Nguye Umnikazi

11/12/2025

.

𝗜𝗦𝗢𝗡𝗢 𝗦𝗔𝗞𝗛𝗢, 𝗦𝗜𝗦𝗢𝗡𝗢 𝗦𝗔𝗞𝗛𝗢.

“Boo Jongilanga! Xwayani imixakatho yenu nijongise imibombo yenu emzini ka Dabis'omkhulu.” - utshilo umnumzana Songwevu evulela oo Jongilanga ebakhupha ejele.

𝗨𝗠𝗲𝗹𝗶𝘀𝗶𝘇𝘄𝗲: Siyabulela bhut'omdala.

Baphume belandelelana ooJongilanga sele ngathi bebelindele ukuba baza kuphuma kungekudala.

Kwekh! Kazi ukusuk'apha siyakuva ntoni na? Hlal'uthe gqolo mfundi webali, zibuzwa k*m.

*******

Zidlulile iintsuku ezimbini uAthandwe kunye no Simphiwe besaphethene ngokuthula apho eMthatha kwindlu abathe bayibhatalela apho edolophini.

USimphiwe ebesaphumile eyokusebenza. Kaloku uSimphiwe lo ungumqhubi weetekisi.

Uzingqengqele apho esofeni uAthandwe uzicofela imfonomfono yakhe. Kuvale kunkqonkqozwa emnyango. Uxhumile uAthandwe sel'ezibuza kazi ngubani na lo unkqonkqozayo.

Kuphinde kwankqonkqozwa kwakhona, ulungisa umqala uAthandwe.

𝗨𝗔𝘁𝗵𝗮𝗻𝗱𝘄𝗲: Ungubani?
.. "Khawuvule ntombi ndim umakhelwane wakho."

Zehla izibilini ku Athandwe sel'ephefumlela ngaphandle. Usuk*mile wayok*mvulela. Ungenile umakhelwane wakhe sel'ehamba nabahlobo bakhe ababini abangamantombazana. Bangene bachopha esofeni. Bonke baminyaka minye noAthandwe lo.

𝗨𝗔𝘁𝗵𝗮𝗻𝗱𝘄𝗲: Tyhini Siziwe undothusa kangaka.

𝗨𝗦𝗶𝘇𝗶𝘄𝗲: Wothuswa yintoni na tshomi? Ndihamba neetshomi zam ongazaziyo ke, u Onke kunye noThiyetha. Yintoni na? Uneentshaba?

𝗨𝗔𝘁𝗵𝗮𝗻𝗱𝘄𝗲: Hayi, kutheni watsho?

𝗨𝗦𝗶𝘇𝗶𝘄𝗲: Ndiva usithi ndikothusile?

𝗨𝗔𝘁𝗵𝗮𝗻𝗱𝘄𝗲: Ooh... Hayi kaloku andazi mntu mna apha, andikaqheli ncam ndinalo uloyiko.

𝗨𝗦𝗶𝘇𝗶𝘄𝗲: Tshomi ngo 17:00 sine 𝘱𝘢𝘳𝘵𝘺 pha kulo Onke, akunqweneli ukuza?

𝗨𝗔𝘁𝗵𝗮𝗻𝗱𝘄𝗲: 𝘌𝘪𝘴𝘩... Tshomi andiqondi ukuba ndiza kuphumelela.

𝗨𝗦𝗶𝘇𝗶𝘄𝗲: Ngoba kutheni na ngoku tshomi yam?

𝗨𝗔𝘁𝗵𝗮𝗻𝗱𝘄𝗲: Ndi...

Akaphendulanga nto icacayo uAthandwe uvele wazonway'intloko.

𝗨𝗦𝗶𝘇𝗶𝘄𝗲: Hayi tshomi siyaya tyhini, akunasizathu mos. Ingathi ngewuhlala uhlambile ke, nathi siyokuhlamba ngoku.

Batsho bephakama ooSiziwe belungiselela ukuhamba.

𝗨𝗦𝗶𝘇𝗶𝘄𝗲: Siza kugqitha ngawe tshomi.

𝗨𝗔𝘁𝗵𝗮𝗻𝗱𝘄𝗲: Kulungile.

Bayaphuma, kusala uAthandwe eyicinga le nto. Ingqondo yakhe ibicinga kubini, unakho ukungathembi.

“Ndiye?... Ndingayi?... Ndiye?... Hayi mandingayi... Ndiye? Ewe maan mandiye... Hayi maan... Mxxm mandiye.” - ebephakathi kweBhayi neTinarha uAthandwe kwezongcinga zakhe.

Kungaphelanga mizuzu ingephi, kungene uSimphiwe. Ebechophe apho esofeni uAthandwe esacinga le nto yangokuhlwa.

𝗨𝗦𝗶𝗺𝗽𝗵𝗶𝘄𝗲: Ngabantw'abatheni na aba baphum'apha Athandwe? Sewuneetshomi ezilapha na ngoku?

𝗨𝗔𝘁𝗵𝗮𝗻𝗱𝘄𝗲: Ziintshomi zam ezo Simphiwe.

𝗨𝗦𝗶𝗺𝗽𝗵𝗶𝘄𝗲: Athandwe ufika nje sewugcwalisa iitshomi kule ndlu?

𝗨𝗔𝘁𝗵𝗮𝗻𝗱𝘄𝗲: Bendingayazi ukuba akulunganga oko. Uxolo wethu.

𝗨𝗦𝗶𝗺𝗽𝗵𝗶𝘄𝗲: Hayi maan Athandwe maan! Uphekile?

𝗨𝗔𝘁𝗵𝗮𝗻𝗱𝘄𝗲: Hayi, bendiza kupheka njani kungekho kutya?

𝗨𝗦𝗶𝗺𝗽𝗵𝗶𝘄𝗲: Ngewutshilo.

Ukhuphe imali esipajini uSimphiwe wanika uAthandwe.

𝗨𝗦𝗶𝗺𝗽𝗵𝗶𝘄𝗲: Nantsi imali yokutya, mna ndisayokuthatha abantu erenkini ndiza kubuya ngorhatya.

𝗨𝗔𝘁𝗵𝗮𝗻𝗱𝘄𝗲: Kulungile.

Unxibe nje ijezi yakhe uSimphiwe waphinda waphuma.

*******

"Ithini inkqubela phambili ngoku boo Dabisa? Ukusuk'apha siza kwenza ntoni? Ishishini likabawo lona kuza kufuneka libuyele ezandleni zethu, kukubi kukuhle." - uyiphake wenjenjeya ingxelo phez'ukwetafile uMelisizwe elindele oza kuhlomla.

Cwaka kanjalo endlwini into engangemizuzu emibini. Kuzokuthetha uLangelihle xa kanye bebethembiselana.

𝗨𝗟𝗮𝗻𝗴𝗲𝗹𝗶𝗵𝗹𝗲: Uvakele Jongilanga, mna ngelam ndithi masike sidukudelise mbijana kuqale kugqithe esisitshingitshane sisandakudaleka kula mzi wakwa Qhinebe. Kona-kona ngabethu aba bantu, kunjalo nje bavumile. Kuyo yonke mna lo nto ndicingela oku kuka Athandwe.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Ndivumelana nawe Langa. 𝘌𝘪𝘴𝘩... Eka Athandwe into siseza kuyityel'amathamb'engqondo. Kodwa kuza kufuneka siqinisekise ukuba ukhuselekile kusini na kula mzi. Kaloku ngelixesha uyigusha phakathi kweengcuka esingazi nokuba angaqutyulwa nini na.

𝗨𝗠𝗲𝗹𝗶𝘀𝗶𝘇𝘄𝗲: Siza kwenza njani bhuti ukuze simfumane?

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Masilinde kurhatye, icebo liza kuzivelela. Ndifuna sichwechwele ngakhona siye phaya kula mzi singabonwa.

𝗨𝗠𝗲𝗹𝗶𝘀𝗶𝘇𝘄𝗲: Kulungile bhuti ndiyakuva.

*******

Apho eMthatha, iqalile i 𝘱𝘢𝘳𝘵𝘺 kulo Onke k*mnandi kunjeya. Kugcwele kuthe qhu zizini zombini. Nankuya uAthandwe phakathi kwabo ntonayo bona basazichophele ecaleni esofeni basela ezo bhiya.

𝗨-𝗢𝗻𝗸𝗲: Athandwe tshomi awurhaleli ndikunike esinye isikeyiti sam? Noko side kakhulu esi usinxibileyo. Sukuzicacisa ukuba ungumtshakazi apha.

𝗨𝗔𝘁𝗵𝗮𝗻𝗱𝘄𝗲: Akukho ngxaki tshomi.

Baphumile bobabini, u-Onke uyokuzamela u-Athandwe isikeyiti. U-Athandwe ebengathwelanga aph'entloko.

Ude wanikwa ke isikeyiti esithe ukuba sifutshane esiphela entla kwamadolo. Baphinde babuyela e 𝘱𝘢𝘳𝘵𝘺-ini. Ebesuke wamncinci mpela ke ngoku u-Athandwe akacaca nokuba ungumfazi womtu.

Ikhalile ifowuni ka Athandwe, bekufowuna uSimphiwe. Kuthe rhiphu umbilini kancinci. Uyijonge isidala lo fowuni ikhala. Ixhala libethel'uk*ma. Ebengenokwazi ukuyibamba bekungxolwa kule ndlu. Ide yayeka ukukhala lo fowuni leyo.

Ukhawuleze wayicima ngoko nangoko ifowuni yakhe uAthandwe kuba engafuni ukuphinda afowunelwe.

*******

USimphiwe ebevutha ngumsindo ehleli apho esofeni. Sele iziiyure ezimbini ebuyile emsebenzini. Akuphekwanga, kuyabonakala ukuba kudala ehambile uAthandwe. Ucatshukiswe na yile yokuba uAthandwe angayicholi ifowuni xa ebemtsalela umnxeba.

Uthe makakhe amphinde amtsalele umnxeba. Hayi khona, ibikhala epalini kweli tyeli.

Uphakame ngomsindo sel'ekhab'iitafile uSimphiwe ecaphuka...

Pewu... Kazi iyakuzala nkomo ni? Masive kwisahluko esilandelayo.

•••••••••••••

Xa nigqiba ukufunda ndicela nenze oku kulandelayo;

- 𝗟𝗜𝗞𝗘; nicofe ubhontsi,

- 𝗖𝗢𝗠𝗠𝗘𝗡𝗧; nibhale izimvo zenu malunga nesahluko,

- 𝗦𝗛𝗔𝗥𝗘; nisasaze esi sahluko nakwabanye abantu.

05/12/2025

.

𝗜𝗦𝗢𝗡𝗢 𝗦𝗔𝗞𝗛𝗢, 𝗦𝗜𝗦𝗢𝗡𝗢 𝗦𝗔𝗞𝗛𝗢.

Bebengabonakali nango tshe uSimphiwe nomfazi wakhe uAthandwe. Ubakhangele wabancama uBhokoda ebhodl'umlilo ngumsindo kuloo yadi yakwakhe kodwa nkqi ukufumaneka.

Enye yeetekisi zakwakhe ibingekho kucaca ukuba uSimphiwe uhambe ngayo kunye no Athandwe.

*******

Endleleni; kwindlela enguhola isisiphekepheke itekisi iqhutywa ngu Simphiwe, ecaleni kwakhe kukhwele uAthandwe

𝗨𝗔𝘁𝗵𝗮𝗻𝗱𝘄𝗲: Simphiwe siya phi na?

𝗨𝗦𝗶𝗺𝗽𝗵𝗶𝘄𝗲: Athandwe uxel'ukuba awukeva nto ngesehlo esehlele usapho lwam? Yingxuba kaxaka engenasisombululo.

𝗨𝗔𝘁𝗵𝗮𝗻𝗱𝘄𝗲: Ke ngoku siya phi ke thina?

𝗨𝗦𝗶𝗺𝗽𝗵𝗶𝘄𝗲: Ngoobhuti bakho aba benze udushe koo Qhinebe. Ubawo ngoku ubhodl'umlilo ndiyamazi kwaye angakubulala. Ndizama ukukhusela wena sthandwa sam, ndifuna siyokuzihlalela sobabini.

𝗨𝗔𝘁𝗵𝗮𝗻𝗱𝘄𝗲: Oobhuti bam benze ntoni na ngoku? Yho aba bantu.

𝗨𝗦𝗶𝗺𝗽𝗵𝗶𝘄𝗲: Badubule babulala umfazi ka Zamani uPhelokazi, umntwana ka Phelokazi kunye no Khetha, umyeni ka Thuletu.

Wothuke wazibamba umlomo ngazo zombini izandla uAthandwe engakholelwa.

𝗨𝗔𝘁𝗵𝗮𝗻𝗱𝘄𝗲: Hayi bo!

𝗨𝗦𝗶𝗺𝗽𝗵𝗶𝘄𝗲: Ukanti ke nobhuti Zamani usalwela ubomi bakhe esibhedlele, naye udutyuliwe. Oobhuti bakho babanjwe bonke.

𝗨𝗔𝘁𝗵𝗮𝗻𝗱𝘄𝗲: Yho! Bangcolile oobhuti.

𝗨𝗦𝗶𝗺𝗽𝗵𝗶𝘄𝗲: Ndifuna siyokuhlala noba kuse Mthatha sirente phaya ukukhusela ubomi bakho kutata ngoba hleze afune ukuziphindezela apha kuwe.

𝗨𝗔𝘁𝗵𝗮𝗻𝗱𝘄𝗲: Ndenze ntoni mna?

𝗨𝗦𝗶𝗺𝗽𝗵𝗶𝘄𝗲: Ngoobhuti bakho kaloku aba bonakalisileyo kwaye nawe ungu Dabisa.

𝗨𝗔𝘁𝗵𝗮𝗻𝗱𝘄𝗲: Yho.

KUNGOKUHLWA.

Bekugcwele ngabantu basekuhlaleni endlwini yakwa Qhinebe bezokubaza iindlebe malunga nalo mphanga wehlele olu sapho. Ootata bebehleli apho ezitulweni, oomama benabile kwelinye icala.

UThuletu naye ebelapho sel'ebuyile esibhedlele ufakwe isamente apha engalweni.

UMawethu ebekhona naye.

Kuphakame utata wokuhlala sel'elungisa umqala eza kuthetha.

𝗨𝘁𝗮𝘁𝗮 𝘄𝗼𝗸𝘂𝗵𝗹𝗮𝗹𝗮: Molweni mawethu. (Ivume yonke indlu) Andizanga ngandaba zimnandi konke-konke, bambi ke sebeyazi abanye abantu into esize ngayo. Kwenzeke ingozi ngesaquphe kolu sapho lakwa Qhinebe. Ibinguquluku bhedu kwisibhedlela kukhala izithonga zemipu. Ezimbi ke kuye kwadubuleka uthotho lwabantu olubalwa apha kolu sapho lakwa Qhinebe. Kudutyulwe kwabulawa uPhelokazi, umntwana ka Phelokazi oliwele kwakunye nobaw'uKhetha ongumninawa ka baw'uBhokoda. UZamani yena usesibhedlele ulwela ubomi bakhe. Zinjalo ke bantu beNkosi. Sixolise kakhulu boo Qhinebe ngesehlo esithe sanehlela, sithi ngxe.

Wehlile utata wokuhlala. Ukhale esimantshiyane akakwazi ukuzibamba uNokulunga. Uthuthuzelwe ngabanye oomama egxwala.

"Owu abantwana bam! Yhini Thixo!" - ebeneendawo ezitshoyo uNokulunga kubuhlungu kuye ngaphakathi. Yhini ngomolokazana wakhe nomzukulwana wakhe bavele basweleka ngaxesha nye.

*******

Ngengakusa;

UMnumzana Songwevu ongu detective ulapho kwisikhululo samapolisa uthetha nemfono-mfono yakhe.

𝗨𝗺𝗻𝘂. 𝗦𝗼𝗻𝗴𝘄𝗲𝘃𝘂: Uthini? Uthi ooJongilanga bangaphakathi entolongweni?
.. “Ewe, khawenze icebo mhlekazi. Ngoonyana baka Dabisa aba sithetha ngabo. Awunakuze ubalahle ekubeni wawisebenzisana nootata wabo.”

𝗨𝗺𝗻𝘂. 𝗦𝗼𝗻𝗴𝘄𝗲𝘃𝘂: S**a, ngamanzi amancinane maan lawo. Ngomso oku bayaphuma ooJongilanga.
.. “Kuhle ke mhlekazi.”

𝗨𝗺𝗻𝘂. 𝗦𝗼𝗻𝗴𝘄𝗲𝘃𝘂: Khululeka.

Ucinyiwe umnxeba.

*******

UMawethu uthetha noBhokoda bamile apho kwi vranda yendlu kusekuseni.

𝗨𝗠𝗮𝘄𝗲𝘁𝗵𝘂: Kwekh! Imbi into eyenziwe ngaba bafana.

𝗨𝗕𝗵𝗼𝗸𝗼𝗱𝗮: Eyy...

𝗨𝗠𝗮𝘄𝗲𝘁𝗵𝘂: Kuthiwani ukus**a apha Qhinebe?

𝗨𝗕𝗵𝗼𝗸𝗼𝗱𝗮: Dabisa?

𝗨𝗠𝗮𝘄𝗲𝘁𝗵𝘂: Magcala.

𝗨𝗕𝗵𝗼𝗸𝗼𝗱𝗮: Uthunyiwe? Yhazi andisathembi kwamntu wakwa Dabisa ecaleni kwam, ingase ndikuqoshelise ngembumbulu ngoku kwawena.

𝗨𝗠𝗮𝘄𝗲𝘁𝗵𝘂: Hayi bo, Qhinebe? Andingomntu onjalo nje mna. Kunini ndabanani Qhinebe kodwa ufuna ukundibulala xa kunamhlanje.

𝗨𝗕𝗵𝗼𝗸𝗼𝗱𝗮: Akusekuhlanga phandl'apha Dabisa.

𝗨𝗠𝗮𝘄𝗲𝘁𝗵𝘂: Ndiyayiqonda bhuti, ngxe mfo kabawo.

𝗨𝗕𝗵𝗼𝗸𝗼𝗱𝗮: Eyy kunzima mfo ndini, uthini ke?

𝗨𝗠𝗮𝘄𝗲𝘁𝗵𝘂: Emva kokuva lo mphanga ndiqonde mandikhawuleze ndivele kwangoko.

𝗨𝗕𝗵𝗼𝗸𝗼𝗱𝗮: Yha bhuti kodwa okwa ngoku ndisafuna ukucwangcisa kakuhle amalungiselelo omngcwabo.

𝗨𝗠𝗮𝘄𝗲𝘁𝗵𝘂: Ndiyakuva bhuti, ndikhona xa kukho into oyidingayo ngak*m.

𝗨𝗕𝗵𝗼𝗸𝗼𝗱𝗮: Akukho ngxaki bhuti.

Baxhawulene izandla emvakoko bancokola ezabo.

•••••••••••

Xa nigqiba ukufunda ndicela nenze oku kulandelayo;

- 𝗟𝗜𝗞𝗘; nicofe ubhontsi,

- 𝗖𝗢𝗠𝗠𝗘𝗡𝗧; nibhale izimvo zenu malunga nesahluko,

- 𝗦𝗛𝗔𝗥𝗘; nisasaze esi sahluko nakwabanye abantu.

23/11/2025

Nihlomla nithini ngo Luleka? 😊™️

23/11/2025

Oo Jongilanga basejele mos, niyayazi lo nto? 😊

22/11/2025

.

𝗜𝗦𝗢𝗡𝗢 𝗦𝗔𝗞𝗛𝗢, 𝗦𝗜𝗦𝗢𝗡𝗢 𝗦𝗔𝗞𝗛𝗢!

Kwisithili sase Ngcobo kula lali yase Sithebe; emzini ka Mawethu Jongilanga utat'omncinci wabasixhenxe.

Uzihlelele emthunzini wendlu uLuleka ongumfazi ka Mawethu uzityela umngqusho xa esothuswa yimoto ka Mawethu idumela phezulu ingena ngesango.

Isondele ngasendlwini, uphuma ngokungxama uMawethu sel'etshicela esilevini oku komntu ove ezimbi zon'iindaba.

Nangenyaniso zikho ezi ndaba azivileyo zingehlanga kakuhle kuye yilo nto egxanya ukuhambela phezulu.

Ufike wee ngxi wema phambi kuka Luleka sel'eqalisa ukuthetha.

𝗨𝗠𝗮𝘄𝗲𝘁𝗵𝘂: Yintoni na le ndiyivayo na kula Dutywa?

𝗨𝗟𝘂𝗹𝗲𝗸𝗮: Ubuza k*m?

𝗨𝗠𝗮𝘄𝗲𝘁𝗵𝘂: Ndisanda kufowunelwa ngu Qhinebe, uthi baphethuphethulwe zezi ntwana zingoo Ntsikayekhaya.

𝗨𝗟𝘂𝗹𝗲𝗸𝗮: Kukuthini na ukuphethuphethulwa?

𝗨𝗠𝗮𝘄𝗲𝘁𝗵𝘂: Yhey! Kuthiwa ibingu wele-wele kudutyulwana kuyilo nto. Wen'ubuphaya ubunokuchaphazeleka zezo mbumbulu bezithaka okwezichotho. Ezi ntwana ziqalwa yimpambano na ngoku?

𝗨𝗟𝘂𝗹𝗲𝗹𝗮: M-m-m...

Khange ayinanze ncam lo nto uLuleka, usuke nje wazityela iinkozo zakhe zomngqusho.

𝗨𝗠𝗮𝘄𝗲𝘁𝗵𝘂: Oh, caba uyayonwabela wena lo nto?

𝗨𝗟𝘂𝗹𝗲𝗸𝗮: Ndike ndayithetha na mna leyo? Ndivuma le uyithethayo kaloku Dabisa.

𝗨𝗠𝗮𝘄𝗲𝘁𝗵𝘂: Impendulo yakho andikhange ndiyilindele. Uxel'ukuba akuzukuhlomla nakancinane?

𝗨𝗟𝘂𝗹𝗲𝗸𝗮: Ufuna ndihlomle?

𝗨𝗠𝗮𝘄𝗲𝘁𝗵𝘂: Ewe nantsika.

𝗨𝗟𝘂𝗹𝗲𝗸𝗮: Mna ngelam ndithi akukho nto ingalunganga abayenzileyo oonyana baka Mathuba. Oku bakwenzayo kukuziphindisela nje qha. Okunye ke endikucingayo mna kukuba oonyana baka Mathuba babuyisa izitya. Ukhe uve xa kusithiwa 'konke okwenzayo kuneziqhamo'? Dabisa akulunganga ukuxhokonxa iinyosi zizihlelele, zithi zakudikwa zimongamele umxhokonxi ngoba kaloku zona zizihlelele kulo ndawo leyo. Mna ke ndithi ngelam, owaaxhokonxa ooqhinebe makalindele esakhe isohlwayo. Ndigqibile ke ukuhlomla.

𝗨𝗠𝗮𝘄𝗲𝘁𝗵𝘂: S**a! Awuncedisi kwa wena lo. Mandikushiye. (𝖴𝗍𝗌𝗁𝗈 𝖾𝗌𝗂𝗒𝖺 𝗇𝗀𝖺𝗌𝖾𝗆𝗈𝗍𝗐𝖾𝗇𝗂)

𝗨𝗟𝘂𝗹𝗲𝗸𝗮: Caba uyaphi na Dabis'omkhulu?

𝗨𝗠𝗮𝘄𝗲𝘁𝗵𝘂: Ndiyeke mfazi ndini!

Uyahesha uMawethu sel'eyokukhwela emotweni yakhe elibangise eDutywa.

𝗨𝗟𝘂𝗹𝗲𝗸𝗮: (𝖴𝗒𝖺𝗓𝗂𝗍𝗁𝖾𝗍𝗁𝖾𝗅𝖺) Ndawukhe ndibone, kuthiwa, 'okwenzeka ebumnyameni kuyovela ekukhanyeni'. Yena uMawethu makatye iilobola zika Athandwe andikhuphe ecaleni mna. Andifuni nesenti le imdaka, tyhini, kanti uMawethu lo unobuqhophololo na? Lo nto akanazo neentloni ezi, ebantwaneni bakamkhuluwa wakhe? Hayi inene ufanelwe sisohlwayo esimlungeleyo.

*******

Emzini wakoo Qhinebe; kusemini ebezihlelele apho uNokulunga eziphungela iti. Bekusandokungena uSimphiwe ngoku, ufike nje waphuma no Athandwe.

Emva kwemizuzu engamashumi amathathu nangaphezulu kungene uBhokoda sel'ebhodla umlilo kakade ewuthe qhiwu umkhono wekati.

𝗨𝗕𝗵𝗼𝗸𝗼𝗱𝗮: Uphi? Yhey! Uphi lo!

Uxhume kweso situlo uNokulunga wachitha nalo ti kwaqhekeka ikomityi. Ixhala libethel'uk*ma.

𝗨𝗡𝗼𝗸𝘂𝗹𝘂𝗻𝗴𝗮: Qhinebe?

𝗨𝗕𝗵𝗼𝗸𝗼𝗱𝗮: Iphi le ntombazana?

𝗨𝗡𝗼𝗸𝘂𝗹𝘂𝗻𝗴𝗮: Ubani tata?

𝗨𝗕𝗵𝗼𝗸𝗼𝗱𝗮: Yhey! Uphi uAthandwe maan? Uphi!

𝗨𝗡𝗼𝗸𝘂𝗹𝘂𝗻𝗴𝗮: Usandakuphuma no Simphiwe ngoku.

Ujike ngokukhawuleza uBhokoda ephuma ngomnyango.

•••••••••

LIKE, COMMENT & SHARE!!

Ndicela mntu ngamnye osifundileyo esi sahluko abeke iimbono zakhe esidlangalaleni ngokuthi a-comment'e. Ningalibali uk*mema abahlobo benu kwaye nicofe uLIKE.
Mna nani masidibaneni kwisahluko esilandelayo. Enkosi.

22/11/2025

Ndicela nibe nizikhumbuza bantu bam. ❤️

29/10/2025

Nali elinye, niyacelwa ngobuninzi benu. ❤️❤️

.

.

Phaya ku Centane kwindawo yakwa Feni kwilali yaku Sezela. Nankuya uTyhila Bangingca engqunga ezula elo phandle ezama ukuthulisa umntwana obesitsho isikhalo esimasikizi.

Eso sikhalo besitshweda ukweqisela, uk*mbeka esifubeni bekufana nokutumeka umlilo ovuthayo. Eman'ukuphuma phandle ambethise ngomoya, kodwa hayi khona, ugxwala ebuyelela exel'izulu lase Mthatha.

Lunjalo ke usana, use ungazi nokuba luyagula na okanye ngumoya nje omdaka eliwuvayo.

Xa embeka ngomv'esandla epha esibunzi, ebetshisa bhe.

“Kowu kazi ubuya nini na tat'akhe? Ndinoloyiko ngalo mntwana. Buya tat'akhe torhwana ndindodwa.” – uthetha loo mazwi uTyhila sele naye ngoku entywizisa.

Ebengazi ukuba makathathe ntoni ayeke ntoni.

UTyhila: Lwandlekazi thula kaloku bhabha, utata uyabuya. Ndiyakucela mntan'am.

Belungathuli kwaphela usana. UTyhila uncame wambeka ebhedini wandula ukuthatha ibhafu yosana yokuhlamba egalela amanzi abandayo kuyo.

Umhlambe kulo manzi umntwana ezama uk*mphungula ubushushu obu ebenabo.

Noko lude lwayeka ukugxwala usana, umbeke ebhedini sele emlalisa. Uyamthuthuzela ezama uk*mlalisa. Yoyi, lwalala usana.

Uthe akugqiba ukululalisa waphefumlela ngaphandle ediniwe.

Zaqala zagxalathelana iingcinga engqondweni yakhe, ucingana noyise womntwana. Kaloku oko ebephume apha ngezolo ekuseni ngelithi uyokongeza izinto zosana, uzibalile ke; lubisi, iimpahla kunye nezinye aza kuthi adibane nazo apho edolophini.

UTyhila: (Uthetha yedwa) Bubusuku besibini ngoku kodwa akakabuyi, angayenza na lo nto andishiye nosana endazi ukuba ndomba ngengqithi, kwaye eyazi ukuba ndiyaqala ukuzala? Kodwa ke akunani, ndakunyamezela.

*******

“Ziinyembezi Zeentlungu”, kazi iyakuzala nkomo ni? Masidibaneni kwisahluko sesibini xa sele litshisa ke ngoku.

Ningalibali ukucofa u LIKE, COMMENT kwaye uSHARE'e.

27/10/2025

“Ndirhintyelwe Ngamatyathanga” ������

25/10/2025

SIYASHIYWA, cofa nje le link isemazantsi, izokusa straight kwenye ipost. Ufike ukhangele icomment yam then ufake ubhontsi wakho phantsi kwe comment yam, ube ugqibile kanjalo.

https://www.facebook.com/61573028670605/posts/122161851032767622/?app=fbl

25/10/2025

.

𝗜𝗦𝗢𝗡𝗢 𝗦𝗔𝗞𝗛𝗢, 𝗦𝗜𝗦𝗢𝗡𝗢 𝗦𝗔𝗞𝗛𝗢.

Emzini wakoo Qhinebe; uNokulunga kunye noAthandwe bahleli apho phandle emthunzini kwi vranda.

𝗨𝗡𝗼𝗸𝘂𝗹𝘂𝗻𝗴𝗮: Yimoto etheni na le imise ngasemzin'am?

Anyeke uAthandwe ejonga le moto, uqwalaselisile. Tyhini, iyimoto yoo Jongilanga la nje leya. Imile ngaphaya kwegeyithi.

𝗨𝗔𝘁𝗵𝗮𝗻𝗱𝘄𝗲: Bazokwenza ntoni na apha aba bantu?

𝗨𝗡𝗼𝗸𝘂𝗹𝘂𝗻𝗴𝗮: Uyabazi?

𝗨𝗔𝘁𝗵𝗮𝗻𝗱𝘄𝗲: Ewe mama, ngoobhuti bam abaya.

𝗨𝗡𝗼𝗸𝘂𝗹𝘂𝗻𝗴𝗮: Hayi s**a wethu Limise uyayibaxa wena. Akukho ngxaki kaloku xa ingoobhuti bakho. Unengxaki nantoni nabantu abamnkela ilobola yakho? Hayi nawe, usemncinci nyani.

ULimise ligama lomzi lika Athandwe.

𝗨𝗔𝘁𝗵𝗮𝗻𝗱𝘄𝗲: Bona nelobola yam? Hayi soze.

𝗨𝗡𝗼𝗸𝘂𝗹𝘂𝗻𝗴𝗮: Uthini na? Yayingabhatelwanga kubo na le lobola?

𝗨𝗔𝘁𝗵𝗮𝗻𝗱𝘄𝗲: Kowu, nabo besohlika. Bade beze bonke? Kazi kwenzeka ntoni na bethu?

𝗨𝗡𝗼𝗸𝘂𝗹𝘂𝗻𝗴𝗮: Le lobola kanti ibisiwe kubani?

𝗨𝗔𝘁𝗵𝗮𝗻𝗱𝘄𝗲: Hayi bo, siza kube sixoxa ngento egqithileyo na mama?

𝗨𝗡𝗼𝗸𝘂𝗹𝘂𝗻𝗴𝗮: Kaloku mna ndiba yayisiwe koo bhuti bakho, ngabo kaloku abadala kunawe.

𝗨𝗔𝘁𝗵𝗮𝗻𝗱𝘄𝗲: Masithule ngento yelobola mama, nabo besondela. Andakruquka. Baza kube bendibuza imibuzo emide. Yhu hayi.

Bade basondela bengumkhambathi. Bafike bema.
Amehlo athe ntsho ku Athandwe kuba bebona la majelimane awanxibileyo.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Molweni mama?

𝗨𝗡𝗼𝗸𝘂𝗹𝘂𝗻𝗴𝗮: Molweni bafana. (𝖠𝖻𝗁𝖾𝗄𝗂𝗌𝖾 𝗄𝗎 𝖠𝗍𝗁𝖺𝗇𝖽𝗐𝖾) Limise yiza nezitulo bachophe oobhuti bakho.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Owu ha-a mama asihlelanga. Size ngalo usecaleni kwakho.

𝗨𝗡𝗼𝗸𝘂𝗹𝘂𝗻𝗴𝗮: Nizokuthini kuye?

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Sizok*mcela ukuba ahamb'apha kulo mzi.

𝗨𝗠𝗲𝗹𝗶𝘀𝗶𝘇𝘄𝗲: Ngamanyala wantoni na la ndiwabon'apha? Athandwe uzinxibele ntoni ezi mpahla? Wendile kulo mzi? Ye mam'alapha kwenzeka nton'apha? Ndisuke ndabubhideka.

𝗨𝗡𝗼𝗸𝘂𝗹𝘂𝗻𝗴𝗮: Kanti aniyazi?

𝗨𝗠𝗲𝗹𝗶𝘀𝗶𝘇𝘄𝗲: Sazi ni thina?

𝗨𝗡𝗼𝗸𝘂𝗹𝘂𝗻𝗴𝗮: Anazi ukuba wendile usisi wenu?

𝗨𝗠𝗲𝗹𝗶𝘀𝗶𝘇𝘄𝗲: Hayi bo, mhlawumbi ndandingekho isenziwa lo nto, okanye nayigqiba nabafo bethu lo nto?

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Nam ndiyayothuka ngoku le nto. Athandwe masihambeni ngoku ukuba akufuni ngozi.

𝗨𝗡𝗼𝗸𝘂𝗹𝘂𝗻𝗴𝗮: Ngozi ni na leyo?

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Uza kuzivela xa kufika abantu balapha. Uphi khona utat'alapha? Ndiba siza kufika sel'ekhona.

𝗨𝗔𝘁𝗵𝗮𝗻𝗱𝘄𝗲: Bhuti siyaphi?

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Unalo ikhaya Athandwe. Ikhaya lakho leliya salivusayo litshiswe ngabakwa Qhinebe. Unobangela ikwa yile ntwana uthandana nayo ngoku. Kutheni engathethi nyani nje lowo? Mna ndeva konke ekwakuthethwa ngu Dabisa; esithi waphantse wabulawa ngulo Simphiwe xeshikweni babeyok*mkhuthuza, asingo Dabisa owasukela ooSimphiwe. (𝖠𝗃𝗂𝗄𝖾 𝖺𝗃𝗈𝗇𝗀𝖾 𝗄𝗎 𝖭𝗈𝗄𝗎𝗅𝗎𝗇𝗀𝖺) Wena mama ubuyazi lo nto?

𝗨𝗡𝗼𝗸𝘂𝗹𝘂𝗻𝗴𝗮: Mna ndisakholelwa okwakutshiwo ngowam unyana; le uza nayo andiyazi. Ndiyakuze ndiyikholelwe mhla wayitsho ngowakhe umlomo leyo uza nayo.

𝗨𝗠𝗲𝗹𝗶𝘀𝗶𝘇𝘄𝗲: Athandwe masihambe ngoba ndiyabona umsindo wam akazukulawuleka ukhe ndahlala apha.

𝗨𝗔𝘁𝗵𝗮𝗻𝗱𝘄𝗲: Bhuti kutheni le nto undifaka kwezi zinto nam? Ndandingakanani mna mhla umama notata besweleka? Andibazi nditsho nasemfanekisweni. Ndixoleleni bobhuti bam, akhonto ndiyaziyo mna kwaye ke ndisaphatheke kakuhle koo Qhinebe.

𝗨𝗠𝗲𝗹𝗶𝘀𝗶𝘇𝘄𝗲: Pewu mxm... Ayikho le siyihlel'apha.

Uvele wahamba wabashiya apho uMelisizwe wayokungena emotweni. Umsindo ebenawo ngelaxesha ubungaphaya kokuqonda qha ke unkabi ukwazile ukuwulawula.

Kuthe kungekapheli nemizuzu emibini wababona abantakwabo bemlandela nabo besiza emotweni caba nabo bancamile.

Bangene emotweni bahamba.

*******

Endleleni; ooJongilanga basendleleni, bathe beselapho kwee gqi amapolisa sele eval'indlela. Baye bamisa ooJongilangala.

Ohlikile eza ngeneno emotweni yabo. Uthobe ifesitile uNtsikayekhaya.

𝗜𝗽𝗼𝗹𝗶𝘀𝗮 1: Yha! Nini? Yehlani emotweni!

𝗨𝗠𝗲𝗹𝗶𝘀𝗶𝘇𝘄𝗲: Sithi abatheni?

𝗜𝗽𝗼𝗹𝗶𝘀𝗮 1: Uyakwazi nokuphendula mfana ndini! Ndithe yehlani emotweni!

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Khawuthule Melisizwe nawe maan!

Bohlikile ooJongilanga, amapolisa agqogqe imoto yabo, ngethamsanqa khange bafumane nto ngaphakathi.

Kaloku ooJongilanga ngaphambi kokuba bayokufuna uAthandwe baye baqala k*mnikazi wezixhobo bayok*mnika izixhobo zakhe.

𝗜𝗽𝗼𝗹𝗶𝘀𝗮 1: Nenze uqhu saa nina kwesa sibhedlele. Namhlanje ke niza kulala nibaliwe. Babopheni!

𝗨𝗠𝗲𝗹𝗶𝘀𝗶𝘇𝘄𝗲: Yhey hayibo yintoni ngoku?

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Thula Melisizwe!

𝗨𝗠𝗲𝗹𝗶𝘀𝗶𝘇𝘄𝗲: Bantu bomthetho ningakulinge nimbophe uPhelo, ngumntwana lowa.

𝗜𝗽𝗼𝗹𝗶𝘀𝗮 1: Umqolo wesidenge wolulwa ngama nti-nti-nti.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Ningakhathazeki boo Jongilanga, asizukuhlala xesha lingakanani, siza kuphuma. Ezika Khesari kuKhesari zibaleka zingankcunkci.

Khange bashiye namnye uJongilanga, bonke bangeniswe evenini.

••••••••••••

LIKE, COMMENT & SHARE!!

Ndicela mntu ngamnye osifundileyo esi sahluko abeke iimbono zakhe esidlangalaleni ngokuthi a-comment'e. Ningalibali uk*mema abahlobo benu kwaye nicofe uLIKE.
Mna nani masidibaneni kwisahluko esilandelayo. Enkosi

24/10/2025

Abangekayi ndicela bayofaka oobhontsi babo phantsi kwe comment yam. Nantsi ilink emazantsi, ucofa nje yona izokusa ngqo kwenye ipost apho uzofika ukhangele icomment yam then ufake ubhontsi wakho kuyo. 🙏🏾🙏🏾❤️

https://www.facebook.com/61573028670605/posts/122161851032767622/?app=fbl

23/10/2025

Ndiyayiqonda ukuba nindiqumbele since ndisanqabile ekubhaleni, akhonto endinoyitsho ngaphandle kokuxakeka. Ningangayiqondi nonke kodwa bakhona abaqondayo kwa abo ngaba baxakekayo nabo. Ndithi ngxe kuni nonke bantu bam, ndiyazixolisela ukwenjenje. Ndiza k*mane ndivela tantshu, ze nindinyamezele sekuza kugqitha noko.

Mhlawumbi ngomso ndingavela nangomsomnye.

Okwangoku nisalindileyo bendicela ngesihle niyoku LIKE kwi comment yam kwipost eza kuvela xa ucofe le link isemazantsi. Ndiyanicela ngokuzithoba okukhulu, ndiyidinga kakhulu la mali kwaye no December sel'ekrobile ngoku, eyy. 🙏🏾🙂

Nantsi ilink:

https://www.facebook.com/61573028670605/posts/122161851032767622/?app=fbl