Ineffable digital designs

12/07/2025

Ineffable Digital Designs™ gee onverwagse erkenning aan plaaslike besighede, kunstenaars, buitengewone mense en organisasies deur collages op te dra. Vandag gee ons erkenning deur 'n collage aan die organiseerders van KragDag op te dra!

KragDag bevorder ’n lewe van vryheid en selfstandigheid deur volhoubare oplossings en Doen-dit-self planne. Hernubare en alternatiewe energie speel ’n sleutelrol, saam met ander aspekte soos water, veiligheid, gesondheid, kosproduksie, opvoeding, vervoer, konstruksie en landbou.

KragDag moedig ’n maker- en kreatiewe entrepreneuriese lewensingesteldheid aan deur ’n jaarlikse buitelug-ekspo, radioprogramme, kursusse, produklanserings, nuusbriewe en seminare. Dit bied ook ’n platform waar entrepreneurs, die publiek en innoverende idees saamkom.

Wat 'n mooi inisiatief.
Doen jou eie ding en merk die datum, want Kragdag is om die draai!
Besoek hulle webtuiste hier: kragdag.co.za

Geniet jou Saterdag!
©Ineffable Digital Designs 2025

11/07/2025

Ineffable Digital Designs™ gee onverwagse erkenning aan plaaslike besighede, kunstenaars, buitengewone mense en organisasies deur collages op te dra. Vandag gee ons erkenning deur 'n collage aan Fanie du Toit op te dra.

Fanie du Toit is 'n radio-omroeper by RSG en die skakelbeampte van die Nasionale Raad vir Persone met ‘n Liggaamlike Gestremdheid (NCPD) in Suid Afrika. In 1979 het hy in Angola sy gehoor, ná 'n ongeluk in die weermag, verloor.

Fanie het onlangs in 'n plasing geskryf: "Ons taak om te pleit vir die billike insluiting van persone met gestremdhede sal slegs voltooi wees wanneer individue wat fisiese, psigososiale, neurologiese, sensoriese en intellektuele beperkinge het, gelyke toegang tot redelike akkommodasie het. Tot dan het ons 'n aansienlike hoeveelheid werk voor ons!"

Fanie is 'n stem vir baie mense. Mag jy aanhou inspireer en 'n verskil maak, Fanie!
Dankie!

Besoek hul webtuiste hier: faniedreams.co.za

Geniet jou Vrydag!
©Ineffable Digital Designs 2025

10/07/2025

𝗩𝗔𝗧 𝗛𝗔𝗡𝗗𝗘

Helpende Hand Studietrust het in 2021 die Hier sal ek Boer Studiefonds gestig met die doel om studente wat al deur plaasaanvalle, droogtes en soveel meer geraak is te ondersteun.

Die Hier sal ek Boer Studiefonds fokus op die ondersteuning van studente wat in lanbou, natuurbewaring, en die jagbedryf wil studeer. Die fonds se mandaat is om seker te maak dat studiekostes nie nog 'n uitdaging vir die boeregemeenskap is nie. Elke student wat wil studeer, moet kan studeer.

Die Hier sal ek Boer Studiefonds is meer as net 'n finansiële hulpbron vir studente. Dit is 'n simbool van hoop en uithouvermoë.
Jy kan 'n student hier ondersteun: hh-studietrust.co.za

Geniet jou Donderdag!
©Ineffable Digital Designs 2025

09/07/2025

Ineffable Digital Designs™ gee onverwagse erkenning aan plaaslike besighede, kunstenaars, buitengewone mense en organisasies deur collages op te dra. Vandag gee ons erkenning deur 'n collage aan Koekela Huiskafee Bloemfontein op te dra.

Koekela sit in die hartjie van Bloemfontein en is in 2010 gestig. Dié wonderlike juweel is blink gevryf en met ander mooi krale bygevoeg. Koekela Huiskafee is nou 15 jaar aan die gang, onder die leiding van Gabriëlle, en maak nog steeds elke dag hul voordeur met dankbaarheid en geloof oop. Van koek tot funksies! Hier kan jy die lewe behoorlik vier.

Besoek gerus hul webtuiste hier: koekela.co.za

Geniet jou Woensdag!
©Ineffable Digital Designs 2025

08/07/2025

𝗩𝗔𝗧 𝗛𝗔𝗡𝗗𝗘
Ineffable Digital Designs™ bou bande deur hierdie jaar weer hande met Helpende Hand - Deel van die Solidariteit Beweging te vat.

Solidariteit Helpende Hand se bestaansrede is om welstand deur werksyn in en deur ons gemeenskap te help verseker. Leierskap is die eienskap om visie in werklikheid te verander, daarom dra ons hierdie maand collages aan die hoofkantoor se projekte op.

𝗛𝗲𝗹𝗽 𝗛𝗲𝘁𝘁𝗮

Helpende Hand se -projek versprei sanitêre ware en ander noodsaaklike higiëniese produkte aan meisies in nood op ’n kwartaallikse basis. Dié projek is in 2015 deur Solidariteit Helpende Hand gestig met die poging om vernedering te spaar, meisies se waardigheid te beskerm en te verseker dat hul elke dag skool, buitemuurse en sosiale aktiwiteite kan bywoon.

Meisies, wat nie sanitêre ware kan bekostig nie, mis 52 dae skooldae elke jaar.
Dankie dat julle ons meisies in die skool hou! Ons waardeer dit opreg!

Jy kan help. Maak 'n verskil: https://helpendehand.co.za/helphetta-donasie/

Geniet jou Dinsdag!
©Ineffable Digital Designs 2025

07/07/2025

Wat ek van die natuur waardeer is dat dit eerlik is. Sy lieg nie oor hoe sy voel nie. Sy waarsku jou vooraf met donderweer en maak seker die aarde rus wanneer dit moet. Die natuur daag op ... nog altyd. Nie op die mens se tyd nie, maar God s'n. Getrouheid. Dis wat dit is.

Volgens Prediker 3:1 is daar 'n bepaalde tyd vir alles. Dis ’n eenvoudige vers en soms onderskat ons dit ... Prediker 3 dui verder aan dat 'n bepaalde tyd nie net in mooi seisoene is nie, maar in moeilike tye ook.

Daar is 'n tyd om te plant en 'n tyd om uit te trek. ’n Tyd om te huil en ’n tyd om te lag. ’n Tyd om te breek en ’n tyd om te bou.

Met ander woorde: alles wat gebeur, ja, selfs dít wat pyn bring, het 'n plek, 'n doel en 'n tyd.

Die winter is nodig, omdat dit rus bring. Dit bring stilte en voorbereiding. Dit het 'n plek. Dis nie 'n tyd om op te gee nie, maar 'n tyd om te vertrou, want Hy wat die seisoene beheer het nog nooit van jóú vergeet nie. Nie in die val nie. Nie in die wag nie. En béslis nie in die winter nie.

Geniet jou Maandag.
-die Stigter
©Ineffable Digital Designs 2025

06/07/2025

Liewe Boer ..
Jy bou nie net jou eie toekoms nie – jy bou die land s’n. Jou arbeid voed ons, jou opofferinge dra ons, jou geloof inspireer ons. ..
www.hiersalekboer.co.za

Liewe Boer

Ek skryf vir jou ‘n brief met die hoop dat dit jou eendag sal bereik soos wat dit my verlaat. Miskien vind dit lêplek net anderkant die doringdraad. As iemand wat aan die anderkant van die plaashek staan, weet ek maar min. Liewe Boer, hoe vroeg moet jy opstaan vir jou dag om te begin?

Soms sien ek opskrifte in groot swart letters gedruk. Stil is die mense wat aan hul eie woorde verstik. Plek-plek sien ek jou skape wat in die stof verskrompel en ek weet ook van die droogte wat jou damme leeg drink. Die slapelose nagte oor jou veiligheid en skuld. Die trekker wat nie meer wil ry nie en die veldbrand net anderkant die bult.

Jy bou nie net jou eie toekoms nie – jy bou die land s’n. Jou arbeid voed ons, jou opofferinge dra ons, jou geloof inspireer ons.

Liewe Boer, sê vir my hoe sien jy lig? Hoe hou jy aan veg eerder as om te vlug? Is die stryd deel van jou verhaal of is ons mense besig om 'n duur prys te betaal? Jy het jou lewe gewy aan jou God, jou grond en jou gesin. Ja, liewe Boer, want hier sal jy boer – selfs al moet jy oor begin.

Ek sal aanhou skryf met die hoop dat my briewe welkom sal wees, want dis net jy wat die natuur so mooi kan lees. Ek haal my hoed af vir jou en sluit my brief met dankbaarheid en groot respek.

Groete
Hilde
Die meisie net anderkant die plaashek
Solidariteit Helpende Hand

www.hiersalekboer.co.za

05/07/2025

𝗣𝗔𝗥𝗧𝗬𝗧𝗝𝗜𝗘𝗗𝗜𝗘𝗥𝗘 𝗜𝗡 𝗢𝗡𝗦 𝗧𝗔𝗔𝗟𝗧𝗨𝗜𝗡™
𝗢𝗻𝘀 𝗗𝗼𝗻𝗸𝗶𝗲
7 𝒗𝒂𝒏 12

Ons Taaltuin ™ het plek vir partytjiediere. Hier is ons diere nie net die skadu’s van die natuur nie, maar ook die beeldspraak van menslike ervarings. Ons diere fluister in ons sinne en kruip in ons uitdrukkings in.

Die donkie in ons Taaltuin™ is nie bekend vir sy skoonheid of spoed nie. Hy is lomp, hardwerkend en geduldig. Vanuit 'n Christelike aanslag het God hierdie dier gekies om die Verlosser van die wêreld te dra. God kyk nie na voorkoms of status nie. Hy gebruik dit wat eenvoudig is om die wêreld te verander.

Paulus skryf in 1 Korintiërs 1:27: “Maar wat dwaas is in die oë van die wêreld, het God gekies om die wyses tot skande te maak...” Die donkie leer ons dat God nie van ons krag afhanklik is nie, maar eerder van ons bereidwilligheid om Hom te volg.

Die donkie in ons Taaltuin™ herinner ons daaraan om diensbaar en nederig te wees. Ons donkie spog nie en is ook nie groot praterig nie. Hy dra sy las getrou en maak 'n pad oop vir vrede.

Ja, die donkie is 'n wonderlike ding!

Geniet jou Saterdag!
Hilde Kruger

©Ineffable Digital Designs 2025

04/07/2025

Ineffable Digital Designs™ gee onverwagse erkenning aan plaaslike besighede, kunstenaars, buitengewone mense en organisasies deur collages op te dra. Vandag gee ons erkenning deur 'n collage aan Skryfstudio op te dra!

Skryfstudio is 'n aanlynplatform vir studente, skoolleerders, onderwysers en akademici.
Skryfstudio moedig suiwer Afrikaans aan en deel wenke oor hoe om jou skryfvaardighede in Afrikaans te verbeter. Dié aanlynplatform het ook voeër in die jaar 'n paar plasings oor die gebruik van generatiewe KI, soos ChatGPT, gedeel.

Dankie vir die nuttige wenke om ons taalvaardighede te verbeter, Skryfstudio!
Ons waardeer dit opreg.

Geniet jou Vrydag!
©Ineffable Digital Designs 2025

03/07/2025

Ineffable digital designs ™ is trots om weer as 'n raadslid van die Kommunikasie-en bemarkingsnetwerk adviesraad te wees.

Dié netwerk tree namens die kommunikasie- en bemarkingsberoepe op deur verhoudinge met ander instellings en organisasies, wat 'n invloed op die beroep kan uitoefen, te bou. Hier kan jy by gesprekke betrokke raak wat spesifiek is tot jou beroep en kan jy netwerkgeleenthede bywoon om jou loopbaan te bevorder.

Vandag gee ons erkenning aan Mari Ferreira deur 'n collage aan haar op te dra. Mari is 'n netwerkorganiseerder by Solidariteit. Baie dankie, Mari, vir die noemenswaardige verskil wat jy vir talle mense in hul beroepe maak, dit sluit ons besigheid in.

Ons waardeer jou opreg!
Geniet jou Donderdag!
©Ineffable Digital Designs 2025

02/07/2025

Ineffable Digital Designs™ gee onverwagse erkenning aan plaaslike besighede, kunstenaars, buitengewone mense en organisasies deur collages op te dra. Vandag gee ons erkenning deur 'n collage aan die Komma Koek en Koffie winkel, op te dra!

Dié koffiewinkel is in die hartjie van Rayton geleë en kan as een van Suid-Afrika se juwele gesien word. Komma Koek en Koffiewinkel nooi jou met watertand lekker geure in - van varsgebakte koek en warm koffie tot ontbyt. Dis 'n plek wat mense bymekaarbring en goeie samesyn kweek. Wat Komma regtig besonders maak, is hul liefde vir Afrikaans - veral A.G. Visser se poësie. Dis 'n plek waar kos, kultuur en die gemeenskap mekaar in die oë kyk – een koppie koffie op ’n slag.

"Was jy ‘n lied se woorde,
En ek die melodie.
Was jy die hoogste kranse
En ek die sonnegloed,
Jou wange sou dan verwe
En op jou lippe sterwe
My eerste môreglanse
En laaste awendgroet;
Was jy die hoogste kranse,
En ek die sonnegloed."
- AG Visser

Geniet jou Woensdag!
©Ineffable Digital Designs 2025

01/07/2025

𝗩𝗔𝗧 𝗛𝗔𝗡𝗗𝗘
Ineffable Digital Designs™ bou bande deur hierdie jaar weer hande met Helpende Hand - Deel van die Solidariteit Beweging te vat.

Solidariteit Helpende Hand se bestaansrede is om welstand deur werksyn in en deur ons gemeenskap te help verseker. Leierskap is die eienskap om visie in werklikheid te verander, daarom dra ons hierdie maand collages aan die hoofkantoor se projekte op.

𝗞𝗼𝘀𝗯𝗹𝗶𝗸𝗸𝗶𝗲-𝗽𝗿𝗼𝗷𝗲𝗸

Vir ’n behoeftige kleuter is ’n bord kos veel meer as net voeding — dit is ’n baken van hoop, sekuriteit en die belofte van 'n beter toekoms.

en die Kosblikkie-projek is daarop gemik om te sorg dat kleuters daagliks 'n voedsame bord kos ontvang.

Die hooffokus van die projek is om behoeftige kleuterskole met die voeding van kleuters te ondersteun. Kleuters word danksy die voedingsprojek as fisiek sterker bestempel. Hulle groot en klein motoriese vaardighede asook hulle intellektuele en emosionele ontwikkeling baat by die voedsame maaltyd. Dit beteken dat hulle gehoorsamer is, hulle take makliker kan verrig en dat hulle selfvertroue verbeter.

Elke maaltyd wat aan 'n behoeftige kleuter gegee word, is 'n vriendelike gebaar wat die krag het om lewens te verander en die toekoms van ons land te vorm.

Stop honger. Voed 'n kind.
Ondersteun die projek hier: https://helpendehand.co.za/kosblikkie/

Geniet jou Dinsdag!
©Ineffable Digital Designs 2025