What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

Jotha

Ons spesialiseer om boeke in klein en groot maat te druk teen bekostigbare pryse.

01/01/2023

Geseënde Sondag en voorspoedige jaar saam met julle geliefdes en rus. ⛪🌸🌻♥️💐🌼🌹

25/12/2022

🖊🖋📖📚🎁🎄

04/07/2022

EMOSIE
Môre, almal.
Seëninge vir die week.

Dit is 'n feit dat skrywers dele van hulself in hul werk los, of jy fiksie skryf of gedigte, maak nie saak nie.
Selfs die skryf van fiksie het 'n manier om dinge in die skrywer te help uitsorteer, en ja, dit gaan soms met trane en bloedsweet gepaard.
Laat die woorde vloei met die eerste konsep. Moenie jouself keer of sensor nie. Later kan jy mos met self-redigering gaan skuur en skaaf.
Dit is juis die skrywer se emosie wat die leser kan voel, wat maak dat hulle geboei word deur wat hulle lees.

Mooi dag en lekker skryf. 💻🖋😊

30/06/2022

AS JY NIE KAN SLAAP NIE, SKRYF!
Môre, almal.

So gebeur dit soms dat jy nie kan slaap nie. Miskien hou kommer jou wakker, of jou skrywersbrein wil net nie afsit nie. Storie idees en gedig frases hardloop deur jou gedagtes en jou brein voel soos Grand Central Station.
Gebruik hierdie tyd om te skryf. Almal behalwe jy is in Droomland en dit is stil. Niemand gaan jou kom sê hulle is honger of dors nie, en dit is te vroeg om die stofsuier aan te sit 😊.
Gebruik die tyd produktief, in stede daarvan om net na die plafon te lê en staar.

Mooi dag en lekker skryf. 💻🖋😊

27/06/2022

RUK JOU STORIELYN LOS
Middag, almal.

Dit is frustrerend om te skryf en skryf, en skielik te besef jy het geen idee wat volgende moet gebeur nie.

Hoe ruk jy die storielyn uit die sloot waarin dit geval het?

• Kyk na 'n klompie ander storielyn strukture of metodes.

• Skep 'n 'mind map'. Dit is 'n visuele voorstelling van idees en hoe hulle almal bymekaar aansluit.

• Vra jouself: 'Wat as...?' Skryf dan elke lawwe, voorspelbare of miskien sarkastiese idee neer wat by jou opkom. Brei 'n paar van hierdie idees bietjie verder uit. Dit mag jou miskien net in die rigting neem waarheen die storie moet gaan.
Vra jouself: 'Wat kan verkeerd gaan?' Skryf neer wat verkeerd kan gaan en maak dit so 'n titseltjie erger. Dit is 'n goeie manier om konflik te skep en die karakters 'n moeilike, maar interessante tyd te gee.

• Gee die karakters meer om te verloor.

• Skryf die einde van die boek eerste.

• Martel die karakters. Laat iets drie maal 'n soen keer voor dit gebeur, of die motor wil nie aansluit nie, dit reën boonop baie hard en die karakter moet nóú op 'n ander plek wees. Watse vrese het die karakters? Dit kan enigiets wees, en kan interne spanning veroorsaak wanneer jy hierdie fobies so 'n paar maal in die mengsel gooi.

• Kyk wat gaan aan in 'n ander boek, in dieselfde hoofstuk waar jy nou trek met die skryf van jóú boek.

• Hou aan skryf en pluis die fyn besonderhede later uit.

Lieflike dag verder en lekker skryf. 💻🖋😊

23/06/2022

'FREE WRITING'
Naand, almal.

Wanneer 'n mens se brein gaan vassteek soos 'n steeks donkie, is daar iets wat jy kan probeer: Vrye skryf (Free writing). Vrye skryf druk jou brein om langer, dieper en meer onkonvensioneel te d**k.

Hier is die stappe:
1. Kies 'n skryfopdrag (writing prompt)
2. Hê jou pen en papier, of rekenaar gereed.
3. Stel 'n alarm vir 5, 10 of 20 minute.
4. Skryf so vinnig as wat jy kan. Moenie vir enigiets stop nie. Laat die woorde net vloei vir die volle 5, 10 of 20 minute. Moenie teruglees nie. Moenie enigiets uitvee of spel/tikfoute regmaak nie. Hou aan skryf tot die alarm afgaan.

* Niemand gaan hierdie vrye skryfstuk lees nie. Wat jy geskryf het mag miskien net lei na 'n manuskrip wat jy uiteindelik gaan publiseer.
* Doen hierdie oefening gereeld. As dit nuwe idees skep, skryf die idees neer.
* Gee jouself altyd 'n tydlimiet en stop wanneer die alarm afgaan. Om te weet daar is 'n tydlimiet, hou jou gefokus.

Vrye skryf kan jou help om nuwe assosiasies te maak en om nuwe idees te genereer wat andersins nie na die oppervlak sou borrel nie.
Drie 'writing prompts':
• 'Ek sal daarvan hou om te leer van...'
• 'Weet jy wat sal ek geniet om weer te doen?'
• 'Ek het die deur oopgemaak...'

Mooi aand, lekker skryf en lekker slaap. 🖋💻😊💭

22/06/2022

NEGATIEWE TERUGVOERING
Middag, almal.

Daar is nie 'n skrywer onder die son wat negatiewe terugvoering wil ontvang op hul boek nie, tog is die negatiewe terugvoer net so belangrik soos die positiewe terugvoer.
Dit is hoekom beta-lesers 'n goeie idee is; mense wat jou boek lees wanneer jy reeds so een of twee maal self-redigering gedoen het. Wanneer die beta-lesers vir jou sê wat hulle pla omtrent die storie, neem dit in ag en gaan maak dit reg, sodat al die elemente wat 'n leser sal pla uitgestryk kan wees voor jou boek gepubliseer word.
Sou jy dan nog veranderinge aanbring met jou self-redigering, kan jou betas weer die manuskrip lees om te kyk of daar nog ietsie is wat pla, en of die veranderinge bydra tot die storie.
Jy hoef nie negatiewe terugvoering as negatief te ervaar nie. Sien dit eerder as dat die leser vir jou sê wat aan gewerk kan word voor die uiteindelike leser die boek onderhande kry.

Mooi dag en lekker skryf. 😊💻🖊

20/06/2022

STEURENDE ELEMENTE
om uit jou skryfproses te haal
Brianne Toma

Môre, almal.
Seëninge vir die week.

Passiewe stem
Aktief: Ek het die koekies geëet.
Passief: Die koekies is deur my geëet.
Indien een karakter bedoel is om die ander te irriteer, kan hierdie een mens in passiewe stem praat. Verder hoort dit nêrens.

Afleidende prosa
Ooruitgebreide besonderhede van die omgewing, karakter beskrywing, lang sinne met baie byvoeglike naamwoorde... Stop dit. Beskrywings is belangrik, maar hou dit kort en laat die leser ook toe om 'die prentjie in te kleur.'

Sinonieme vir 'sê'
As jy bang is jy skryf, '...sê Anna / sê Koos' te veel, óórd**k jy dit. Die gebruik van 'sê' gaan nie die leser se aandag aftrek van wat gesê word nie.

Font
Italics, onderstreep, klomp uitroeptekens agtermekaar... Dit is aandagafleiers. Jy wil mos juis nie hê die leser moet onthou hulle is besig om te lees nie.

Vertel vs Wys
Wys. Moenie vertel nie. Laat die leser eerder emosie sien as lees.
Raak ook ontslae van, 'sy sien' en 'hy hoor', 'knik SY KOP' en hierdie soort klein jakkalsies. Sê net wat sy sien en wat hy hoor. Wat anders is daar aan 'n mens om te knik? 😊

Clichés
Dit is 'n idee, frase of uitdrukking wat, omdat dit wyd gebruik of herhaal is, dus algemene plek geword het. 'n Goeie voorbeeld hiervan waarna jy sommer kan kyk is Hallmark flieks. Kyk so twee of drie na mekaar. Die kanse is nege uit tien dat dieselfde resep gevolg is. D**k buite die boks sover storielyn aangaan.

Lieflike dag en week. Lekker skryf. 🖋💻😊

08/06/2022

INSPIRASIE IS ORAL
Môre, almal.

Dit is nie dat ons skrywersblok kry, of absoluut inspirasieloos is nie. Wat ons hande vasbind is die perfeksionistiese wil en ons tyd wat beperk is.
Ons, skrywers, moet die idee van perfeksie laat gaan. Geen eerste konsep is drukreg nie, maak nie saak hoe hard jy daaraan werk om nie redigering nodig te hê nie. Dit sal altyd nodig wees.
Maak tyd. Niemand gaan vir jou sê, 'Hier is 'n honderd rand. Gaan Wimpy toe en bekyk die mense vir idees' nie. Niemand gaan iets wat gedoen moet word uit jou hande kom neem sodat jy bietjie kan rondry en jou kreatiewe gedagtes vrye teuels kan gee nie. Jy moet tyd vir jouself afbaken, soos vir 'n doktersafspraak, en daardie tyd neem.
Inspirasie lê eintlik om elke hoek en draai, maar ons verstrengel onsself so in die lewe en wat ons d**k ander van ons verwag dat ons dit alles miskyk en later moed verloor met skryf.
Daar is baie dinge, mense en plekke rondom ons wat 'n storie idee kan laat ontkiem, of wat ons kan help om uit daardie hoek te kom waarin ons onsself vasgeskryf het. Ons moet net oop wees vir dit.

Lieflike dag en lekker skryf. 🖋💻😊

07/06/2022

PAS DIT TOE
Môre, almal.

Daar kom tye wat jy afgestomp voel sover skryf aangaan. Idees wil nie vloei nie en die karakters speel nie saam nie. Kreatiwiteit voel of dit iewers deur die nag by die venster uitgeklim en weggehardloop het.
Hieronder is 'n klompie dinge wat jy kan toepas om weer aan die gang te kom.

Mooi dag en lekker skryf. 🖋💻😊

06/06/2022

DIE IMPAK WAT JOU BOEK HET
Môre, almal.
Seëninge vir die week.

Jim Morrison het hier gepraat van gedigte, maar dit was die lirieke vir sy liedjies.
So dig baie skrywers, skryf mense hul lewensverhale en hoe hulle moeilike tye oorkom het en skryf mense fiktiewe stories om die leser uit hul alledaagse omstandighede te lig en weg te voer na ander plekke...
Geen mens kan bekostig om kop in die sand deur die lewe te gaan nie. Leergierigheid en nuuskierigheid maak deure oop, en dit net deur iemand anders se woorde te lees.

Hou aan skryf. Hou aan lees. Voed jou brein en jou emosies. Die tyd vir beter en vorentoe beweeg het aangebreek. Boeke in watter formaat ook al, is die aangewese ding om verandering te help plaasvind.

Lieflike dag. Lekker skryf. 🖋💻😊

30/05/2022

SEKONDÊRE KARAKTERS

Middag, almal.

Elke karakter in jou boek moet 'n doel en 'n plek hê in die storie, anders moet die doelloses liefs uitgehaal word wanneer jy met self-redigering kan begin.
Vir sekondêre karakters om in jou storie te hoort, is daar vyf elemente waarna jy moet kyk:

* Die sekondêre karakter moet 'n ander perspektief verleen wat die hoofkarakter sekere besluite, of een groot besluit laat neem.

* Hy of sy moedig die hoofkarakter aan wanneer niemand anders dit kan of wil doen nie.

* Die sekondêre karakter het die invloed (of 'power') om vir die hoofkarakter 'n guns of twee te kan doen.

* Hy of sy verleen onverwags hulp, of onverwagse hulp aan die hoofkarakter.

* Hy of sy kan uitdraai om die eens onsigbare eintlike groot liefde van die hoofkarakter te wees, die een wat altyd nog daar was en skielik as meer as 'n vriend of vriendin gesien word.

Sekondêre karakters kan eintlik baie interessant wees.

Lieflike dag, seëninge vir die week en lekker skryf. 💕💻😊

Address

Milnerstraat 389 Waterkloof
Pretoria
0181

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00

Website

http://Www.jotha.co.za/

Alerts

Be the first to know and let us send you an email when Jotha posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Jotha:

Shortcuts

Want your business to be the top-listed Media Company in Pretoria?