Ditaba Tsa Sepedi Iri ka Iri Go Thobela FM

Ditaba Tsa Sepedi Iri ka Iri Go Thobela FM Madireng a lefase...

Tsheko ya bomenetša bja panka VBS kgahlanong le ramotse wa peleng wa Thulamela Avhashoni Tshifhango e gare ya kgahlampan...
30/09/2026

Tsheko ya bomenetša bja panka VBS kgahlanong le ramotse wa peleng wa Thulamela Avhashoni Tshifhango e gare ya kgahlampana kua kgorong ya tsheko ya Polokwane, yeo e šetšanego le bosenyi bja dikgwedi mono Limpopo.Tshifhango o goya ka dipego amogetše sefatanaga bjale ka šunya, morago ga go rulaganya dipeeletšo tša mašeleng a setšhaba, a go balelwa go diranta tse dimilione tše 30, pankeng yeo e phuhlamego ya VBS ka 2016. Pejana modulasetulo wa peleng wa VBS Tshifhiwa Matodzi o boditše kgorotsheko gore o kile a tsenela dipoledišano tša ka thoko le Tshifhango ka ga sefatanaga seo, mo mafelelong a beke goba ge ba kopana ditirelo tša dipoloko. Le ge gole bjalo Tshoifhango o ganane le mabarebare a gore dipoledišano tšeo di kile tšaba gona.

Moahlodi-mogolo wa peleng Raymond Zondo o re Afrika Borwa e swanetše go netefatša gore goba le ditla-morago kgahlanong l...
30/09/2026

Moahlodi-mogolo wa peleng Raymond Zondo o re Afrika Borwa e swanetše go netefatša gore goba le ditla-morago kgahlanong le bao ba humanwego goba ba tshetše molao. Moahlodi Zondo yo a kilego a etapele komišene ya go nyakišiša ka ga mabarebare a go gogwa ga mmušo ka nko/State Capture, o be a kgatha tema ditheerišanong, tša khonferense ya ditirelo tša taolo ka Durban. O re naga e tšwelapele go shogana le go se šome gabotse ga makala a mmušo, le ge go dirilwe ditshišinyo gotšwa go dikomišene tsa dinyakišišo. Zondo o re go palelwa ke go tšeya magato go hlola gore setšhaba se lahlegelwe ke tshepo, dibopegong tsa mmušo. O re tshepidišo ya magato a kgalemo le go rweša batho maikarabelo, ga ya swanelwa go emela pele motho a bonwa molato, pele go ka tšewa magato.

Moetapele wa UDM Bantu Holomisa o re go hlohleletša badudi go bouta, dikgethong tša ka la nne Dibatsela, tša mebušo-sele...
30/09/2026

Moetapele wa UDM Bantu Holomisa o re go hlohleletša badudi go bouta, dikgethong tša ka la nne Dibatsela, tša mebušo-selegae, go ka nna gwa ba roba moya --ge ele gore ba dula mebasepaleng yeo e phuhlamego ka baka la bomenetša le taolo-mpe. O ipileditše go mebasepala go rarolla taba ya go ama go akaretšwa ga mananeo a mebušo ya peleng ya metse-magaeng, yeo e santšego ele kantle ga lenaneo la bosetšhaba, le morago ga mengwaga ya ka godimo ye 30 go tloga ka 1994. Holomisa o re tshepidišo ya go akaretšwa ga mebušo yeo ya peleng ya dinaga-magae, ga ya sepetšwa gabotse.

Radithekisi wa ka Mpumalanga Joe Sibanyoni o ganane le dipego tša gore o nale letsogo, tiragalong yeo e hlotšego go fišw...
30/09/2026

Radithekisi wa ka Mpumalanga Joe Sibanyoni o ganane le dipego tša gore o nale letsogo, tiragalong yeo e hlotšego go fišwa ga dipese tša PUTCO tša ka godimo ga masome-hlano. Sibanyoni o eteile ka ntahle dipego tša gore yena goba mokgahlo wa gabo, o nale letsogo dihlaselong tšeo, fao gape a rego dithekisi tšeo di bonagetšego goba di leka go thibela dipese tša PUTCO ga se tša bona. Ge a botšišwa ka ga dipolelo tšeo a di dirilego kgatišong ya bidio, Sibonyani o boditše komišene gore o be a bolela legatong la badudi bao ba nago le dihlobaelo, esego gore o nale letsogo ditirong tšeo tsa bosenyi. O šišintše gore PUTCO e kaba ele yona, yeo e goteditšego dipese tsa yona ka mollo ka baka la dikgohlano le bašomi. Le ge gole bjalo moetapele wa bohlatse Adv Matthew Chaskalson o tšwetše pele go mo ganelela ka dipotšišo.

Leloko la ANC palamenteng ebile ele leloko la komiti ya nakwana Khusela Diko, o ikagetše legora godimo ga mabarebare a g...
30/09/2026

Leloko la ANC palamenteng ebile ele leloko la komiti ya nakwana Khusela Diko, o ikagetše legora godimo ga mabarebare a gore- o šišintse gore mokomišhinare wa bosetšhaba wa maphodisa Fannie Masemola a šomišwe bjale ka sehlare sa ntšhirela, go leka go šireletša tona ya maphodisa yeo elego maikutšong a go ikgetha Senzo Mchunu. Mekgahlo ya setšhaba ya go etša Activists and Citizens Forum, e latofatša Diko ka go leka go tšhela Masemola ka maadi a kgofa godimo ga dilo tšeo di sa sepelego gabotse ka go sephodisa sa naga. O boletše seo, ditheerišanong tša komiti ya nakwana ya palamente, yeo e rulaganyago pego ya mathomo, mabarebareng a go ama tshireletšo ya naga.

Moahlodi Mbuyiseli Madlanga o latofatša radithekisi wa ka Mpumalanga Joe Sibanyoni ka go dira dikakanyo kgahlanong le mo...
30/09/2026

Moahlodi Mbuyiseli Madlanga o latofatša radithekisi wa ka Mpumalanga Joe Sibanyoni ka go dira dikakanyo kgahlanong le moetapele wa bohlatse Adv Matthew Chaskalson. Dipolelo tšeo, di latela morago ga gore Sibanyoni a šišinye gore dipotšišo tšeo a hlabjwago ka tšona fao komišeneng, ka ga khamphani ya dipese ya PUTCO di nepile go mo tšhela ka maadi a kgofa. Le ge gole bjalo moahlodi Madlanga o ganane le mabarebare ao, fao a rego ga go selo se phoso seo Chaskalson goba banyakišiši ba komišene ba se dirilego ka go mo ganelela ka dipotšišo tša mabapi le seemo sa ditaba ka go PUTCO, ditheeletšong tšeo.

16/09/2026

DA e re e lemoga dikiletšo tša US,tša bjalo tša mabapi le di-Visa kgahlanong le ma-Afrika Borwa.DA ere e bona bontši bja melao yeo e thadilwego le go fetišwa ke ANC,yeo US e fago mohlala ka yona,goba e se ya šomela naga.Dikiletšo tša bjalo tša Di-Visa di kgahlanong le ma-Afrika Borwa ao a rwelego maikarabelo goba goba karolo ya phethagatšo ya melao yeo,go akaretšwa le wa go amoga naga ntle le tefo,le kgethollo go ya le ka semorafe magareng ga tše dingwe.Leloko la DA la palamente komiting ya palamente mererong ya setswalle sa boditšhaba-tšhaba,Ryan Smith,o re ga se melao ka moka yeo e hlolago teka-tekano.

16/09/2026

Ka go le lengwe Mamabolo o hlalositše gore letlakala la go bouta le tla ba le dikarolo tše 2 ka lebaka la palo ya mekgahlo ya dipolotiki mebasepaleng ye mengwe.Mamabolo o re palo ya godimo ya mekgahlo ya dipolotiki yeo e phenkgišanago dikgethong tšeo,e na le seabe hlamong ya matlakala a go bouta.

16/09/2026

Bo-nkgetheng ba go feta dikete tše 5 ga se ba fihlella dinyakwa tša go phenkgišana dikgethong tša letšatšing la 4 kgweding ya Diphalane tša dipušo-selegae.Khomišene ya dikgetho e re bo-nkgetheng ba go balelwa go dikete tše 140 ba tla phenkgišetšana ditulo tša go feta dikete tše 10 go ralala le mebasepala ye 8 ye megolo,ye 44 ya dilete le ye 200 le metso ye 5 ya tikologo go ralala le naga.

Go letetšwe gore khomišene ya dikgetho e tla gatiša lenaneo la bo-nkgetheng ka moka le mekgahlo ya dipolotiki yeo e tlago tsenela dikgetho tšeo moragonyana lehono.Mohlankedi-mogolo wa khomišene ya dikgetho Sy Mamabolo,o boletše seo kopanong le babegi ba ditaba ka Centurion mathapameng a lehono.

16/09/2026

Mokgahlo wa di-taxi,SANTACO,o re dipego mabapi le go humanwa ga ditopo tša basadi ka dikarolong tša ka Gauteng,ke segopotšo se bohloko sa nyakego ya ka pejana ya gore,badudi ba kgakganetše dikgaruru kgahlanong le basadi le bana.Seo se latela kgabagareng ga ge SANTACO e itukišetša letšatši la bosetšhaba la tirelo ya thapelo,mo sebakeng sa kgwedi ya dinamelwa ya Diphalane.Dikopano tšeo tša ngwaga ka ngwaga di kopanya industeri ya di-taxi le ditšhaba thapelong kgahlanong le mathata aka nageng ye a leago,ao a akaretšago dikgaruru tšeo di bakwago ke b**g le go bolawa ga basadi,dikgaruru tša di-taxi le tšhomišo-bošaedi ya diokobatši magareng ga tše dingwe.Mmoleledi wa SANTACO wa bosetšhaba,Rebecca Phala.

Address

19 Hospital Street
Polokwane
0699

Opening Hours

Monday 05:00 - 22:00
Tuesday 05:00 - 22:00
Wednesday 05:00 - 22:00
Thursday 05:00 - 22:00
Friday 05:00 - 22:00
Saturday 05:00 - 22:00
Sunday 05:00 - 22:00

Website

Alerts

Be the first to know and let us send you an email when Ditaba Tsa Sepedi Iri ka Iri Go Thobela FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ditaba Tsa Sepedi Iri ka Iri Go Thobela FM:

Shortcuts

Share

Category