LUCA

11/07/2025

Dankie Voelgoed! 💛

Het jy al Dr. Madeleine Louw Blignault se roman, Die huis op die hoek, gelees? Laat weet ons in die kommentaar wat jy daarvan gedink het! 💬

10/07/2025

10/07/2025

Conrad is die grootste doring in Heinrich se vlees, maar toe word hulle saam weggevoer na ’n Bybelse ryk! In hierdie kies-jou-eie-avontuur moet JY vir Heinrich help om die regte keuses te maak 🕊️

📚 Met 30 moontlike eindes wag daar ’n ongelooflike reis op jou. Sal jy die gelukkige einde bereik? 🤔

👉 Klik hier om saam met Heinrich op ’n avontuur te gaan: https://loom.ly/nG-xvkQ

10/07/2025

Kom ontmoet ons LUCA-skrywers, Jozine Botha en Dr. Madeleine Louw Blignault!

📆 Datum: Dinsdag, 15 Julie 2025
🕙 Tyd: 10:00
📍 Plek: Bargain Books SA Cradlestone, winkel U76, Cradlestone-winkelsentrum, Krugersdorp
👉 RSVP deur 011 662 1353 te kontak of stuur 'n e-pos na [email protected]

’n Heerlike oggend vol boeke, geselskap en inspirasie wag. Ons sien jou daar!🌟

10/07/2025

Kom ontmoet Dr. Madeleine Louw Blignault, skrywer van !

📆 Datum: Dinsdag, 22 Julie 2025
🕙 Tyd: 10:00
📍 Plek: Hermanus Biblioteek, Burgersentrum, Magnoliastraat, Hermanus
👉 RSVP deur 028 313 8077/8 te kontak

Kom maak ’n draai en kuier saam! 📚

09/07/2025

Dankie Deborah Steinmair en LitNet!

Het jy al Die boekengel deur Malene Breytenbach gelees? 📖

Deborah Steinmair skryf ’n nuwe boekrubriek vir LitNet. In hierdie week se aflewering skryf sy oor Die dood van Rachel April deur PP Fourie as "’n heerlike literêre riller oor die kunswêreld en die leefwêreld van voorheen benadeelde jongmense in ’n nuwe bedeling, oor identiteit en tuishoort...

08/07/2025

07/07/2025

Dankie Uitdieperdsebek! 🌸

📖 Kry Die boekengel hier: https://loom.ly/oBZnsAY

– Malene Breytenbach


Boekliefhebbers is dit eens dat daar ʼn magiese atmosfeer in boekwinkels heers. In biblioteke natuurlik ook, maar eersgenoemde beskik oor ʼn intieme knusheid, eerder as die gewyde stilte wat biblioteke kenmerk. Dit is derhalwe geen verrassing dat vele romans in en om sodanige ruimtes sentreer nie, enkele voorbeelde hiervan is die internasionale topverkopers “The little Paris bookshop” (Nina George) en “The storied life of AJ Fikry” (Gabrielle Zevin).

Die aankoop en vernuwing van ‘n boekwinkel in die Eikestad staan sentraal in hierdie roman. Mara, weliswaar ouer en dunner van nerf as die eertydse student, laat ‘n toksiese huwelik in die noorde agter wanneer sy haarself in Stellenbosch hervestig: “Sy het tog terugverlang, herinneringe gekoester aan ‘n plek waar sy gelukkig was voordat sy die lewe se draaie, skeefgetrekte sekerhede en uitdagings die hoof moes bied.” (1)

Laasgenoemde is juis die struikelblok wanneer sy die sjarmante Bart ontmoet; hy is nie net ‘n gelowige verbonde aan die kweekskool nie, as jongman het hy het sy roeping as predikant gekies bo sy verloofde, die beeldskone Marguerite wat nie kans gesien het vir ‘n lewe as pastoriemoeder nie. Mara, daarenteen, worstel met ‘n yl geloof, die onvermoë om met die klakkeloosheid van ‘n kind te glo, die wantroue in mense wat met geloof as oogklappe lewe, en ervaar geloof as beperkend, eerder as bevrydend. Ten spyte van hierdie teenstrydigheid, kruip Bart wel diep in haar hart: “Sy is tog bly om hom te sien, al haal hy Bybelversies aan.” (60)

Met haar Boekeparadys as samebindende faktor, vind Mara wel ‘n holte vir die voet, maar word ook gekonfronteer met die werklikheid van straatkinders wat vryheid bo dissipline verkies, die verlammende boosheid van ‘n narsistiese persoonlikheid, en die trauma veroorsaak deur gesinsgeweld, huweliksontrou, kinderloosheid, kleptomanie, materialisme, en selfdood.

Die boekwinkel is wel ‘n sentrale ruimte, maar die omgewing word eweneens ingespan as metafoor vir emosies en persoonlikheidsaspekte. Die huis van ‘n opbouende karakter, staan in skrille kontras met die van ‘n afbrekende karakter: “Sy stoot die gietysterhek oop. Dit skreeu nie van droogte en ouderdom nie, maar sug saggies oop” (89), teenoor: “...en stoot die geroeste voorhek oop. Dit skree soos iets wat pyn verduur.” (246)

Die roman, uit die pen van ‘n gesoute en veelsydige skrywer, slaag daarin om die veelvlakkigheid en kompleksiteit van geloof vierkantig in die werklikheid te setel, aan die hand van ‘n wye en uiteenlopende spektrum van oortuigende karakters waarmee die leser moeiteloos kan identifiseer.

07/07/2025

06/07/2025

Wil jy jou kind se boekrak verryk met stories wat geloof en goeie waardes versterk, én hulle liefde vir lees aanwakker? Ons gee ’n pragtige versameling Christelike kinderboeke weg – vol hoop, avontuur en boodskappe wat jong harte opbou! 📚 🥳

👉 Skryf hier in: https://loom.ly/y7bzYig