23/06/2026
KUSHONE IZINGANE EZIMBILI NGOMLILO WOMKHUKHU ESANDFONTEIN E-MORULENG
Umphakathi waseSandfontein, eMoruleng, ushaqekile futhi udabuke kakhulu kulandela isigameko esibuhlungu somlilo womkhukhu esigcine sesithathe izimpilo zezingane zandawonye ezimbili.
Kubikwa ukuthi umlilo uqubuke emjondolo endaweni yaseSandfontein, kanti kusolwa ukuthi uqale ngenxa yekhandlela ebelisetshenziswa ukukhanyisa. Ngesikhathi kwenzeka lesi sigameko, unina wezingane, uDimakatso Ndlovu, ubengekho ekhaya njengoba ebehambele umngcwabo eZeerust.
Ingane yokuqala, intombazane eneminyaka eyisishiyagalolunye ubudala, ishonele endaweni yesigameko ngesikhathi umlilo usabalala ngokushesha emjondolo. Enye ingane yakwabo yaphuma iphila kodwa ibishe kanzima emzimbeni.
Abezimo eziphuthumayo bafike ngokushesha endaweni yesigameko base beyiphuthumisa esibhedlela iMoses Kotane ukuze ithole usizo lwezempilo. Ngenxa yobukhulu bokulimala, le ngane yalaliswa egunjini labagula kakhulu (ICU), lapho odokotela bezame khona konke okusemandleni ayo ukuyisindisa,kodwa ngenxa yokusha okubi kakhulu, nayo igcine isishonile.
