Ditaba Tsa Sepedi Iri ka Iri Go Thobela FM

16/12/2025

Maphodisa a netefaditše gore Warrick Stock, yo a tumilego ka DJ Warras,o thuntšhitšwe le go bolawa lehono ka Johannesburg.

DEVELOPING | Police have confirmed Warrick Stock, popularly known as DJ Warras, was shot and killed today in Johannesburg.

16/12/2025

Barekiši ba mebileng ka mollwaneng wa Beitbridge mo Limpopo, ba re ba kgona go iphediša ka ge palo ya baeti e hlatloga nakong ya sehla sa maikhutšo a keresemose.Barekiši bao gape ba rekišetša baotledi ba dilori,bao ba emego moralading o mo telele wa go tshela mollwaneng.Ba re nako ya sehla sa maikhutšo e ba kgontšha go fepa malapa...

16/12/2025

Lekala la boeti la Limpopo, le re maiteko a lona a go goga šedi ya baeti,a thoma go tšweletša dipoelo.Mohlankedi-phethiši wa lekala leo,Moses Ngobeni,o re ba thomile go bona hlatlogo go palo ya baeti bao ba etelago dikarolo tšeo di fapanego tša probense,sehleng se sa maikhutšo.Ditikologo tšeo go balwa tikolo ya boeti,Hoedspruit. Ngobeni o re maeto a ma swa a difofane magareng ga Hoedspruit le Cape Town a na le mohola...

16/12/2025

Tonakgolo ya KwaZulu-Natal,Thami Ntuli, o re dikgaruru tša nako yeo e fetilego ka probenseng yeo,di dira gore letšatši la poelano e be le bohlokwa kudu.O be a bolela ka lefelong la bohwa la ntwa ya ka nokeng ya go bitšwa,Blood River ka museamong wa Ncome ka seleteng sa uMzinyathi.Ntuli o re letšatši le le swanetše go romela molaetša o maatla setšhabeng wa gore botee ke taba ye bohlokwa ya go aga naga...

16/12/2025

Baetapele bagolwane ba tshela,ba kgethilwe ntle le phenkgišano nakong ya khonferense ya bosetšhaba ya lliki ya baswa ya ANC.Collen Malatji o kgethilwe gape bjalo ka presidente ya lliki,fao Fransisco Dyantji,a kgethilwego bjalo ka motlatši wa gagwe.

Tsakani Shiviti, le yena o kgethilwe bjalo ka mongwaledi pharephare.Khonferense e tšwelapele ga bjale ka Unibesithing ya Limpopo,bohlabela bja Polokwane.Baetapele bagolwane ba tshela,ba akaretša banna ba bararo le basadi ba bararo.

16/12/2025

Presidente Cyril Ramaphosa, o gateletše bohlokwa bja poelano le go keteka botee ka mo nageng,le ge go na le histori ye bohloko.Gape o tsebišitše leano la gore letšatši la poelano le ketekwa mmogo,ke merafe ka moka bjalo ka letšatši la bosetšhaba la poelano.

Ramaphosa o be a boledišana le lešaba la batho moletlong wa semmušo wa go keteka letšatši la poelano ka Museamong wa Ncome ka seleteng sa uMzinyathi ka KwaZulu-Natal.

16/12/2025

DJ yeo e tumilego ya Afrika Borwa e thuntšhitšwe le go bolawa ka Johannesburg,ka ntle ga moago wo taolo ya wona e tšeerwego ka tsela yeo e sego molaong.Tshedimošo ga se ya hlwa e hlaaka gabotse mo sebakeng se,efela maphodisa a lefelong la tiragalo.

13/12/2025

Tsela ya M4 magareng ga M41 le Umhlanga borwa bja DBN ka profenseng ya Kwa Zulu-Natal, e tswaletswe morago ga kotse yeo e fetilego ka bophelo bja motho yo tee le go tlogela ba babedi ka dikgobalo tse soro.

Palo ya batho bao ba hlokagetsego ge tempele e phuhlama ka Verulam go la DBN, e hlatlogetse go nne.

Molaodi ka kliniking ya Teddy Bear, Shaheda Omar, o re bana ba ka metseng yeo e sego ya bolokega ba kotseng ya go lebana le ditlaiso.

02/12/2025

BOMENETSA BJA TEMBISA.
Sersanta di-Hawks, Papie Tsie le mohlankedi wa bookelo bja Tembisa, Zacharia Chisele, ba filwe beile ya diranta tse dikete tse 5 mongwe le mongwe, kgorong-tsheko ya magistrata wa Pretoria. Balatofatswa ka bo-2 ba lebagane le ditatofatso tsa bomenetsa, morago ga dipego tsa gore,ba lekile go lefa mohlankedi wa di-Hawks yo a shoganago le dinyakisiso tseo di tswelago-pele bookelong bja Tembisa. Bona ba golegilwe bekeng ya go feta morago ga go lefa shunya ya diranta tse dikete tse 100 go modira-dinyakisiso, yo a bego a beakantse go ba golega morago ga go phethagatswa ga tefo yeo. Magistrata Aubrey Mphahlele,o file kahlolo yeo e bago ka kgahlegong ya toka, ya gore bo-2 bo lokollwe ka beile...

02/12/2025

DADA MORERO O PHENYOKGA SELEPE SA GO HLOKA KHOLOFELO KGAHLANONG NAYE!
Maikutlo a go hloka kholofelo go ramotse wa mmasepala wa Johannesburg,Dada Morero,a gomiseditswe morago.Maikutlo ao a be a tsweleditswe ke mekgahlo ye me nnyane ya dipolotiki ka lekgotleng-motse la mmasepala wo,yeo e akaretsago wa Al-Jamah,UDM le African Transformation Movement.Go be go letetswe gore dithieeletso tshepedisong yeo di swarwa kopanong ya lehono ya lekgotla-motse ka Braamfontein.

02/12/2025

BAGWEBA KA DIOKOBATSI BA BONWE MOLATO.
Bagweba ka diokobatsi ba babedi ba thomile ka kotlo ya bona ka kgolegong morago ga gore kgorotsheko ya selete ya Oudtshoorn ka Karoo e ba ahlole maabane.Ba bonwe molato wa go hwetswa ba swere diokobatsi tsa boleng bja diranta tse dikete tse 260. Maphodisa a ka Western Cape are Vuyiseka Mzwake wa mengwaga ye 30 le modudi wa naga ya Nigeria wa mengwaga ye 33, Victor Udoh ba golegilwe mo kgweding ya Diphalane ke gore October ngwageng wa 2021 mo lefelong la go lekola difatanaga la mo mmileng wa N-12 magareng ga Oudtshoorn le George. Mmoleledi wa maphodisa.

02/12/2025

MASETLAPELO A INDONESIA
Mmusho wa naga ya Indonesia ore batho ba go feta ba milione o tee ba hudushistweng ka lebaka la mafula ka setlhakatlhakeng sa Sumatra. Go begilwe mahu a go feta a 600 efela palo ye e ka tla ya hlatloga ka ge makgolokgolo a batho a sa timeletse. Bahlankedi ba tlhakodisho ba sa swaragane le go thushsa bao ba lego tlalelong efela thusho ye e sa shaletse ka mafelong ao go seng bonolo go a fihlelela ka lebaka la ge a amilwe kudu ke mafula.