuu lee ithethwa yinkulu yakhe apha, bethuna ebethandwa u Khwezi yilendoda xa izakuxolela uxabana nabantu abazalwa naye ngenxa yakhe. Hayi ntombi nathi sicela usiphe lento uhlamba ngayo siyakufuna nathi uthandwa ngoluhlobo, Kuthe kusenjalo kwabe sek*misa imoto ebaleni uphakamile u Jola wayojonga ugqiba wabuya wajonga ku Luyanda.

Jola:Uyabona into osifake kuyo? Naba abantu bakomkhulu

Uvele wenyusa nje amehlo u Luyanda wajonga kulo moto phandle, wehlile u Kumkani wabe elandelwa ngonogada ababini bangene bephoseleka kulondlu ine family.

“Uphi lomtwana unesibindi sokhomba inkosazana ngompu”

Ungene sele esitsho njalo uDalibhunga

Jola:Ahh Dalibhuga
Dalibhuga:Uphi lonyana wakho ungenambeko?
Luyanda:Xa kufikwa emzini kuyabuliswa, akukho semagezeni apha
MaBhejula:Luyanda Yima ndoda
Dalibhuga:Uyandazi uba ndingubani kwedini?
Luyanda:Uqala kwalapho uyimosha ikhona ikwedini engaka ngam? Indoda yonke enomfazi uyibiza kwedini
Dalibhuga:Umo loo wakho usile nhe?
Luyanda:Tuu xhego qha andidibani nomntu ophambanela k*m mna andiyondawo yasemagezeni

Hayini bethuna nqandani u Luyanda yintoni lee ayiqalayo kubantu basebukhosini, akayazi nayena abantu basebukhosini bayahlonitshwa?

Dalibhuga:Kwedini ndiyakunqanda, Mawethu nqanda lento yakho
Luyanda:Ikhona into ebhadlileyo uyizeleyo ngaphandle koba ube ufundekela apha?
Jola:Luyanda hayi marn
Luyanda:Hayi Bawo banayo lento abantu basebukhosini bethanda ukwenza unothanda emzini yabantu ugqiba kwabo bayekwe nje kanjalo kuba kaloku bona ngabantu abakhulu, bakhe phantsi isitya sigcwele soze yenzeke kula amasango wo Jola lonto leyo
MaBhejula:Thetha kakuhle kaloku ndoda noko ngumntu omkhulu u Dalibhuga
Luyanda:Uba naye ebefike wathetha kakuhle nam ngendithethe kakuhle naye qha uze sele ebhodla ikaka apha
Dalibhuga:Kwedini uthini?
Luyanda:Ngeyiphi indawo ongayivanga?
Dalibhuga :Mawethu bopha inja yakho
Luyanda:Ohh enye into emandikuxelele yona uyabona laa tender ibikwenza uthengise umntwana wakho? uzakuyifumana u Bawo uthanda ungathandi
Dalibhuga:Ingaba sele inguwe inkosi
Luyanda:Kanti khululeka ukuza kwayo ko Jola laa tender ndizakuza apho ebukhosini ndizokubonisa
Dalibhuga:Masambeni Ntsimbi ndingekade ndibulale umntu apha

Usuke wahleka u Luyanda wabe ephuma u Dalibhuga egqwashula, hayi ndiyakuvuma Luyanda uyindoda ngenene.

LIKE
SHARE
COMMENT
INVITE YOUR FRIENDS

Uthando luhle

23/09/2026

23/09/2026

22/09/2026

22/09/2026

22/09/2026

22/09/2026

Address

Opening Hours

Website

Alerts

Shortcuts

Share

Category

Listing takedown request