23/09/2025
Wat jy oor die jare in elke speler belê het met wie jy in rugby betrokke was, gaan nooit ongesiens verby nie. Elke speler wat die voorreg gehad het om onder jou leiding te speel, kon iets besonders ervaar, nie net die tegniese kant van rugby nie, maar ook die kaliber, dissipline en gehalte van jou afrigting. Dit is iets wat hulle nie sommer vergeet nie en wat vir altyd deel sal bly van hul rugbyreis.
Namens die Robertson en Ashton gemeenskappe wil ons jou van harte gelukwens met hierdie mylpaal. Ons klop jou met trots op die skouer en erken jou vir die opofferinge, toewyding en uithouvermoë wat jy jaar na jaar wys. Jy het nie net ’n span afgerig nie, jy het jong manne gevorm, hoop ingebring en ’n kultuur van trots en deursettingsvermoë gevestig by die Young Good Hope Rugby Klub.
Ons almal weet dat niks in die lewe sommer maklik kom nie. Alles vra harde werk, vasbyt en geloof in die proses. Jy het dit duidelik gemaak dat wat jy insit, is presies wat jy gaan oes. Jou werk en jou nalatenskap by die klub wys dit elke dag uit. Daarom kan ons vandag sê dat beide Robertson en Ashton trots staan agter jou, want jy dra ons gemeenskappe se naam met eer op en buite die veld.
Sterkte met die 2026 seisoen, “Uncle” Joseph. Mag jy die vrugte van jou harde werk geniet, en mag jou reis voortgaan om jong talent te vorm en inspirerend te wees vir almal wat die pad saam met jou stap. Jou werk by Young Good Hope Rugby Klub is ’n lig wat helder brand en wat vir ons almal wys dat rugby meer is as net ’n spel, dit is ’n familie, ’n trots en ’n nalatenskap.
📸 : Verskaf
🖊 : Die Druiwe Trossie
