21/07/2026
Goeie dag Houtstokkers
Gun my die geleentheid om 'n paar minute van jou tyd op te neem oor iets wat my swaar op hart lê.
Houtstok FM is vir baie mense meer as net 'n radiostasie. Vir meer as 'n dekade is Houtstok FM deel van duisende mense se daaglikse lewe.
Soos menige ander gemeenskapsradiostasie ondervind ons ook uitdagings om te oorleef. Die pad is en was nie altyd maklik nie, maar een ding het nooit verander nie: ons passie om die Weskusgemeenskap te dien en 'n platform te bied vir Afrikaans as taal, plaaslike nuus en uitstekende musiek!
Houtstok FM is opreg dankbaar vir elke besigheid wat by ons adverteer. Julle ondersteuning maak dit moontlik dat ons elke dag kan uitsaai. Maar om 'n gemeenskapsradiostasie volhoubaar te bedryf, verg baie meer as net advertensie-inkomste en passie.
Miskien sit jy in jou voertuig, dalk is jy reeds op jou trekker op die plaas. Miskien drink jy ‘n koppie koffie, of dalk luister jy honderde kilometers van die Weskus af. Vir die afgelope agt jaar was Houtstok FM bevoorreg om 'n vertroude stem vir die Weskus te wees.
'n Stem wat saam met jou gelag het.
Saam met jou gehuil het.
Saam met jou gebid het.
Saam met jou fees gevier.
En waar baie van die Houtstok FM omroepers oor die jare amper deel van jou familie en lewens geword het, dan besef ‘n mens elke dag opnuut wat Houtstok FM vir verskillende mense beteken.
Vir sommige is Houtstok FM die eerste stem wat hulle soggens hoor of musiek oppad werk toe. Vir ander is dit geselskap in die trekker of bakkie of werk. Vir baie van ons senior burgers is Houtstok FM die enigste stem wat hulle deur die dag geselskap hou.
Ons kry gereeld WhatsApp-boodskappe, foto's en soms video's van boere wat besig is om te plant of te oes, met Houtstok FM wat in die agtergrond speel.
Houtstok FM is baie meer as net 'n radiostasie. Dit het deel van baie mense se lewens geword.
Maar ongelukkig is die harde realiteit om 'n gemeenskapsradiostasie suksesvol aan die gang te hou, word dit elke jaar moeiliker. Daar is stasies wat nie oorleef het nie!
Ons luisteraargetalle groei konstant, meer mense luister Houtstok FM vandag as ooit tevore, maar die finansiële werklikheid het beslis nie verander nie. Die koste om op die lug te bly styg elke jaar maar ongelukkig het die advertensie inkomste nie teen dieselfde tempo gegroei nie. En dit is die GROOT probleem.
Daarom wil ek vandag met jóú gesels oor ‘n netelige saak. Houtstok FM het jou hulp nodig!
Houtstok FM is jou stasie.... daarom kom ek vandag met vrymoedigheid na jou toe en vra om Houtstok FM in die 2026 Telethon te ondersteun!. Elke bydrae help!
Saam kan ons dit doen en Houtstok FM se voort bestaan verseker!
Houtstok FM is Jou Stasie - Ons Toekoms
Die Houtstok Span bedank jou byvoorbaat!
