SABC Mafhungo

SABC Mafhungo This account serves as the digital news portal for SABC, providing news content in the Tshivenḓa language.

17/09/2026

MAFHUNGO NGA 17:30 KHA SABC2 Na JENIFER MATSILA

16/09/2026

Vha ḽihoro ḽa DA vhari vha khou limuwa nyiledzo ya dzi Visa ye shango ḽa US ḽa itela ḽino shango. Vha iḽo ḽihoro vha ri vhunzhi ha dzi mbekanyamaitele dze dza talatadzwa na u phasiswa nga lihoro la ANC dzine shango ḽa US ḽa khou dzi shumisa kha u dzhia tsheo dzi ngaho sa iyo ye ḽa i dzhia adzi khou vhuedza tsh*thu ḽino shango.

16/09/2026

Vhonkhetheni vhane vha paḓa zwigidi zwiṱanu a vha swikeli ṱhoḓea dza u dzhenela mbambe kha khetho dza mivhuso yapo dza ḽa ina ḽa ṅwedzi wa Lara.
Vha khomishini ya zwa khetho vhari vhonkhetheni vha henefha kha vha zwigidi zwa ḓana fuina vha ḓo dzhenela mbambe ya zwidulo zwine zwa paḓa zwigidi zwa fumi mimasipalani yoṱhe ya u mona na ḽino shango

16/09/2026

Khothe ya dzingu ya Victoria West vunduni ḽa Northern Cape yo gwevha munna muṱhannga wa miṅwaha ya fumi malo u dzula dzhele miṅwaha ya fumi mmbili zwi tshi tevhela zwe a waniwa mulandu wa u tzhipa. Vho-George Booysen vho rwa vha ita na u tzhipa mufumakadzi wa minwaha ya furaru tahe tsini na Loxton nga nwedzi wa Lara mahoḽa.

16/09/2026

Muhumbulelwa wa u thoma ,Vho-Musa Kekana,kha tsengo ya ndingedzo dza mabulayo ya Vho-Vusimuzi "Cat" Matlala na vhahumbulewa ngavho vhaṋa vho hanedza uri vha a ḓivha nga ha tshigidi tshifhio na tshifhio tshe tsha vhuya tsha wanala ndakani yavho.
Izwo ndi nga tshifhinga tsha musi vha tshi farelwa zwine vha khou pomokwa bulayo ḽa ra-enginner wa Vereeniging,Vho- Armand Swart.

16/09/2026

Muhashi wa kale wa zwa mitambo SABC ,Vho-Owen Ndlovu vho wanala vho lovha. Izwo zwo khwaṱhisedzwa kha tsh*tatamennde tsha vha muṱa tshe tsha bviswa nga masiari.
Vho-Ndlovu vho hombokiwa vha ita na u dzhiwa nga khani Katlehong, ranndani vhubvaḓuvha ha vundu ḽa Gauteng madekwe musi vho ya u dzhia mufumakadzi wavho kerekeni.
Tsh*tumbu tsha Vho-Ndlovu tsho wanala Thokoza matsheloni.

16/09/2026

Mutodisisi wa milandu yo imaho nga uri, Vho-Mike Bolhuis vha khou tsivhudza nga ha zwine ha vha na khonadzeo ya uri mabulayo a vhafumakadzi a nane tshiṱirikini tsha Ekurhuleni.
Mapholisa vhari muthu ane a ḓo vha thusa nga u wana vhuṱala ha muhumbulelwa kana vhahumbulelwa u ḓo pfufhiwa nga rannda dza zwigidi zwa maḓana mana.

16/09/2026

Mugudiswa wa tshikolo tsha sekonndari ya Kuyasa tshire Dimbaza vunduni ḽa Eastern Cape o ṱhavhiwa u swika a tshi lovha. Hu khou humbulelwa uri uyo mugudiswa are kha gireidi ya vhumalo o ṱhavhiwa nga mugudiswa ngae are kha gireidi ya vhufumi.
Uyo mugudiswa ane ha khou humbulelwa uri o ṱhavha munwe o imiswa u ya tshikoloni.

16/09/2026

Mulangavundu ḽa Gauteng,Vho- Panyaza Lesufi vhari vundu ḽi ḓo shumisa tshomedzo dzoṱhe dzire hone u khwaṱhisedza uri avho vhane vha vha na vhuḓifhinduleli ha mabulayo a vhafumakadzi vha malo vhe zwitumbu zwavho zwa wanala tshiṱirikini tsha Ekurhuleni vha a dzhielwa vhukando ha zwa mulayo.
Izwo zwi khou tevhela zwe ha wanala zwitumbu zwa malo vhuponi ha Kempton Park na nga ha tsini kha tshifhinga tsha miṅwedzi mivhili.

16/09/2026

Vhaḽihoro ḽa ANC vhari vha ḓo itela khaṱhululo khaṱhulo ya khothe ya zwa khetho.
Lihoro la ANC ḽo isa khomishini ya zwa khetho yo ḓiimisaho nga yoṱhe khothe musi zwi tshi kwama zwine ḽa ri ho vha na khaedu dza zwa thekiniki kha tshumelo ya IEC ya u swikisa mutevhe wa vhonkhetheni zwe izwo zwa livhisa kha uri ḽi kundelwe u swikisa madzina a vhonkhetheni vha maimo a vhakhantselara vhane vha paḓa ḓana fumalo kha tshumelo ya vhonkhetheni ya khomishini ya zwa khetho phanḓa ha musi hu tshi farwa khetho dza mivhuso yapo nga ḽa ina ḽa ṅwedzi wa Lara .

Address

SABC, Artillery Road, Auckland Park
Johannesburg

Website

Alerts

Be the first to know and let us send you an email when SABC Mafhungo posts news and promotions. Your email address will not be used for any other purpose, and you can unsubscribe at any time.

Shortcuts

Share

Category