Umkhaya

11/08/2026

Uyaqhubeka nokuvelela njengosaziwayo womhlaba wonke umlingisi wakuleli, uNatasha Thahane okusanda kumenyezelwa ukuthi uzoba i cover yeGLAMOUR magazine kushicilelo elikhethekile. Funda udaba oluphelele ngokucindezela isithombe ngezansi.

WAMUKELE isipho senyanga yabesifazane esingandele bani umlingisi wakuleli,uNatasha Thahane ngesikhathi emenyezelwa njengozoba i cover yokuqala yebhuku losaziwayo iGLAMOUR magazine yaseNingizimu

11/08/2026

Okuqaphelekile ukuthi ubethandwa nangozakwabo abenza izinhlobo ezehlukene zomculo uScebi "Inkosi Yamagcokama" Dlamini odlule engozini yomgwaqo eyenzeke ngeSonto eRichards Bay. Funda umyalezo weqembu leHip Hop ngokucindezela isithombe ngezansi.

KUSUKELA ngeSonto abelokhu eqhamuka zinkalo zonke amazwi endumalo nokushaqeka emuva kokuzwakala kwezindaba zokudlula emhlabeni komculi kamaskandi odumile, uScebi “Inkosi Yamagcokama”

04/07/2026

UZOQHUBEKA KULE MPELASONTO UMHLANGANO WOKUKHETHA OZOMELA I-MK PARTY KU WARD 2 EMANDENI

SEKUMENYEZELWE usuku olusha lomhlangano wokuvotela ozomela iMK Party ebuye ibizwe ngokuthi Umkhonto Wesizwe Party ku-ward 2 ngaphansi kukamasipala waseMandeni okhethweni lukahulumeni wasekhaya oluzoba mhlaka-4 Lwezi (November) 2026.

Kuphoqeleke ukuthi uhlehliswe lo mhlangano obukwaKhathi Sportsfield eMhlubulweni obuthanyelwe amalungu aleli qembu abephume ngezinkani nomphakathi wakulendawo emuva kokungavumelani ngohlelo lokuvota obelunezihibe ngeSonto, mhlaka-28 Nhlangulana (June) 2026.

UMKHAYA uthole ngabebekulo mhlangano ukuthi izinhlelo zawo ziqale kahle kodwa kwacaca ukuthi uma kungayekwa uhlelo lokuvota luqhubeke kuningi okungeke kuhambe kahle.

Abakhulume nombhali waleli ziko bathe belungekho uhlelo lokuqapha ukuthi umuntu osevotile angaphindi nokuyinto abathe ibizowumosha iwuqede lomhlangano.

"Emuva kokubona ukuthi uhlelo lokuvota alulusiwe ngendlela egculisayo, siphakamise ukuthi uhlehliswe umhlangano ukuze kugwenywe izinkinga eziningi", kusho ilungu laleli qembu elingathandanga ukudalulwa.

Emasontweni edlule amalungu eMK Party kule-ward anikwe ithuba lokuphakamisa amagama abazoncintisana kumagatsha amahlanu akheke ngokwezikhungo zokuvota. Nokho kugcine kuphakanyiswe abantu abayisikhombisa (7), kwazise iqembu beliwakhululile amalungu alo ukuthi angakhetha noma abantu abangaki egatsheni.

Umbango omkhulu ubukeka uphakathi kukaXolani Mpanza (Sikhuthele VD), Mfanafuthi Mthethwa (Sakhesethu VD), Mthokozisi Nduli (Mhlubulweni VD) no Mlungisi "Bho" Biyela (Mthaleni VD) okuyibo abalandelwa zinkumbi.

Ngokuthola koMKHAYA sekumenyezelwe ukuthi lomhlangano uzobe ungoMgqibelo, mhlaka-4 Ntulikazi (July) 2026 khona kwaKhathi Sportsfield ngehora le-11:00 ekuseni.

03/07/2026

UMCEBO Freedom Dlamini wodumo lwe "Fees Must Fall" uthi sekuseduze kugqashuke igoda phakathi kwabantu bakuleli nohulumeni we ANC. Usho kanje ekhasini lakhe le Facebook ethi akaze awubone uhulumeni omelene nokufunwa abantu kangaka. Uthe siyasondela isikhathi lapho abantu bezozibusa bona futhi ngeshwa uhulumeni uyobe engasenamandla.

📷Facebook

03/07/2026

IFRESHLYGROUND IZIGQAJA NGOKUBA IQEMBU LOMCULO ELIQHAKAMBISA I-AFRIKA EHLANGENE

IFRESHLYGROUND eyaduma ngezingoma ezithi "Doo Be Doo", "Nomvula" nethi "Waka Waka (This Time For Africa)" abayenza no Shakira ngemidlalo yeNdebe yoMhlaba yebhola ngo-2010, isizwakalise ukuzigqaja ngokuba iqembu elihlanganiswe amalungu avela emazweni amathathu ase-Afrika okuyiNingizimu Afrika, Mozambique ne Zimbabwe.

Isanda kufaka ekhasini layo le-Facebook isithombe esiveza amalungu ayo kanye namazwe ehlukene ase-Afrika avela kuwo. Lesithombe sihambisana nombhalo othi: "Abaculi abayisithupha. Amazwe amane. Umculo owodwa. Besingeke sibe iFreshlyground ngaphandle kwalenhlanganisela, neNingizimu Afrika ibingeke" obekuwumyalezo ocacisa ngokusobala ukuthi iqembu limi ngaphi odabeni lokuxoshwa kwabokufika eNingizimu Afrika.

Kuzokhumbuleka phela ukuthi ngoLwesibili, mhlaka-30 Nhlangulana (June) 2026 bekuhlelwe ukhukhulelangoqo wamamashi ehlukene ezweni lonke abelwa nabokufika abahlala eNingizimu Afrika kodwa bengenazo izimvume zokuba kuleli.

Leli qembu elenza umculo we-Afro-fusion lisungulwe eCape Town ngo-2002 linamalungu ayisi-7 okungoZolani Mahola (South Africa), Peter Cohem (South Africa), Kyla-Rose Smith (South Africa), Josh Hawks (South Africa), Seredeal Scheepers (South Africa), Julio Sigauque (Mozambique) no Simon Attwel (Zimbabwe).

Ngonyaka olandelayo u-2003 libe selikhipha i-album yokuqala ethi "Jika Jika"

Like lashiywa ngo-Aron Turest-Swartz obedlala i-Keyboard phakathi kweminyaka u-2002 kuya ku-2009 no Chris Bakalanga obedlala i-Lead guitar phakathi kweminyaka u-2016 kuya ku-2019.

UBakalanga uthole ubuzwe obuphelele baseNingizimu Afrika ngo-2004 njengoba ezalwe futhi wakhulela e-DR Congo.

Emuva kweminyaka emihlanu iFreshlyground inyamalele endimeni yomculo ibe seyibuya ngo-2024 seyinamalungu ayisi-6 futhi seyiholwa uMbali Makhoba ocula phambili.

Abakhona manje uyena uMbali Makhoba (SA), Simon Attwell (Zim), Chris Bakalanga (SA), Josh Hawks (SA), Peter Cohen (SA) no Julio Sigauque (Moz).

Ngo-2007 bakhiphe i-album ethi "Ma'Cheri" enqobe i-Album of the Year" kuma-SAMA's kwathi ngo-2008 banqoba indondo ye-"Best Africa, Southern" kuma Channel O Music Awards ngengoma ethi "Pot Belly".

Umculo we-Freshlyground uxube izigqi ezihlukene kuhlanganisa i-kwela, folk, jazz, pop nomculo othandwa emalokishini futhi bawenza ngezilimi ezihlukene kubalwa IsiXhosa, IsiZulu, French kanye ne-English.

📷Facebook/Freshlyground

25/04/2026

AWUZWE nasi isangoma sithi ngaphambi kokuthi sikuzise kufanele wenze naso ucansi. Asikhethi ukuthi ungowesilisa noma ungowesifazane. Sithi s**e salala nane Dolphin ngenhloso yokuthola amandla.

Ungaya nje wena ukofuna usizo kulo makhosi?

25/04/2026

Kuzokhishwa iScandal kufakwe iFour Of Us ebophele izinkakha zabalingisi. THINTA amagama akuhlaza uzwe kabanzi ngalo mdlalo osekuqagulwe ukuthi uzobhinxisela nhlanye eminye engena ngesikhathi esifanayo nozongena ngaso.

25/04/2026

[BUKA]: Owesifazane ushuke isoka lakhe amasende ecikwa ukuthi liyamfebela ekubeni elenzela konke elikufunayo. Esibezwe bekhuluma bathi isoka liyivaka bekumele lithi 🖐liphinde lithi 👊

🙈

25/04/2026

UJACINTA Ngobese-Zuma uchitha imibiko esisabalele ebithi ikhanseliwe imashi yenhlangano yakhe, i-March and March Movement okuhlelwe ukuthi ibe seGoli ngoLwesibili, mhlaka-29 Mbasa (April) 2026.

Ngokwemininingwane esesikhangisweni sale mashi, inhloso yayo ukuzwakalisa ilaka labantu bakuleli ngokungaphephi ezweni labo. Lokhu bathi akuyo inkululeko.

Kuzohlanganwa eMary Fitzgerald Square khona eGoli, ngo-08:00. Umkhaya.co.za

25/04/2026

USithelo Shozi uthenjiswe umshado usomabhizinisi “oyiqola” waseZimbabwe. THINTA amagama akuhlaza uzwe ukuthi bekwenzakalani e-Italy lapho beziwa khona nokuthi sagila bani isithandwa sikamaShozi njengoba sibizwa ngeqola.
https://umkhaya.co.za/usithelo-shozi-uthenjiswe-umshado-usomabhizinisi-oyiqola-wasezimbabwe/