Izindaba zezwe RSA

13/06/2025

Bathole ibheyili abasolwa ngokuntshontsha imali yakwa-Sassa engu-R260 million

12th June 2025
Abasolwa abayishumi abasolwa ngokuqola u-Sassa u-R260 million bathole ibheyili ephakathi kuka-R10 000 no-R30 000 umuntu ngamunye.

Abasebenzi abayisikhombisa bakwa-Sassa kusolwa ukuthi benza amaphrofayili omgunyathi ukuze bantshontshe imali ehloselwe abantu abampofu.

Bathole ibheyili ephakathi kuka-R10 000 no-R30 000 abasolwa ngokweba u-R260 million eNkantolo yeMantshi yase-Lensia ngoLwesine.

Umsolwa wokuqala nowesibili bathole ibheyili ka-R10 000 kwathi umsolwa wesine u-Ebenezer Telahyn wase-Ethiopia wanqatshelwa ibheyili kanti usazogqunywa esitokisini samaphoyisa.

Leli qembu kusolwa ukuthi lasebenzisa amakhadi omgunyathi ukuze likhiphe imali yabantu abampofu.

Babhekene namacala okukhwabanisa, ubugebengu be-cybercrime and fraud.

Abasolwa abayisikhombisa abasebenza kule nhlangano kusolwa ukuthi benza amaphrofayili omgunyathi.

Umbuso uthi kusolakala ukuthi u-R4 million wafakwa kuma-akhawunti omgunyathi kanti amaphrofayili asetshenziswa ukukhipha izizumbulu zemali ezindaweni okuholelwa kuzo abakwa-Sassa.

13/06/2025

Kuthiwa bekundiza inhlamba njengasetshwaleni phakathi kobenguMqondisi wesiFundazwe nomholi weNtsha ye-IFP kubangwa uxhaso luka-R100 million

12th June 2025
Sekuvele ukuthi umsuka wempi phakathi kobenguMqondisi wesiFundazwe nomholi weNtsha ye-IFP oyisikhulu ehhovisini likaNdunankulu uMnuz Thami Ntuli kubangwe izinkampani okumele zihlomule kule mali engu-R100 million yokuxhasa izinkampani eziphethwe yintsha eKZN.

Kuthiwa impi iqale emhlanganweni obushubile ehhovisi eliseMgungundlovu lapho uDkt Nonhlanhla Mkhize noMnuz Melusi Ndima ophethe uphiko lwentsha kuleli hhovisi likaNdunankulu bebesho ukubambana ngezandla.

Abebeyingxenye yalo mhlangano kuthiwa abafisi lutho ngenxa yenhlamba obekubizwana ngisho phansi kweziketi besho ukungqimuzana ngesibhakela.

“Ubungafunga ukuthi kusetshwaleni kuhlangene abantu benkamba abanodlame ngendlela obekuyiyo.

Okubangwayo lapha ukuthi uNdima ufike nezinkampani ebezifake izicelo kodwa uDkt Mkhize wakhononda ngokuthi azihlangabezani nemigomo ebekiwe, wazibuyisela emuva. Yilaphoke uNdima edinwe wathelwa ngamanzi ngoba ekhala ngokuthi UNdunankulu kufanele adlulisele lolu xhaso ngoMsombuluko emcimbini wokukhumbula intsha eyabulawa ngonyaka ka-1976 eSoweto ngomhlaka-16 ngoNhlangulana. Kodwa kutholakale ukuthi njengoba kubangwa izinkampani uDkt Mkhize naye akafuni ukusayina ukuze lolu xhaso luphume,” kusho umthombo.

Le mpi kuthiwa iphoqe uDkt Mkhize ukuba esule isigubhukane esihlalweni abesesibambe isikhathi eside .
Kuthe angasula kuleli sonto kwalandela izitatimende ezithi makaphenywe ngenkohlakalo ebiyenzeka kuleli hhovisi kusuka ngonyaka ka-2020.

Phakathi kwezinye izinto osekuthiwa akaphenywe ngazo kubalwa nokubuyiswa kowayeyiNhloko yeziMali uMnuz Ziphathe Cibane ngemuva kokuboshelwa icala le nkohlakalo yemali ebalelwa ku-R23 million yethenda yokuphekela umhlangano owawuseMtubatuba.

Lesi simo esenzeka ehhovisi likaNdunankulu sicasule uSihlalo weKomiti Le hhovisi likaNdunankulu nezokuPhepha uNksz Mbali Frazer .
Uthe ufuna UNdunankulu uNtuli azochaza ngokwenzakalayo njengoba ebalisa ngokuthi okwenzeke kuDkt Mkhize kungukuhlukunyezwa kwabantu besifazane.

Join our WhatsApp Channel

12/06/2025

11th June 2025
Kukhalwa ngomunye wabaholi abaqavile kuHulumeni waKwaZulu-Natal okuthiwa uyisoka lamanyala nosekwenze kwabeka abanye ozakwabo engcupheni ngenxa yokusebenzisa budedengu indawo yabo yokuhlala.

Kuthiwa lo mholi usephendule indawo yokuhlala oNgqongqoshe noNdunankulu igigi lezintombi ngendlela azishintsha ngayo.

Imithombo ihlebele iScrolla.Africa ukuthi sekukhala ngisho amaphoyisa agada kule ndawo eseMgungundlovu.
“Amaphoyisa agcine esebiza umhlangano ekhalaza ngokuthi lo mhlonishwa ukuziphatha kwakhe kwenza umsebenzi wawo wokubagcina bephephile unzima ngoba izintombo zakhe zifika zishintshana usuku nosuku. Okukhalise amaphoyisa ukuthi lokhu kubeka engozini izimpilo zabanye osopolitiki ngenxa yokuthi nezinkabi sezingavele zingene kalula bese zibulala lowo mholi ezimufunayo kalula,” kuchaza umthombo.

Kuthiwa izintombi zalo mholi zifika njalo ebusuku ngokwehlukana kanti abanye ozakwabo besifazane kuhulumeni kuthiwa bahlale bebabaza bekhuza umhlola.

Kuthiwa baze bakhale ngokuthi ukuziphatha kwalo mholi igama lakhe iScrolla.Africa esinalo kudicilela phansi imizamo kaHulumeni yokuvikela abesifazane ekuxhashazweni abesilisa.

11/06/2025

11 2025 12:25:19 PM

UKHULUME wajula umholi webandla lamaNazaretha iNkosi uMduduzi “Nyazilwezulu” Shembe, ohola uhlangothi lwaseBuhleni, echaza okungaphakathi enhliziyweni yakhe ngezinsolo ezibucayi abeyanyaniswa nazo.

NgoMgqibelo amaNazaretha, aseBuhleni abehambise inkonzo yeSabatha esigodlweni eLudzidzini, kwaLobamba, Phakathi kwedolobha iManzini neMbabane, eSwazini.

Bekulindelekile ukuphawula koNyazi neNgonyama Mswati III maqondana nenkinga ekhona kuleliya lizwe.

UNyazilwezulu luphawule okokuqala ngezinsolo zokuthi luyathinteka enkingeni ehlasele izakhamizi zaseSwazini. Kulezi zinsuku indawo yaKwaNgwane ihlaselwe yinkinga yokuthunjwa kwezingane, ezinye zazo zitholakala zibulewe, izidumbu zao zinezimpawu zokucwiywa.

Kunabathile eSwazini, ikakhulukazi abasebenzisa izinkundla zokuxhumana, abebethi uNyazi neNgonyama uMakhosetive “Mswati III” Dlamini banolwazi ngokuthunjwa kwezisulu. Iningi lazo kuthiwa zibanjwa uma ziya noma sezibuya ezikoleni.

10/06/2023

BADLE phansi sebebona amaphoyisa abezobabopha abathumbi bosana olunezinyanga ezine ezimayini zaseRoodepoort, eGoli.

Okhulumela amaphoyisa kazwelonke, uBrigadier Athlenda Mathe uthe ithimba lamaphoyisa elilwa nokuthunjwa kwabantu lithungathe futhi lathola ingane engakapheli amahora angu-24.

Udalule ukuthi ingane ithunjwe ngoLwesibili ntambama ngaphandle komuzi wakubo oseDobsonville, eSoweto.

“Emuva kokubikwa kwengane ukuthi ithunjiwe, kuhlanganiswe ithimba ngokushesha ukuze liqinisekise ukuthi ingane itholakala ingenamyocu, iphephile futhi kuboshwa abathumbi bayo,” kusho uBrig Mathe.

UBrig Mathe uthe amaphoyisa athole ingane endaweni eyizimayini eRoodepoort emuva kuka-11 ebusuku ngosuku ethunjwe ngalo.

Uqhube wathi ingane iyiswe esikhungweni sezempilo yayohlolwa ukuthi iphile saka yabe isihlanganiswa nabazali bayo.

25/03/2023

BAHLALI NIYAMAZI DR Ngunez lensizwa ijwayele ukuthi ifake amavidio ezizumbulu eheha ngazo abantu ukuthi iyasiz kanti yey izokulutha usale uxakekile so sengithi anginexwayise kakhulu .sekufike ama complain la kithi abantu bekhala so nawe ungabi isisulu sabakhalayo

04/12/2022

29/11/2022

November 29, 2022

INTOKAZI yaseMlaza iqophe umlando ngokuphula irekhodi lomhlaba le-Guinness ngokudla amanqina enkukhu amaningi ngomzuzu owodwa.

UVuyolwethu Simanile udle u-121g (4.26oz) wamanqina enkukhu ngemizuzwana engu-60.

Kuthiwa inani ebelidingeka wu-110g (3.8oz) ukuze ubhekelelwe kuleli rekhodi.

UVuyolwethu ungowokuqala ukuthola lesi sicoco, kanti konke lokhu kuqoshwe ohlelweni iStumbo Record Breakers, edlala kwi-e-tv.

Yena nabanye abantu abane bebeqhudelana eMashamplanes Lounge.

27/11/2022

UYATHUTHUMELA futhi ufuna izimpendulo umzali womfundi oshone esesikoleni, kwatholwa isidumbu sakhe silimele ekhanda ehhovisi likathishanhloko.

UMnuz Mthokozisi Khoza, onguyise womfundi uThabiso Mazibuko (osebenzisa isibongo sikanina) obefunda uGrade 7 eSandsfield Primary School, oThongathi, uthe ufuna izimpendulo ngokushona komntanakhe emagcekeni esikole.

UKhoza uthi lesi sigameko simshiye nesilonda esibhibhayo nemibuzo eminingi engaphenduleki.

“Kuningi nje okungixakayo mayelana nalesi sigameko sokushona kwendodana yami isesikoleni. Le nto ngempela iyangixaka. Ngiyazibuza ukuthi ushona kanjani umfundi esesikoleni,’’kubuza umzali.

Ngosuku ashone ngalo, kuvela ukuthi othisha bakulesi sikole bebematasa nomcimbi bezijabulisa ngeziphuzo, bengabanakile abantwana bedlala emnyango.

UKhoza uthi wathintwa ngocingo ngothisha besikole, bamcela ukuba aphuthume ngoba kunesimo esiphuthumayo.

Ngesikhathi engena ehhovisini likathinhloko wazithela phezu komntanakhe elele ebheke phezulu, kugcwele igazi ekhanda.

Uthi umbuzile uthishanhloko ukuthi kwenzenjani? Incazelo abamnikeza yona namanje uthi akayizwa kahle.

Uthi bamtshele ukuthi umntwana wakhe ushayeke epalini washona ngesikhathi edlala ibhola nabanye.

Lena yincazelo ayifanisa nenganekwane yoqobo. Kodwa uthi ushaya amakhala ngalokhu ngoba uxakwa wukuthi isidumbu somntanakhe sifinyelele kanjani ehhovisi likathishanhloko?

Uthi ekhanda lomntanakhe bekubonakala ukuthi ulimele kabi.

Ubuza ukuthi uma elimale edlala nabanye ubengaze alimale ekhanda pho?

Uthi ufuna ubulungiswa ngesigameko sokushona kwendodana yakhe.

Uthi okumnenga kakhulu wukuthi indodana yakhe ishone othisha bekade bejuxuza benomcimbi.

Umthombo okhulume neSolezwe ngoMgqibelo uthi kukhona okushaya amanzi ngokufa komfundi njengoba kukhona abanye abantwana afunda nabo abakuphikayo ukuthi walimala edlala nabo.

Okhulumela amaphoyisa KwaZulu Natal, uLieutenant Colonel Nqobile Gwala usiqinisekisile lesi sigamelo.

Uthe amaphoyisa athola ucingo, aphuthuma oThongathi okuyilapho afica khona isidumbu somfundi.

Uthe amaphoyisa asoThongathi amatasa aphenya icala lokubulawa komuntu.

Okhulumela uMnyango wezeMfundo esifundazweni, uMnuz Sihle Mlotshwa, uthe bazokwenza konke okusemandleni ngenhloso yokuthola umnyombo walolu daba.

Uthe njengoMnyango wezeMfundo KwaZulu Natal, kuyabakhathaza kakhulu ukuzwa ngodaba olufana nalolu.

Uthe bazoxhumana nesifunda, bazame ukuthola ukuthi lolu daba bayalwazi yini futhi sebehambe kangakanani ekulekeleleni umzali ukuthi athole iqiniso mayelana nalo.

27/11/2022

OWESILISA waseMandeni, usolwa ngokungqongqisa indlu ebilele izingane ngophethiloli ngenhloso yokuziphindiselela kunina wazo ngoba emalile.

Umthombo utshele Isolezwe NgoMgqibelo ukuthi umsolwa ubeyisoka likaNksz Phumzile Khoza (33), obese kunesikhathi aliwa kodwa eqhubeka encenga. Kuthe uma eqhubeka nokumfundekela, owesifazane wanquma ukuya enkantolo wayofuna incwadi eyisivimbelo sokuthi angasondeli kuye. Kuthiwa uvuke umbhejazane, wafunga wagomela ukuthi uzomgila uNksz Khoza ngenxa yokumala.

Kuthiwa utshele amaphoyisa abemhambisele incwadi yesivimbelo ukuthi unina wezingane zakhe uzomgila isilo sengubo.

"Lo bhuti uye wasongela uPhumzile ngokuthi uzombulala ngoba ngeke akwazi ukuhlukana naye. Kuhluleke ngisho amaphoyisa emkhuza ngalezi zinsongo kodwa waqhubeka nazo."

Uqhuba umthombo uthe phakathi kwamabili ngoLwesithathu, kube sekutheleka umuntu ofike wakhiya umnyango ngaphandle maqede waphonsa ibhomu likaphethiroli ngefasitela.

Esigamekweni kushe u-Olwethu Zulu (15), Selisiwe Zulu (9), Ntombifuthi Khoza (6) noSphephelo Ngiba (7), ogcine eshona esibhedlela.

"Sithe uma sibona izingane zisha, sazibamba sazikhipha ngamafastela. Ngenhlanhla bekungekho ama-burglar guards. Sibe sesibiza i-ambulensi," kusho uNksz Khoza.

Ebuzwa ngezinsongo zobeyisoka lakhe, uNksz Khoza uvumile ukuthi uyazazi. Wathi wahlukana naye ngoMeyi nonyaka ngoba ubemhlukumeza futhi ehlale emsabisa ngommese.

UNksz Khoza uchaze kanje: "Ubeza ngenkani ekhaya bese ethatha izingane. Bengithi ngiyamkhuza kodwa aqhubeke eze. Waze wayeka ngoba esexoshwe ngumfowethu owathi akasamfuni ekhaya. Ngenxa yokuthi ubengafuni ukwamukela ukuthi angisamfuni, ngibe sengimfunela incwadi eyisivimbelo sasenkantolo. Yilapho ethe kungcono angibulale. “

Uthe obeyisoka wake wazama ukumgwaza kwaze kwadabuka izingubo ayezigqokile.

UNksz Khoza uthe okubuhlungu ukuthi njengamanje abazi bazothathani bahlanganise nani ngoba besale dengwane. "Asazi sizolala kuphi futhi sidleni ngoba kufanele sibuyele ekhaya. Kushe yonke into. Izingubo zokulala nezokugqoka, ama-ID, izitifiketi zezingane, izitembu zesitikofela ezibiza imali engaphezu kukaR15 000, ifenisha, imifaniswano yasesikoleni sezingane ebengisanda kuyithenga."

Unxuse noma ngubani ongabasiza ngokubavusela umuzi nangokudla. Okhulumela amaphoyisa aKwaZulu-Natal, uLieutenant Colonel Nqobile Gwala, usiqinisekisile isehlakalo.

"Amacala okuzama ukubulala nokushisa aphenywa ngamaphoyisa aseSundumbili. Izingane ezilimele ziphuthunyiswe esibhedlela ukuze zixilongwe ngodokotela lapho zishe khona. Udaba lusaphenywa," kuphetha uLieutenant Colonel Gwala.

24/11/2022

November 24, 2022

UZOBA isicukuthwane esikhethekile kwindumezulu yomcimbi wezintombi udado wasoLundi odume ngomdwebo weDinasoli.

UNhlalonhle Mazubane (6) ohlala esigodini saKwalangakazi eNhlungwane ofunda uGrade R eMveloyamaswazi umenywe nokukhethekile emcimbini kaMiss and Mr Indoni Cultural South Africa ozoba se-ICC eThekwini ngoDisemba 16.

Lokhu kulandela ukuthi lo mfundi ebe ngundabuzekwayo ezinkundleni zokuxhumana ngomdwebo wakhe weDinasoli. UNhlalonhle uchaze abaningi ngomdwebo wakhe abebewenziswa ekilasini uthisha wabo osedume ngoMem Dube, netemu eselisabalele kuleli elithi, “ Mem Dube Mfethu, angikwazi ukubhala,"

Uthisha wakhe uNkk Nonhlanhla Dube utshele leli phephandaba ukuthi njengoba behlala endaweni esemakhaya ziningi izinto odado abasalela kuzo nafisa abafundi bakhe bazazi njengokusebenza kwezobuchwepheshe.

Ukubadwebisa, ukubaculisa, ukubadansisa beziqopha ama-video ngezinye zezinto abazithakaselayo ukuzenza ekilasini. UNhlalonhle umdwebo wakhe kumanje usuyilebuli yezikibha zodado iDinasoli.

Uthe le nto yaqala bezidlalela kumnandi kanti usezophenduka isilomo. "Angizange ngizitshele ukuthi kungase kube nesasasa elingaka sasizijabulela sidweba sishutha sonke ekilasini. Ngimangele uma seyihambe kangaka le video nabantu bekhombisa ukusithanda," kusho uNkk Dube.

23/11/2022

UHLULEKILE ukuzibamba umculi we-Afro pop, uKelly Khumalo, ngesikhathi omunye umlandeli ehlanekezela inkulumo ayisho ohlelweni lwakhe, iLife With Kelly Khumalo kwiShowmax.

UColbert ufake isiqeshana sevidiyo kwiTwitter ecashunwe ohlelweni lukaKelly, maqede wabhala ukuthi: "UKelly Khumalo akabhedelwa."UKelly ekhuluma nonina ucashunwa ethi: "Ukube ngangingadakiwe, ngangiyoyihlephula leya ndawo ibe yizicucu nabantu ababephakathi. Angiqambi amanga kuwe," kusho uKelly kunina, uNtombi.

Uziphendulele uKelly kuTwitter ngokumthuka ngenhlamba uColbert, emyalela ukuba asidlale sonke isiqephu, futhi waze wamsongela.

“Wenhlun # kanyoko, uthanda ukubukwa ngamanga. Ngelinye ilanga uyovuka leyo minwe ingasebenzi. Sidlale sonke leso siqephu, sibone... dlala sonke isiqephu zingci$% zenja...Uma uzoqamba amanga, okungcono oba nobuciko [email protected] # kanyoko," kubhoka uKelly ngolaka.

Empeleni uKelly wayekhuluma nonina ngokwenzeka ngesikhathi bevakashile nomngani wakhe uWanda Baloyi, njengoba babuya sebeyinkukhu nempaka.

Kuhluleke ngisho abalandeli bakhe bemnxusa ukuba angamphenduli uColbert kodwa kwanhlanga zimuka nomoya.

UThabiso Lukhanya uthe akangaphenduli "abantu bakho bayakwazi, yilokho okusemqoka," kodwa uKelly wathi "Ngiyazi sthandwa, ayive icika le mgoho."UMiss Que uthe "Hhayi kodwa kwakungesikhathi sohambo noWanda." UKelly uphendule ngokuthi athi: "Yilokho engikushoyo. Bathanda kabi ukubukwa ngodoti," kusho uKelly.

Kwenzeka lokhu nje icala lokubulawa kowayengunozinti we-Orlando Pirates neBafana Bafana, uSenzo Meyiwa, liyaqhubeka eNkantolo eNkulu yaseTshwane. NgoMsombuluko ummeli kaKelly, uMagdalene Moonsamy, wenqatshelwe ukuthamela icala enkantolo. IJaji uTshifhiwa Maumela nabameli babamangalelwa abahlanu bavumelane ngokuthi uMagdalene akabukele konke okwenzekayo enkantolo kwithelevishini yakhe. Kulezi zinsuku basampheka ngemibuzo owayewumngani kaSenzo futhi owayekhona kubo kaKelly ngobusuku besigameko, uMnuz Tumelo Madlala.

NgoLwesihlanu icala lisheshe laguqa ngenxa yokuthi ummeli wabamangalelwa abane uMnuz Timothy Thobane, ucele ukunikezwa isikhathi esanele sokungqumuza okuthize nabamangalelwa abane abamele.