Nhlalala News

Nhlalala News Xitsonga Youth Newspaper of the Mopani District.

18/11/2025

N'WANA WA 11 A DLAWA NAVUSIKU

Maphorisa ya Giyani vale ku hloteni ka xigevenga lexi nga dlaya xifanyetani xa 11 wa malembe hi vusiku bya sonto wa 16 Hukuri eka Mapuve.

Vulavisisi byi kombisa leswaku manana u sukele vana vakwe va vanharhu etlele. Vana vale xikarhi ka malembe ya 2, 5 na 11 a va etlele vari voxo loko mudlayi a ta fika a va nghenela na ku dlaya loyi wa 11 wa malembe hi vukhale.

Mana wa vana u vuye nampundzu loko a ta kuma leswaku n'wana wakwe wa jaha ari exidziveni xa ngati. Maphorisa na va swilamulela mhangu va kume leswaku n'wana u lovile.

Loyi a nga na vuxokoxoko a nga ti hlanganisa na Sejeni Michael Shivuri eka 078 496 0728 kumbe 08600 10111 nale ka App ya SAPS.

Shebeshxt U ta Tenga Nandzu A Ri Exitokisini Xiyimbeleri xa ndhuma, Lehlohonolo Chauke (30) kumbe Shebeshxt u khomiwile ...
13/11/2025

Shebeshxt U ta Tenga Nandzu A Ri Exitokisini

Xiyimbeleri xa ndhuma, Lehlohonolo Chauke (30) kumbe Shebeshxt u khomiwile hi Ravumbiri 11 Hukuri naswona a ri ehubyeni ya nawu ePolokwane namuntlha. Ku tengiwa ka nandzu swi hundziseriwe eka Ravuntlhanu 21 Hukuri kambe u ta va a hari ekhotsweni.

Milandzu ya Shebe yi katsa ku ringeta ku dlaya, ku kumeka na xibalesa xo pfumala ntsariso, ku onha nhundzu hambi kuri ku ringete ku xisa vululami.

Chauke u hehliwa hi ku balesela wanuna wa 34 wa malembe edorobeni ra Polokwane n'hweti leyi nga hundza.

Endzhaku ka ku khomiwa kakwe ekaya rakwe eBendor hi Ravumbiri, 11 Hukuri, maphorisa va tekile swipandzamanga swa yena ku ya swi lavisisa hi vuenti.

Jaha (14) ri hehliwa hi ku pfinya xinhwenyetani (6)Malamulele- Mutswari wa xinhwenyetani eka Makumeke u hlamarile ku von...
09/11/2025

Jaha (14) ri hehliwa hi ku pfinya xinhwenyetani (6)

Malamulele- Mutswari wa xinhwenyetani eka Makumeke u hlamarile ku vona n'wana wakwe a vuya na swiwitsi namadyambu hi kwalomu ka 18h00. Loko mana wa n'wana a konanisa u kume leswaku n'wana vula vito ra muehleketeleriwa naswona a vika ku twa kuvava eka xirho xale xihundleni.

Endzhaku ko yisa n'wana exibedlele, vaongori va tiyisisile leswaku himpela n'wana u pfunyiwile.

Jaha ri khomiwile na ku tlhela ri tshunxiwa emahlweni ka vatswari va rona. Nandzu wu le hansi ka Xiyenge xa Madzolonga ya Mindyangu, Vuhlayiseki bya Vana na Vapfinyi eka xitici xa maphorisa eGiyani.

Xifanyetani xi languteriwa ku ya humelela emahlweni ka khoto ya Malamulele ku nga ri khale. Vulavisisi byi ya emahlweni.

PETER MOKABA YI TA RHURHELA CUP FINAL YA CARLING BLACK LABELSwi tiyisiwile leswaku ntlangu wo tlhoma risiva eka tinhenha...
09/11/2025

PETER MOKABA YI TA RHURHELA CUP FINAL YA CARLING BLACK LABEL

Swi tiyisiwile leswaku ntlangu wo tlhoma risiva eka tinhenha ta ntlangu wa Carling Black label wu ta tlangiwa laha Limpopo.

Orlando Pirates va ombana na Marumo Gallants hi ti 06 N'wendzamhala.

MALI YA XITOKOFELA YIVIWA EKA XIGAMANI Wansati (42) a etlele na vana vakwe exikarhi ka vusiku bya Ravumbiri emugangeni w...
07/11/2025

MALI YA XITOKOFELA YIVIWA EKA XIGAMANI

Wansati (42) a etlele na vana vakwe exikarhi ka vusiku bya Ravumbiri emugangeni wa Xigamani loko makhamba ya ta tshova yindlu va nghena.

Kwalamu ka 10 wa tinsulavoya ti chavisile wansati na vana kutani va teka mali leyi ntsengo wa kona wu nga tivekiki ku katsa na rinqingho kutani va nyamalala.

7 WA MAKHAMBA YA KHOMIWA ESOLOMONDALE Vaehleketeleriwa va 7 ku katsa na wansati loyi a nga n'winyi wa jarata va khomiwi...
04/11/2025

7 WA MAKHAMBA YA KHOMIWA ESOLOMONDALE

Vaehleketeleriwa va 7 ku katsa na wansati loyi a nga n'winyi wa jarata va khomiwile eSolomondale na mixo wa Musumbhunuko 03 Hukuri endzhaku kho khutuza feme ya Ice Scream, ePolokwane.

Vuxokoxoko bya xiphorisa byi kombisa leswa makhamba a ya ri eku nweni ka xihoko emutini wa wansati loyi va nga khomiwa na yena loko maphorisa va fika. Un'wana wa vaehleketeleriwa u duvurile na ku tsema a ri vona kambe a ku vavisekangi munhu.

Swibalesa swa 4, tinqingho, movha Audi S3 na swin'wani swo yiviwa swi kumekile. Makhamba xikan'we na xipandzamanga lexi nga yiviwa va huma eMamelodi.

WANSATI (42) A KHOMERIWA KU PFINYA XIFANYETANI Wansanti wa 42 wa malembe a ri ekhoto ya Ritavi hi Musumbhunuko, 03 Hukur...
04/11/2025

WANSATI (42) A KHOMERIWA KU PFINYA XIFANYETANI

Wansanti wa 42 wa malembe a ri ekhoto ya Ritavi hi Musumbhunuko, 03 Hukuri 2025 ku ya tenga nandzu wo pfinya.

Xiviko xa maphorisa xi kombisa leswaku wansati loyi a titwela comela emugangeni wa Khujwana u komberile jaha ra 15 wa malembe ku n'wi endzela emutini wakwe laha a nga sindzisa mufana loyi ku n'wi tsakisa hi timhaka ta masangu.

Jaha ri fike kaya ri tivisa vatswari hi mhangu leyi kutani va mangala emaphoriseni ya Ritavi.

Wansanti loyi a nga mana wa vana vanharhu u khomiwile hi Ravuntlhanu, 31 Nhlangula.

30/10/2025

Temporary water supply interruption in Giyani

MUHEHLIWA A GWEVIWA 7 WA SWIGWEVO SWA VUTOMIVonga Sobala Shikwambana (27) u rhwexiwe 7 wa swigwevo swa vutomi hikokwal...
28/10/2025

MUHEHLIWA A GWEVIWA 7 WA SWIGWEVO SWA VUTOMI

Vonga Sobala Shikwambana (27) u rhwexiwe 7 wa swigwevo swa vutomi hikokwalaho ko pfinya swinhwenyetani swinharhu ku katsa na 15 wa malembe hi milandzu yo phanga.

Aku ri 2017 eBonn Village loko Shikwambana a sivelela vana va 9,11 na 13 wa malembe hi banga na mbyana ku vachavisa leswaku va nghena emakhwatini leswaku a ta va pfinya. Vambirhi va tsutsumile va siya lontsongo laha a nga sala a pfinya na ku tlhela a teka tinqingho ta vona.

Mubohiwa u sungule ku tirhela milandzu yakwe hi 27 Nhlangula 2025 hi khoto ya xifundzha eNkowankowa.

MBABVA YI DYELA TINDHUNA MALIHolebye Makamu lava leswaku ku tekiwa magoza ya vukarhi eka wanuna loyi tekelaka tindhuna m...
23/10/2025

MBABVA YI DYELA TINDHUNA MALI

Holebye Makamu lava leswaku ku tekiwa magoza ya vukarhi eka wanuna loyi tekelaka tindhuna mali eka tindhawu ta Vhembe na Mopani hi vuxisi.

Tindhuna ti hakerisiwa mali endzhaku ko tshembhisiwa leswaku muholo wa vona wu ta tlakusiwa naswona va ta kuma switulu swa vuhosi.

Wanuna loyi a tevekaka hi vito ra Fannie Michael Muhlongo u vula leswaku yena u huma etikweni ra ka Hlaneki naswona hi yena mufambisinkulu wa Ndzawulo ya Cogsta eLimpopo.

Makamu u ri: " Hi hava mufambisinkulu wa Ndzawulo wo huma eka Hlaneki hi vito ra Fannie Michael Mhlongo kambe mufambisinkulu loyi hi nga na yena iDr Malahlela naswona I wansati".

Tindhuna to hlaya ti humesile mali yo ba tingwenya tietlela leswaku ti ta kuma ntlakuso wa miholo na ku tlakusiwa vava tihosi.

KHAMBA RI DIZA MUHLEKISANI HI XIGWITSIRISI XO YIVIWA Khamba (31)leri nga hlasela mabindzu yo hambana hambana eGiyani na ...
16/10/2025

KHAMBA RI DIZA MUHLEKISANI HI XIGWITSIRISI XO YIVIWA

Khamba (31)leri nga hlasela mabindzu yo hambana hambana eGiyani na le ka Muyexe ri khomile hi Ravumbiri 14 Nhlangula eka Siyandhani.

Nsulavoya yi tshovile na ku yivela mabindzu yo hlaya nyana ku sukela hi Nyenyankulu ku fikela Mawuwani lembe leri.

Tintambhu ta gezi, generator na gireme yo chaya emitlangwini swi kumekile ethavene yale ka Nkurhi. Xigwitsirisi lexi nga yiviwa eka Muyexe xi kumekile eka muhlekisani wa kona eka Mapuve.

KU NA NGHOZI EKA GONDZO RA N1Ku na bazi leri nga wa ekusuhi na Ingwe Lodge eMusina. Vuxokoxoko bya mhangu leyi a byi se...
12/10/2025

KU NA NGHOZI EKA GONDZO RA N1

Ku na bazi leri nga wa ekusuhi na Ingwe Lodge eMusina. Vuxokoxoko bya mhangu leyi a byi se tiveka kambe gondzo ra ha pfariwile. Vachayeri va tsundzuxiwa ku jika hi Witvlag na Williespoort.

Bazi a ri s**a eGqeberha (Port Elizabeth) ri kongoma eHarare, Zimbabwe. Vaswilamulelamhangu va hari kwale ku pfuna lava nga vaviseka.

Address

Stand No. 674 Gandlanani Giyani
Giyani

Telephone

+27817898484

Website

Alerts

Be the first to know and let us send you an email when Nhlalala News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category