MMC news

MMC news We provide global NEWS in Xitsonga language. Your source for global news + South African stories � Live updates, sports & tournaments.
(10)

Please follow our page for worldwide stories with a local touch 🇿🇦.

🌍 Stay updated & proud 📡

🚫 Don't copy, share with love and pride. MMC News, founded by Xitshembiso Christopher Mahlaule.

Xipano xa Mamelodi Sundowns xitlange kuringana na xipano xa Chippa United hi bolo yinwe eka yinwe eka ntlangu wa Betway ...
12/09/2026

Xipano xa Mamelodi Sundowns xitlange kuringana na xipano xa Chippa United hi bolo yinwe eka yinwe eka ntlangu wa Betway Premiership (PSL) eka madyambu ya siku ra namuntlha, 12 September 2026.

Chippa United (01⚽️01) Sundowns



Vavanuna voringana ntsevu (06) lava humaku etikweni ra Nigeria 🇳🇬 va rhumeriwile etikweni ra United States hi maphorisa ...
12/09/2026

Vavanuna voringana ntsevu (06)
lava humaku etikweni ra Nigeria 🇳🇬 va rhumeriwile etikweni ra United States hi maphorisa ya xiyenge xa Hawks xikanwe na va Interpol endzaku ka loko vaka va khumbeka eka milandzu ya ku roba vavansati va tiko ra America 🇺🇸 timali taku hundza R100, million.

Vaehleketeleriwa lava landzelaku, Perry Osagiede, Collins Owhfsa Otughwor, Osariemen Eric Clement, Musa Mudashiri, Franklyn Edosa Osagiede, na Prince Ibeabuchi Mark, kuvikiwa leswaku vawela eka ntlawa wa Black Axe lowu tirhaku kuxenga vavansati timali eka swiyenge swa mabulo hi vuxaka bya marhandzu ya vuxisi.

Vaehleketeleriwa kuvikiwa leswaku va robile vavansati vo hundza ndzana (100) timali taku hundza R100, million hi nkarhi lowu a vari na vuxaka bya marhandzu ya vuxisi na vona eka swiyenge swa mabulo. Vaehleketeleriwa kuvikiwa leswaku a va veka ntihlo eka vavansati lava va nga ganya swinene hi xikongomelo xolava kuva roba timali leti va nga na tona.

Vavansati lavanga robiwa timali kuvikiwa leswaku i vanhu lavanga huma tiphexini xikanwe na va n'wa-mabindzu lava rhangelaku mabindzu ya xiyimo xa le hehla swinene. Eka nkarhi wa sweswi vaehleketeleriwa va hehliwa hi milandzu ya vukungudwani xikanwe na milandzu ya vuxisi.



Xipano xa Kaizer Chiefs xitlange ku ringana na xipano xa Polokwane City hi bolo yinwe eka yinwe ka ntlhanu wa Betway Pre...
12/09/2026

Xipano xa Kaizer Chiefs xitlange ku ringana na xipano xa Polokwane City hi bolo yinwe eka yinwe ka ntlhanu wa Betway Premiership (PSL) eka ndzenga wa siku ra namuntlha, 12 September 2026.

Polokwane City (01⚽️01) Kaizer Chiefs



Xipano xa Orlando Pirates xihlule xipano xa LA Cure Waves hi tibolo tinharhu eka yinwe eka ntlangu wa CAF Champions leag...
12/09/2026

Xipano xa Orlando Pirates xihlule xipano xa LA Cure Waves hi tibolo tinharhu eka yinwe eka ntlangu wa CAF Champions league eka ndzenga wa siku ra namuntlha, 12 September 2026.

Pirates (03⚽️01) LA Cure Waves



Ntirho wa ku heleketa mufi Vonani Daniel (VD) Chauke endlwini ya yena yo hetelela wu le kuyeni emahlweni eka mixo wa sik...
12/09/2026

Ntirho wa ku heleketa mufi Vonani Daniel (VD) Chauke endlwini ya yena yo hetelela wu le kuyeni emahlweni eka mixo wa siku ra namuntlha exifundzeninkulu xa Limpopo, 12 September 2026.

Vaaka tiko, maxaka, vatirhi kuloni, va chayeri va mathekisi, va fambisi va mihlangano ya mathekisi, xikanwe na vanghana lava humaku eka timbheho ta mune ta misava, va hlengeletanile hi xitalo a mugangeni wa ka Mchipisi ehandle ka doroba ra ka Malamulele ku ta xixima moya wa mufi ro hetelela xikanwe na ku khoma vandyangu wa ka Chauke xikatla.

Ntirho wa ku hlaya matimo ya mufi hi ku hetiseka xikanwe na ku ndhundhuzela mitirho leyinene leyi va nga yi endla loko vahari na hina laha misaveni wu le kuyeni emahlweni eka nkarhi wa sweswi. Moya wa VD Chauke a wuwisi hi kurhula.



Mimovha yo ringana ntsevu (06) leyinga yiviwa eka tindhawu taku hambana hambana ta laha tikweni, yi kumiwile hi maphoris...
12/09/2026

Mimovha yo ringana ntsevu (06) leyinga yiviwa eka tindhawu taku hambana hambana ta laha tikweni, yi kumiwile hi maphorisa a Mandalay hi Ravumune na madyambu, 10 September 2026.

Wanuna wa malembe ya makume mbirhi-mune hi vukhale (24) i khomiwile hi maphorisa hi Ravumune na madyambu endzaku ka loko a kumekile na movha wo yiviwa a Mandalay hi nkarhi lowu maphorisa a va ri eka ntirho wa ku valanga tiko.

Maphorisa kuvikiwa leswaku va vhakerile muehleketeleriwa eka ndhawu leyi a tshama eka yona laha va nga fika va kuma movha wa vito ra Toyota lowunga yiviwa edorobeni ra Harare etikweni ra Zimbabwe 🇿🇼 eka masiku lawa ya nga hundza. Kus**a kwalano kuvikiwa leswaku maphorisa va kume timovha toringana mune (04) hi nkarhi lowu a va ri eka mpfumba ra ku pfala timovha ta le magondzweni ka gondzo ra le Melderson.

Yi nwana ya mimovha leyinga kumeka kuvikiwa leswaku yi khumbeka eka tinghozi ta ku khutuza vaaka tiko letinga humelela eCape Town, Woodstock xikanwe na le Muizenberg kus**a hi nhweti ya June ku fika eka nhweti ya July lembe ra 2026.

Muehleketeleriwa loyi a nga khomiwa hi maphorisa i languteriwile kuya emahlweni ka huvo ya majisitarata hi Musumbunuku na mixo, 14 September 2026.



Wansati loyi a nga hundza emisaveni endzaku ka loko a tlhaviwile hi mukwana hi khale ka muhlekisani wa yena, i ta vekiwa...
11/09/2026

Wansati loyi a nga hundza emisaveni endzaku ka loko a tlhaviwile hi mukwana hi khale ka muhlekisani wa yena, i ta vekiwa endlwini ya yena yo hetelela eka mixo wa siku ra namuntlha exifundzeninkulu xa Limpopo, 12 September 2026.

Mufi Zintle Mashego wa malembe ya makume mbirhi-ntlhanu hi vukhale (25) i hundzile emisaveni hi Muqhivela wa ti 05 ta nhweti ya September lembe ra 2026 hi nkarhi lowu a ri Mashamothane B1.

Ntirho wa ku xixima moya wa yena rohetelela xikanwe na kuhlaya matimu ya yena wu ta khomiwa ximfumo a mugangeni wa le Ga-Miranda a Leboeng eka mixo wa siku ra namuntlha.

Mufi kuvikiwa leswaku i hlaseriwile hi mukwana hi khale ka muhlekisani wa yena hi nkarhi lowu a ri eka muako lowu a nga tlhacha eka wona a Mashamothane B1. Va swilamulela mhangu va vula leswaku loko va fika eka ndhawu leyi nghozi yi nga humelela eka yona va kumile ntsumbu wa n'wansati wu ri endzeni ka xindziva xa ngati xikanwe na timbanga taku hlaya ta mukwana eka tindhawu taku hambana hambana ta le mirhini.

Muehleketeleriwa kuvikiwa leswaku a endleriwile papila ra ku nwisivela kuva a tshunela kusuwani na mufi loko nghozi yi nga se humelela kasi i khomiwile hi maphorisa hi nkarhi lowu a ri eLebowakgomo endzaku ka loko a balekile eka ndhawu leyi nghozi yi nga humelela eka yona.

Muehleketeleriwa i languteriwile kuya emahlweni ka huvo ya majisitarata ya le Praktiseer hiti 16 ta nhweti ya September lembe ra 2026.



Wansati loyi a ri mutirhela mfumo eka xiyenge xa maphorisa xa (SAPS), i hundzile emisaveni endzaku ka loko a hlaseriwile...
11/09/2026

Wansati loyi a ri mutirhela mfumo eka xiyenge xa maphorisa xa (SAPS), i hundzile emisaveni endzaku ka loko a hlaseriwile hi timbyana ta yena ta ti-pitbull exifundzeni nkulu xa Gauteng.

Mufi Mmaleho Olga Bawa i kumekile a hundzile emisaveni endzaku ka loko a hlaseriwile hi timbyana ta yena a Dobsonville hi ti 11 ta nhweti ya September lembe ra 2026.

Va (JCPS) va tiyisisile leswaku mufi a tirha eka xitichi xa maphorisa xa le Roodepoort eka nkarhi wa sweswi. Vatirhi kuloni xikanwe na vaaka tiko va sungurile ku rhumela marito ya ku chavelela eka vandyangu waka Bawa.



Maphorisa ya laha tikweni hi ku tirhisana na maphorisa ya tiko ra Lesotho 🇱🇸 va khandlisile swibalesa sworingana 1787 le...
11/09/2026

Maphorisa ya laha tikweni hi ku
tirhisana na maphorisa ya tiko ra Lesotho 🇱🇸 va khandlisile swibalesa sworingana 1787 leswi a swikhumbeka eka migingiriko yo hambana hambana ya vugevenga.

Khomixinara wo khomela wa maphorisa ya laha tikweni Jhenerali Puleng Dimpane na khomixinara wa maphorisa ya tiko ra Lesotho Borotho Matsoso a vari xiave eka ntirho wa ku khandlisiwa ka swibalesa eka mixo wa siku ra namuntlha exifundzeni nkulu xa Gauteng, 11 September 2026.

Khomixinara wa maphorisa ya laha tikweni va vula leswaku eka vhiki rinwana na rinwana va kuma swibalesa swo hundza ndzana (100) swo pfumala maphepha hi minkarhi leyi va vaku vari eka mapfumba yo pfala timovha ta le magondzweni xikanwe na leka migingiriko yi nwana yo hambana hambana ya ku sirhelela vaaka tiko.



Gondzo ra N7 ku s**a a Graafwater kuya a Clanwilliam ri pfariwile endzaku ka loko ku humelerini nghozi ya movha wa baki ...
11/09/2026

Gondzo ra N7 ku s**a a Graafwater kuya a Clanwilliam ri pfariwile endzaku ka loko ku humelerini nghozi ya movha wa baki na lorhi yo rhwala mihandzu, 11 September 2026.

Xivangelo xa nghozi xikanwe na xiyimo xa va khandziyi a swi setiveka ku fika eka nkarhi wa sweswi kasi va chayeri va mimovha mikomberiwa ku chayela hi vuronwana loko mifika eka ndhawu leyi.



Address

Johannesburg
2000

Telephone

+27799732170

Website

Alerts

Be the first to know and let us send you an email when MMC news posts news and promotions. Your email address will not be used for any other purpose, and you can unsubscribe at any time.

Shortcuts

Share

Category