Don Formidable

24/07/2025

Tuve muvyo maze Umukama atwongorere .

24/07/2025

IJAMBO RY'IMANA

🗓️ ku wa 25 Mukakaro, umweranda Yakobo, umutumwa

Umusi mukuru

📖 IGISOMWA CA MBERE

📜 Ivyo dusoma mw’Ikete rya kabiri Umutumwa Pawulo yandikiye Abanyakorenti (4, 7-15)

Ncuti zanje, iryo tunga ry’umuco w’Imana turishinguye muri twebwe nko mu nzavya z’ibumba, kugira ngo babone neza yuko ubwo bubasha bw’agatangaza butava kuri twebwe, ariko ko ari ubw’Imana. Amagorwa yose yatuguyeko, ariko ntaradusenyura; tubuze ico dufata n’ico tureka, ariko ntiturihebura; baraduhama, ariko ntituri akahebwe; baradukubita hasi, ariko ntitugirira. Aho turi hose, twamana na ntaryo mu mubiri wacu amagorwa y’urwishe Kristu, kugira ngo ubu*ima bwa Yezu na bwo nyene bwibonekeze mu mubiri wacu.

Na none, twebwe turi bazima, twirirwa turacirirwa urupfu duhorwa Yezu, kugira ngo ubu*ima bwa Yezu na bwo nyene bwibonekeze mu mubiri wacu wagenewe gupfa. Ni uko rero, urupfu rurakora muri twebwe, ubu*ima na bwo bugakora muri mwebwe. Mu Bitabu vyeranda handitswe ngo: «Naremeye, ni co gituma navuze.» Natwe nyene dusangiye uwo mutima wo kwemera ni na co kidutuma kuvuga.

Turazi neza yuko uwazuye Umukama Yezu, ari we azotuzura natwe, kumwe na Yezu, kandi azotuvyagiza iruhande yiwe, turi kumwe namwe. Erega, ivyo tugira vyose, ni mwebwe tubigirira, kugira ngo ingabirano zisesekare; nimwagwira, umutima w’ugukenguruka no kuninahaza Imana uzoba uremye.

📖 IZABURI

📜 IZABURI 125 (126) 1-2ab, 2cd-3, 4-5, 6

_🎼 Icit. Ababivyi, mw’ibiba babiba barira, mw’igesa bakagesa bishongora.

Igihe Umukama yabohora imbohe za Siyoni, twari tumeze nk’abari mu ndoto; ni ho akamwemwe kenda kutwica, imvyino zikasana.

Ni ho abapagani bavuga bati: «Ivyo Umukama yabagiriye ni agatangaza!» Ivyo Umukama yatugiriye ni agatangaza, eka natwe twari mu kanyamuneza.

Bohora se Mukama, imbohe zawe, u*izane nk’imigende kw’isi ikamutse. Ababivyi mw’ibiba babiba barira, mw’igesa bakagesa bishongora.

Bagenda bararira, bajanye imbuto z’ukubiba, maze bagarukanye imikama y’ivyimburo, bakaza barisiga.

📖 INKURU NZIZA

🎼 Aleluya, aleluya

📖 Umukama yavuze ati: «Ni je nabatoye, nabashinze kugenda ngo mwame icamwa, kandi icamwa gihoraho.»

_🎼Aleluya

📖 Ivyo dusoma mu Nkuru nziza ya Yezu Kristu nk’uko yashikirijwe na Matayo (20, 20-28)

Nyina wa Yakobo na Yohani, bene Zebede, aregera Yezu aherekejwe n’abahungu biwe, aramupfukamira amusaba ijambo. Yezu ati: «Ushaka iki?» Nya mugore ati: «Tegeka ko aba bahungu banje ubona bokwicara umwe iburyo bwawe, uwundi ibubamfu mu Bwami bwawe.» Yezu na we arishura ati: «Ntimutegera ico musavye. Mwoshobora kunywa igikombe nzonywa?» Bati: «Turabishobora.» Na we ati: «Ivyo ni ivy’ukuri, igikombe canje muzokinywa. Na vyo ivy’ukwicara iburyo n’ibubamfu bwanje, sije ndabitanga, vyagenewe abo Data yabiteguriye.»

Bagenzi babo icumi bavyumvise, bagirira umwikomo izo mvukane zibiri. Yezu na we arabakura arababarira ati: «Murazi ko mu makungu abatwara ibihugu bigenza bakabiserura ko ari abakuru, abakuru na bo badahisha ubukuru bwabo. Mwebwe mweho, ntimuze mubigenze gutyo, uwushaka kuba mukuru muri mwebwe, araba ari we ababera umusuku, na we uwushaka guhabwa ikibanza c’imbere abwirizwa kwigira umushumba. Umwana w’umuntu na we nyene ntiyaje gukorerwa, yaje gukora n’ukwitanga ngo acungure benshi.»

24/07/2025

Abakongomani bariko bavuga bati ng'iyo ubukwe bwihuse kuba .

24/07/2025

bamuhe amashurwe yiwe kuko avuze ukuri .

24/07/2025

23/07/2025

Dawe se Rukundo

23/07/2025

IJAMBO RY’IMANA

🗓️ indwi ya 16 yo mu gihe gisanzwe co mu mwaka, ku wa kane, années impaires

📖IGISOMWA CA MBERE

📜Ivyo dusoma mu gitabu c’Ihunguka (19, 1-2.9-11. 16-20b)

Kuri uyo musi, mu kwezi kugira gatatu kuva aho baviriye mu Misiri, abana b’Israyeli barashika mu gahinga ka Sinayi. Bavuye i Refidimu, baca insago zabo muri ako gahinga, imbere y’uwo musozi. Umukama abarira Musa ati: «Ndi mu kuza iyo uri, ndi mu gicu c’umupfungane, kugira ngo abantu banyumve ndiko ndakuyagira, baheze bakwemere ubudasiba. Genda iyo abantu bari, ubabwire bityorore uyu musi n’ejo, bamesure impuzu zabo. Bazobe biteguye ku musi ugira gatatu, kuko ariho Umukama azomanuka kuri uyu musozi wa Sinayi imbere y’ishengero ryose.» Bukeye ku musi ugira gatatu, haza igicu kininiya gitwikira umusozi, inkuba zirasana, imiravyo irenyeza, inzamba zija mu kuyaga. Abantu bose baca baratetemera aho bari mu nsago zabo. Musa aca akura abantu mu nsago, abajana gusanganira Imana. Baraheza bahagarara hepfo y’umusozi. Umusozi wa Sinayi wari ukikijwe n’umwotsi mwinshi, kuko Umukama yari yururukanye n’umuriro. Umwotsi waduga nk’uwuvuye mw’itanure, kandi umusozi wose waranyiganyiga. Inzamba rero zirayaga. Musa yaravuga, Imana na yo mu kumwishura igakoresha imituragaro. Umukama araheza amanuka ku musozi wa Sinayi, aca abwiriza Musa gusubira ku musozi. Musa na we aca araduga kumusanganira.

📖 IZABURI

🎼IZABURI: Daniyeli 3, 52, 53, 54, 55, 56

Icit. Uragahezagirwa kandi uragashemezwa imyaka yose!

Uragahezagirwa, Mukama, Mana y’abasokuru,
Icit. Uragahezagirwa kandi uragashemezwa imyaka yose!

Izina ryawe rininahaye kandi ryeranda nirihezagirwe,
Icit. Uragahezagirwa kandi uragashemezwa imyaka yose!

Uragahezagirwa mu ngoro nyeranda y’ubuninahazwa bwawe,
Icit. Uragahezagirwa kandi uragashemezwa imyaka yose!

Uragahezagirwa ku ntebe y’ubwami bwawe,
Icit. Uragahezagirwa kandi uragashemezwa imyaka yose!

Uragahezagirwa, wewe u*i imanga,
Icit. Uragahezagirwa kandi uragashemezwa imyaka yose!

Wewe uhangamye hejuru y’abamarayika,
Icit. Uragahezagirwa kandi uragashemezwa imyaka yose!

Uragahezagirwa mu kirere co mw’ijuru,
Icit. Uragahezagirwa kandi uragashemezwa imyaka yose!

📖INKURU NZIZA

🎼Aleluya, aleluya

📖 Uragahezagirwa, Mana Data, Mukama w’ijuru n’isi, kuko wamenyesheje abatobato ibitangaza vy’Ubwami bwawe.

🎼Aleluya

📖 Ivyo dusoma mu Nkuru nziza ya Yezu Kristu nk’uko yashikirijwe na Matayo (13, 10-17)

Abatumwa begereye Yezu, baramubaza bati: «Mbe igituma usigura mu migani ni iki?» Arabasubiza ati: «Mweho mwarahawe kumenya amabanga y’Ubwami bw’ijuru, yamara bo iryo teka ntibaritewe. Uwuri n’ico afise bazonwongerereza atunge, na we umuntu ata co afise bazomwaka n’utwo yahorana. Ni co gituma ndabigisha mu migani, kuko bakanura ntibabone, bakumva ntibategere. Ijambo umuhanu*i Izaya yavuze ryabaguyeko, ngo: Muzokwumva n’amatwi yanyu ariko ntimuzotegera, muzorabisha amaso yanyu ariko nta co muzobona; kuko umutima w’ico gihugu watumye amatwi yabo na yo aba amabuye; kandi barahumirije ngo ntibaboneshe amaso yabo, ntibumvishe amatwi yabo, ntibategere mu mu*irikanyi wabo, ntibahinduke ngo ndabakize. Amaso yanyu arahiriwe kuko abona, n’amatwi yanyu kuko yumva. Kuko ni ukuri ndabibabariye, abahanu*i n’abantu b’intungane benshi baripfuje kubona ico mubona ariko ntibakibonye, kwumva ico mwumva ariko ntibacumvise.»

23/07/2025

Raba ingene Umubikira w'AbahangaMana bene Dominiko aho yariko aragira indagano zaburundu yiyegurira Imana icese nimuri Gashikanwa Diyoseze Ngozi haraciye Imyaka 2 bibaye .

23/07/2025

Abantu nkaba muri iyariyoyose ntibashobora kubura

23/07/2025

Sabwe Ndaje , iyivideo haraheze imyaka 4 ndayifashe hari mumubano w'abapatiri b'inyigisho Rukristu hariya mukinindo aho hariko harabera z'abamwe mubari muri uwomuryango .

22/07/2025

Sabwe ndaje , Soeurs St Margeurite Achdiocese Bujumbura

22/07/2025

Abantu bariko Pasteur marcello Tunasi ntihari bwagere kwazana uwundi mugore babana ahejeje kubaha inyishu , ati Mwebwe mushaka kwibana muzosaza ukwonyene kandi muzosazira mukwisambanya .

UMVIRIZE INYISHU AHEJEJE