SABC Mafhungo

27/11/2025

Maine vho-dokokotela Hlati vho fhira Fhano shangoni

27/11/2025

MAFHUNGO NGA 17 :30 KHA SABC2 NA LUNGAMANI MUFANDILANI

27/11/2025

https://omny.fm/shows/phalaphala-caff-current-affairs-sabcnews/ramabindu-ane-a-vha-muhwelelwa-kha-zwiito-zwavhutshinyi-vho-vusimuzi-cat-matlala-vha-ri-vho-nea-tshelede-nnzhi-vho-bheki-cele

U bvelaphanḓa na ḽeneḽi ri amba na muḓivhi wa zwa vhutshinyi ubva kha khethekanyo ya ngudo dza zwavhulamukanyi(Criminal Justice) University ya Venḓa Dr Vho-Azwihangwisi Mulaudzi.

27/11/2025

https://omny.fm/shows/phalaphala-caff-current-affairs-sabcnews/vha-yunivesithi-ya-africa-tshipembe-unisa-vho-swikisa-laiburari-thendeleki-khamphasini-yavho-ya-polokwane

Muvhigo nga Koketšo Motau na Nsuku Shiluvana, muyani u da na Ridokunda Tshindane.

27/11/2025

https://omny.fm/shows/phalaphala-caff-current-affairs-sabcnews/vha-madzangano-a-vhadzulapo-vho-ita-khumbelo-khothe-malugana-na-u-thivhelwa-ha-vhathu-u-wana-thuso-vhuongeloni-na-dzikiliniki-vunduni-la-gauteng

U sedza ḽeneḽi ri amba na Mudzulaphanḓa wa Treatment Action Campaign vunduni ḽa Gauteng Vho-Monwabisi Mbasa

26/11/2025

Vho-Sifiso Gwabini Zungu vho hanedza zwothe zwino khou ambiwa malugana na uri ho farelwa mutangano hostele yavho Vosloorus ranndani vhubvaduvha vunduni la Gauteng nga duvha le Senzo Meyiwa a vhulawa.
Uya nga thanzi ya ndeme ya mutshutshisi, Constable Sizwe Zungu, vhahumbulelwa vhothe vho tangana hostele ya Basotho phanda ha musi vhatshi humbulelwa uri vho ya vha vhulaha mupakuteni wa Bafana Bafana , nahone vha dovha vha tangana hone musi vha tshi fhedza.
Vho-Gwabini vhano khou tanziela khothe khulwane Pretoria , hune vhanna vhatanu vha khou senga bulayo la Meyiwa nga nwaha wa 2014, vha khou ima kha la uri Constable Zungu vho zwifha nga zwo iteaho ilo duvha.

26/11/2025

Huna ndado malugana na tshivhalo tsha vhagudiswa vho dzhiiwaho nga khani ubva tshikoloni tsha kereke ya Catholic vunduni la Niger kha la Nigeria vhege to fhelaho.
Vha muvhuso wa vundu vhari u swika zwino huna vhabebi vha fumi ina fhedzi vhano khou vhiga uri vhana vhavho vho ngalangala, naho tshivhalo tshi tshi nga di gonya sa vhunga vha minwe mita ya vhana vha tshi dzula vhuponi ha kule na tshikolo.
Mulangavundu vho-Umar Bago, vha khou hanedza tshivhalo tshino khou netshedzwa ubva tshikoloni nga uri vha khou vhala na vhana vho shavhelaho mahayani musi ho vhifha.

26/11/2025

Muhatuli khothe khulwane Gauteng vho-Portia Phahlane vho vhudza khothe ya vhutshinyi ha zwa makwevho Pretoria uri u farwa havho zwo tutuwedziwa nga tshigwada tsha vhathu vhano khou toda uvha tshinya dzina.
Vho humbela beili khathihi na murwa wavho Kagiso, na vhanwe vhathu vhavhili , vhane munwe wavho ndi vho-Michael Sandlana vhane vha vha murangaphanda wa kereke i divheaho.
Vha khou hweswa milandu ya zwiito zwa vhuada na u kuvhanganya lupfumo nga ndila dzi siho mulayoni.
Muhatuli vho-Phahlane na vhahumbulelwa ngavho vho farwa madekwe nga mapholisa vha Hawks.
Hu khou humbulelwa uri muhatuli vho-Phahlane vho putiswa nga muhumbulelwa muhulwane uri vha hatule vha tshi khou dzhia sia tsengoni ya mulandu wa muvhango wa vhurangaphanda ha kereke.

26/11/2025

Khumbelo ya uri hu vusuludzwe beili ya ramabindu wa vunduni la Limpopo o waniwaho mulandu wa u vhulaha, yo haniwa nga khothe khulwane ya Polokwane.
Muhatuli vho-Joseph Raulinga vho phumula beili ya rannda dza zwigidi zwa madana mavhili na mahumi matanu zwi tshi tevhela u wanala mulandu mulovha.
Vho-Rameez Patel vho thuntsha mufumakadzi wavho vha lovha nduni yavho vhuponi ha tsini na dorobo ha Nirvana, Polokwan, nga nwaha wa 2015.
Vho dovha vha waniwa na mulandu wa u wanala na tshigidi na gulu zwi siho mulayoni.
Vho-Patel vha khou do gwevhiwa nga la 17 na la 18 Nyendavhusiku.
Muhatuli vho-Raulinga vhari u bvelaphanda na u fha beili muthu o waniwaho mulandu ndi u thithisa tshanda tsha mulayo.

26/11/2025

Muhumbulelwa wa u lingedza u vhulaha na u dovha hafhu avha murangaphanda wa tshigwada tsha vhadzia vhutshinyi vho-Vusimuzi "Cat" Matlala a vhongo rumela tsh*tatamennde tsho sainiwa kha komiti ya phalamennde.
Vho-Matlala vha khou tanziela vha dzhele ya Kgosi Mampuru ,Pretoria.
Komiti i khou sedzulusa mavhari a u dzhenelela ha vhadzia vhutshinyi, zwiito zwa vhuada na u dzhenelela ha polotiki mapholisani na kha maitele a zwa vhulamukanyi.
Muhulwane wa zwa vhutanzi wa komiti ya phalamendde Advocate Arendse vhari tsh*tandamennde tshi songo sainiwaho a zwi thivheli muthu u bvelaphanda na u tanziela.

26/11/2025

Vha dzangano ḽa vhahaṱuli 'Judges Matter' vha khou itela khuwelelo muhaṱuli wa khothe khulwane ya Gauteng we a hweswa milandu ya zwiito zwa vhuaḓa uri a ḓirule mushumo na zwenezwo.

26/11/2025

Vha dzangano ḽa vhafariwa 'South African Prisoners' Organisation for Human Rights' vha khou ṱuṱuwedza mufariwa ane a khou humbulelwa milandu ya u vhulaha na u vhambadza zwidzidzivhadzi vho-Vusimuzi "Cat" Matlala uri vha shumisane zwavhuḓi na komiti ya phalamennde ine ya khou ṱoḓisisa zwiito zwa vhuaḓa na u dzhenelela ha polotiki kha tshumelo ya mapholisa na tshumelo ya zwa vhulamukanyi.