Nthavela Titimuleni

26/09/2026

HUNGU LERI BAKA BEMBELE

Muhaxi wa xitichi xa Munghana Lonene a hundza emisaveni

Muhaxi eka xitichi xa xiyani-moya xa Munghana Lonene FM, Mafosi Chauke a hundza emisaveni eka nghozi ya movha eka gondzo ra N1

26/09/2026

Mukhegula a tlhaviwa, muehleketeleriwa a dlayiwa hi vaaki eLimpopo

Maphorisa emugangeni wa Maake eLimpopo, ya le ku lavisiseni ka mafu mambirhi endzhaku ka loko wansati wa 77 wa malembe hi vukhale a tlhaviwile, ku hehliwa leswaku muehleketeleriwa u dlayiwile hi vaaka tiko vale mugangeni wa Rita hi Ravumune, hiti 24 Ndzati 2026.

Maphorisa ya vula leswaku wansati loyi ku hehliwa leswaku u tlhaviwile hi makhelwana wa xinuna loyi a nga baleka. Endzhakunyana nimadyambu wolawo, swirho swa vaaki swi hlasele wanuna loyi, naswona u kumiwe a hindze emisaveni laha akuri na mhangu.

Khomixinara wa maphorisa ya Limpopo Lieutenant General Jan Scheepers u sola ku dlayiwa ka vanhu naswona u kombela vanhu leswaku va tshika maphorisa na tikhoto ti khoma vaehleketeleriwa.

Loyi a nga na vuxokoxoko u komberiwa ku tihlanganisa na Sejeni Khanyisa Chauke eka 082 319 9742, Crime Stop eka 08600 10111, kumbe ku tirhisa App ya MySAPS.

25/09/2026

Nwana a dlaya mana wakwe eka Xikukwani

Maphorisa eGiyani ya khomile wanuna wa 48 wa malembe hi vukhale mayelana na swihehlo swo dlaya mana wa yena wa malembe ya 82 hi vukhale emugangeni wa ka Xikukwani eLimpopo.

Maphorisa ya kume wansati loyi a etlele emubedweni wa yena a vavisekile enhlokweni na le xikandzeni naswona moya awu humile enyameni, endzhaku ko vitaniwa ekaya kwalomu ka awara ya 01:00 hi Ravunharhu, hiti 23 Ndzati 2026.

Hambi leswi n'wana loyi a nga vika nandzu lowu, endzhaku maphorisa ya n'wi hlanganisile na nandzu lowo naswona ya n'wi khomile hi nandzu wo dlaya. Vakambisisi va tlhela va kambela loko a xanisiwile hi swa masangu. Nandzu wo pfinya wu nga engeteriwa loko ku ri ni vumbhoni lebyi eneleke. Muehleketeleriwa u languteriwa ku ya ekhoto ya majistarata ya Giyani hi Ravuntlhanu, 25 Ndzati 2026.

Khomixinara wa maphorisa ya Limpopo Lt Gen Jan Scheepers u sola nhlaselo lowu a tlhela a kombela miganga ku sirhelela vanhu lava dyuhaleke na lava nga sirhelelekangiki.

25/09/2026

Wanuna a hehliwa hi ku yiva swibamu swa 88 ePolokwane

Khale ka mutirhi wa maphorisa wa ku tinyiketela wa malembe ya makume-mbirhi-nkombo (28) hi vukhale, Modikana Mmapa, u khomiwile mayelana na swihehlo swo yiva swibamu swo tlula 88 eka khamphani ya vuhlayiseki eLadanna exikarhi ka nhweti ya Mudyaxihi na Mawuwani 2026.

Mmapa, loyi kontiraka ya yena yi heleke hi lembe ra 2024, u tiendle onge i inspector ya xibamu naswona u hlengelete swibamu hi mintlawa.

Maphorisa ya kumile swibamu swa ntlhanu ku fikela sweswi naswona ya khomile muehleketeleriwa wa vumbirhi. Vulavisisi bya ha ya emahlweni.

24/09/2026

Mudyondzisi a hehliwa hi ku pfinya nwana wa xikolo

Mudyondzisi wa malembe ya makume-nharhu-mbiri (32) hi vukhale u khomiwile eRitavi, eLimpopo, endzhaku ko hehliwa hi ku pfinya nwana wa xikolo wa malembe ya khume-nkombo 17 hi vukhale endzeni ka movha wa yena hi ti 02 Ndzati 2026.

Mudyondzi u vikile mhangu leyi eka nhloko ya yena ya xikolo hi ti 07 ta Ndzati, naswona nandzu wu yisiwile eka Yuniti ya FCS eTzaneen.

Muehleketeleriwa u humelerile ekhoto ya majistarata ya Ritavi hi ti 21 ta Ndzati kutani a ntshunxiwa hi beyili ya R1,000. U ta tlhelela ekhoto hi ti 12 Hukuri 2026.

Khomixinara wa maphorisa ya Limpopo Lt Gen Jan Scheepers u sola vugevenga lebyi ku hehliwaka leswaku byi endliwile no kombela vahlaseriwa ku vika milandzu ya masangu handle ko hlwela.

24/09/2026

Siku lerinene ro tlangela mfuwo na ndzhaka eka wena mulandzeri wa phepha hungu ra Xitsonga ra Nthavela Titimuleni

24/09/2026

Khomixinara wa maphorisa a khoma muyivi wa tikhebulu eSeshego

Ndhuna ya maphorisa ya Limpopo Lt Gen Jan Scheepers hi yexe u khomile muyivi wa tikhebulu ta koporo eSeshego hi Mugqivela.

U yimise xithuthuthu ekusuhi na Circle Shopping Centre; muchayeri a baleka, kambe maphorisa ma kume tintambhu leti yiviweke kutani ma khoma mukhandziyi.

Ku khomiwa loku ku humelerile hi nkarhi wa Operation Retshepeng, leyi kongomisaka eka vugevenga byo fana na ku yiva switirhisiwa.

Ku yiviwa ka tikhebulu swi koxe Masipala wa Polokwane mali yo ringana R9.8 million naswona swi vanga ku tsemiwa ka gezi na swiphiqo swa mati.

24/09/2026

MOYA WA SESI VUTOMI MATHEBULA AWU ETLELI HIKU RHULA 🕊🕊

🕊️ HI KU TSUNDZUKA VUTOMI MATHEBULA

Hi mpfumelelo wa ndyangu, Maxelo Radio yi ta va LIVE eka Facebook na TikTok ku sukela hi 06h00 mundzuku e ka Homu 14A, Giyani, loko ndyangu, vanghana na vaaki va hlangana ku ya veka Vutomi Mathebula endlwini ya yena yo hetelela.

Moya wa yena a wu wisa hi ku rhula. 🕊️

23/09/2026

XIKOMBELO XO LWELA BEYILI XISUSIWA EKA NONGONOKO WA KHOTO EPOLOKWANE

Ku ngase hela na minete, khoto ya le henhla ya Polokwane eLimpopo yi tivisa vahangalasi va mahungu leswaku mhaka leyi katsaka Peter “Gagash” Nonyane na nsati wa yena wa gqweta, Charlotte Tibana, yi susiwile eka nongonoko wa siku ra namuntlha.

23/09/2026

Maxelo Radio yi ta nyika vuxokoxoko eka Live ku s**a ekhoto ya le henhla ya Polokwane hi Ravunharhu, 23 Ndzhati 2026, namuntlha tani hi leswi gqweta Charlotte Tibana na nuna wa yena, phorisa ra metro Peter Nonyana, va endlaka xivilelo eka xiboho xo va alela beyili.

Milandzu yi lulamisiwile ku sungula hi awara ya 14h00 ekhoto ya le henhla ya Afrika-Dzonga, Limpopo Division, ePolokwane. Landzelela tiLive eka tipulatifomo ta Facebook na TikTok ta Maxelo Radio.

MAXELO RADIO LIVE COVERAGE 🔴

Maxelo Radio will bring you live coverage from the Polokwane High Court on Wednesday, 23 September 2026, as Attorney Charlotte Tibana and her husband, metro police officer Peter Nonyana, appeal the decision denying them bail.

Time: 14h00
Venue: High Court of South Africa, Limpopo Division, Polokwane

Follow the proceedings LIVE on our Facebook and TikTok platforms.

Stay informed with Maxelo Radio — Your Voice, Our Community.