Ditaba Tsa Sepedi Iri ka Iri Go Thobela FM

Ditaba Tsa Sepedi Iri ka Iri Go Thobela FM Madireng a lefase...

05/08/2025

*Kgoro ya diminerale e dirile tsebisho ya gore mehuta ka bobedi ya petrole e tla theogela tlase ga disente tse 28 litara, boshego-gare bja lehono. Go le bjalo, theko ya mehuta yeo e fapanego ya diesele e tla hlatloshwa ka disente tse 63 le tse 65 litara. Go letetswe gore theko ya parafini e hlatloshwe ka disente tse 43 litara, mola gase ya LP e tla fokotswa. Mmoleledi wa kgoro Robert Maake, o re mabaka a boditshabatshaba ke wona a hlohleleditsego diphetogo tse.

05/08/2025

***Bagononelwa ba 4 ba bolailwe ka go thuntshwa - tiragalong ya go nesetsana p**a ya sefako sa dikolo le maphodisa ka Randfontein, ka bodikela bja JHB. Mo sebakeng se, ga se gwa hlaka botse, seo se hlohleleditsego tiragalo yeo, go le bjalo, go ya ka maphodisa - go dumelwa bagononelwa ba be ba le tseleng ya go hula, pele ba kgakganetswa.

05/08/2025

***Komiti ya palamente yeo e hlomilwego ka nepo ya go nyakisisa ditatofatso tsa matshosetsi a thireletso ya setshaba, e kgethile Molapi Soviet Lekganyane bjalo ka modula-setulo wa yona. Palamente e hlomile komiti yeo dibekeng tse pedi tsa go feta, morago ga go ditatofatso tsa go tshosha tseo di dirilwego ke mokomishinare wa maphodisa a Kwazulu Natal, Lieutenant-General Nhlanhla Mkhwanazi, tsa gore ba bangwe ba bahlankedi-bagolwane ka sephodiseng sa Afrika Borwa, go balwa le Senzo Mchunu, yoo a filwego matsatsi ao a ikgethilego a maikhutso maemong ao, ba tswalana le dihlopha tsa dikonwane. Lekganyane ke leloko la ANC, leo elego karolo ya maloko a 11 a komiti ye.

04/08/2025

***Ramolao wa mmusho wa Zambia o ganeditse dipego tsa gore Presidente ya maloba, mohu Edgar Lungu, obe a swerwe makgwakgwa ka nageng ya gagwe. Ditshepidisho tsa molato di a kgatlamapana ka kgorong-kgolo ya tsheko ya Pretoria, fao mmusho wa Zambia o hlotlago taba ya lefelo leo a yago bolokwa gona. Lungu o hlokagaletse ka bookelong bja Pretoria, kgweding ya Phupu. Ba lapa la gagwe ba tsere sephetho sa gore a bolokwe tirelong ya ka sephiring ka Afrika Borwa, mola mmusho wa Zambia o nyaka setopo sa gagwe se bushwa ka nageng ya gagwe, go swara tirelo ya poloko ya mmusho. Advocate Ben Stoop, o ngangile ka gore ga gona mabaka ago kgodisha, ao a tsweleditswego ka kgorong ya tsheko, a go laetsa gore Lungu o be a swerwe makgwakgwa ka Zambia.

04/08/2025

***Ramolao wa yo mongwe wa basadi ba 3, bao ba latofatswago ka polao, molatong wa tefo ya masheleng a di-insurence ka Limpopo, o ganeditse gore molatofatswa wa 3, o ngwadisitse di polisi tsa batho bao a latofatswago ka polao ya bona. Molatofatswa wa 3, Flora Shokane, ke morwedi wa lephodisa la peleng, Seresanta, Rachel Kutumela, yo go belaelwago ele kono-kono ya di polao tsa batho ba 9. Ramolao wa Shokane, Mukona Maiwashe, o be a hlaba ka dipotsiso letseeka la molato, Keshi Mabunda, ka kgorong-tsheko ya maseterata wa Polokwane. Maiwashe o tswetse pele ka gore Shokane ebe ese moholegi wa di polisi tseo di dirilwego, go fihla nakong yeo go tsweletsego dingongorego ka mmagwe, Rachel Kutumela.

04/08/2025

***Maphodisa a 10 a swerwe ka setishing sa maphodisa sa Edenvale, bohlabela bja Johannesburg. Maphodisa ao a latofatswa ka bohodu le bomenetsa. Go begwa a paletswe ke go ngwadisa dithooto tseo di thopilwego lesolong la maphodisa, leo le swerwego kgweding ya Phupu

01/08/2025

*Motho o tee o hlokagetše morago ga gore mekhukhu ye 12 e gagaulwe ke kgabo ya mollo kua šušumeleng ya Marathon ka Germiston bohlabela bja Johannesburg. Bahlankedi ba ditirelo tša tšhoganetšo ba re mollo o timilwe. Seo se hlotšego mollo ga se tsebje mo sebakeng se. Mmoleledi wa lekala la bahlankedi ba ditirelo tša hlakodišo ka Ekurhuleni, William Ntladi o re...

01/08/2025

***Motlatša-Presidente Paul Mashatile, o ganeditše gore gona le seo se sa sepelego botse, malebana le dintlo tša gagwe tše pedi ka Cape Town le ka Midrand, tša palo-moka ya mašeleng a diranta tše dimilione tše 63, bobedi bja tšona, tšeo a rego o tsebišitše palamente phatlalatša ka tšona. Mashatile o boletše seo ale kua KwaXimba kgauswi le Cato Ridge ka bodikela bja Durban, fao a butšego semmušo mabenkele-kgoparara a Inkosi Simingaye. Dintlo tšeo Mashatile a boletšego ka tšona di akaretša legae la gagwe ka Constantia, la mašeleng a diranta tše dimilione tse 28,9 le ya dimilione tše 34 ka Waterfall, Midrand. Mashatile o re ntlo ya ka Constantia ke ya mokgonyana wa gagwe, yena o itulela feela gona.

01/08/2025

Thobela!!

*Ditifišo tše diswa tša US, tša motšhelo wa thomelo wa dithoto di thoma lehono ka dinageng tšeo di fapanego, ba balwa le Afrika Borwa. Dinaga tšeo gase tša hlwa di fihlella kwano ya kgwebišano le US. Go tsebišitšwe ditifišo tša diphesente tše 30 kgahlanong le Afrika Borwa. Go le bjalo, tona ya kgwebo le indesteri, Parks Tau, o re kgoro ya gagwe e tsene fase go boledišana le US. O re bahlankedi ba merero ya kgwebo mmušong wa Presidente Donald Trump, ba fetotše kgoro ya gagwe ka Laboraro bošego, malebana le ditifišo tšeo, morago ga go leka go boledišana le bona dibekeng tše 2 tša go feta.

31/07/2025

BOSHOGA
Maphodisa a phaetse-thoko seo a rego ke tshedimoso ya go lahletsa ya maaka,ya gore rakgwebo wa ka Pretoria yo a tshabisitswego,Jerry Boshoga,o humanwe a hlokagetse.Maphodisa a Afrika Borwa a netefaditse gore,dinyakisiso mabapi le go tshabiswa ga Boshoga di magomong a godimo gape le gore,motswa-sehlabelo ga se a humanwa a phela goba a hlokagetse.Boshoga o bonwe la mafelelo letsatsing la 18 kgweding ya Dibatsela ngwagola,morago ga go tsenela kopano ya kgwebo lebenkeleng la dijo ka Centurion.Mmoleledi wa bosaetshaba wa maphodisa Athlenda Mathe,o dirile boipiletso go badirisi ba makala a dikgokagano tsa leago bja gore,ba emise go phatlalatsa tshedimoso yeo e sa netefatswago.

31/07/2025

MOTSOALEDI - OMBUD
Tona ya maphelo Dr. Aaron Motsoaledi,ore Health Professions Council,e tla tsea sephetho mabapi le ditshisinyo tseo di dirilwego ke Health Ombud,mabapi le mahu a balwetsi ba 2 bookelong bja ka Northern Cape bja malwetsi a menagano.Seo se latela pego ya dinyakisiso yeo e lokolotswego ke Professor Taole Mokoena.Pego e utolotse go phuhlama ga mananeo-kgoparara,hlokomelo ya go fokola ya balwetsi,le taolo-mpe,bjalo ka mabaka a magolo,fao balwetsi ba hlokagalago ka lebaka la go tonya,ka nthla ya kgaotso ya kabo ya mohlagase.Tona Motsoaledi ore ditsholo di go dingaka tseo di hlolegago go dira mesomo ya tsona...

31/07/2025

TRUMP- CANADA
Presidente ya U.S. Donald Trump, o re go tlaba boima go fihlella kwano ya kgwebishano le Canada, morago ga gore naga e tsebishe gore e shegofatsa boikemo bja mmusho wa Palestine. Israel e latofaditse Canada ka go thekga Hamas. Tonakgolo ya Canada, Mark Carney, o rile obe a ena le tshepho ya go fihlellwa ga tharollo tabeng ye. France le Britain le tsona di dirile tsebisho ya go swana le yeo mo matsatsing ao a fetilego.

Address

19 Hospital Street
Polokwane
0699

Opening Hours

Monday 05:00 - 22:00
Tuesday 05:00 - 22:00
Wednesday 05:00 - 22:00
Thursday 05:00 - 22:00
Friday 05:00 - 22:00
Saturday 05:00 - 22:00
Sunday 05:00 - 22:00

Website

Alerts

Be the first to know and let us send you an email when Ditaba Tsa Sepedi Iri ka Iri Go Thobela FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ditaba Tsa Sepedi Iri ka Iri Go Thobela FM:

Shortcuts

Share

Category