Ineffable digital designs

09/09/2025

"Op die ou end gaan dit nie daaroor of jy ’n graad het en of jy selfgeleerd is nie, maar eerder oor die vermoë om jou talent, kennis en proses duidelik te demonstreer." | Hilde Kruger

Selfgeleerde ontwerpers rig die mark met spoed en laer pryse.

09/09/2025

𝗩𝗔𝗧 𝗛𝗔𝗡𝗗𝗘
Ineffable Digital Designs™ bou bande deur hierdie jaar weer hande met Helpende Hand - Deel van die Solidariteit Beweging te vat.

Solidariteit Helpende Hand se bestaansrede is om welstand deur werksyn in en deur ons gemeenskap te help verseker. Dís die waardes wat uit die hand van liefde vloei: Roeping en Verbondenheid, Uitnemendheid, Naasteliefde, Getrouheid en Selfhelp.

Sonja Malan het hierdie jaar by Helpende Hand se hoofkantoor aangesluit en is deel van die Personeeldienste en Ontwikkeling-span. Dankie, Sonja, vir jou tyd en harde werk om Helpende Hand te ontwikkel en welstand in die gemeenskap en werksplek te bevorder. Ons waardeer dit opreg!

Geniet jou Dinsdag!
©Ineffable Digital Designs 2025

08/09/2025

Mense wat naby aan my is, weet dat die hart van my liefde in die handeling van gee is. My liefdestaal is duidelik: ek gee graag geskenke en stukke van myself.

Ek het agtergekom dat wanneer ek te veel van myself vir ander gee, ek ’n deel van my eie kern verloor. Ek sê ja wanneer ek eintlik nee bedoel, dra ander se laste wat nie myne is om te dra nie en vra soms ook onnodig om verskoning. Die probleem lê nie in my hart nie, dit lê in die grensloosheid van my gee...

My grense is nie mure om mense uit te sluit nie, dis 'n beskermingsmeganisme wat keer dat my lig nie dof word nie. In Galasiërs 6:2 staan daar dat jy mekaar se laste moet dra... dit beteken nie jy moet jouself uitput of jou grense ignoreer nie, want in Matteus 11:28–30 staan daar ook dat Jesus vir jou rus wil gee en dat sy juk sag is. Jou eie krag en welstand is dus net so belangrik.

Ek kan nie vir almal praat nie, maar my eie hart moet eers vol wees voordat ek dit met die wêreld kan deel, want as ek myself verloor, verdwyn die lig en dis 'n donker plek wat ek nie gou weer wil sien nie.

Geniet jou Maandag!
-die Stigter

©Ineffable Digital Designs 2025

07/09/2025

"Ja, liewe Student, jou roeping begin hier."

Lees jou briewe hier: http://bit.ly/3JMx8J5

Oor die algemeen is ek 'n nuuskierige mens wat weet dat daar baie dinge is wat ek nie weet nie. Hoe meer ek leer, hoe minder weet ek. In Jeremia 33:3 stel die Here ons gerus deur te sê Hy sal ons antwoord en die groot, onverstaanbare dinge wat ons nie weet nie bekend maak as ons Hom aanroep.

Dit het my 'n rukkie geneem om te besef om 'n student te wees, is veel meer as net die najaag van punte, grade of loopbaangeleenthede. Dis 'n pad van ontdekking, groei, opoffering en diensbaarheid. Jou roeping begin nie eers na die studies nie, maar tydens jou studies.

Elke vraestel, elke lesing en elke laat nag met boeke en koffie is 'n deel van 'n groter storie wat God met jou lewe skryf. Jy studeer nie net vir 'n beroep nie, jy berei jouself voor om mense te beïnvloed. Jou opleiding vorm jou om diensbaar aan God te wees en die wêreld 'n beter plek te maak.

In Suid-Afrika is daar 'n enorme tekort aan versorgers, en waar opleiding wel plaasvind, is die gehalte nie altyd na wense nie. Die Solidariteit Helpende Hand Opleidingsinstituut streef daarna om versorgers van wêreldgehalte op te lei wat gereed is vir die uitdagings van die toekoms en 'n groot bydrae kan lewer om gehaltesorg aan te vul.

Jou roeping is nie altyd duidelik sigbaar nie. Soms fluister dit tussen die bladsye van jou boek en partykeer lyk dit soos jou getroue deelname aan 'n projek. Liewe Student, teken asseblief die volgende gedagte in jou werkboek aan:
Jy word nie eers iemand ná jy studeer het nie. Jy is reeds 'n draer van God se plan wat die kwesbares in jou gemeenskappe kundig, met hart en hande kan versorg.

Ja, liewe Student, jou roeping begin hier.

Hilde
Solidariteit Helpende Hand
Lees jou briewe hier: http://bit.ly/3JMx8J5

06/09/2025

𝗗𝗜𝗘 𝗣𝗟𝗔𝗡𝗧𝗘 𝗜𝗡 𝗢𝗡𝗦 𝗧𝗔𝗔𝗟𝗧𝗨𝗜𝗡®
𝑩𝒐𝒓𝒈 '𝒏 𝒘𝒐𝒐𝒓𝒅
9 𝒗𝒂𝒏 12

Ter viering van Afrikaans se 100ste bestaansjaar gaan ons vanjaar 12 woorde op ’n maandelikse basis in Ons Taaltuin® plant deur ’n woord by die Woordeboek van die Afrikaanse Taal te borg!

Woorde is die lewenssap van ons taal: hoe ons hulle plant, versorg en snoei, bepaal hoe ons stories en menslikheid groei. In ons Taaltuin™ is dit ons verantwoordelikheid om ons Taaltuin® met wysheid te kweek, woorde met aandag te kies en Afrikaans met geduld te versorg.

Hiermee bevorder ons Afrikaans deur die volgende woord in ons Taaltuin® te plant:
𝗞𝗜𝗡𝗞𝗘𝗟

Ideaal, want dis digi-taal! ®
Geniet jou Saterdag!

05/09/2025

Ontwerpersbedryf: Deur Graad of Gawe?

"Hierdie situasie skep 'n unieke spanning in die kunsbedryf: Aan die een kant is daar die spoed en bekostigbaarheid van selfgeleerdes se werk, en aan die ander kant die diepte, strategie en gehalte van opgeleide ontwerp. Is dit eties en regverdig teenoor die kliënt?"

Dankie, OntLaer!

https://www.ontlaer.co.za/p/ontwerpersbedryf-deur-graad-of-gawe?

Selfgeleerde ontwerpers rig die mark met spoed en laer pryse.

05/09/2025

Ineffable Digital Designs™ gee onverwagse erkenning aan plaaslike besighede, kunstenaars, buitengewone mense en organisasies deur collages op te dra. Vandag gee ons erkenning aan Mossie!

Mossie is 'n plaaslike besigheid en is deur Nicolette gestig. Mossie maak nie nét dekor nie, maar stories. Nicolette se skeppings bring ’n unieke, persoonlike tikkie warmte en kleur in jou huis. Of dit nou vir dekor is of vir ’n spesifieke tema, alles word uit die hart gemaak.

Besoek gerus hul Facebookblad of kontak hulle hier: [email protected]

Geniet jou Vrydag!
©Ineffable Digital Designs 2025

🎨Ontwerpersnota: Die embleem sowel as die karakter-element wat in hierdie collage gebruik word, behoort aan die plaaslike besigheid, Mossie. Ineffable Digital Designs™ gebruik hierdie elemente uitsluitlik met die doel om erkenning aan die besigheid te gee en om lig op hul kreatiewe werk te plaas. Geen komersiële regte op die embleem of karakter-element is deur ons gemaak nie; alle regte bly by die oorspronklike eienaar.

04/09/2025

Varsgepluk uit Ons Taaltuin! Hier is vyf lewenslesse wat jy by 'n doringplant kan leer.👇🏻

04/09/2025

𝗩𝗔𝗧 𝗛𝗔𝗡𝗗𝗘

Ineffable Digital Designs™ bou bande deur hierdie jaar weer hande met Helpende Hand - Deel van die Solidariteit Beweging te vat. Ons Winkels is die skenkingswinkels van Solidariteit Helpende Hand. Daar is bykans 127 winkels landswyd waar lede van die publiek skenkings van tweedehandse goedere kan maak. Op die manier skep hul volhoubare besighede.

Vandag gee ons erkenning deur 'n collage aan Ons Winkel Graaff-Reinet op te dra.
Indien jy in of om Graaff-Reinet is, wil ons jou aanmoedig om jou ongewensde goedere of klere aan die winkel te skenk.

Kontak hulle hier: [email protected]

Dit is my winkel, dit is jou winkel, dit is Ons Winkel.
Geniet jou Donderdag!

©Ineffable Digital Designs 2025

03/09/2025

Is graffiti 'n kunsvorm of vandalisme? Lees gerus op OntLaer.

Moenie gevang word nie.

03/09/2025

Hou jou oë oop vir Desember.

Briewe bly die tydlose manier om harte bymekaar te bring. Hilde Kruger se briewebundel bring hierdie erfenis op 'n digitale wyse terug. Vandag, op Wêreldbriefskryfdag, vier ons nie net die kuns van skryf nie, maar ook die krag van 'n eenvoudige boodskap wat oor tyd en afstand kan reis.

Hilde se briewebundel is in Desember beskikbaar.
Hou die spasie dop.