Roswika Community Radio

Roswika Community Radio A Community Radio that focuses more on community important issues and development.

23/08/2026



Vhathu vhari vha khou toda mafhungo, nangoho ri khou lingedza nga nungo dzothe uri ri shumane na heyi ndila yauri ri kone u disela vhathu mafhungo khathihi na tsivhudzo dza vhutshilo.

Zwililo zwa vhatevheli ro zwipfa, zwa zwino ri khou dzudzanya uri ri thome, nahone Roda u Dzula..

Stay tuned...... and please keep on supporting us 👇

MUTHU O WANALA MADINI O PAPAMALA NGEI MULAMBONI WA LUVUVHU KHA LA LUKALOManwe mafhungo ane a khou itesa phosho ndia u ...
22/08/2026



MUTHU O WANALA MADINI O PAPAMALA NGEI MULAMBONI WA LUVUVHU KHA LA LUKALO

Manwe mafhungo ane a khou itesa phosho ndia u wanala ha muthu wa tshinnani o papamala madini mulamboni wa Luvuvhu ngei thungo dza Tshaulu....fhasi u yela tshikoloni tsha sekondari ire Lukalo.

Mavharivhari akhouri muthu uyo asa divheiho o waniwa nga muthu weadovha oya u di ambusa (tamba) afho mulamboni nga vho 15- 16h00 namusi.

Ri kha di lisala murahu u wana vhutanzi halo ho fhelelaho heli fhungo....



19/08/2026



Fulo la u todana na munna wa minwaha ya 37 o ngala-ngalaho ngei Tshaulu li kha di bvelaphanda.

Upfi Thabelo Shadrack Mudau, mudzulapo wa ngei Tshivhulani na Phiphidi.

Vhadzulapo vha Phiphidi, Tshivhulani na Tshaulu na duvha la namusi vhovha vhobva nga vhunzhi uya u todana nae ngei Duvhuledza na Tshimbolimbo.

Fulo la u todana nae li kha di bvelaphanda na matshelo.

Kha ri vhee vhamuta kha dzithabelo, uri ngavhe muthu wavho a tshi wanala atshe o vhulungea

VHA VHULAHI VHA MUPOROFITA NDIVHUWO BRIGHT MATSHAYA AVHAATHU U FARWA U SWIKA ZWINOU tou bva tshe vha vhulahwa nga u to...
19/08/2026



VHA VHULAHI VHA MUPOROFITA NDIVHUWO BRIGHT MATSHAYA AVHAATHU U FARWA U SWIKA ZWINO

U tou bva tshe vha vhulahwa nga u tou thuntshiwa nga tshigidi nga vhathu vhasa divheiho ngei Thengwe Mutangula, madekwana a dzi 31 August 2024, mapholisa avhaathu kona u phuletshedza kha ili bulayo la vhafunzi, muporofita vho Ndivhuwo Bright Matshaya.

I kha divha mbudziso khulwanesa kha vhafuni vhatevheli vha avha muporofita khathihi na vhamuta uri zwavhudi vhudi vho vhulahwa nga vhonnyi nahone vho vha vho tshinya mini.

Vho do thuntshiwa vha vhulahwa fhala Thengwe muvhunduni wa mutangula nga lavhuraru la dzi 31 August 2024 nga vhathu vhasa divheiho, zwiambaho uri zwina minwaha mivhili yothe husina na u phuletshedza ngomu nga mapholisa.

Tshivhidzo tsha avha muporofita tsha Power of Light Divine Ministries tsho vha tshi ngei Hamakuya Domboni, fhedzi vhone vho vha vha tshibva ngei kha la Tshaulu, he vhado vhulungwa hone nga dzi 07 September 2024.

Zwisumba vhaiti vha ili bulayo vhana tshenzhemo vhukuma saizwi husina na kubuli zwako uri muporofita vho vhulahwa nga vhonnyi nahone vhovha vho khakha nga mini, honeha ndi vhonnyi vhevhavha vhatshi khou amba navho nga phone ilo duvha, honeha vhusiku uho vhovha vhatshi khoubva g*i vha tshi livha g*i.

Ri tshiri ngavhe nga linwe la maduvha ngoho itshi bvelakhagala.

Muthu asi khuhu, musi huna bulayo la lushaka ulu, hu todea "closure".




VHAFUNZI VHO MURITHO VHO "AMBADZWA" MULANDU WA U LUKA BULAYO LWA TSHIOFISI Ndi zwavhukuma, muambeli wa NPA Limpopo off...
19/08/2026



VHAFUNZI VHO MURITHO VHO "AMBADZWA" MULANDU WA U LUKA BULAYO LWA TSHIOFISI

Ndi zwavhukuma, muambeli wa NPA Limpopo office, Vho Mashudu Malabi Dzhangi vho khwathisedza uri, Muporofita wa bvumo Venda lothe, Vho Innocent Phathutshedzo Muritho vho di vhonadza fhala khothe ya madzhisiá¹±araá¹±a wa Mutale duvhani la mulovha nga lavhuvhili la dzi 18 August 2026, hune vho do hweswa lwa tshiofisi mulandu wa u luka bulayo la Ndinainwi Innocentia Mabuke.

Innocentia Ndinainwi Mabuke o do vhulahwa lwa tsh*tuhu nga manndesa musi o dalela inwe ya dzi kereke dza madembe ngei Thengwe muvhunduni wa Matshetshete hehadovha hu na All night prayer.
Mavharivhari akhouri munwe wa vhahwelelwa aneavha Andani Madzhie, ndiene weavha otou linda dzi "movements" dzothe dza Ndinainwi Mabuke vhusiku hothe ha ilo duvha, sa tshimange tsho lalelaho mbevha saizwi tsho fhedza vhege tshi sakhou la tsh*thu. Ndi ene "The Spotter", nahone muvhulahi weado kokodza "trigger" hu tshi khou sumbiwa munwe wa vhahwelelwa aneavha Mapanere. Mavharivhari akhouri Ndinainwi o do imiswa na afho kerekeni vhusiku uho, uri vhathu vha muvhone, hune a zwongo bviselwa khagala uri ovha a khou imiselwa mini.

U hweswa ha vhafunzi vho Muritho nga mulandu wa u luka bulayo (Conspiracy to commit murder), zwina mbudziso nnzhisa tsh*tshavhani uri zwo disa hani saizwi vhafunzi zwoitea vho farwa, nahone ngei dzi dzhele ahu tendelwi dzi cellphones kha vhafariwa, ngenoha arali wo humbela u shumisa lutingo lwa dzhele utshi amba wo gadiwa nga vhashumi vha dzhele.

Zwenezwo vha tshi khou hweswa mulandu uyu muswa lwa tshiofisi, hukhoupfi Muporofita vho do sumbedzisa khothe uri avha khou toda Lawyer vha do tou diambela nahone na zwa khumbelo ya Bail avha khou zwitoda.

Vho Innocent Phathutshedzo Muritho vha kha di livhana na milandu iswikaho miraru ya u tzhipa, ri tshi katela na wa u tzhipa mufu Innocentia Ndinainwi, ine ya tea u sengiswa ngei Polokwane High Court.

Kha uyu mulandu wa u luka bulayo la Ndinainwi Innocentia Mabuke, vha do vhuya hafhu ngei Mutale Magistrate's Court nga dzi 7 September 2026, hune khothe idovha i tshi khou vhatanganyisa na vhahwelelwa ngavho kha ili bulayo, Andani Madzhie na Mapanere.



MAPHOLISA NA VHADZULAPO VHO GODOLODZA MULAMBO WOTHE NGEI LUVUVHU, FHEDZIHA VHA KHOU BALELWA U WANA SHADRACK Muvhigo un...
18/08/2026



MAPHOLISA NA VHADZULAPO VHO GODOLODZA MULAMBO WOTHE NGEI LUVUVHU, FHEDZIHA VHA KHOU BALELWA U WANA SHADRACK

Muvhigo une ra khou u tanganedza ndi wauri, duvhani la mulovha vhadzulapo vha Tshaulu, vho farisana na vha ngei Tshivhulani na Phiphidi, vho dovha hafhu vhabva nga vhunzhi uya u todana na munna wa minwaha ya 37, Thabelo Shadrack Mudau abvaho Tshivhulani, weado ngala-ngala nga dzi 11 August 2026 musi e ndilani ya uya mushumoni fhala madamuni a HaXikundu.

Vhadzulapo na mapholisa hu khou sumbeziswa uri vho godolodza hothe mulamboni wa Luvuvhu thungo dzine ha khou humbulelwa uri mupondwa angavha o wela hone, fhedziha zwa bala saizwi husina na tshiambaro zwatsho tshi sumbaho uri Shadrack angavha o wela madini.

Hukhoupfi na lutingo lweadovha a tshi khou lushumisa a lu khou wanala naho mapholisa na vhadzulapo vho lingedza u goda afho mulamboni.

Fulo li kha di bvelaphanda...



VHAFARIWA VHA KHOU "KA MUROHO" PHANDA HA VHANWE VHAFARIWA, NGENO TSHIKHAFULA TSHI TSHI RENGISWA NGA R240 NGEI DZHELE Y...
17/08/2026



VHAFARIWA VHA KHOU "KA MUROHO" PHANDA HA VHANWE VHAFARIWA, NGENO TSHIKHAFULA TSHI TSHI RENGISWA NGA R240 NGEI DZHELE YA KGOSI MAMPURU

Muvhigo une ra khou tanganedza ndi wauri, vhafariwa ngei dzhele ya Kgosi Mampuru ire Pretoria vha khou badela vhafariwa ngavho uri vhakone u wana tshikhafula tsha u edela khatsho.

Hukhoupfi uyo ane asa kone u bvisa R240 ya tshikhafula, u edela fhasi semendeni nahone huvha husi ha vhudi na luthihi hutshi rothola na dzi tshika.

Musi vha nyandadzamafhungo ya IOL vha tshi sala ili fhungo murahu, vho do pfa zwauri kha Cells C1 na C2 henefho dzhele, I khou tshimbidzwa nga mufariwa ane o di vhea uri ndi ene ano vhusa, nahone uri ni farwe zwavhudi sa mufariwa ni tea u tevhedza zwine na vhudzwa, hune kanzhisa ni laliwa na inwi (s*x), huuitela uri ni edele zwavhudi, u kona u daha khathihi na zwiliwa.

Musi vha nyandadzamafhungo vha tshi vhudzisa vha Department of Correctional Services uri vha bvise vhupfiwa, vho do sumbedzisa uri vha khou sala murahu ayo mavharivhari.

Hukhou sumbedziswa uri hangei dzhele nia fhiwa na cellphone uri ni founele vha hayani uri vha dzhenise iyo R240 yahone khathihi na u renga dzi vouchers.

Mufariwa munwe wa kale ane onobva dzhele, odo vhudza vha nyandadzamafhungo ya IOL uri kha C2, vhafariwa vha tou kana muroho nga vhunzhi phanda ha vhanwe, hune wa do tou pfa C2 yothe hu zwigomelo yo ombana ya makhotho, lune zwi netshedza mutsiko vhafariwa vhaswa vhane vha khou toubva u swika.

Odo sumbezisa uri munna munwe henefho seleni ya C2 ane a di vhidza uri ndi ene "head honcho" o do thoma u lwa nae na u musala murahu nga murahu hauri a hane u laliwa, heavho do fhedzisela atshi pfuluselwa kha inwe sele.

Thaidzo khulwane ine yavha hone hukhoupfi dzhele ho dalesa nahone mimbete ndi mituku, ngeno khothe dzi tshi dzhia tshifhinga vhatshi sokou shuma u pfukisela milandu phanda.

Muambeli wa Correctional services vho Singabakho Nxumalo vhari manwe a mavharivhari akha di tea u tou toduluswa vhungoho ha hone

Source : IOL


Mafhungo manwe ane a khou ambeswa ndi mavharivhari anea ane ha khoupfi muporofita mudinda wa Mudzimu vho Innocent Murit...
17/08/2026



Mafhungo manwe ane a khou ambeswa ndi mavharivhari anea ane ha khoupfi muporofita mudinda wa Mudzimu vho Innocent Muritho vho hweswa mulandu wa u luka bulayo la u vhulaha Innocent Ndinainwi Mabuke, weadovha ovha vulela mulandu wa u tzhipa wewado itea nga 2022 ngei Capetown.

Khonadzeo ndi dzauri muporofita vhadodi vhonadza khothe ya Mutale duvhani la matshelo, ndi henefha hune tshifhinga tshidaho vha tea u ima bogisini na Mapanere khathihi na Andani Madzhie.



mmmmmhhhhhhh......🤔👇
17/08/2026

mmmmmhhhhhhh......🤔👇

15/08/2026



Vhadzulapo vha Tshaulu, vho farisana na vha ngei Tshivhulani vho bva nga vhunzhi uya u todana na munna wa minwaha ya 37, Thabelo Shadrack Mudau abvaho Tshivhulani, weado ngala-ngala nga dzi 11 August 2026 musi e ndilani ya uya mushumoni fhala madamuni a HaXikundu.

Vhadzulapo vha khou thoma uvha na nyofho uri naa Thabelo Shadrack angavha o fhelela ngafhi, hune vhanwe vha khou thoma u tshuwa uri angavha o kumbiwa nga uyo mulambo wa Luvuvhu, ngeno vhanwe vho ima dzikhoneni vha tshi vho thoma u humbulela zwa lufhanga naho kha uhu vhupo husina phungo mmbi ya zwa lufhanga.

Fulo li kha di bvelaphanda...



Address

Tshaulu

Telephone

+27769172134

Website

Alerts

Be the first to know and let us send you an email when Roswika Community Radio posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Roswika Community Radio:

Shortcuts

Share

Category