Nhlalala News

10/10/2025

VAHLAMPFA VA KHUTUZA NO DLAYA VAKHANDZIYI

Bazi leri a ri kongoma etikweni ra Zimbabwe ku s**a eJoni ri helele eNyl Plaza endzhaku ka mhangu yo khomiwa nkuzi na ku dlawa ka van'wani vakhandziyi.

Vahlampfa vambirhi lava nga laha Afrika Dzonga swi nga ri enawini va yimise bazi hi kombetela muchayeri na vakhandziyi kulobye hi swibamu. Un'wana va vakhandziyi u ringete ku lwa kambe a duvuriwa no dlawa ku katsa na waxisati.

Endzhaku ka sweswo makhamba ya khutuze vakhandziyi mali ya ntsengo lowu nga tivekiki kutani va tala na nhova.

08/10/2025

Wanuna A khomeriwa ku dlaya ricece ra 5 wa tin'hweti.

Maphorisa ya ka Malamulele ya khomile wanuna loyi a nga tata wa ricece ra 5 wa tin'hweti endzhaku ko ba ricece na mana wa rona.

Ku ya hi xiviko xa maphorisa, wansati loyi a nga mana wa n'wana u tsutsumele exiticini xa maphorisa ku ya mandala nandzu a siya n'wana na tata wa yena hi chava ku biwa.

Loko maphorisa va ya fika emutini va kume leswaku wanuna u tsutsumile kambe n'wana a lovile naswona a pfimbile enhlokweni hikokwalaho ko biwa.

Mhangu yi humelele mixo wa tolo, Ravumbiri 08 Ndzhati. Mubohiwa u khomiwile hi kwalomu ka awara ya 22h00 endzhaku ko hlotiwa hi maphorisa siku hinkwaro.

05/10/2025

Wanuna u duvule xigangu xa nsati a tlhela a teka vutomi byakwe.

Phalaborwa- Mixo wa Mugqivela hikwalomu ka awara ya 05h00 wanuna (36) u kumile xiyisa (30) na nsati wakwe endzeni ka yindlu kutani a duvula no dlaya.

Vuxokoxoko bya maphorisa byi kombisa leswaku wanuna loyi a ri na swirhalanganyi swale ndyangwini na nsati wakwe.

Mhangu yi humelerile eMatshamahinkanu, Lulekani. Endzhaku ko dlaya xigangu xa nsati, wanuna endzherile kaya ra mana wa yena eKurhula laha a nga fika ati balesela a lova.

Xibamu lexi nga tirhisiwa xi vikiwa ku va xi endle milandzu yo hlaya ku ya hi vulavisisi bya xiphorisa.

Vito ra wanuna loyi a ri palixiwanga hikokwalaho ka vulavisisi lebya ha yaka emahlweni.

03/10/2025

Lori ya tisemende yi vumbulukile eka N1 ku suhi na The Ranch Hotel. Ntila wun'we wu pfariwile exikarhi ka Mokopane na Polokwane.

30/09/2025

29/09/2025

Premier Ramathuba u ta chavelela mindyangu ya lava nga lova eka mhangu ya R81 namuntlha.

Dr Ramathuba u languteriwa ku ya hlangana na mindyangu ya vafi endzhaku ka mhangu ya tolo egondzweni ra R81 eka Sekgopo. Ntirho wo chavelela mindyangu wu ta khomeriwa eholweni ya Xibedlele xa Petersburg hi awara ya khume mixo lowu.

Vanhu va 12 va lovile eka mhangu leyi katsaka tilori timbirhi na thekisi leyi a s**a eSolomondale ku ya eka Magorho.

MEC wa Ndzawulo ya Vutleketli na vuhlayiseki bya Vaaki Man. Violet Mathye u ta va a famba na Ramathuba ku ya chavelela vaaki.

Hi marito yakwe Ramathuba u ri:
"We urge all road users to exercise caution and adhere to safety regulations. This tragic event serves as a reminder of the need for greater awareness on our roads,"

28/09/2025

Ku humelele mhangu yo chavusa egondzweni ra R81 exifundzhenintsongo xa Capricorn ndzhengha wa namuntlha, 28 Ndzhati 2025. Mhangu yi katsa ku tlumbana ka tilori timbirhi na thekisi. Vuxokoxoko bya nghozi leyi a byi se paluxiwa.

15/09/2025

Puresidente Cyril Ramaphosa u hlamusela leswaku xin'wana xa leswi endlaka leswaku vanhu va kombisa ku vilela emigangeni ya ka vona, i ku va mfumo wu nga va byeli nchumu hi mintlhontlho leyi wu hlanganaka na yona hi nkarhi lowu wu tsandzekaka ku yisa vukorhokerhi eka vaaki.

Ramaphosa a vulavula ku s**a eBoksburg hi Muqgivela, 13 Nzhati 2025, enhlengeletanini ya masiku mambirhi yo hlawuleka ya NEC ya vandla ra A NC. Nhlengeletano leyi a yi langutile eka xiyimo xa mimfumo ya timasipala ku katsa na matirhelo yo ka ya nga enetisi ya tikhanselara.

Nhlengeletano leyi yi khomiwa hi nkarhi lowu ku languteriweke nhlawulo wa mimfumo ya timasipala haxawa.

11/09/2025

X**a hi wahi mavonele ya wena eka ku teka xivongo xa nsati tani wanuna kumbe ku cincisa nuna xivongo tani hi wansati?

Se loko wanuna cinca xivongo hikokwalaho ka yini hi fanele ku lovola tani vavanuna?

Xivongo xa nsati a hi tata wakwe ke, ku nga xivongo xa wun'wani wanuna?

Leswi swi ta endzhaku ka loko khoto ya vumbiwa yi teke xiboho xo pfumelela vavanuna ku teka xivongo xa nsati.

09/09/2025

MABOTI VALOYI A GWEVIWA 15 WA MALEMBE

Wanuna (31) wo huma eka Ndengeza u langutanile na xigwevo xa 15 malembe. Maboti Valoyi a ri khoto ya Giyani tolo, 08 Ndzhati 2025 ku ta yingisela xigwevo xakwe.

Valoyi u vikiwa ku va holova na nkulukumba Eddy Ritshuri (56) loyi a n'wi dya swirhendze endzhaku ko n'wi kuma na muhlekisani wakwe, Lucy Manyama ka yin'wani ya tindhawu to xavisa na ku nwela xihoko.

Valoyi tekile munhu wakwe Lucy a famba kambe Ritshuri a va landza na ku konanisa Valoyi kutani a n'wi tlhava hi mukwana a lova.

Ritshuri u yisiwile eClinic endzhaku ku voniwa hi muhundzi wa ndlela kambe a hundza emisaveni. Mhangu yi humelerile n'waxemu hi ti 28 Sunguti 2024.

08/09/2025

Wansanti u khomeriwe ku veka nawu emavokweni

Malamulele- Maphorisa va khomile wansati wa 34 wa malembe emugangeni wa Mphakati. Leswi swi fambisana na ku mbeyeteriwa ka Hleketa Shakes Mapimele wo huma eka Xigalo.

Mapimele u lovile exibedlele endzhaku ko biwa hi ntshungu lowu a wu n'wi lumbeta ku yiva laptop eka muti wale kusuhi.

Ku khomiwe munhu un'we ku fika sweswi naswona vaehleketeleriwa lavan'wana vaha tale na nhova.