Guudmeer Media

18/12/2025

Adeerkeen Maaday Wali Rajo Miyuu Qabaa?

Caadi ahaanba siyaasadu waa shimbir baalka la hayo, afrikana wayba kasii fogtahay, oo kol hadaad salaanka ka dhacdo way adagtahay inaad mardame soo noqoto.

Ku darsoo soomaalidu waa bulsho hadal haynteedu maalinle tahay oo adoo isu arka in cirkaasi inyar kuu jiro, umbaa aayar lagu iloobi.

Hada adeer maaday oo horay xilal kala duwan ugasoo qabtay ONLF, in mudo ahna saaxada ka maqnaa ayaa shalay kasoo muuqday warbaahinta kooxda TPLF, isagoo sidii aynu horay uga baranay fariimo is khilaafsan gudbiyay.

Sikastaba ha ahaatee adeer waxaa hada la joogaa xiligii aad nasan lahayd, waayo ma joogtid meel aad kasoo noqoto mana jirto meel aad kusoo noqoto siyaasad ahaan.

“Dadkaaga Dhinac ka raac”

Source SDM

08/12/2025

Inay Deegaanka ay Masiirkiisa Qaybsadaan 3 Masuul oo Soomaali ahi miyayna Ka Fiicnayn Markay Qaybsanayeen Gen. Samora, Gen. Abraha Iyo Cabdi Iley?.

Waa arin fiican in maanta doodu taagan tahay hala-qiimeeyo Meeshii u qalanta inay Degmo noqoto iyo meeshi kale? Waa arin mucaaradka maanta ay diidanaayeen in la soo hadal qaado awal, laakiin hadda iyaga oo duraya degmooyinkii cusbaa ee la bixiyay ay la yimaadeen. Waxaan qabaa in dhamaan degmooyinka Deegaanka lagu noqdo, laguna sameeyo tirakoob la aqoonsan yahay iyo Dakhliga ay soo saaraan. Kadibna laga laabto dhamaan intii aan u qalmin kuwa u qalmana lasiiyo darajada ay mudan yihiin.

Dhanka kale kala jaridda Goboladda qofka leh maxaa loo kala jaray Sitti ama Jarar ee haddana leh lama kala jari karo Qoraxey muxuu u jeedda? Bal ha is qabadsiiyo.

Ugu dambeeyn, Deegaanka 3 nin oo Soomaali ah ayaa qaybsatay iyo Cabdi Iley, General Abraha Kuwartar iyo General Samooraa qaybsaday midkee fiican? Mise in Mustafe iyo laba janan oo qowmiyadda taladda dalka haysa ah inay qaybsadaan baa ma fiicneyd?

Xigasho. SDM

30/11/2025

Waxaa galabta Magaalada Nairobi gaar ahaan Xaafadda Islii lagu qabtay shir lagu Taageerayay Xukuumadda DDS.

Shirkan oo ay qabtay Jaaliyadda DDS ee dalka Kenya ayaa waxaa lagu Taageerayay waxqabadka iyo Horumarka ballaadhan ee Xukuumadda Deegaanka Soomaalida ee uu Hogaamiyo Madaxweyne Mustafa Omer, iyadoo dadkii goobta ka hadlay ay bogadiyeen Waxqabadka Xukuumadda DDS .

23/11/2025

Kani waa damiir laawe Cabdirisaaq Saxane oo uu Canbdi ilay baryahan danbe ka dhex hadlo, waa ninkii xiligii cabdilay haystay commission ka poliska ee Lixda magaalo ee Deegaanka ugu waawaynaa gubay ee bililiqaystay. Mudo shan Sano ah wuxuu Xoog ku daganaa guri uu dad masaakiina kala baxay isagoo leh waa UBO caruurona ku dhalay gurigaas waa la haa Cabdi Cali Cumar waxaana u daganayd ayaydii oo 80 jir ah. waalidii iyo Imaan la’aantii ayuu kolba gidaar kasoo go’ayaa maalmahan ha is dhagaysto oo ha dhuunto sida ilma laba-go’ole ha isqariyo

30/10/2025

Arinta Darfur kasocota waa mid lamida, xasuuqi uu cabdi Ilay ka gaystay Maqaqa iyo Galaalshe

18/10/2025

‎Horumarinta kaabayaasha aas-aasiga ah ee DDS.
‎
‎Deegaanka Soomalida oo ah deegaanka 2-aad ee uga dhulka balaadhan dalka wuxuu qarniyo badan ahaa deegaan ay shacabkiisu la daaladhacayeen adeegyada Aasaasiga ah ee laf dhabarta u ah horumarka bulshada deegaanka.
‎
‎Tani waxay keentay in deegaanka uu xaga horumarka kamid noqdo deegaanada ugu horumarka liita guud ahaan dalka iyadoo aay xusid mudan tahay inuu deegaanka xad la wadaago Sadex dal oo bariga Africa ah sida Kenya, Soomaliya iyo Djibuuti dhinaca dhaqaalaha gaar ahaan ganacsigana aad ugu horumarsan.
‎
‎Kaabayaasha Aasaasiga ah oo ay ugu h**eeyan Jidadka isla markaana kamid ah baahiyaha ugu badan ee aay shacabka deegaanku la ildarnaayeen ayaa helay jawaabo waafi ah iyadoo la hirgaliyay jidad jay ah oo gaadhaya 2,968 KM Halka 1,777km oo jidad Laami ah lahirgaliyay waxaana xusid mudan in sanadkan 2018-ka T.I aay qorsheysan yihiin bilaabida 24 mashruuca oo jidad Laami ah, hirgalinta jidadkan ayaa wax badan kataray isku xidhka deegaanka intiisa kale oo mudo badan kala qo'qobnaa, iyadoo aay xusid mudan tahay in deegaanka Soomalida uu Mari jiray Hal (1) Jid oo Laami ah taasoo isku xidha Addis Ababa ilaa Godey ayaa Waxaa 7-dii sano ee lasoo dhaafay la hirgaliyay jidad dhan jidad halbowle u ah isku xidhka bulshada deegaanka.
‎
‎Waxaa tusaale kugu filan in deegaanka intaa la eg uu lahaa Hal (1) Jid oo Laami ah kaasoo xidhiidhiya Godey ilaa Addis Ababa, Laydhka uu ku ekaa magaalooyin kooban si lamid ah Adeega Isgaadhsiinta.
‎
‎Laydhka, iyadoo Laydhka 24-ta saac lagaadhsiiyay 87 Magaalo, Halka 4 kamid ah Laydhka 24-ka Cadceeda ku shaqeeya la dhameystiray 9 kalena aay socdaan, intaa Waxaa dheer 2 xarumood oo kamid ah goobaha Laga qaybiyo korontada ayaa la dhameystiray.
‎
‎Dhinaca kale Adeega isgaadhsiinta (Telecommunication) ayaa la hormariyay sanaddii udambeeyey waxaana adeega Isgaadhsiinta lagaadhsiiyay 38 goobood Halka aay socdaan 168 anteeno isgaadhsiineed, taasoo wax weyn katartay isku xidhka bulshoweynta deegaanka oo inta badan xidhnxidhnaa isla markaana la jaanqaadeysa siyaasada Dowlada ee ku dhisan casriyaynta adeegyada kala duwan ee bulshada lagaadhsiiyo.
‎
‎Siyaasada wadajirka ku dhisan ee dalka ee uu dajiyay xisbiga Barwaaqo iyo hadafyada cad cad ee xukuumada deegaanka aay ka leedahay Horumarinta deegaanka ayaa suurto galisay in si guud deegaanka looga hirgaliyo kaabayaal mug leh oo wax weyn kataraya in bulshada deegaanka la gaadhsiiyo adeeg hufan isla markaana kobaca dhaqan dhaqaale ee deegaanka taasina aay keentay in lasoo jiito maalqabeeno badan oo maalgashiyo kala duwan kahirgaliyay deegaanka.
‎
‎Wakhti xaadirkan Waxaa deegaanka kasocda Dhismaha jidad Laami ah oo aay gacanta ku hayso xukumada deegaanka iyo tan Federalka, xarumo Laga qaybiyo korontada, adeega Isgaadhsiinta iyadoo sidoo kale dhawaan la hirgalin doono mashaariico horumarineed oo mug leh wax weyna ka tari doona nolosha bulshada deegaanka.
‎
‎Xukumad iyo xisbig leh siyaasad cad oo katarjumaysa dareenka shacabka ayaa keentay in lagu guulaysto shaqooyin badan oo horumarineed.

Xigasho :- Xafiiska Warfaafinta Deegaanka Somalida

17/10/2025

Bariisle —Madaxwayne Mustafe Muxummed Cumar, ayaa gaadhay magaalada Bariisle oo dhawaan golayaasha deegaanku ay u ansixiyeen in ay noqoto maamul-magaalo.

Madaxweynaha ayaa halkaas kula kulmay bulshada deegaanka, gaar ahaan beesha sharafta badan ee Gabooye, oo ay magaaladaasi u noqon doonto xarun rasmi ah oo leh maamul u gaar ah.

"Boqollaal sano ayaanu dulmanayn, soomaalidu meel bay iskaga kaanaa xidhay, haddaanu nahay beesha Gabooye, laakiin xukuumadda isbeddelka ayaana naga furtay oo aannu wax walba ku hilmaamaynaa, waana taariikh guun ah oo waligeed qornaan doonta", Bulshada magaalada.

Go’aankan ayaa ahaa mid taariikhi ah oo qayb ka ah siyaasadda dowlad-deegaanka ee ah, in la xaqiijiyo sinnaanta iyo cadaaladda bulshada deegaanka. Bulshada magaalada Bariisle ayaana si weyn u soo dhaweeyay booqashada Madaxweynaha iyo ansixinta maamulka magaalada oo ay wehelisay dhagax-dhigga mashaariico horumarineed.

Madaxweynaha ayaa magaalada ka dhagax-dhigay guriyayn noqonaysa mashruucii ugu muhiimsanaa ee ay hadda magaaladu u baahnayd (Rural Corridor) oo gaadhaya 50 guri oo lagu horumarinayo magaaladan.

Madaxweynaha DDS, Mudane Mustafe Muxummed Cumar, ayaa khudbad uu halkaasi ka jeediyay ku sheegay in tallaabadan ay muujinayso in deegaanku u taagan yahay cadaalad, wadajir iyo horumar loo siman yahay.

Madaxweynaha ayaa faray hoggaaminta ay khusayso in magaaldani si degdeg ah loosoo gaadhsiiyo oo hawshooda la bilaabo adeegyada bulshada ee sida: Biyaha, laydhka, wadada, caafimaadka iyo waxbarashada.

Tallaabada qabalahani lagaga dhigay maamulka magaalada ayaa kor u qaadeysa matalaadda iyo ka qaybgalka bulshada Gabooye ee nidaamka maamulka deegaanka, taas oo qayb ka ah dadaallada lagu xaqiijinayo cadaalad bulsho iyo mid siyaasadeed. Waxaana xusid mudan in billowgii xukuumadda isbaddelka ay markii ugu horreysay beeshu heshay matalaad wasiiro iyo mid maamulba!

Xigasho SRTV Somali

16/10/2025

Komishanka Baadhista Tacadiyada ka Dhacay Deegaanka Soomaalida ayaa magaalada Jigjiga ku qabtay kulan ballaadhan oo qayb ka ah barnaamijka “Dhageysiga Furan iyo Codka Dhibanayaasha.”

15/10/2025

Sida ay ku waramayaan Warbaahinta Dalka Kenya, Raila Odinga oo ahaan jiray raisulwasaarihii h**e ee dalka Kenya 🇰🇪 hadana ahaa gudoomiyihii xisbiga mucaaradka ee dalkaas ayaa wadne xanuun ugu geeriyooday dalka India.

15/10/2025

Shalay Barkhad Jaamac Batuun, maantana wasiir dawlada federaalka ee Soomaaliya ayaa aad u bogaadiyay horumarka iyo maamul-wanaaga ka hanaqaaday DDS, halkaas waxaa ka Cad in shantii soomaaliyeed maanta isku raacday in Isbadal la mahadiyay deegaanka ka hanaqaaday.

Wasiir ka tirsan Dowladda Soomaaliya oo bogaadiyey horumarka DDS gaar ahaanna gobolka xuduudda ah ee Liibaan.

15/10/2025

Gudiga doorashooyinka itoobiya oo si rasmiya u ansixiyay shirwaynihii Xisbiga ONLF ee Jigjiga ka dhacay sanadkan iyo hogaamintii ladoortay.