28/06/2025
⛔ រវាងស្អូច-កញ្ជ្រឹល ខុស និងដូចគ្នាម៉េចខ្លះ?🚫
១. លក្ខណៈខុសគ្នា
– កញ្ជ្រឹល
• បង្កឲ្យក្ដៅខ្លួនខ្លាំងជាងស្អូចរហូតដល់ ៣៩ ៤០ ឬ ៤១ អង្សាសេ
• មិនបង្កឲ្យស្លា/ប់គ្រាន់តែធ្វើទុក្ខអស់កម្លាំង ល្ហិតល្ហៃ ឈឺសន្លាក់
• រោគសញ្ញាខ្លាំងជាងស្អូច
• អាចបង្កឲ្យមានសំឡេងស្អក រលាក ឬឈឺបំពង់ក
• មានសញ្ញាសៗនៅកៀនថ្ពាល់ក្នុងមាត់
• ឈឺភ្នែក ហៀរទឹកភ្នែក រលាកភ្នែក
• ស្នាមកន្ទួលក្រហមៗតូចៗ តែជាប់ៗគ្នា។
ជំងឺកញ្ជ្រឹល គឺជាជំងឺដែលងាយឆ្លងខ្លាំង និងអាចបង្កជាផលវិបាកដល់កុមារដូចជាពិការភ្នែក រលាកខួរក្បាល រលាកសួត រលាកត្រចៀកខាងក្នុង និងរាគរុសធ្ងន់ធ្ងរដែលអាចបណ្តាលឲ្យបាត់បង់ជីវិតដោយសារការបាត់បង់ជាតិទឹក។ 👩⚕️🧑⚕️
✅អាការៈនៃជំងឺកញ្ជ្រឹល គឺគ្រុនក្ដៅ ឡើងកន្ទួល ក្អក ភ្នែកក្រហម និងហូរទឹកភ្នែក។ កញ្ជ្រឹល ជាទូទៅចម្លងតាមរយៈខ្យល់ តាមការក្អក ឬកណ្ដាស់ ដែលជាហេតុកូនតូចៗរបស់អ្នកងាយឆ្លងជំងឺនេះពីអ្នកនៅជុំវិញខ្លួន ជាពិសេសឆ្លងពីក្មេងៗដូចគ្នាពេលទៅសាលា ហើយរោគសញ្ញាចាប់ផ្តើមចេញក្នុងចន្លោះពី១០ថ្ងៃ ទៅ១៤ថ្ងៃ បន្ទាប់ពីឆ្លងវីរុស។ 🦠
✅ជំងឺកញ្ជ្រឹល បើកើតក្រោមក្មេងអាយុ 5 ឆ្នាំ អាចបណ្ដាលឲ្យបញ្ហាប្រព័ន្ធភាពស៊ាំចុះខ្សោយ រលាកសួត រលាកខួរក្បាល ពិការភ្នែក ឬអាចដល់ស្លាប់ក៏មាន។ តែអ្នក អាចការពារកូនអ្នកបានតាមរយ:ការចាក់វ៉ាក់សាំង។ វ៉ាក់សាំងអាចជួយបង្កើនប្រព័ន្ធភាពស៊ាំរបស់កុមារ ការពារកុមារពីជំងឺកញ្ជ្រឹល និងកាត់បន្ថយផលវិបាកធ្ងន់ធ្ងរដែលអាចកើតមាន។ កុមារដែលបានចាក់វ៉ាក់សាំងការពារ ភាគច្រើនមិនកើតជំងឺកញ្ជ្រឹលទេ ទោះកើត ក៏កើតតិចតួចបំផុតដែលមិនអាចបង្កជាផលវិបាកធ្ងន់ធ្ងរដល់កុមារឡើយ។
– ស្អូច
• បង្កឲ្យក្ដៅខ្លួនតិចៗត្រឹម ៣៧ ៣៨ ឬ ៣៨ កន្លះអង្សាសេ
• អាចបណ្ដាលឲ្យស្លាប់បានដោយសារមេរោគបង្កទៅជារលាកសួរ រលាក
• ខួរក្បាល ឬរាករូស និងរលាកពោះវៀន
• មិនសូវចេញកន្ទួលធំៗ
• មិនបង្កឲ្យមានសំឡេងស្អក រលាក ឬឈឺបំពង់កនោះទេ
• មិនមានសញ្ញាសៗនៅកៀនថ្ពាល់ក្នុងមាត់
• មិនឈឺភ្នែក ហៀរទឹកភ្នែក រលាកភ្នែក
• ស្នាមកន្ទួលក្រហមៗតូចៗ ដាច់ពីគ្នា តែញឹក។
២. លក្ខណៈដូចគ្នា
វាជាពពួកវីរុស ឆ្លងតាមផ្លូវដង្ហើម តាមទឹកមាត់ សម្បោរដូចគ្នា មានលេចចេញកន្ទួល រមាស់ ហើយពេលចេញដំបូងពីមុខ ដៃ ជើង និងមានរយៈពេល ២-៥ ថ្ងៃដូចគ្នា។
ប៉ុន្តែប្រសិនបើកើតលើស្ត្រីមានផ្ទៃពោះនៅត្រីមាសទី១ កញ្ជ្រឹលបង្កគ្រោះថ្នាក់តិចជាងស្អូច ពោលគឺទារកក្នុងផ្ទៃ មានគ្រោះថ្នាក់តិច។ ចំពោះម៉ាក់ៗដែលកើតស្អូចត្រីមាសទី១ រងផលប៉ះពាល់ប្រមាណ ៨០% ដែលធ្វើឲ្យប៉ះពាល់ការលូតលាស់ ប៉ះពាល់សរីរាង្គ និងអាចស្លាប់ ច្រើនជាងកញ្ជ្រឹល។ លោកវេជ្ជបណ្ឌិតក៏បានបន្ថែមទៀតថា ទាំងជំងឺស្អូច និងកញ្ជ្រឹលនេះកើតតែម្ដងប៉ុណ្ណោះក្នុងជីវិតមនុស្សម្នាក់ៗ ហើយបើទោះជាចាក់វ៉ាក់សាំងហើយក៏ដោយ ពេលខ្លះក៏នៅតែកើតដែរ គ្រាន់តែមានសភាពស្រាលជាងអ្នកមិនដែលចាក់។
