https://www.facebook.com/115259347824933/

Nguye Umnikazi, Gardens (2025)

18/08/2025

MOLWENI. ❤️

06/08/2025

Ndiyabulela kakhulu ngokundivotela bantu bam. Ndiluphumelele ukhuphiswano ebendilungenele. Ngenxa yamandla enu ndikwazile ukuhlala kunombolo 1 kubantu ebendikhuphisana nabo. Hayi amandla enu ndiyawabulela kakhulu, andiyonto ngaphandle kwenu bantu bam. UThixo asikelele wonke othe wandivotela.

Ningalibali ukulandela ipage ka Dr Godolumanzi pls. 🙏🏾🙏🏾🙏🏾❤️

04/08/2025

.

𝗜𝗦𝗢𝗡𝗢 𝗦𝗔𝗞𝗛𝗢, 𝗦𝗜𝗦𝗢𝗡𝗢 𝗦𝗔𝗞𝗛𝗢.

Bamise ibhaki yabo ecaleni kweyadi yakwa Qhinebe ooJongilanga. Ngu Melisizwe kunye no Langelihle nanjengoko bebezityumbile.

Boyika ukohlika ke ngoku, bayambona nankuya uBhokoda emile esonge izandla phambi kwendlu.

𝗨𝗟𝗮𝗻𝗴𝗲𝗹𝗶𝗵𝗹𝗲: Masingene Melisizwe, kutheni ingathi uyoyika nje ngoku?

𝗨𝗠𝗲𝗹𝗶𝘀𝗶𝘇𝘄𝗲: Siza kuthini kula mfo ungu Qhinebe phaya phambi kwendlu? Ndise ndoyika ke ngoku.

𝗨𝗟𝗮𝗻𝗴𝗲𝗹𝗶𝗵𝗹𝗲: Bhuti eyenzakayo siza kuyibona ngoko, okwangoku masingene ngaphakathi 𝚖𝚊𝚊𝚗. Yintoni wandyevezela amadolo na ngoku? Ubuzithembile ke ngokuya besingekafiki apha.

𝗨𝗠𝗲𝗹𝗶𝘀𝗶𝘇𝘄𝗲: Kulungile masingene Langelihle.

Uvula ucango bayaphuma. Bavule igeyithi yakwa Qhinebe basondela ngaku Bhokoda. Bothule iminqwazi beqweba intlonipho nesibindi.

𝗨𝗟𝗮𝗻𝗴𝗲𝗹𝗶𝗵𝗹𝗲: Molweni tata.

𝗨𝗕𝗵𝗼𝗸𝗼𝗱𝗮: Molweni madoda.

𝗨𝗟𝗮𝗻𝗴𝗲𝗹𝗶𝗵𝗹𝗲: Kunjani tata?

𝗨𝗕𝗵𝗼𝗸𝗼𝗱𝗮: Kuhle bafana bam, kuhle nakuni?

𝗨𝗟𝗮𝗻𝗴𝗲𝗹𝗶𝗵𝗹𝗲: Hayi, chu bhetele tata, eyy...

Akuphumanga mazwi ku Langelihle emvakoko, uzonwaye intloko engazi ukuba uza k*mqala ngaphi uBhokoda.

𝗨𝗕𝗵𝗼𝗸𝗼𝗱𝗮: Ndinganinceda madoda?

𝗨𝗠𝗲𝗹𝗶𝘀𝗶𝘇𝘄𝗲: Eyy tat’omdala kunomba esize ngawo apha. Besizokufuna udade wethu obeza kuhamba aye e... (𝖠𝗓𝗈𝗇𝗐𝖺𝗒’𝗂𝗇𝗍𝗅𝗈𝗄𝗈 𝖾𝖼𝗂𝗇𝗀𝖺 𝗎𝗄𝗎𝗑𝗈𝗄i)

𝗨𝗟𝗮𝗻𝗴𝗲𝗹𝗶𝗵𝗹𝗲: EMthatha.

𝗨𝗠𝗲𝗹𝗶𝘀𝗶𝘇𝘄𝗲: Ewe eMthatha, qha ke ngoku uye waqhwesha wahamba nomfo walapha uthi ke igama lakhe ngu Simphiwe.

𝗨𝗕𝗵𝗼𝗸𝗼𝗱𝗮: Udade wenu?

𝗨𝗠𝗲𝗹𝗶𝘀𝗶𝘇𝘄𝗲: Ewe tata udade wethu.

Aphume uAthandwe endlwini ka Simphiwe, ngokunokwakhe akayazanga ukuba kukho oobhuti bakhe ngaphandle. Uvele wema oku ngathi utshokhwe ngumbane. Uboniwe ngoobhuti bakhe.

𝗨𝗟𝗮𝗻𝗴𝗲𝗹𝗶𝗵𝗹𝗲: Yheke! Nankuya. (𝖴𝗍𝗌𝗁𝗈 𝖾𝗆𝗄𝗁𝗈𝗆𝖻𝖺) Yhe wena Athandwe! Uphambene umthetho wakho?

𝗨𝗕𝗵𝗼𝗸𝗼𝗱𝗮: (𝖴𝖻𝗁𝖾𝗄𝗂𝗌𝖺 𝗄𝗎 𝖫𝖺𝗇𝗀𝖾𝗅𝗂𝗁𝗅𝖾) Yima ke kwedini, wenza ntoni? Bendisabuza apha, ngudade wenu lowa?

𝗨𝗟𝗮𝗻𝗴𝗲𝗹𝗶𝗵𝗹𝗲: Ngudade wethu lowa tata, ikhon’ingxaki mhlawumbi?

Uthethela phezulu uLangelihle sele esondela ku Athandwe.

𝗨𝗕𝗵𝗼𝗸𝗼𝗱𝗮: Umthetho wakho kwedini akubaboni abantu hii? Kutheni wathetha nam ingathi wehl’emthini? Ndiyintang’akho?

𝗨𝗟𝗮𝗻𝗴𝗲𝗹𝗶𝗵𝗹𝗲: Ndenze ntoni na ngoku?

𝗨𝗠𝗲𝗹𝗶𝘀𝗶𝘇𝘄𝗲: Khawuthule nawe Langelihle 𝚖𝚊𝚊𝚗.

𝗨𝗕𝗵𝗼𝗸𝗼𝗱𝗮: Mnqande nyani lo mntu wakho kungenjalo uyakulikhomba elandincamisayo, ndingu Qhinebe mna. Hamban’apha 𝚖𝚊𝚊𝚗!

𝗨𝗔𝘁𝗵𝗮𝗻𝗱𝘄𝗲: Niyadika yazi! — Ubhekisa koobhuti bakhe.

𝗨𝗟𝗮𝗻𝗴𝗲𝗹𝗶𝗵𝗹𝗲: Yhu! Utsho kuthi? Kanti uyahamba apha.

ULangelihle utsala uAthandwe ngengalo.

Kumise itekisi ka Simphiwe, kwehle uSimphiwe ehamba no Zamani.

𝗨𝗦𝗶𝗺𝗽𝗵𝗶𝘄𝗲: Hayibo tata, kwenzeka ntoni apha? Ngobani aba entombini yam? Ningoobani nina? Awunqandi tata betsala intombi yam ngoluhlobo.

OoJongilanga khange baphatheke kakuhle tu yindlela athethe ngayo uSimphiwe, baphinde ke ngabantu abasenesixhiba kuye ngokubulalisa abazali babo.

𝗨𝗟𝗮𝗻𝗴𝗲𝗹𝗶𝗵𝗹𝗲: Xa ungubani wena uzokusixelela unobenani apha?

𝗨𝗦𝗶𝗺𝗽𝗵𝗶𝘄𝗲: Hee! (𝖴𝗌𝗈𝗇𝖽𝖾𝗅𝖺 𝗄𝗎 𝖫𝖺𝗇𝗀𝖾𝗅𝗂𝗁𝗅𝖾) Uthini nantsika? Ningoobani nina seniza kude nithethe unothanda ekhaya? Uthini wena?

𝗨𝗠𝗲𝗹𝗶𝘀𝗶𝘇𝘄𝗲: Masihambe mntakwethu.

𝗨𝗟𝗮𝗻𝗴𝗲𝗹𝗶𝗵𝗹𝗲: (𝖴𝖻𝗁𝖾𝗄𝗂𝗌𝖺 𝗄𝗎𝖲𝗂𝗆𝗉𝗁𝗂𝗐𝖾) Eli xoki, uzibona ukukhalipha xa kunamhlanje kodwa ulixoki. Wenziwa na yile nto wabulalisa abazali bam bengenzanga nto. (𝖠𝗃𝗈𝗇𝗀𝖾 𝗄𝗎 𝖠𝗍𝗁𝖺𝗇𝖽𝗐𝖾) Athandwe, nguye kanye lo unobangela wokuba ungasenabo abazali xa kunamhlanje.

𝗨𝗠𝗲𝗹𝗶𝘀𝗶𝘇𝘄𝗲: 𝙳𝚊𝚖𝚖𝚒𝚝! Langelihle.

𝗨𝗭𝗮𝗺𝗮𝗻𝗶: Ningoo Jongilanga kanti? Tata sithini?

𝗨𝗕𝗵𝗼𝗸𝗼𝗱𝗮: Nizokusihlasela makwedini!

Ngokungxama, uZamani no Bhokoda bakhawuleze baya etekisini ngoko nangoko, bafike barhola imipu yabo.

“Langelihle baleka!” — kutsho uMelisizwe naye sele ebaleka engqola ngasegeyithini.

Usemva uLangelihle uyabaleka, uwucofile umpu uZamani watsho ku Langelihle egxeni xa kanye ephuma ngegeyithi. Uye wazama ukubaleka nangona beziquqa ziphindelela iimbumbulu ecaleni kwakhe, bangene nje emotweni bahamba. UAthandwe ushiyekile woyikile ukubaleka kuba ebebona le mipu.

*******

Uxolweni ngokubhala kancinci bantu bam, ndicinyelwa ngunomyayi wam.

Ndicela mntu ngamnye osifundileyo esi sahluko abeke iimbono zakhe esidlangalaleni ngokuthi a-comment'e. Ningalibali uk*mema abahlobo benu kwaye nicofe uLIKE.
Mna nani masidibaneni kwisahluko esilandelayo. Enkosi.

03/08/2025

Liselitsha, niyacelwa kulo mzi. Khaniye ngobuninzi benu niyokuxhasa. ❤️‍🩹🙏🏾

03/08/2025

.

𝗜𝗦𝗢𝗡𝗢 𝗦𝗔𝗞𝗛𝗢, 𝗦𝗜𝗦𝗢𝗡𝗢 𝗦𝗔𝗞𝗛𝗢!

Endlwini ka Simphiwe, kusekuseni — bangqengqile bobabini apho.

𝗨𝗦𝗶𝗺𝗽𝗵𝗶𝘄𝗲: Hey.

𝗨𝗔𝘁𝗵𝗮𝗻𝗱𝘄𝗲: Yho, ngubani ixesha ngoku?

𝗨𝗦𝗶𝗺𝗽𝗵𝗶𝘄𝗲: Ngu-6, ndifuna ukuthetha nawe ketana. Usozela?

𝗨𝗔𝘁𝗵𝗮𝗻𝗱𝘄𝗲: Thetha ufun’ukuthini?

𝗨𝗦𝗶𝗺𝗽𝗵𝗶𝘄𝗲: Ndicela ukukwenza umfazi wam Athandwe.

Wothuke wajonga kude uAthandwe emangazekile. Hayi noko ebengekabucingeli kwelo nqanaba obu budlelwano banabo. Bezixel’ilanga iingcinga zomtshato ku Athandwe.

𝗨𝗔𝘁𝗵𝗮𝗻𝗱𝘄𝗲: Ungxamile kodwa bhuti.

𝗨𝗦𝗶𝗺𝗽𝗵𝗶𝘄𝗲: Ingathi ndingaphulukana nawe ingxaki. Andifuni ukohlukana nawe sthandwa sam.

𝗨𝗔𝘁𝗵𝗮𝗻𝗱𝘄𝗲: Awungekhe wabasandiphuncula ngoku, sendingowakho unomphelo.

𝗨𝗦𝗶𝗺𝗽𝗵𝗶𝘄𝗲: Vuma kaloku ndikwenze umfazi, andithi uthi uyandithanda? Kungani ke ungafuni ndikwenze umfazi wam?

𝗨𝗔𝘁𝗵𝗮𝗻𝗱𝘄𝗲: Ndinoloyiko Simphiwe, umtshato uyoyikisa. Yeyona nto inkulu le undicela yona.

𝗨𝗦𝗶𝗺𝗽𝗵𝗶𝘄𝗲: Okanye useza kuyicingisisisa?

𝗨𝗔𝘁𝗵𝗮𝗻𝗱𝘄𝗲: Mhlawumbi.

𝗨𝗦𝗶𝗺𝗽𝗵𝗶𝘄𝗲: Uyandithanda ukundithanda oku?

𝗨𝗔𝘁𝗵𝗮𝗻𝗱𝘄𝗲: Kungagcwal’incwadi ndibhala ngothando lwam kuwe. Ungokhethekileyo kunabo bonke.

𝗨𝗦𝗶𝗺𝗽𝗵𝗶𝘄𝗲: Ukhona omnye ngaphandle kwam obuthandana naye?

𝗨𝗔𝘁𝗵𝗮𝗻𝗱𝘄𝗲: Ingaba ndiyakuqhatha (𝖾𝗑𝗈𝗄𝖺). Bendicel’ukubuza.

𝗨𝗦𝗶𝗺𝗽𝗵𝗶𝘄𝗲: Ungabuza.

𝗨𝗔𝘁𝗵𝗮𝗻𝗱𝘄𝗲: Andisazi isiduko sakho kodwa esam sona uyasazi, ungumni?

Uqale ngokuthinta umqala ezama iqhinga uSimphiwe. Unobangela wokuba angqunge kungokuba akamthembi ncam naye lo Athandwe, uboya bakhe abulali. Unayo into emkrokrelayo ukuba ungowakwa Dabisa noxa nje wathi ungu MamGcina kuye.

𝗨𝗦𝗶𝗺𝗽𝗵𝗶𝘄𝗲: Yazi thina singamadoda siyagcisa ngeziduko zethu. (𝖴𝗒𝖺𝗇𝖼𝗎𝗆𝖺) Uyoze usazi mhla wavuma ukuba ndikwenze umfazi. (𝖴𝗁𝗅𝖾𝗄𝖺 𝗄𝖺𝗇𝖼𝗂𝗇𝖼𝗂) Imnandi xa injalo 𝚗𝚎?

𝗨𝗔𝘁𝗵𝗮𝗻𝗱𝘄𝗲: Hayibo nyani? Kodwa ndifuna ukuyazi mna indoda yam.

𝗨𝗦𝗶𝗺𝗽𝗵𝗶𝘄𝗲: Masitshate kuqala.

Uthethe ephakama uSimphiwe enxiba iimpahla zakhe.

𝗨𝗔𝘁𝗵𝗮𝗻𝗱𝘄𝗲: Uyaphi ngoku?

𝗨𝗦𝗶𝗺𝗽𝗵𝗶𝘄𝗲: Ndiya emsebenzini kaloku MamGcina.

𝗨𝗔𝘁𝗵𝗮𝗻𝗱𝘄𝗲: Hayibo uza kundishiya ndodwa apha? Hayi ungayenzi lo nto Simphiwe.

𝗨𝗦𝗶𝗺𝗽𝗵𝗶𝘄𝗲: Abantu basekhaya ngabona bantu bangenangxaki balunge ukufa, wena qha hlala apha kule ndlu yam ndiza kukuyaleza kubo ukwenzel’ukuba bakubale nasekutyeni. Xa ndibuya siza kuhamba siyokuthenga iimpahla zakho zokunxiba.

𝗨𝗔𝘁𝗵𝗮𝗻𝗱𝘄𝗲: Uqinisekile ukuba baza kundamnkela? Ndiyoyika.

𝗨𝗦𝗶𝗺𝗽𝗵𝗶𝘄𝗲: Khulul’igazi sthandwa sam kukowenu nalapha.

𝗨𝗔𝘁𝗵𝗮𝗻𝗱𝘄𝗲: Yho.

Ebesoyika nyani uAthandwe. USimphiwe umncamise esidleleni waphuma sele evalelisa.

*******

Bahleli apho kwigumbi lokutyela ooJongilanga bayazincokolela. UPhelolikayise usesegumbi yena.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Ivuka nini na le ntombi?

𝗨𝗠𝗲𝗹𝗶𝘀𝗶𝘇𝘄𝗲: Makavuke ahambe kwalapha, uza kusiphazamisa lowo.

𝗨𝗟𝗮𝗻𝗴𝗲𝗹𝗶𝗵𝗹𝗲: U𝚜𝚘𝚏𝚝 nawe bhuti kula mntana, ufuna ukubethwa lowa aza kuyeka le nto ayenzayo. Akahloniphi akahlophi tu uAthandwe. Xa ngoku ekwazi nokuphuma izithuba phakathi kwethu sakugqiba ukubabadala kangaka. Atsho ngeengcondo. Yingcongconi etheni leyo.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Sanukukhala kakhulu uyahamba, qha ndiyambona ukuba uyajijisa. Ukhaba ngawo omane.

𝗨𝗟𝗮𝗻𝗴𝗲𝗹𝗶𝗵𝗹𝗲: Kanti ke akanakude asohlule, yhini. Uza kubotshwa ngentambo ukuba akafuni apha axel’igeza lingatyanga zipilisi zalo. Sibadala madoda yaye sineentshebe. (𝖠𝗄𝗁𝗐𝖺𝗓𝖾) Yhe Athandwe! Athandwe!

Kuthi gqi uPhelolikayise.

𝗨𝗟𝗮𝗻𝗴𝗲𝗹𝗶𝗵𝗹𝗲: Uphi uAthandwe wena?

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: UAthandwe andimazi ukuba uphi, ndivuke engekho.

Bayothuka bajonga u Phelolikayise bengakholelwa.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Uthi akakho?

ULangelihle uyahamba uyokungena egumbini alala kulo uAthandwe, nyani ufika engekho.

𝗨𝗟𝗮𝗻𝗴𝗲𝗹𝗶𝗵𝗹𝗲: Akakho nyani. Kowu nawe Phelo usisibhanxa kwedini! Ak*mvanga njani xa ephuma na?

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Khange ndimve bhuti.

𝗨𝗠𝗲𝗹𝗶𝘀𝗶𝘇𝘄𝗲: Ubalekile lo mntwana bhut’Ntsika, senze njani?

Uphefumlele ngaphandle uNtsikayekhaya engqunga ebhidekile. Ebekwanalo novalo ecingela uAthandwe ukuba akakho sesichengeni kusini.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: (𝖴𝗇𝗂𝗄𝗂𝗇𝖺 𝗂𝗇𝗍𝗅𝗈𝗄𝗈) 𝚂𝚑𝚒𝚝! Athandwe. Yintoni na le siyenziwa ngulo mntwana na Thixo.

𝗨𝗠𝗲𝗹𝗶𝘀𝗶𝘇𝘄𝗲: Uphaya kwaQhinebe uAthandwe bhuti. Siza kulithatha phi icebo lokuya phaya kuba hleze ahlelwe yingxaki kula mzi. Angabulawa phaya xa kunovela ukuba ngoka Mathuba Jongilanga.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Siza kungena phaya kodwa kuza kufuneka sisebenze phezi kweqhinga, kuza kufuneka kuye ababini kwaye kuza k*mele eso sibini siyileyo singazichazi ukuba sesakwa Dabisa.

𝗨𝗠𝗲𝗹𝗶𝘀𝗶𝘇𝘄𝗲: Kuza kuhamba mna no Langelihle.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Hayi ngoku kodwa, mhlawumbi phaya emini.

𝗨𝗠𝗲𝗹𝗶𝘀𝗶𝘇𝘄𝗲: Ndikuva kakuhle bhuti. Langelihle uvile 𝚖𝚘𝚜?

𝗨𝗟𝗮𝗻𝗴𝗲𝗹𝗶𝗵𝗹𝗲: Ewe mkhuluwa, masiye.

*******

Kusemini, ulapho kulo ndlela yamatye uZamani uqhuba itekisi yakhe. Uthe esaqhuba njalo kwakho imoto ethile apha phambi kwakhe evele yaxwesa indlela kucaca ngoba umqhubi wayo ebezama ukujika engaqaphelanga moto ngasemva. Ukhawuleze wayimisa ngoko nangoko leyo yakhe itekisi uZamani sele enomsindo.

Uphume kulo tekisi ebhabha efuna ukuqonda ukuba kanye-kanye ebesenza ntoni lo mntu. Naye lo mqhubi uye waphuma kulo moto.

𝗨𝗭𝗮𝗺𝗮𝗻𝗶: Uyayibona le nto uyenzayo wena? Ukuba bendikutshayisile apha ubuza kuthini?

Wee xum wathula uZamani engawakholelwa amehlo akhe ngakubonayo. Uncwinise amehlo ejongisisisa kakuhle lo mntu.

𝗨𝗭𝗮𝗺𝗮𝗻𝗶: Sinazo?

Tyhini ngu Sinazo nyani. Ayisentle intombi yase MaKrileni. Unayo nemoto na? Ufanele ukungakholelwa uZamani, wamgqibela kudala kaloku uSinazo. Oko wayenyamalele kaloku emva kokuva ukuba uZamani uza kuthatha umfazi wesibini.

𝗨𝗦𝗶𝗻𝗮𝘇𝗼: Qhinebe?

𝗨𝗭𝗮𝗺𝗮𝗻𝗶: Ndiyaphupha na okanye ndiyelama? Ndakugqibela kudala.

𝗨𝗦𝗶𝗻𝗮𝘇𝗼: Ndisandakubuya Qhinebe, bendise Rhawutini.

𝗨𝗭𝗮𝗺𝗮𝗻𝗶: Kaloku zange utsho naxa uhamba, wavele wanyamalala nje.

𝗨𝗦𝗶𝗻𝗮𝘇𝗼: Yindab’ende Qhinebe, ndiyaxolisa ngento esandokwenzeka.

𝗨𝗭𝗮𝗺𝗮𝗻𝗶: Yeyiphi leyo kanene?

𝗨𝗦𝗶𝗻𝗮𝘇𝗼: (𝖴𝗁𝗅𝖾𝗅𝖺 𝗄𝖺𝗇𝖼𝗂𝗇𝖼𝗂) Ndiphantse ndakufaka engozini kokungakwazi kwam ukuqhuba. Ndisafunda ubonanje.

𝗨𝗭𝗮𝗺𝗮𝗻𝗲: Ungazikhathazi ngalo nto. Andikakholelwa nangoku MaKrila.

𝗨𝗦𝗶𝗻𝗮𝘇𝗼: Ubona mna Qhinebe. Kukho apho ndingxamele khona ubonanje. Usale kakuhle.

𝗨𝗭𝗮𝗺𝗮𝗻𝗶: Uhambe kakuhle MaKrila. Ndicela undiphe inombolo yakho. Wandivala kaloku emnxebeni xa wawuhamba, wandi 𝚋𝚕𝚘𝚌𝚔𝚎𝚛 andakwazi nokuthini.

𝗨𝗦𝗶𝗻𝗮𝘇𝗼: Ndiza kuphinda ndikuvule ngoba ndisasebenzisa lo nombolo leyo. Usale kakuhle kwakhona.
.. “Mama ngubani lowo?” — kubuza umntwana ka Sinazo engaphakathi emotweni.

Unyuse amehlo uZamani ejonga apho litsho ngakhona elo lizwi lomntwana oyintombazana.

𝗨𝗭𝗮𝗺𝗮𝗻𝗶: Ngowakho?

𝗨𝗦𝗶𝗻𝗮𝘇𝗼: Ewe ngowam bhuti.

𝗨𝗭𝗮𝗺𝗮𝗻𝗶: Kanti, ukwazi njani na? Oogqirha babengathi u... Hayibo.

Yhey ebesuke wabhideka nyani uZamani ke ngoku, kaloku oogqirha babesithi uSinazo uyakuba sesichengeni xa enakuphinda akhulelwe kwakhona. Jonga ngoku, nanku ubelekile. Hayi bo.

𝗨𝗦𝗶𝗻𝗮𝘇𝗼: Kutsh’ukuthi benza impazamo oogqirha abo. Usale kakuhle Qhinebe.

Ukhwele imoto yakhe uSinazo wayidumisa wahamba. Ushiya uZamani ezibambe umlomo kukungakholelwa.

Yheyi ebemhle uSinazo etyebile, emhlophe qhwa ke ngoku.

Ndicela mntu ngamnye osifundileyo esi sahluko abeke iimbono zakhe esidlangalaleni ngokuthi a-comment'e. Ningalibali uk*mema abahlobo benu kwaye nicofe uLIKE.
Mna nani masidibaneni kwisahluko esilandelayo. Enkosi.

03/08/2025

Like nizaku lala ningatyanga ke mgoku kodwa ndiyaphaka?

03/08/2025

Bantu bam, niyacelwa nangapha. 🙏🏾❤️‍🩹

03/08/2025

.

𝗜𝗦𝗢𝗡𝗢 𝗦𝗔𝗞𝗛𝗢, 𝗦𝗜𝗦𝗢𝗡𝗢 𝗦𝗔𝗞𝗛𝗢.

“Athandwe ngomphi lo Simphiwe?” — ubuze ethethela phezulu uPhelolikayise ebhekisa ku Athandwe.

Balapho kwelo gumbi labo balala kulo bobabini. Basandakuxabana, niyayazi ke ingxabano yabantwana bomzali omnye baxabanela nokuwa komcinga oku.

𝗨𝗔𝘁𝗵𝗮𝗻𝗱𝘄𝗲: Yintoni na wena? Undwebile na ngoku?

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Kudala ndindwebile, kungona undiqaphelayo?

𝗨𝗔𝘁𝗵𝗮𝗻𝗱𝘄𝗲: Uyaphapha 𝚖𝚊𝚊𝚗.

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Athandwe ngomphi lo Simphiwe? Ingaba ngulo ulutshaba kuthi?

𝗨𝗔𝘁𝗵𝗮𝗻𝗱𝘄𝗲: Bebaninzi kangaka ooSimphiwe.

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Kodwa nawe Athandwe khange ube sambuza ukuba ungubani isiduko sakhe? Uza kuthini ukuba ngowakwa Qhinebe? Ubhuti wasixelela kakuhle amagama waba bantu balutshaba kuthi, awuzange ulive igama elithi “Simphiwe”?

𝗨𝗔𝘁𝗵𝗮𝗻𝗱𝘄𝗲: Yho ha-a khawume nawe Phelo, uyandidika yazi.

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: (𝖴𝗍𝗁𝖾𝗍𝗁𝖾𝗅𝖺 𝗉𝗁𝖾𝗓𝗎𝗅𝗎) Athandwe ngomphi lo Simphiwe?

“USimphiwe?” — kutsho uThembelihle engena ngomnyango kweli gumbi bakulo. Kuyacaca ukuba ubavile.

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Yima, ngomphi lo Simphiwe nithetha ngaye? Kudala ndimile apha ecaleni komnyango akukho nto endingayivanga. Athandwe yintoni? Phendula uPhelo ubuzile.

Ujonge phantsi uAthandwe emayamayaza engazazi noba uza kuphendula athini na.

𝗨𝗔𝘁𝗵𝗮𝗻𝗱𝘄𝗲: Yitshomi yam uSimphiwe.

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Yitshomi yakho? Wayetheni ubhut’Ntsika kuwe? Zange akulumnkise ngalelali? Ngumni lo Simphiwe uyitshomi yakho?

𝗨𝗔𝘁𝗵𝗮𝗻𝗱𝘄𝗲: Andimazi.

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Sibhanxa ndini! Uphambene na wena?

𝗨𝗔𝘁𝗵𝗮𝗻𝗱𝘄𝗲: Kodwa bhuti ndiza kuzivalela kule ndlu kude kube nini? Nam ndiyafuna ukubethwa ngumoya.

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Yhemadoda! Athandwe uphambene aph’entloko? Ukuphuma kwakho ngaphandle kukuzingenisela amanzi ngomsele, kutheni ungayiqondi nje lo nto? Umthetho wakho ufuna sibulalwe?

𝗨𝗔𝘁𝗵𝗮𝗻𝗱𝘄𝗲: Hayi.

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Veza lo Simphiwe kulo fowuni ndifuna uk*mbona.

𝗨𝗔𝘁𝗵𝗮𝗻𝗱𝘄𝗲: Hayi bhuti andinokwazi.

Khange abe elibazisa uThembelihle uvele wawoxutha unomyayi. Uzamile ukujijisa uAthandwe wohlulwa ngamandla wabe sele etshovelwa phaya ngu Thembelihle wayokuwa ngeempundu.

Uphume nawo unomyayi uThembelihle sele eyokubonisa umkhuluwa wakhe, uNtsikayekhaya obemi ngaphandle.

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Yhe bhuti, ak*mfanisi lo mntu ukulomfanekiso?

Uwuthathile lo nomyayi uNtsikayekhaya sele ewuqwalasela.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Yifowuni kabani le?

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Yeka Athandwe. Xa ndisiva bethetha ingathi lo mfo uthandana no Athandwe qha uyayiphika yena, uthi yitshomi yakhe....

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Ingu Simphiwe Magcala nje lona. UAthandwe udibana phi nabantu bakwa Qhinebe?

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Lo mntwana uyakuze asifake engxakini ngenye imini.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Ngumhlola lo, kutheni nje ingathi uAthandwe lo uza kusixaka? Makaphindele Engcobo xa kunje, soze siyimele le nto yakhe.

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Nini mkhuluwa? Namhlanje?

“Engcobo? Hayi andinokwazi mna bhuti, yho.” — uphume sele esitsho uAthandwe caba kudala ebamamele.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Kanti ke uza kuya, asithandisi wena apha. Akuyazi eyona uyizele apha eDutywa ndiyakubona. Uzokonakalisa nje, benditheni kuwe mntak’amama? Lo mfana uthandana naye?

𝗨𝗔𝘁𝗵𝗮𝗻𝗱𝘄𝗲: Ndimdala kodwa bhuti ngoku kwaye ndinakho ukuzithathela ezingezam izigqibo. Intliziyo eyiphakelwa.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Yintoni mntak’amama? Kutheni undiphoxa kangaka nje?

𝗨𝗔𝘁𝗵𝗮𝗻𝗱𝘄𝗲: Uxolo bhuti, kodwa ndicela ungandisi Engcobo.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Uyahamba ngomso ekuseni Athandwe asizukuyimela le nto yakho thina.

𝗨𝗔𝘁𝗵𝗮𝗻𝗱𝘄𝗲: Yho hayi ke.

𝗨𝗧𝗵𝗲𝗺𝗯𝗲𝗹𝗶𝗵𝗹𝗲: Ina thatha nantsi le fowuni yakho!

Umjula ngayo.

Ungene endlwini uAthandwe elila, ebengafuni nyani ukuphindela Engcobo.

*******

Phaya ekuzeni kusa; sekukudala uAthandwe emxelele uSimphiwe ngokuba oobhuti bakhe bafuna aye Engcobo kwaye ukwak*mxelele ukuba akafuni yena ukuya Engcobo. Kulapho ke uSimphiwe aye wathabatha khona isigqibo sokuba uza kuza phaya ekuzeni kusa azok*mthatha, uvumile naye uAthandwe.

Kukhale unomyayi ka Athandwe, ibingu Simphiwe ngokwenene. Ukhawuleze wayibamba ngoko nangoko sele eyibeka endlebeni esabela.

𝗨𝗔𝘁𝗵𝗮𝗻𝗱𝘄𝗲: Uphi?

𝗨𝗦𝗶𝗺𝗽𝗵𝗶𝘄𝗲: Phuma ndilapha ezantsi kweyadi yakowenu, kodwa ke andizikhanyisanga izibane zetekisi.

𝗨𝗔𝘁𝗵𝗮𝗻𝗱𝘄𝗲: (𝖴𝗒𝖺𝗁𝗅𝖾𝖻𝖺) Ndiza kukubona njani ke ngoku?

𝗨𝗦𝗶𝗺𝗽𝗵𝗶𝘄𝗲: Ndiza kukhanyisa ifowuni yam kaloku.

𝗨𝗔𝘁𝗵𝗮𝗻𝗱𝘄𝗲: Kulungile ke, ndiyeza.

UPhelolikayise ukobude ubuthongo ecaleni akeva nowathwethwa.
Uvuke kancinci uAthandwe sele enxiba izihlangu kunye nejezi yakhe.

Uxakiwe ke ngoku ukuba uza kuphuma phi ngoba ebengafuni ukuviwa ngoobhuti bakhe. Umi imizuzu yamibini oko ebecinga ikroba — ngethamsanqa ngakuye ubone ifesitile kwakweligumbi akulo kwaye ibivalwe ngamakhalibhothi.
Uyivule kancinci weetsi gxada ukuphumela ngaphandle. Ubaleke washiya uthuli ukwehla ngeyadi le, nyani umbonile uSimphiwe kude kufuphi naye. Ukhawuleze wayokufika kuye. Ungene emotweni bahamba.

Athandwe sisi, kunini ndikukhuza. Uza kuyimela le uyenzayo? Siza kukhe sibone.

Zithini izimvo zenu ngalo mhlola?

•••••••••••

Ndicela mntu ngamnye osifundileyo esi sahluko abeke iimbono zakhe esidlangalaleni ngokuthi a-comment'e. Ningalibali uk*mema abahlobo benu kwaye nicofe uLIKE.
Mna nani masidibaneni kwisahluko esilandelayo. Enkosi.

03/08/2025

Bantu bam okwangoku nisalinde isahluko 19, ndicela nibe ningena kule link ndiyifake kwii comments, iza kusa kwenye ishared post then wena uza ku reacter kuyo loo shared post, not kwi original post. Plz bakwethu.

02/08/2025

.

𝗜𝗦𝗢𝗡𝗢 𝗦𝗔𝗞𝗛𝗢, 𝗦𝗜𝗦𝗢𝗡𝗢 𝗦𝗔𝗞𝗛𝗢.

“Bhuti sendifuna uk*mtshata ngoku la mntana.” — ubhodle ngelitshoyo uSimphiwe ekolukhulu uvuyo.

Ngu Simphiwe noZamani abo balapho kowabo bahlamba itekisi ka Bhokoda.

𝗨𝗭𝗮𝗺𝗮𝗻𝗶: Zeka la mntu wena ungalibazisi apha.

𝗨𝗦𝗶𝗺𝗽𝗵𝗶𝘄𝗲: Yho bhuti ndimthanda ukufa, kungentsuku zatywala nje ndiza k*mcela bhuti. Ngunina weentsana zam lowa.

𝗨𝗭𝗮𝗺𝗮𝗻𝗶: Awu Qhinebe madoda, ngumni le ntombi yakho yona?

𝗨𝗦𝗶𝗺𝗽𝗵𝗶𝘄𝗲: Ngu MamGcina lowa mkhuluwa.

𝗨𝗭𝗮𝗺𝗮𝗻𝗶: Kuhle ke, imali ininzi kakhulu ekhay’apha.

Hayi ke bathe besathetha njalo kwathi gqi uBhokoda.

𝗨𝗕𝗵𝗼𝗸𝗼𝗱𝗮: Boonyana?

𝗨𝗦𝗶𝗺𝗽𝗵𝗶𝘄𝗲: Xhego lam.

𝗨𝗕𝗵𝗼𝗸𝗼𝗱𝗮: Ndike ndalala apha ndavuka ndineengcinga.

𝗨𝗭𝗮𝗺𝗮𝗻𝗶: Ucing’ucinga ni bawo?

𝗨𝗕𝗵𝗼𝗸𝗼𝗱𝗮: Yhey iminyaka ibalekile madoda, ningathini kuthi kanti sabonwa mhla sasikwa Mathuba? Okanye mhlawumbi sabonwa ngomnye wabantwana baka Mathuba. Anicingi ukuba sebekhulile ngoku kwaye bangakwazi ukuziphindisela? Oko ndandicinga le nto yonke leminyaka.

𝗨𝗭𝗮𝗺𝗮𝗻𝗶: Babebancinci aba bantwana tata abanokusazi ngoku.

𝗨𝗦𝗶𝗺𝗽𝗵𝗶𝘄𝗲: Kodwa ke uNtsika nala mninawa wakhe babeqabukile kakhulu bona, phofu uNtsika wayemdala kakhulu ngela xesha soze kuthi kanti akanakukhumbula nto.

𝗨𝗭𝗮𝗺𝗮𝗻𝗶: Babengekho kodwa xeshikweni sasisenza la monakalo.

𝗨𝗦𝗶𝗺𝗽𝗵𝗶𝘄𝗲: Babengekho? Uzama ukuthi abayazi ukuba sithi ababulala abazali babo?

𝗨𝗭𝗮𝗺𝗮𝗻𝗶: Ewe, xa babexelelwa ngubani?

𝗨𝗕𝗵𝗼𝗸𝗼𝗱𝗮: Zamani kunento ongayiqondiyo apha wena, kulula kakhulu ukwazi into ngak*mbi xa yehlele usapho lwakho ibe ibubuhlungu. Ndinayo into ethi bangabuya aba bantwana benze umonakalo omkhulu apha.

𝗨𝗦𝗶𝗺𝗽𝗵𝗶𝘄𝗲: Ukuba abasabuyanga.

𝗨𝗕𝗵𝗼𝗸𝗼𝗱𝗮: Yha mhlawumbi ngelithuba ndibacingayo kuxa bekhona.

𝗨𝗦𝗶𝗺𝗽𝗵𝗶𝘄𝗲: Ndinesizathu sokuba nditsho bawo.

𝗨𝗕𝗵𝗼𝗸𝗼𝗱𝗮: Uyitsho ngabuni lo nto nyana?

𝗨𝗦𝗶𝗺𝗽𝗵𝗶𝘄𝗲: Tata ndike ndadibana nenye intombazana apha exesheni kwaye le ntombazana ithi ingu MaDabisa isiduko sayo. OoDabisa ke ngoo Jongilanga kwaye iphinde yathi le ntombazana ubhuti wayo ngu Ntsika. Khange indizinzise kwaphela lo nto ukuyiva kwam. Ndinayo into ethi le ntombazana ibithetha kanye ngoo Jongilanga.

𝗨𝗭𝗮𝗺𝗮𝗻𝗶: Yima uxela le ntombi yakho?

𝗨𝗦𝗶𝗺𝗽𝗵𝗶𝘄𝗲: Hayi akuyiyo mkhuluwa (𝖾𝗑𝗈𝗄𝖺), yintombi nje ebendiyincwasile ngaphambi kokuba kufike isithandwa sam.

𝗨𝗕𝗵𝗼𝗸𝗼𝗱𝗮: Bafikile, lo ntombi leyo ibithetha kanye ngoo Jongilanga abo. Ngoku ke kutheni ungakhange ukhawulezise umdibanise nembumbulu?

𝗨𝗦𝗶𝗺𝗽𝗵𝗶𝘄𝗲: Eyi bawo khange ndiyicinge leyo.

𝗨𝗕𝗵𝗼𝗸𝗼𝗱𝗮: Kwamntu enidibana naye othi ungu Jongilanga nibomdibanisa nembumbulu qha, kuphel’uchuku. Bafikile ngoku kwaye banamandla kakhulu bafuna konke okungokwabo.

Ulaqazile uSimphiwe ecinga kaninzi. Ebecinga ukuba ingathi kanti uAthandwe lo ebenyanisile xa ebesithi ungu MaDabisa isiduko sakhe. Lo nto ingamfaka esichengeni ngoba uBhokoda sele ewubekile umthetho wokuba ooJongilanga mababulawe bonke. Ebemcingela uAthandwe.

𝗨𝗕𝗵𝗼𝗸𝗼𝗱𝗮: Kuza kufuneka endleleni nihlale nixhobile maxa wonke.

𝗨𝗭𝗮𝗺𝗮𝗻𝗶: Uvakele xhego lam.

𝗨𝗕𝗵𝗼𝗸𝗼𝗱𝗮: Mandinishiye ke.

Uyahamba nyani uBhokoda ushiya oonyana bakhe. Ebebonakala ekude ngeengcinga uSimphiwe.

𝗨𝗭𝗮𝗺𝗮𝗻𝗶: Ucinga phi na mninawa?

𝗨𝗦𝗶𝗺𝗽𝗵𝗶𝘄𝗲: Hayi andicingi ndawo bhuti, ndicinga nje le ndaba yoo Jongilanga.

𝗨𝗭𝗮𝗺𝗮𝗻𝗶: Umvile ubawo, akunjalo? Uthe makubulawe kwanto eno Jongilanga phakathi, abantwana baka Mathuba ukutsho ke.

Uthe qwa intloko uSimphiwe.

𝗨𝗦𝗶𝗺𝗽𝗵𝗶𝘄𝗲: Ndiyabuya ngoku, kukho apho ndisaya khona.

Uthathe isitshixo setekisi uSimphiwe wangena etekisini.

𝗨𝗭𝗮𝗺𝗮𝗻𝗶: Uyaphi na?

𝗨𝗦𝗶𝗺𝗽𝗵𝗶𝘄𝗲: Ndiyeza.

Udumise imoto uSimphiwe wahamba.
Ebesiya ku Athandwe wakhe.

*******

UAthandwe kunye no Phelolikayise basendleleni eya evenkileni. Bahamba bezincokolela.

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Athandwe kakade unalo ufifi lwaba bantu babulala abazali bethu emva koko bathatha kwanto yabo?

𝗨𝗔𝘁𝗵𝗮𝗻𝗱𝘄𝗲: Ndinalo ndiluthatha phi na wena?

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Undiphoxela ntoni ke ngoku? Ndibuze kakuhle nje.

𝗨𝗔𝘁𝗵𝗮𝗻𝗱𝘄𝗲: Hayi nawe uyabubuza ububhanxa Phelo, ndibazela phi mna abo bantu?

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Wasoloko unolaka wena, hayisuka uyandidika 𝚖𝚊𝚊𝚗.

𝗨𝗔𝘁𝗵𝗮𝗻𝗱𝘄𝗲: Khawundiyeke wethu.

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Andikubambanga 𝚖𝚘𝚜.

𝗨𝗔𝘁𝗵𝗮𝗻𝗱𝘄𝗲: Sukundiqhela Phelo 𝚗𝚎, uza kukhala ke.

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Mna ndikhaliswe nguwe? Emaphupheni nontombi, yhini ingaba selehlile ucingo kutsiba nezimithiyo kaloku. Utheni na wena?...

Kumise itekisi ka Simphiwe ecaleni kwabo. Wehlise ifesitile uSimphiwe.

𝗨𝗦𝗶𝗺𝗽𝗵𝗶𝘄𝗲: Bhabha?

Ubhekisa ku Athandwe.

𝗨𝗔𝘁𝗵𝗮𝗻𝗱𝘄𝗲: Simphiwe?

𝗨𝗦𝗶𝗺𝗽𝗵𝗶𝘄𝗲: Yizokukhwela mntu wam kukho into endifuna ukuyithetha nawe.

𝗨𝗔𝘁𝗵𝗮𝗻𝗱𝘄𝗲: Kutheni na undimisa endleleni na ungatshongo ukuba uyeza?

𝗨𝗦𝗶𝗺𝗽𝗵𝗶𝘄𝗲: Ingxamisekile le nto Athandwe.

𝗨𝗔𝘁𝗵𝗮𝗻𝗱𝘄𝗲: Ngomso Simphiwe hayi ngoku. Ndiyahamba kungoku. Masihambe Phelo.

𝗨𝗦𝗶𝗺𝗽𝗵𝗶𝘄𝗲: Ndiyakucela kaloku sthandwa sam, yhini torho.

Uqale ngokulaqaza uAthandwe ejonga ku Phelolikayise. Uye waneentloni uPhelolikayise wahamba emshiya uAthandwe.
UAthandwe uye ku Simphiwe etekisini, ungenile.
USimphiwe uqale ngok*mncamisa esidleleni.

𝗨𝗔𝘁𝗵𝗮𝗻𝗱𝘄𝗲: 𝙱𝚊𝚋𝚢?

𝗨𝗦𝗶𝗺𝗽𝗵𝗶𝘄𝗲: Athandwe ubungandixokiseli ngento obuyithetha k*m ngezolo?

𝗨𝗔𝘁𝗵𝗮𝗻𝗱𝘄𝗲: Hayi, ngoba?

𝗨𝗦𝗶𝗺𝗽𝗵𝗶𝘄𝗲: Ungu MamGcina nyani?

𝗨𝗔𝘁𝗵𝗮𝗻𝗱𝘄𝗲: Ndingu MamGcina nyani hayi bo. Akundikholelwa na? Kutheni na, ikhona ingxaki?

𝗨𝗦𝗶𝗺𝗽𝗵𝗶𝘄𝗲: Ingxaki sthandwa sam kuninzi yazi, ndiyakucingela ubonanje.

𝗨𝗔𝘁𝗵𝗮𝗻𝗱𝘄𝗲: Undicingela entwenini?

𝗨𝗦𝗶𝗺𝗽𝗵𝗶𝘄𝗲: Xa usitsho ke 𝚋𝚊𝚋𝚢 akukho ngxaki. Bendifuna nje ukwenza isiqinisekiso.

𝗨𝗔𝘁𝗵𝗮𝗻𝗱𝘄𝗲: Undishiya ehlathini ndodwa ke ngoku, yintoni ingxaki Simphiwe?

𝗨𝗦𝗶𝗺𝗽𝗵𝗶𝘄𝗲: Akukho nto ketana Athandwe sukuzikhathaza.

Kukhale unomyayi ka Athandwe, bekufowuna uNtsikayekhaya. Uwujonge nje akawuhoya.

𝗨𝗔𝘁𝗵𝗮𝗻𝗱𝘄𝗲: Kuza k*mele ndihambe ngoku.

𝗨𝗦𝗶𝗺𝗽𝗵𝗶𝘄𝗲: Kulungile sthandwa sam akukho ngxaki.

Uye waphuma uAthandwe, ugilane no Phelolikayise ebuya evenkileni. Uhambile uSimphiwe.

𝗨𝗔𝘁𝗵𝗮𝗻𝗱𝘄𝗲: Ndisandakufowunelwa ngu bhuti, inoba ulinde thina.

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Masikhawuleze kaloku.

Bahambe bebaleka ukuyokutshonela.

*******

Ndicela mntu ngamnye osifundileyo esi sahluko abeke iimbono zakhe esidlangalaleni ngokuthi a-comment'e. Ningalibali uk*mema abahlobo benu kwaye nicofe uLIKE.
Mna nani masidibaneni kwisahluko esilandelayo. Enkosi.

31/07/2025

.

𝗜𝗦𝗢𝗡𝗢 𝗦𝗔𝗞𝗛𝗢, 𝗦𝗜𝗦𝗢𝗡𝗢 𝗦𝗔𝗞𝗛𝗢.

Ibisele iziintsuku zimbini uAthandwe kunye noSimphiwe bemana ukubonana.

Balapho kuloo tekisi ka Simphiwe esithubeni bayazincokolela. Imi apho ecaleni kwendlela.

𝗨𝗦𝗶𝗺𝗽𝗵𝗶𝘄𝗲: Kutheni kakade uboyika kangaka oobhuti?

𝗨𝗔𝘁𝗵𝗮𝗻𝗱𝘄𝗲: Badala kunam kwaye kunyanzelekile ndibahloniphile.

𝗨𝗦𝗶𝗺𝗽𝗵𝗶𝘄𝗲: Baza kusijolisa kakubi oobhuti bakho yazi.

𝗨𝗔𝘁𝗵𝗮𝗻𝗱𝘄𝗲: Siyajola na? Andazi nalo nto. Siqale nini?

𝗨𝗦𝗶𝗺𝗽𝗵𝗶𝘄𝗲: (𝖴𝗁𝗅𝖾𝗄𝖺 𝗄𝖺𝗇𝖼𝗂𝗇𝖼𝗂) Ndiyadlala, kodwa ke ndiyakuthanda nyani Athandwe.

𝗨𝗔𝘁𝗵𝗮𝗻𝗱𝘄𝗲: Hayibo, bendiba singabahlobo nje.

𝗨𝗦𝗶𝗺𝗽𝗵𝗶𝘄𝗲: Abahlobo? Hayi 𝚖𝚊𝚊𝚗 bekutheni uze ucinge kanjalo na?

𝗨𝗔𝘁𝗵𝗮𝗻𝗱𝘄𝗲: Hayi ke.

𝗨𝗦𝗶𝗺𝗽𝗵𝗶𝘄𝗲: Athandwe andizange ndathanda intombazana ngoluhlobo ndithanda ngalo wena. Ndikuthande ndiqala ukukubona. Ndiyacela torho, ndicela undinike ithuba. Ndiyayiqonda ukuba ayikabiloxesha lingako sisazana, kodwa ke lo nto ayithethi 𝚖𝚊𝚊𝚗. Ndiyabongoza wethu Athandwe.

Ngelixesha athethayo umjonge ntsho emehlweni, umana ewasusa awakhe amehlo yena uAthandwe ku Simphiwe.

𝗨𝗔𝘁𝗵𝗮𝗻𝗱𝘄𝗲: Yho hayi Simphiwe ufuna ukundifaka engxakini wena, ndiyaboyika oobhuti bam mna.

𝗨𝗦𝗶𝗺𝗽𝗵𝗶𝘄𝗲: Kodwa nawe Athandwe kutheni uboyika kangaka oobhuti bakho, bayakubetha?

𝗨𝗔𝘁𝗵𝗮𝗻𝗱𝘄𝗲: Hayi.

𝗨𝗦𝗶𝗺𝗽𝗵𝗶𝘄𝗲: Umdala nawe ngoku Athandwe kutheni bengayiboni na lo nto? Nawe kuyafuneka uzithathele izigqibo. Uza kuxhomekeka kubo kude kube nini na? Ukhumbule ukuba awusengomntwana ngoku, mhlawumbi ke noobhuti bakho basenala ngqondo yokuba usengumntwana. Wena uyayithanda le nto yokuba bekwenza umntwana?

𝗨𝗔𝘁𝗵𝗮𝗻𝗱𝘄𝗲: Andiyithandi.

𝗨𝗦𝗶𝗺𝗽𝗵𝗶𝘄𝗲: Kuza k*mele nawe ubaxelele ukuba awusengomntwana kwaphela ngoku, umdala.

𝗨𝗔𝘁𝗵𝗮𝗻𝗱𝘄𝗲: Ukuba bayandibetha?

𝗨𝗦𝗶𝗺𝗽𝗵𝗶𝘄𝗲: Babekhe bakubetha pha kuqala?

𝗨𝗔𝘁𝗵𝗮𝗻𝗱𝘄𝗲: Hayi.

𝗨𝗦𝗶𝗺𝗽𝗵𝗶𝘄𝗲: Abanakuqalisa ngoku bengazange bakubeka sandla kwaphaya ekuqaleni.

Unqwale nje intloko uAthandwe ejonga ku Simphiwe.

𝗨𝗦𝗶𝗺𝗽𝗵𝗶𝘄𝗲: (𝖤𝗇𝖼𝗎𝗆𝗂𝗅𝖾) Ayazibona ukuba umhle kanjani?

Uneentloni uAthandwe, uyancuma sele ejonga phantsi.

𝗨𝗔𝘁𝗵𝗮𝗻𝗱𝘄𝗲: Enkosi.

𝗨𝗦𝗶𝗺𝗽𝗵𝗶𝘄𝗲: Ndiyakuthanda Athandwe.

𝗨𝗔𝘁𝗵𝗮𝗻𝗱𝘄𝗲: Nam ndiyakuthanda.

Uwatsho lo mazwi eneentloni uAthandwe yabe intliziyo ithe "ncoo". Unayo nyani intlantsi yothando kule nkewu yakwa Qhinebe.

𝗨𝗦𝗶𝗺𝗽𝗵𝗶𝘄𝗲: Ngendibulela ndilandelise ngesiduko sakho ntonayo andisazi, ungumamni?

𝗨𝗔𝘁𝗵𝗮𝗻𝗱𝘄𝗲: Ndingu MaDabisa.

𝗨𝗦𝗶𝗺𝗽𝗵𝗶𝘄𝗲: Kulungile ke MaDabisa omhle. OoDabisa kule ndawo banqabile, uza kubafumana kula lali ingaphesheya.

𝗨𝗔𝘁𝗵𝗮𝗻𝗱𝘄𝗲: Hayi ndiyadlala ndingu MamGcina esam isiduko.

𝗨𝗦𝗶𝗺𝗽𝗵𝗶𝘄𝗲: Aww, uMaXhamela wam.

𝗨𝗔𝘁𝗵𝗮𝗻𝗱𝘄𝗲: Bendicela ukuhamba, uza kude abhoke ubhut’Ntsika.

𝗨𝗦𝗶𝗺𝗽𝗵𝗶𝘄𝗲: UNtsika?

𝗨𝗔𝘁𝗵𝗮𝗻𝗱𝘄𝗲: Ewe, uyamazi?

𝗨𝗦𝗶𝗺𝗽𝗵𝗶𝘄𝗲: Kowu hayi andimazi.

𝗨𝗔𝘁𝗵𝗮𝗻𝗱𝘄𝗲: 𝙱𝚢𝚎-𝙱𝚢𝚎 ke.

Urhole imali engange-R300 uSimphiwe eyinika uAthandwe.

𝗨𝗦𝗶𝗺𝗽𝗵𝗶𝘄𝗲: Uzithengele into etyiwayo ne.

𝗨𝗔𝘁𝗵𝗮𝗻𝗱𝘄𝗲: (𝖴𝗒𝖺𝗒𝗂𝗍𝗁𝖺𝗍𝗁𝖺) Enkosi.

𝗨𝗦𝗶𝗺𝗽𝗵𝗶𝘄𝗲: 𝚂𝚞𝚛𝚎.

Uyaphuma uAthandwe uyagoduka.

Usala ezibuza imibuzo engenazimpendulo uSimphiwe.
“Inoba ngomphi na lo Ntsika athetha ngaye uAthandwe? Ingaba babuyile abantwana baka Dabisa? Oh-h-h... Mhlawumbi bakhona, ndibona kwale nto uAthandwe abhudayo esithi ungu MaDabisa isiduko sakhe. Eshee! Kungona zibuya iingqondo ngoku. Utata inoba sele ezivile ezi ndaba? Yho!” — uthe akugqiba uthetha wadumisa itekisi yakhe wahamba.

*******

Yintsimbi yesixhenxe ngokuhlwa akakabuyi uAthandwe.

Oo Jongilanga bahleli apho bakhathazekile kudala bemzama emnxebeni kodwa nkqi ukuphendula uAthandwe.

Izibilini bezisele ziiphezulu ngak*mbi kubafana baka Dabisa becinga kaninzi.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Eyy uAthandwe nkosi yam, uphi na lo mntwana?

𝗨𝗠𝗲𝗹𝗶𝘀𝗶𝘇𝘄𝗲: Nawe bhuti uyamtefisa lo ungu Athandwe. Siza kuthini ukuba ufunyenwe zezizikrelemnqa zakwa Qhinebe?

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Sukuyicinga leyo Sizwe, andiqondi ukuba bayamazi.

𝗨𝗠𝗲𝗹𝗶𝘀𝗶𝘇𝘄𝗲: Ungayitsho njani lo nto na mkhuluwa? Uyalibala ukuba umhlaba mncinci ngeyona ndlela. Mhlawumbi uAthandwe udibene nalo ndoda wazixela ukuba ungubani, uzalwa ngoo bani kwaye ezalwa noobani.

UNtsikayekhaya ujonga uMelisizwe kucaca ukuba uyaxhalaba ke ngoku exhalatyiswa yile nto ithethwa ngu Melisizwe. Ungqunga indlu yonke engazazi noba makathini.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Eyy uAthandwe nkosi yam!

𝗨𝗠𝗲𝗹𝗶𝘀𝗶𝘇𝘄𝗲: Bhuti kuza k*mele siphumeni iphulo siyok*mkhangela.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Phi na?

𝗨𝗠𝗲𝗹𝗶𝘀𝗶𝘇𝘄𝗲: Ndazi phi na mkhuluwa, masiqaleni apho sikrokrela khona.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Phi? KwaQhinebe?

𝗨𝗠𝗲𝗹𝗶𝘀𝗶𝘇𝘄𝗲: Ayikho eny’indlela mntakwethu. Kungcono simfele uAthandwe, xa engazukufelwa sithi uza kufelwa ngoobani? Ngudade wethu.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Unyanisile apho kodwa kuza kufuneka siqaphele. Akukho kwanto esizikhusele ngayo thina kwaye asixhobanga. Akuzukubalula ukungena kwa Qhinebe.

𝗨𝗠𝗲𝗹𝗶𝘀𝗶𝘇𝘄𝗲: Masiyeni mntakwethu siza kubona phambili.

Nyani baphakamile ooJongilanga bonke belungiselela ukuhamba.

𝗨𝗠𝗲𝗹𝗶𝘀𝗶𝘇𝘄𝗲: Phelo uyaphi wena?

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Nam ndifuna ukuhamba.

𝗨𝗠𝗲𝗹𝗶𝘀𝗶𝘇𝘄𝗲: Ucing’uba sifundisa amantshontsho ukubhabha apha na wena?

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Ndisale?

𝗨𝗠𝗲𝗹𝗶𝘀𝗶𝘇𝘄𝗲: Sala apha Phelo siyabuya ngoku thina.

𝗨𝗣𝗵𝗲𝗹𝗼𝗹𝗶𝗸𝗮𝘆𝗶𝘀𝗲: Kulungile bhutana.

Xa kanye uMelisizwe evula ucango, udibana no Athandwe naye evula ucango engena. Wothuke kancinci uMelisizwe wabuya umva wangena uAthandwe.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Usuka phi wena ngeli xesha?

𝗨𝗔𝘁𝗵𝗮𝗻𝗱𝘄𝗲: Hayi bo, bhuti.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Uthi "hayibo" k*m? Athandwe kukangaphi ndikuxelela ukuba awukhuselekanga apha ngaphandle? Uva xa kusithiwani. Kuyo yonke le nto uyenzayo ufaka nathi esichengeni. Ufuna ukuphindela Engcobo?

𝗨𝗔𝘁𝗵𝗮𝗻𝗱𝘄𝗲: (𝖴𝗇𝗂𝗄𝗂𝗇𝖺 𝗂𝗇𝗍𝗅𝗈𝗄𝗈) Akunjalo bhuti.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Usuka phi?

𝗨𝗔𝘁𝗵𝗮𝗻𝗱𝘄𝗲: Bendi-i-i... Bendikwitshomi yam.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Ngubani lo tshomi yakho?

𝗨𝗔𝘁𝗵𝗮𝗻𝗱𝘄𝗲: Hayibo bhuti akuzuk*mazi.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Hlala pha phantsi, uz’ukulinge uphinde uhambe ngobusuku, uza kulicula elandincamisayo.

Uyanyoshoza uAthandwe uyokuhlala esofeni.

𝗨𝗠𝗲𝗹𝗶𝘀𝗶𝘇𝘄𝗲: Uyamtefisa lo mntwana bhuti, ngewumfundise isifundo khona ngoku. Ak*mboni ukuba uyaphosisa? Ndiyamsola ukuba ikhona inkwenkwe ancumisana nayo.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Hayi Sizwe, mnka!

𝗨𝗟𝗮𝗻𝗴𝗲𝗹𝗶𝗵𝗹𝗲: Unyanisile ke kodwa ubhut’Melisizwe, akeva uAthandwe. Kudala exelelwa ukuba akukalungi ukuba angazula phandle ngobusuku, ngoba uyakusingenisela amanzi ngomsele.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Nifuna enziwe ntoni umntwana? Abethwe?

𝗨𝗟𝗮𝗻𝗴𝗲𝗹𝗶𝗵𝗹𝗲: Icacile nje bhuti.

𝗨𝗡𝘁𝘀𝗶𝗸𝗮𝘆𝗲𝗸𝗵𝗮𝘆𝗮: Niphambene nobabini, nibethwa ngoobani nina?

Bambombozela bayokuchopha phantsi uMelisizwe noLangelihle bengavisisani ncam nesigqibo sokuba angabethwa uAthandwe.

*******

Ndicela mntu ngamnye osifundileyo esi sahluko abeke iimbono zakhe esidlangalaleni ngokuthi a-comment'e. Ningalibali uk*mema abahlobo benu kwaye nicofe uLIKE.
Mna nani masidibaneni kwisahluko esilandelayo. Enkosi.

31/07/2025

Nindibona ndinqabile nje ndiphakathi kwe Bhayi neTinarha, ndineengcinga zokuyeka ukubhala — ndiyabonʼintoba yayingumlilo weendiza le nto yolusiba kwasekuqaleni.
Ndingcambaza emva ngoku nyani. Abantu abafunda amabali am bambalwa ngoku abanye bathutha kudalooo. So andazi maan noba mandithini. 🙆‍♂️

Nguye Umnikazi

18/08/2025

06/08/2025

04/08/2025

03/08/2025

03/08/2025

03/08/2025

03/08/2025

03/08/2025

03/08/2025

02/08/2025

31/07/2025

31/07/2025

Address

Telephone

Website

Alerts

Contact The Business

Shortcuts

Share

Category