Itafula lezindaba

19/07/2025

Islomo uNkota

Obengumdlali we-Orlando Pirates uMohau Nkota usephenduke isilomo kwelase-Saudi Arabia. Lomdlali kuthe kungazelele nje wavumbuka kwenye yamaLigi asakhula nokho ebalwa njengecebe kakhulu. Lomdlali loke efikile kulelalizwe ubonakala enza izinto ezingamahlaya ezenziwa khona la eMzansi.

Uke wabonaka eshaya imdanso yama-Piano ejatshulelwa abanye abadlali, waphinde wabonakala eshaya iztayela za-Dlamini ongumlandeli wa-Amazulu FC. Kuye kwacaca ukuthi bayayazi futhi lento ayenzayo uNkota abadlali abangozakwabo, uzwakale ethi: iiiiii! iiiiii! iiiiii! hooooo! hiiii! iiiiii egxuma elingisa yena uDlamini.

Kuthiwa leliqembu i- Ettifac Club egijima kwiSaudi Pro League okugijima isihlabani uCristiano Ronaldo kuyo igaqele noRelebogile Mofukeng.

IL News

19/07/2025

U-Amanda uloke ebe yiqhawekazi

U-Amanda Dlamini ongunozinti weBanyana Banyana uphinde washaya into ecokeme. Uvimbe amapenalty amabili ngenkathi iBanyana ixebula ngo 4-1 imdondoshiya yezintombi ezingendile zase-Senegal.

IL News

19/07/2025

AmaBhokobhoko amancane angompetha.

Bathi akulo ulibofuzo kodwa ukuba owase-Mzansi okwenza izinto zenzeke. AmaBhokobhoko asenqobe indebe yomhlaba. Abebhekene ne-Newzealand emdlalweni obunzima. AmaBoks Juniors anqobe ngo, 23-15.

Umkhuba wakhona eMzansi ukuthi kuthathwe isicoco emva kwesicoco, uzokhumbula ukuthi amaBhokobhoko lawa amadala angompetha bomhlaba sibhunga nje. Lokhu kusitshela ukuthi iqembu lebhola lombhoxo eNingizimu Afrika lisazozidlela amahlanga nje imnyaka emningi ezayo. Kwazise abafana abancane laba abanqobile abasazokhuphukela kulo elikhulu. Kusazdabuka iskhindi kubafana.

IL News

19/07/2025

IBanyana isinanabule iSenegal.

Emva kokudlala ngokulingana ngo 0-0. IBanyana igcine iwinile emdlalweni obunzima ngendlela emangalisayo.

IBanyana izobhekana nezimbangi zayo eziqatha iNigeria kowandulela owamanqamu.

IL News

15/07/2025

15/07/2025

Ingalo yomthetho ijikijela ukiss

UNational Commissioner uMasemola kanye no-KZN Provicial Commissioner sebefikile eDubane ukuzokwamulela uhla lwezikhalazo zomphakathi.

Owesifazane osemva kwaMasemola ubonakala ephonsa ukiss ebhekise emphakathini. Uthi yinhle lento eniyenzayo syaneseka, akukho muntu ozojahwa yithi la vele siyaxhashazwa siyingalo yomthetho, iJudiciary eyenzi ubungalungiswa. Uthi kheliyoni "Hlangana Zulu"

IL News

Isthombe: Sihle Mavuso

15/07/2025

Kubi impela kwiBandla lika-Kristu

Ekubeni kukubuhlungu ukuxebuka kwenyama enyameni. Sibonga ukuthi abafe befela eNkosini babusisiwe.

Namhlanje kunenkonzo yesikhumbuzo kaMam Mfundisi Taneal osesenkosini oshade noMfundisi Vilane abakhonza ngaphansi kweBandla likaMfundisi uRathebe.

15/07/2025

Isitsha esihle asidleli

Sekuwe umuthi omkhulu uDr SD Gumbi. Umthombo oyilunga lomndeni uveze lezindaba ezibuhlungu mhlaka 14 July 2025.

Sithi nje iNkosi iphile iNkosi ithathile malibongwe igama layo. Umndeni ibandla neNingizimi Afrika yonkana ayiduduzeke ngalenceku eze yaya eNkosini ishumayela ivangeli elingaxutshwe nasawoti, namafutha ne one on one ye-R1000 lutho. Phumula Mgcotshwa izobonana ekseni.

IL News

14/07/2025

UMpofu ushaya umkhuleko

USizwe Mpofu Walsh usebhale ekhasini lakhe la- X (Twitter) wathi "nkosi ngsize ungiphe umsebenzi ovikeleke njengowasopolitiki we-ANC."

Uzwakala ekhathazekile ngesinqumo esithathwe uMongameli Ramaphosa ukumisa uKhomishana kazwelonke wama-Phoyisa uMnu Senzo Mchunu... lokhu ke akulona iqiniso siyazijulela nje, ungabe sewuthi iTafula Lezindaba lithe, syakukhuza lapho emuva, khuzeka.

14/07/2025

Umqeqeshi weBanyana Banyana ubuyise uDlamini ezintini.

Umsindo ubumkhulu kubalandeli bezintokazi ezigijima kwelesizwe emva kokuthi u-Deseree Ellis ongumqeqeshi eshiye ngaphandle uAmanda Dlamini. Bebemudla eluhlaza abalandeli emva kokuthi eqalise uSwart ekubeni uDlamini edlale into ecokeme bebhekene neGhana. Lowo mdlalo yawunqoba iBanyana ngo 2-0 ngamagoli ashawa u-Linda Motlalou no-Jamaine Seoposenwe.

IL News

14/07/2025

Owe Chelsea udalelwe ukuwina

U-Enzo Maresca ongumqeqeshi we- Chelsea okuyiscoco akakubheki nje nhlobo. Mesikha phezulu lomqeqeshi uthathe iqembu le-Leicester City esigabeni esiphansi walibuyisela kwi-English Premier League. Kwi-Chelsea uthe efika nje wanqoba naleliqembu ekade lingezi kahle iUEFA Conference League. Wagxoba i-Real Betis edlala kwi Spanish La-Liga e-Spain ngo-4-1 ovuthayo.

Lombhemu uqhube ngokubekela leliqembu indawo enhle kwi-UEFA Champions League kozokwethwasa. Kuthe kusenjalo wagila izimanga kwi-FIFA CLUB WORLD CUP 2025 kwelika Donald Trump ongumongameli e-Melika. Lomqeqeshi uhlephule kabana i-PSG edlala kwi-French League. Uyihlephule ngomubi u 3-0 lo. I-PSG edlalelwa ingqwele uHakimi othandwa kakhuku zinsizwa emva kokubhala amafa kahe ngomawakhe ekubeni eshadelwe. U-Maresca umane wakwenza kwabalula nje ukuphahlaza i-PSG ekubeni kade ithwelwe ngeqoma ngokwenza kahle kwayo. UMaresca uhlabane nge- UEFA CONFERENCE LEAGUE kanye ne-CLUB WORLD CUP ngonyaka wakhe wokuqala ne Chelsea.

IL News

14/07/2025

UShaba usayislomo

USiphiwe Tshabalala iseyislomo namanje namanje. Lokhu kubonakale ngenkathi ehambele imdlalo ye-FIFA Club World Cup. Lemidlalo ibiqhutshwa ezweni lase-USA lapho kugcine kunqoba iqembu laseEngland elidlala esigabeni esiphezulu, i-English Premier League (EPL).

Lomdlali wayezbukela umdlalo nje wabe esehlangana noMongameli we-FIFA U-Gianni Infantino. UShabalala owayeyisihlabani kwi-Kaizer Chiefs. Loluqweqwe lomdlali lwaduma umhlaba wonke ngenkathi ededela isgubhu eqhumisa inqaku, bebhekene ne Mexico kowokuvula i-FIFA World Cup eyayibanjelwe eMzansi. Lapho kwakuvalwe ngomuntu emnyango kugcwele kuthe phama e-Soccer City. UShaba inxele lakwabo madoda labe seliya ekhoneni lapho lafika lashaya umdanso owahlala wanamathela kwabaningi. Njengoba sibona U-Gianni Infantino osewumengameli endaweni ka-Sepp Blater owayebambe ngo-2010 ethi ngcela ungfundise lento enhle owayenza ushaye lelagoli.

UShabalala angeke aybone indlala walakha igama lakhe kakhulu. Uke wathi shwi phesheya wayodlala khona bemthandela nje lona lelagoli naloya mdanso awshaya.

IL News