28/07/2025
Scared of Lonely
Gisteraand, nadat ek myself voorberei het vir vandag, toe gaan lê ek op my bed om eers my liggaam 'n blaas kans te gee voordat ek nou regtig gaan slaap. Maar voor ek my gemaklik maak, sit ek my earpods in my ore, en ek gaan op YouTube. Ek scroll toe eers deur om iets te soek waarvan ek hou.
Daar is toe niks wat my eintlik intereseer nie,MAAR! Toe kom ek af op 'n liedjie van Beyoncé met die naam, "Scared of Lonely".
Dis 'n liedjie wat ek al voorheen gehoor het maar my nie veel aan gesteur het nie. Maar gisteraand, toe luister ek met begrip na die liedjie, en gisteraand, het hierdie liedjie betekenis gehad.
Dit was die eerste keer dat ek met soveel aandag na die lirieke van 'n liedjie geluister het. Maar daar was 3 reels in die liedjie wat vir my uitgestaan het,en ek deel dit graag. In vers 1, reel 2 sê die liedjie: "I' m tryna beat this emptiness, but I'm running out of time". En dan reel 4 van vers 1 sê: " I'm lost in this dream, I need you to hold me, I'm scared of Lonely".
Dalk was dit noodlot wat veroorsaak het dat ek op hierdie liedjie moes afkom, en spesifiek gisteraand toe ek lê en worstel met 'n persoonlike kwessie. Die twee reels het 3 belangrike vrae by my laat opkom.Hoekom is ons bang om alleen te wees?, Wat is die oorsaak van die leemte wat binne ons gelaat word? en derdens, reel 4 sê "I need you to hold me, I'm scared of Lonely", so Hoekom maak ons staat op mens om daai leemte binne ons te vul?
Gebaseer op gisteraand se gebeure, laat hierdie vrae my nogal diep in my binneste met myself worstel, en dit laat my ietwat benoud voel. maar ek wil die bogenoemde vrae tog 'n punt van bespreking maak. Sommige tye is ons as mens te afhanklik van die volgende persoon, sodat ons kan voel asof ons iewers behoort.
Sommige tye soek ons daai stamp of approval van die volgende persoon af, om goed te voel oor onsself, en ander tye, wil ons te veel van die volgende persoon se aandag he, dat ons onsself in die proses verloor. En dit is dan wanneer ons seerkry,wanneer die volgende persoon begin oorweldig voel deur jou teenwoordigheid. Wanneer die volgende persoon hom of haarself begin distansieer van jou af, en aanbeweeg.
Die redes is gewoonlik, wanneer daai leemte te groot raak, en wanneer die eensaamheid te swaar raak om te dra, dan begin jy obsessief raak. En obsessie bring die lelikste uit in mense, en dit veroorsaak so baie hartseer,paranoia, pyn en verwyte. En die seerste en die harde realiteit is, dat jou oe oopgaan, wanneer dit hopeloos te laat is.
Nou, ek het vroeer genoem dat daar 3 reels is wat vir my uitstaan in die liedjie, die 3e reel is soos volg: "Cause I'm tired of this emptiness, Think I'm drowning".
Psalm 102 vers 13, spreek hierdie reel aan: 13 "Maar U, o Here, U bly tot in ewigheid, en u gedenknaam van geslag tot geslag". Dit beteken dat waar mens ons verlaat, en teleurstel, daar sal God altyd met ons wees, en God sal ons nooit verlaat of versaak nie. Mattheus 28 vers 20 bevestig wat Psalm 102 vers 13 sê, en Jesus sê : "20 En kyk, Ek is met julle al die dae tot aan die voleinding van die wêreld. Amen".
So dit is my bemoediging vandag aan elkeen wat deur eensaamheid gaan, met daai leemte en teleurstelling binne hulle. Gee daai eensaamheid vir God, lê jou tekortkominge voor sy voete neer, en laat die Heilige Gees jou vul, sodat jou siel versadig kan word. God seen..
