Ngoho Print and Digital News

25/07/2025

STAFF REPORTER Over 14 000 suspects have been arrested across the country under Operation Shanela this month. The South African

20/07/2025

23/06/2025

THULAMELA LOCAL MUNICIPALITY: STATE OF THE MUNICIPAL ADDRESS 2025/2026, BY MAYOR CLLR A.S RAMBUDA, 20 JUNE 2025, GEORGE PHADAGI TOWN

22/06/2025

I got over 20 reactions on one of my posts last week! Thanks everyone for your support! 🎉

12/06/2025

MUKEGULU VHA ḒO FHAṰELWA NNḒU SA TSHUMELO YO ḒISWAHO NGA THULAMELA IMBIZO

Mukegulu wa mushai Vho Elizabeth Maphaha (89) vho takala na zwikunwane musi Meyara wa Masipala wa Thulamela, Cllr Athongozwoḓivha Sarah Rambuḓa vha tshi vha dalela ngei muḓini wavho ngei Ṱhohoyanḓou Block G Ext.
Sa tshipida tsha Imbizo yo farwaho ngei Lufule 2, kha wadi 17, nga Ḽavhuṋa, 05 Fulwi 2025, Vho Meyara na vhurumelwa vho thoma nga u luvha kha Thovhele Vho Gole Mphaphuli ngei musanda Mbilwi, u bva afho vha kona u livha muḓini wa mukegulu Vho Maphaha u vha ḓzivhadza uri Masipala wa Thulamela u do vha fhaṱela nnḓu na u vha sia na zwifhiwa zwa zwiḽiwa na zwifuko.
Madalo aya o dzhenelwa nga Vhamusanda Vho Mphephu Mphaphuli na makhantseḽara hu tshi katelwa Cllr Patrick Mathidi
vha wadi 17 na Cllr Shonisani Cecilia Kwinḓa. Muraḓo wa wadi komiti, Vho Constance Tsaṅwani, vho ṱanganedza vhathu ngei muḓini wa mukegulu Vho Maphaha.
Vha tshi bva mulomo, Vho Meyara vho ṱalutshedza uri: “Ro takuwa u bva hangei ha masipala muhumbulo muhulwane u wa uri ri a laedziwa nga maṅwalo a milayo ya masipala uri tshifhinga tshoṱhe ri tea uya vhathuni. Ri vha ri tshi khou isa dziripoto na u pfa uri kushumele kwashu ku khou vha fara hani. Huna hune vhone vha tea uri ri eletshedza uri ndi hufhio hune a ri khou kandisa zwone, nga u tou ralo. Musi ri tshi khou ita tshivhidzo, vhaofisiri vhashu vha ya vha vho ḓa hafha kha wadi, vha tshimbila u swika na musanda.
“Mukhantseḽara wa wadi na komiti ya wadi vho ranga phanḓa vhaofisiri vha masipala vha tandula hoṱhe, Musi zwo ralo Vho Meyara vho sedza uri ndi nga ngafhi hune a vha na vhudzulo kana vhudzulo vhu hone vhu sa tou sedzea. Sa fhano hune nnḓu ya hone ri khou i sedza nga nnḓa ina mitwe. Ndi ngazwo ro dzhia tsheo heyi ya uri nnḓu ri i sie na Vho Elisa Maphaha vhane vha dzula na muḓuhulu wavho.
Vha tshi isa phanḓa, Vho Meyara vho ri: “Nṋe ndi khou vhona ho nangiwa fhethu ha vhuḓi ngauri mukegulu vha tshila nga mundende lune vha nga si tsha kona uri nnḓu heyi vha i vusuludze zwa vhuḓi. Zwine zwa amba uri musi riṋe ri tshi khou ḓa uri ri vha thuse, ri vha ri thi khou thusa muthu eneene o teaho. Riṋe zwi a mba uri ri ḓo tou fhaṱa iṅwe nnḓu ine Vho Elisa vha ḓo kona u dzula khayo na muḓuhulu wavho.”
Vha tshi fhedza u onesa kha mukegulu, Vho Meyara vho livha tshivhidzoni ngei Lufule 2, he ha thomiwa nga u farwa mutangano na zwiimiswa zwa tsh*tshavha.
Vha tshi ṋetshedza muvhigo wa politiki, mukhantseḽara wa wadi 17 Vho Patrick Mathidi vho ri: “Heyi wadi ina mivhundu ya malo hu tshi katelwa dzilokhishi ṱhanu na vhupo ha mahayani huraru. Kha miṅwaha miṋa yo fhelaho muvhuso wo kona u ḓisa thandela dzo fhambananaho. Kha dzibada ho itiwa dzikhiḽomitha mbili ngei Lufule 2 na dziṅwe mbili ngei ha Mabunda.
“Kha maḓi ho dzheniswa dzibommbi ngei murahu ha Mbaleni. Zwi tshi kwama vhudzulo ho fhaṱiwa dzinnḓu dza 13. Ho lugiswa na midavhi ya mitambo ngei Ṱhohoyandou G Ext. na Lufule 3. Ho dzheniswa mavhone a zwitaraṱani ngei Makwarela. Ho fhaṱwa dzibiridzhi ngei ha Mavhunda na ha Magidi”.

13/12/2024

THULAMELA VHO RWELA ṰARI FULO ḼA ARRIVE ALIVE

Nga Phumudzo Makharamedzha

Masipala wa Thulamela wo rwela ṱari Fulo ḽa U Sikwa ni khou Tshila (Arrive Alive Campaign) ngei Mvuḓi Park kha bada ya R524 nga Ḽavhuraru, 04 Nyendavhusiku 2024.

Ho ranga phanḓa Meyara Cllr Vho Athongozwiḓivha Sarah Rambuḓa, fulo heḽi ḽa u khwinifhadza u tevhedzwa ha milayo ya badani ḽo vha ḽo dzhenelwa nga makhantseḽara, mapholisa a vhuendi a 42 na vha vhaimeleli vha South African National Taxi Council (Santaco).

Mushumo wo thoma nga u farwa ha muṱangano wa u ṱalutshedza vhoramafhungo nzudzanyo dzo itwaho ṋaṅwaha dza u fhelisa vhutshinyi ya badani sa ezwi hu tshi khou dzhenwa kha zwi zwifhinga zwa dziholodei dza Minidzhere na Ṅwaha Muswa.

Vha tshi ṱalutshedza, Vho Meyara vhori: “Ndi khou livhuwa tshikhala hetshi tsha u amba na vheiwe ndo imela tsh*tshavha tsha Thulamela. Ro kuvhangana hafha a rwela ṱari fulo ḽa 2024 Arrive Alive Campaign nga tshifhinga tshine ri khou pembelela miṅwaha ya 30 ya dimokirasi.

“Tshiṅwe tsha zwithu zwine zwa vhanga dzikhombo dza badani ndi u wanala ha zwipuka zwi sa khou ṱhogomeliwaho zwine zwo tea u valelwa madangani azwo vhusiku. Ri khou dzulela u vhona maitele haya a zwifuwo zwine zwi khou vhanga dzikhombo dzibadani ngauri vhaṋe vhazwo a vha khou zwi thogomela. Ri khou humbela vhathu vhoṱhe vha re na zwifuwo uri vha zwi ṱhogomele zwi sa dzhene dzibadani dzashu.”

Tshipikwa tsha fulo ḽa Arrive Alive ndi u ita uri hu vhe na u tevhedziwa ha milayo ya u ditsireledza badani u itela u fhungudza nomboro ya khombo dza badani na tsireledzo ya vhaenda nga ṋayo.

U bva nga dzi 04 Nyendavhusiku 2024, Thulamela ndi fhethu hune a hu nga kondelelwi vhutshinyi badabi nahone muthu ane a ḓo fariwa a tshi kha luvhulo lwo kalulaho kana a tshi khou pfuka miṅwe milayo ya badani u ḓo livhana na ndaṱiso yo teaho.

Milaedza ya fulo ḽa 2024 ndi i tevhelaho:
– Vha ite uri goloi yavho yo tea u dzhena badani nahone i kha tshiimo tsha vhuḓi
– Vha songo reila vho nwa halwa kana vho shumisa zwidzidzivhadzi – Vha tevhedze tswayo dza u fhungudza luvhilo nahone vha reile vho sedza nyimele – Vha reile vha tshi awela u itela uri vha sa nete – Vha tea u ambara bannda ḽa tsireledzo tshifhinga tshoṱhe nahone vha ite uri na vhaṋameli vhavho vha amabare na vhone
– Vha ṱhogomele vhaṅwe vhashumisi vha bada sa vhareili vha dzibaisigira na vhaenda nga ṋayo

13/12/2024

IMBIZO YA THULAMELA YO FARELWA MALAVUWE

Nga Phumudzo Makharamedzha

Vhadzulapo vha Malavuwe fhasi ha Masipala wa Thulamela, Ward 39, vho dzhenela Imbizo ya Meyara Cllr Vho Athongozwiḓivha Sarah Rambuḓa ngei luvhanḓeni lwa Matsika Shooting Stars nga Ḽavhuṱanu, 06 Nyendavhusiku 2024, he vha humbela nḓisedzo ya tshumelo dzo fhambananaho sa maḓi, dzibada, tsireledzo na mishumo.

Nga matsheloni musi tshivhidzo tshi sa athu thoma, makhatseḽara vha Thulamela vho thoma nga u ya musanda ngei Mbilwi u luvha kha Thovhele Gole Mphaphuli.

U bva afho goloi dza mahosi na makhantseḽara dza dubekana dzo livha ngei Malamangwa muṱani wa ha Mareḓa une wo topoliwa sa wa vhashai vhane vha tea fhatelwa nnḓu nga masipala. Vha tshi bva mulomo, Vho Phineas Mareḓa (84) vho livhuwa masipala u vha thusa nga nnḓu ngauri ndi kale vha tshi khou shaya vhudzulo.

Muduba wo mbo takutshedza wa livha Tshikoloni tsha Phuraimari ya Matsika ha farwa muṱangano vhukati ha makhantselara, vhaofisiri vha muvhuso na mahosi nga ha nḓisedzo ya tshumelo kha ḽa Malavuwe.

Khosi Vho Mafenya Mphaphuli vho sumbedzisa uri hu khou ṱahela zwithu zwo vhalaho hu tshi katelwa maḓi, dziburoho na dzibada

Ngei tshivhidzoni kha wadi iyi ya Cllr Avhapfani Khangale, vharangaphanḓa vha zwiimiswa zwa vhadzulapo vho ṋetshedzwa tshikhala tsha u amba zwililo zwavho, vha vhudziwa uri vha tou ṅwala uri zwi kone u ya u sedzuluswa na u dzudzanyiwa kha dziofisi dzo teaho.

Vha tshi fhindula kha zwo ambiwa, Vho Meyara vhori: “Ho ḓa ha ima vhafunzi hafha vho imela Pastors Forum. Ri zwine ra vha zwone nga Pastors Forum ngauri ḓuvha ḽiṅwe na ḽiṅwe vha dzula vha tshi khou ri rabelela vha tshi khou ita uri hune ra vha hone hu vhe na mulalo. Vha khou thusa nga maanḓa kha lushaka. U dovhe u sumbedzise kha vha vhafunzi vhashu na vhaṅwe vha lushaka, vho amba hafha uri badzhete dzi songo tshifitiwa. Arali ro badzheta uri ri khou ḓisa mini fhano hune ra vha hone, kha zwi ḓe hanefha.”

Vha tshi isa phanḓa vhori: “U nga vha sumbedzisa hafha uri sa Thulamela, riṋe musi ri tshi puḽana, vha tshi pfa hu tshi pfi ri khou ita road gravelling ri ita uri ri katale. Arali ri khou ḓisa khiḽomitha mbili kha dziwadi, mukhantseḽara muṅwe na muṅwe u bva kha wadi ya u thoma u swika kha wadi 41, hedzo khiḽomitha mbili u fanela u dzi wana.

“A ri iti zwa uri ri tou nanguludza ngauri vhupo hoṱhe vhu wela Thulamela. Ndi zwa vhukuma vha khou amba zwone, riṋe a ri tou funa uri ri tea vha ṋea tshumelo. Ri tou tea u vha ṋea tshumelo kana i khou tou na na tshifhango. Vho ri vhetshela zwone hafhaḽa ngauri vho tou ri khetha.”

13/12/2024

Masipala wa Thulamela wo rwela ṱari Fulo ḽa U Sikwa ni khou Tshila (Arrive Alive Campaign) ngei Mvuḓi Park kha

13/12/2024

Vhadzulapo vha Malavuwe fhasi ha Masipala wa Thulamela, Ward 39, vho dzhenela Imbizo ya Meyara Cllr Vho Athongozwiḓivha Sarah Rambuḓa

05/12/2024

📣📣 📣

05/12/2024