Umsinga FM

06/06/2026

Zizobulalana ngengura nelomnqakiswanoka-Ward 15.

05/06/2026

U Msinga Municipality ngokubambisana nabakwa Assupol bazobambisana ekuqwashiseni ngokuvikelwa kwabantwana.
Usuku: 10/06/2026
Indawo: Nhlalakahke Hall, Ward 7
Isikhathi: 9:30

Kuyoqalwa KwaTebha kuhanjwe ngezinyawo kuyiwe eHholo Enhlalakahle. Ubekhona nawe ukuze ungeyuzwa ngendaba.

05/06/2026

UNgizwe Mchunu Ejele

Njengoba asho uMax Makhanya, inkantolo isikhiphe incwadi yokubopha uNgizwe Mchunu ngecala lokwedelela inkantolo. Lokhu kuza emuva kokuba knkantolo yathi akehlukane negama lomholi we EFF u- Julius Malema. UMacingwane uwushaye indiva lomyalelo waqhubeka. Lokhu kuholele ekutheni inkantolo ithi azimkhalele.

Please watch the full video on YouTube. Link👇 https://youtu.be/IC_9W2ZeTWs?si=QRodDOgunV-VWxok

05/06/2026

Umhlangano We-IFP Ward 5

OnguSihlalo waka-ward 05 ngaphansi kweqembu Inkatha Freedom Party uMnu. Mkhetheni Zuma umema umphakathi emhlanganweni weqembu ozoba ngo 08 ekuseni mhla ziyi 7 June 2026

"Ngiyagqugquzela ukuba abekhona namavolontiya ukuze sizokhuluma nabantu baleliqembu" kuchaza yena uMnu Zuma.

Uqhube wathi inhloso yalomhlangano ukukhuluma ngamavolontiya, ama- Party Agent kanye nokugqugquzela umphakathi ngeqembu Inkatha Freedom Party sibazise ngesikuthunywe uMnu Hlabisa njengoba kusondela ukhetho.

Uthe uyafisa ukugcizelela ukuthi abantu babekhona futhi bakhumbule ukuthi kuleli-ward ababizi umhlangano ngenxa yokusondela kokhuletho kepha bahlala behlale behlangane.

"Okunye esizobe sikugqugquzela 000s3ukuba abantu baphume bayobheka ukuthi kusabhaliseke kahle yini mhlaka 20-21 June 2026" eqhubeka echaza.

Esephetha uthe uyacela ukuba kugqokwe umfaniswano weqembu.

Indawo eMahlabathini
Isikhathi 08 ekuseni
Usuku mhlaka 07 June 2026.

Isimemezelo siphuma kuSihlalo umnu Mkhetheni Zuma

05/06/2026

UMLILO KUBANTWANA #

Manje sekuyisikhathi samakhaza lapho sonke sifisa ukuzifumeza ngenxa yamakhaza.

Abantwana abancane kakhulu bavamile ukuba izisulu zokusha kungaba ukushiswa amanzi abilayo, amafutha ashisayo,isitofu,i-ayini, umlilo kanye nokunye okuningi okushisayo.

Asiqikeleleni kakhulu ukuthi konke lokhu akubi sendaweni abakwazi ukufinyelela kuyona ngokushesha ikakhulukazi labo abasakhasa,abasafunda ukuhamba besebenzisa izinqola zojubalekelela ukuhamba endlini,abasengaphansi kweminyaka emibili bayathanda ukuthinta yonke into asibanakekeleni kakhulu.

Asenze isiqiniseko sokubafaka okufudumele nalabo abafundayo asibagqokiseni okufudumele bonke sibaxwayise noma sibafundise ngobungozi bomlilo.

Uma sekwenzekile washa umntwana asimphuthumiseni emitholampilo eseduze nathi asheshe athole usizo oluphuthumayo.

UMsinga FM

04/06/2026

IBENKULU INJABULO KOMAKA ENZO NAMHLANJE KUWUSUKU LWABO OLUKHULU

Omama abaphuma ngaphansi kweqembu Umkhonto Wesizwe Party beholwa uMaMbatha Khanyile benzele abesimame abahola isibonelelo sabntwana usuku oluhle njendlela eyisimanga emvakokuba bebenzele itiye elisezingeni eliphezulu endaweni yase-Solomon Linda ngakwa-Taxi.

Kanti-ke akugcinanga ngetiye nje kuphela kepha kube sekubakhona abagcwalisa amaphepha okuthola amakhadi obulunga leqembu i-MK Party.

Amalungu agcwalise amafimu okujoyina i-MK abe ngu 56 ngokokubika kwayo i-MK. UMaMbatha Khanyile uthe "Sibone kufanele ukuthi senzele amalungu omphakathi itiye. Imigqa mide manje kubanzima ukuma isikhathi eside ungadlile. Yikho nje siqhamuke nalelisu lokuthiba umphangazane."

Uqhube wathi "Sijabule kakhulu ukusayinisa amalungu amasha amaningi kangaka"
Kubika uMsasazelwa

04/06/2026

Umsinga FM Usolwa Ngokubhebhezela Udlame

NgoLwesibili 02/06/2026 uMnikeni Mntungwa ongumphathi nomsunguli uthole ucingo oluvela kudadewabo osebenzela inkampani ehlanza isibhedlela saseMsinga i-Church of Scotland embuza ngokusabalala kwe-video ekuthiwe ihlaza induna yalenkampani i-Qinisolakhe Enterprise emusola ngokuphatha ngesandla sensimbi.

Uye wakuphika-ke lokho ngoba ayaziwa leyondaba emsakazweni. NgoLwesine 4/06/2026 kuphinde kwaqhamuka omunye futhi ekhuluma lendaba. UMnikeni umcele i-link wayothumela. Okutholakele kube wukuthi leyo akhawunti ka-TikTok inomnikazi wayo esingamazi kodwa uMsinga FM uwuthegile kwase kwabukeka sengathi yiwona ophostile mawubheka ugijima.

Le-video ibangele ukuthi kufike idlanzana labantu esibhedlela lizohlasela uMazwane. Kuthiwa kube wububhezebheze kwaze kwabizwa amaphoyisa. Ngokokusho kwengede yethu amaphoyisa ayaphenya kumanje.

"Umsinga FM uyaziqhelelanisa nalendaba. Uma kukhona obika inkinga siyaye siyihlanganise ngendlela yethu. Okunye asibe sisakuveza nokukuveza emphakathini. Sesabuyisela inqwaba yezingane wzazixoshwe ezikoleni ngezizathu eziningi ngaphandle kokubikela umphakathi kodwa siyaye sizxoxe nomfundi nothisha nomzali kuphelele lapho" kuphetha uMfo kaMabaso uMnikeni.

04/06/2026

UMnyango Wezezisebenzi Uzohlasela KwaZulu Natala

UMnyango Wezezisebenzi uzogasela izindawo zokusebenzela ngenhloso yokuvundulula abakulelizwe ngokungemthetho kanye nokubhrka ukuthi imithetho iyalandelwa na ngabaqashi.

Lomkhankaso uzoholwa ngamasekela ongqongqoshe abalandelayo; Mnu. Jomo Sibiya (Employment and Labor), Mnu. Njabulo Nzuza (Home Affairs) no-Dr. Polly Boshielo (Police).

Lokhu kuzokwenzeka mhla zizine ku-Juni 2026.

04/06/2026

Siyabonga, sesimtholile umuntu ebesimfuna. Sizomethula Maduze. Sibonga kubo bonke abazamile.

Vacancy (Volunteer)

Umsinga FM is looking for a volunteer journalist to be based in Tugela Ferry.

Requirements
● High School or above
● Able to read and write IsiZulu
● Age: Under 35
● Willing to learn
● Passionate about local news (Msinga and
UMzinyathi)
● Willing to work flexible hours.

Personality
● Ability to work independently and in a team.
● Not short tempered.

Interested persons should send a short video reading or presenting news or conducting an interview with an address to [email protected] or WhatsApp to
076 071 8190. Ungabingeleli thumela kuphela nje qha.

Those studying journalism, communication or related fields are welcome to apply.

If you stay or live outside Msinga your chances could be minimal.

UMsinga FM

03/06/2026

Ithuba lokuzenzela imali kalulu

Isikhangiso sikhokhelwe abanikazi baso abasesithombeni akusona esomsakazo Umsinga FM.