Lusikisiki Iindaba

Lusikisiki Iindaba Lusikisiki iindaba
(1)

sizibophelele ekunikezeni iindaba ezichanekileyo, amagqabantshintshi afanelekileyo kunye nenkqubo engenabungozi ebantwaneni kwaye ayithethi intetho enentiyo okanye inkcazo yobundlobongela .

Akhala isililo esichukumisa iintliziyo Amanina aseMzantsi Afrika namhlanje nanjengoko ebulawa edlwengulwa ngabazenza a...
21/11/2025



Akhala isililo esichukumisa iintliziyo Amanina aseMzantsi Afrika namhlanje nanjengoko ebulawa edlwengulwa ngabazenza amadoda kodwa bombethe ufele lwegusha kuhle okwe Ngcuka.

Baphume ngobuninzi eLusikisiki namhlanje kumngcelele omemelela ukulwa komkhwa owenziwa ngamakhwenkwe amadala nasindwa ngamatyhalufa.

Ukanti namhlanje Amapolisa kunye namagosa ezendlela ayinxalenye yomngcelele obanjwe luninzi lwamanina eLusikisiki kunye noMzantsi Afrika uphela ngenjongo zokulwa umkhwa ukudlwengulwa kubulawe amanina. Uninzi lumemelela ukuba kubuye isigwebo sentambo kungenjalo abahlali bazothathela umthetho ezandleni zabo xa umthetho usilela ukudlala indima.

Luninzi lwabantu ekulindeleke lubambe umngcelele ojolise kwisikhululo samapolisa eLusikisiki kusasa ngomso nalapho bam...
20/11/2025



Luninzi lwabantu ekulindeleke lubambe umngcelele ojolise kwisikhululo samapolisa eLusikisiki kusasa ngomso nalapho bamemelela kubanjwe ngokukhawuleza abo okanye lowo ubandakanyeka ekubulaweni kuka Hlobokazi Vusiwe nabanye.

Uyabekwa kwikhaya lakhe lokugqibela ngomgqibelo kwilali yaseMbadango eFlagstaff uHlobokazi Vusiwe owadlwengulwa wabulawa kwidolophu yaseLusikisiki esendleleni eya emsebenzini.

Ukanti kusasa ngomso umhla ka 21 November uninzi lwamanina lukhatshwa ngamadoda lizakubamba umngcelele ojolise kwisikhululo samapolisa nalapho bamemelela ubulungiswa nokulwa ngokubugebengu kulendawo.

Umngcelele uqala (Engine Garage- Lusikisiki Police station)

Uninzi lwamadoda namhlanje lufunge lwamunca iintupha lisithi liyazinekela ekulweni ubugubengu obudlunge kumhlaba wamMp...
19/11/2025



Uninzi lwamadoda namhlanje lufunge lwamunca iintupha lisithi liyazinekela ekulweni ubugubengu obudlunge kumhlaba wamMpondo.

Amadoda ebebuzana umbuzo othi yintoni le inembatyo engaka eyenza indoda xa ibona iBhinqa ubone umntu wokulalwa abulawe?
Ingaba indoda kumele ithethe nabani xa inoxinzelelo lokutyelwa uMfazi nokondliswa ubantwana ekungengabo abayo?

Kodwa kwimibuzo yonke ebimana kuvela zikhona iinkokheli eziye zacebisa ngamasebe aququzelela isimo sengqondo yomntu nanjengoko kubonakala ukuba amanye amadoda enza ubugebengu ngenxa yoxinzelelo lwengqondo kunye nokunqongophala kwemisebenzi.

Amadoda aphinde aqinisekisa ukuba azakubabamba ngokwazo izigila mkhuba eziquqa eLusikisiki zibulala, zidlwengula amanina. Ukanti kwingxoxo kuphinde kwatyholwa uRhulumente nabezotshutshiso ngokusilela ukuqinisa umthetho kubenzi bobubi nanjengoko beqhube bathi umntu uyabanjwa ngamaPolisa kodwa aphinde akhululwe ngabatshutshisi ngelithi akukho ubufakazi kodwa into icacile.

Akhona ke amadoda athe umthetho azowuthathela kuwo ngoku xa uRhulumente erhuqa unyawo engabagwebi abephuli mthetho. Ukanti uninzi lumemelela ukuba abenzi bobubi mababulawe ingakumbi abo badlwengulileyo, nababuleleyo.

Ngamakhulukhulu wamadoda adibene kwi Kholeji yaseLusikisiki namhlanje nanjengoko kulindeleke angqungumshelane eze nesi...
19/11/2025



Ngamakhulukhulu wamadoda adibene kwi Kholeji yaseLusikisiki namhlanje nanjengoko kulindeleke angqungumshelane eze nesisombululo sokulwa umkhwa wokubulawa kwamanina nabantwana.

Yizani madoda yeyenu le nyewe.

Kulindeleke adibanise iintloko amadoda wodwa kwidolophu yaseLusikisiki ngomso.Kumenywa onke amadoda angqonge umhlaba w...
18/11/2025



Kulindeleke adibanise iintloko amadoda wodwa kwidolophu yaseLusikisiki ngomso.

Kumenywa onke amadoda angqonge umhlaba wamampondo nangaphandle adibane kwi Kholeji yaseLusikisiki kusasa ngomso ngenjongo zokuza nesisobumbululo sokulwa ukudlwengulwa nokubulawa kwamanina nabantwana.

Ukube uhleli nendoda endlini kusasa uze uyibuze umbuzo ukuba ihlaleleni endlini amadoda eseKholeji, okanye ingaba iyinxalenye yolwaphulo mthetho?

Imbizo yamadoda nekhokhelwe yinkonzo yesipolisa kunye nozokuba sisithethi sosuka uMnumzana Mlibo Qoboshiyane kulindeleke iqale ngomso ngentsimbi yeshumi, umhla ka 19-11-2025.

Xa uhleli nendoda yikrwece uthi mhlekazi tshona kubo ngomso uyokubasisisombululo.

Udlwengulwe waze wabulawa ngokungenalusini eLusikisiki uHlobokazi Vusiwe obesuka kwikhaya lakhe eFlagstaff ebuyela aph...
09/11/2025



Udlwengulwe waze wabulawa ngokungenalusini eLusikisiki uHlobokazi Vusiwe obesuka kwikhaya lakhe eFlagstaff ebuyela apho aphangela khona eLusikisiki.

Amapolisa kwi dolophu yaseLusikisiki afumane umzimba ka Hlobokazi Vusiwe unezinxenxe zokukhanywa nokunkwitshwa intamo kugcwele "Condoms" esezisebenzile ecaleni komzimba wakhe kude kufuphi ne dolophu yaseLusikisiki. Ikhaya la Vusiwe limngqine u Hlobokazi njengomntwana obengahambi izinto zeziyolo kwanye akazange wahamba into engaziwayo likhaya, ebengumntwana ohamba icawe kuphela.

Ukanti usapho lumemelela ubulungiswa obukhawulezayo malunga nesisehlo lisithi ukuba umthetho uzimisele ungasebenzisa Condoms kuphando oluquka iDNA. Lucela nabahlali kunye noMzantsi Afrika uphela uncedisane nomthetho ukuze bafumaneke ngokukhawuleza abenzi bobubi.

Amanina aseMzantsi Afrika asebenzisa umbala (Purple) namhlanje ukubhengeza intlekele ngakubudlobongela obusekelwe kwes...
08/11/2025



Amanina aseMzantsi Afrika asebenzisa umbala (Purple) namhlanje ukubhengeza intlekele ngakubudlobongela obusekelwe kwesini "Gender Based Violence".

Adikwe aphelile Amanina aseMzantsi Afrika kukubulawa mihla nezolo , kunye nokonyuka kobugebengu eMzantsi Afrika. Ukanti bathi ngoku mazikhale kudala benyamezele umthetho etotosana nabenzi bobubi nto leyo eyenza zonyukele iziganeko.

Uninzi lumemelela isigwebo sentambo ngokukhawuleza.

Ixhegwaza lakwa Mnintshi kwilali yakuKhanyayo eLusikisiki lishiyeke licela indawo yokuhlala kunye nabantwana abalishum...
05/11/2025



Ixhegwaza lakwa Mnintshi kwilali yakuKhanyayo eLusikisiki lishiyeke licela indawo yokuhlala kunye nabantwana abalishumi elinesibini emva kokutsha kuphele indlu ekukuphela kwayo abahlala kuyo.

Kutshe yonke into engaphakathi kuquka namapasi. Unobangela womlilo kutyholwa umbane okanye isigubhu sombane.

UMntwan'omgquba uphenduke uNakaGqaphu kwikhaya lakwa Mbhem eMalangeni namhlanje sithetha nje ubizwa ngo Dadobawo. Zing...
31/10/2025



UMntwan'omgquba uphenduke uNakaGqaphu kwikhaya lakwa Mbhem eMalangeni namhlanje sithetha nje ubizwa ngo Dadobawo.

Zingena ngokungena izipho kwa Mbhem ezisuka kosaziwayo bephondo nanjengoko bechukunyiswe ngumxholo ka Yonela Mbhem apho aveza ikhaya lakhe. Ukanti uninzi lwabantu abagaleleka ngokugaleleka basuka kwezinye iidolophu ezikude nezingqonge iLusikisiki.

Ngoku sele kuhlanganiswe imali engapha kuka R70 000.00 ngu Mandisi Ntshingana nabalandeli bakhe ingakumbi abephondo ngeenjongo zokuxhasa ikhaya.

30/10/2025



Baphathise iJaji ngentloko abantwana bamabanga aphantsi ngobuchule bokupela amagama kukhuphiswano belubanjwe yiKampani eyosa inyama eLusikisiki.

Varsity Butchery and Braai ebalasele ngokosa inyama nokugqwesa kwezolonwabo kwi dolophu yaseLusikisiki ibibambe ukhuphiswano lokupela amagama kwi Holo laseQaukeni eLusikisiki nalapho kuye kwawongwa khona abantwana ngeembasa kunye neeTrofi.

Bukela ngezantsi.

Ufike wahlala waphola kwelokucinga uBetusile Mcinga esamkelwa kwikhaya lakwa Mbhem eMalangeni.Imvumi yezokholo esondel...
29/10/2025



Ufike wahlala waphola kwelokucinga uBetusile Mcinga esamkelwa kwikhaya lakwa Mbhem eMalangeni.

Imvumi yezokholo esondeleyo kubalandeli bayo uBetusile Mcinga wamkelwe ngobubele lusapho lakwaMbhem nanjengoko elindwendwele namhlanje, sithetha nje banga bavuma ingoma ethi "Abanye abayiqondi yiyo enamandla"

Asinabungozi isifo somdlavuza wamabele ingakumbi kwabo basamkelayo utsho u Lumka Voko Boya engqinelwa luninzi lwabo ab...
29/10/2025



Asinabungozi isifo somdlavuza wamabele ingakumbi kwabo basamkelayo utsho u Lumka Voko Boya engqinelwa luninzi lwabo abaphila ngomdlavuza mabele (Breast Cancer).

Ngamawaka waka wamanina kwi dolophu yaseMthatha aye abamba umngcelele wokubuyisa ithemba nokuphelisa ixhala kwabo bebecinga uMdlavuza wamabele uyabulala.

Umsitho kunye nomngcelele wokwazisa uluntu ngesifo somdlavuza eMthatha, phantsi kwenkxaso yeKing Sabatha Dalindyebo Municipality. Lo msitho ubulungelelaniswe nguNksz. Lumka Voko Boya, ongumxhasi omkhulu wezempilo nophuhliso lwabafazi.

Injongo ephambili yomcimbi ibikukuphakamisa ulwazi malunga nendlela yokufumanisa, ukulawula, nokuphila nesi sifo, kunye nokukhuthaza abafazi ukuba bazihlolisise rhoqo ukuze bafumane unyango kwangethuba. Abathathi-nxaxheba bebesuka kwiindawo ezahlukeneyo zaseMthatha, bexhaswa ngamaqumrhu oluntu, iinkonzo zempilo, kwakunye nemibutho yabafazi.

Kweli nkomfa, izithethi ezahlukeneyo zithe zakhankanya ukubaluleka kolwazi, ukhathalelo, kunye nenkxaso phakathi koluntu. UNksz. Lumka Voko Boya uthe lo msitho awujoliswanga nje kuphela kubafazi abaphethwe sisifo somdlavuza, kodwa nakubantu bonke abadinga ulwazi lokukhusela impilo yabo.

"Umhlabo ayisosigulo sabafazi kuphela — sisigulo soluntu. Kufuneka sonke sibandakanyeke ekulweni nawo," utshilo uNksz. Boya.

Lo msitho uqulathe nemidlalo emincinci, inkonzo yemithandazo, kunye nokuhanjiswa kweemfuno zokhathalelo lwempilo kubantu abahluphekileyo.

Esi sisenzo esibonisa ukuzinikela kunye nentsebenziswano phakathi koluntu, urhulumente, kunye nabaxhasi bezempilo ngenjongo enye.

Address

Lusikisiki
4820

Telephone

+27607219244

Website

Alerts

Be the first to know and let us send you an email when Lusikisiki Iindaba posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lusikisiki Iindaba:

Shortcuts

Share

Category