Mzansi Sport&Art Media

17/09/2026

Amaphoyisa aseRichards Bay asesendaweni yesigameko sokudubula esenzeke esakhiweni sikahulumeni e-Arboretum ngoLwesine ekuseni.
Imininingwane ngalesi sigameko isalokhu ingacaci, kodwa kubikwa ukuthi oyedwa umuntu ushonile.

16/09/2026

Abafana sebengene esitolo sobucwebe e-American Swiss esisePrince Buthelezi Mall esanda kuvulwa e-Empangeni akucaci ukuthi kuthathweni okwamanje sizobuya nodaba oluphelele. Lesigameko senzeke namuhla ebusuku. Amaphoyisa aphenya isigameko.

14/09/2026

Umndeni usaqhubeka nokufuna u-Aisha Gracious, osekunamasonto amabili elahlekile eKempton Park.

U-Aisha akekho phakathi kwabantu abasanda kutholwa.

Noma ngubani oke wambona noma onolwazi olungasiza ngokuthi ukuphi, uyacelwa ukuba axhumane nomndeni noma ne-SAPS ngokushesha.

09/09/2026

09/09/2026

09/09/2026

Thank you National And KZN Provincial libraries

09/09/2026

Umsebenzi wami ngyabonga

04/09/2026

KUZOHLONISHWA ISIHLABANI SOMCULO KAMASIKANDI ESHOWE

Isihlabani somculo kaMaskandi, uMfiliseni Magubane, uzohlonishwa emcimbini omkhulu ozoba seShowe mhla ziyi-10 kuMfumfu 2026.

Lomcimbi uzobe uqhakambisa igalelo likaMagubane emculweni wesintu, ikakhulukazi uMaskandi, kanye neqhaza alibambile ekwethuleni lomculo kubantu bakwamanye amazwe.Abahleli balomcimbi bathi ukuhlonishwa kwakhe kuhloswe ngakho ukubungaza umsebenzi wakhe wesikhathi eside kanye negalelo lakhe ekulondolozeni amasiko nomculo wesintu.

Lomcimbi uza nje iyinyanga yamagugu, egujwa eNingizimu Afrika minyaka yonke ngoMandulo. Lenyanga inikeza abantu ithuba lokugubha nokwazisa amasiko, izilimi, umculo, imidanso kanye namagugu ahlukahlukene akha ubunjalo bezwe.

UMaskandi unendawo ebalulekile emasikweni aKwaZulu-Natali. Lomculo awugcini nje ngokuba wukuzijabulisa, kodwa uphinde ube yindlela yokuxoxa izindaba, ukuveza imibono yomphakathi nokudlulisa umlando namasiko ezizukulwaneni ngezizukulwane.

UMagubane ubalwa nabaculi abaye bafaka isandla ekugcineni lomculo uphila, ngesikhathi bewudlulisela nakubantu abangaphandle kweNingizimu Afrika.

04/09/2026

UNobhala-Jikelele weMKP, uSibonelo Nomvalo, uthi bayiqaphe ngelokhozi inhlangano eyengamele ukhetho (IEC) ukuqinisekisa ukuthi ayenzeleli i-ANC, uthe njengoba i-ANC yehlulekile ukubhalisa ama-candidate ayo ngesikhathi esibekiwe, i-MK ilindele ukuthi i-IEC inamathele esinqumweni sayo njengoba yamemezela ukuthi ngeke isalivula okwesibili leli thuba.

04/09/2026

ZIBUYISELWE KUBAZALI IZINGANE EZASHUSHUMBISWA ZASIWA EMALAWI

Izingane ezimbili ezathathwa eNingizimu Afrika zayiswa eMalawi ngezinsolo zokushushumbiswa seziphinde zahlanganiswa nemindeni yazo.

UNgqongqoshe Wezokuthuthukiswa Komphakathi, uDina P**e, uthe umnyango wakhe uzosebenzisana ne-Interpol kanye nezinye izinhlaka zomthetho ukuqinisekisa ukuthi lolu daba luyaphenywa ngendlela efanele.

UP**e uthe ukubuyiswa kwalezi zingane ezweni lakubo nasemindenini yazo kuyisinyathelo esibalulekile ekululameni kwazo nasekubuyiseleni amalungelo azo njengezingane.

Uphinde wagcizelela ukuthi lolu daba akumele lubhekwe njengecala labantu abalahlekile kuphela, njengoba izimo ezibikiwe zikhomba ezinsolweni zokushushumbiswa nokuxhashazwa kwezingane.

Uthe lolu daba ludinga ukungenelela okuphelele kwezinhlaka zokuvikela izingane kanye nezomthetho.