MFO DA POET

MFO DA POET Incitha buchopho kweZolimu lwesizulu iqhenye ngemvelaphi yakho

10/10/2019

ISONO SAMI UKUKUTHANDA

Ngakuvulela inhliziyo wangena
kuyona maqede waqeda nya
Uthando lwalo omuthole
Phakathi, Mphathi nguwe

Kulungileke dlala ngami
Kulungileke iphule nawe
Ngithi nguwe umduduzi
Wenhliziyo yami Kanti
Nawe ungomunye nje
Abazophula inhliziyo yami
Maqede bahambe

Lalela kulungile
Dlala ngami makukuvumela
Dlala wena ngemizwa yami
Dlala makuyintando yakho

Angikufungeli kodwa ngithi
Lenhliziyo yami emfimfa
Igazi ngenxa yakho
Lemizwa yami odlale ngayo
Lempatho yami odlale ngayo
Loluthando lwami odlale ngalo
Kulungile

Ngiyavuma udlalile ngami
Angikufungeli kodwa ngithi
Konke lokho kuyophenduka
Umfula onezingwenya
Ongeke uwuwele yizwa ngami

Mina kuyobe sekuphenduke
Isitebhisi sokundlulela
Phambili wena sengikushiye
Emumva vele usemumva
Ngithi mangicabanga ngawe
Ngivele ngiphuthume
Kudokotela phela kuyobe
Ngiyagula inkosi impela
Mangathiwe ngingacabanga
Ngawe.

Ngeke sdalo ngikufanise
Nomunye umuntu ngoba
Ungumhlukumezi
Nomkhohlisi wezinhliziyo
Zabantu shuthi isilima nguwe
Ungazibona njengesihlakaniphi
Wena okwamanje kodwa isiphetho sizoyixoxa
Indaba yizwa ngami

Udlalile ngami ngibe
Ngingengedwa ukuthi
Nje ulwazi ebengingenalo
Ngawe ngaziphosa
Wangiphothula maqede
Wangilaxaza laxazile

Kodwa nasi isiphetho
Udokotela uyobe esendlala
Indima yakhe,hhayi mani
Ngizoyofundela ubudokotela
Bese ngilinda wena ngizokukhumbuza
Usukwehlela umzimba wakho
Usumuncane,izilonda sezingcwele umlomo
Iphampasi isingasuki kuwe

Ngithi ngathini kuwe
Amazwi ami uyawakhumbula
Ngathi kuwe
KANTI ISONO SAMI UKUKUTHANDA?

09/10/2019

Isono Sami ukukuthanda

Isihloko ☝️👆iyeza maduze

03/10/2019

LUGADE NAWE OLWAKHO

Elokungcina ngiqala ngalo
Elokuqala ngingcina ngalo
Wena uqala ngani
Wena ubheka bani
Olwami ngiyalugada

Akusiyo yazi inkinga
Akudingi izikhwepha
Akudinge mandla yizwa ngami
Lona lidinga uqale
Lalela lidinga ucabange
Nayoke mayingekho inkinga leyo

Luncane lunjalo
Lungenamandla lunjalo
Kodwa
Imisebenzi yalo luyamangaza
Imiphumela yalo luyamangaza
Lalela lugade nawe olwakho

Ziningi izidumbu ezilele kobandayo kungenxa yalo
Baningi Abafelokazi kungenxa yalo
Izintandane ezingazi kuthi ziyokhala kuzwe Bani kuse yimisebenzi yalo

Lalela
LUGADE NAWE OLWAKHO-ULIMU

02/10/2019

Inkondlo-esihloko Sayo SiThi.

LUGADE NAWE OLWAKHO

Iyeza soon

27/09/2019

UNGAVUMI

Kusesekuseni lalela
Kusakhanya hlasela
Kusekuhle baleka
Yeyi!!UNGAVUMI

Ukuba yisehluleki ngeke
Ukuba undinga sithebeni ngeke
Lalela ngeke cha ngiyala ngeke
Ngeke ngibuke impilo yami
Iyeweni ngikhona

Alele amaqhawe ezizwe
Alele kobandayo kodwa
Imisebenzi yawo siyayazi
Alilwela lelize singakazi lutho
Asikhulula emaketangweni
Asihlahlela indlela eya
Empumelelweni

Pho mina Ngingalilahla kanjani
Ithawula
Pho mina ngingavumelani
Siphila ezweni lenkululeko
Kunxa yalamaqhawe azilwela
Kungani Pho thina kumele sivumele impilo isixake
Hhayi khona Mina ngiyala
Nawe Yala
UNGAVUMI IMPILO IKUHLULE.

25/09/2019

NGAKUKHUZA

Unjani mawunje
Unjani tshelala mina
Kusayaya ngentando yakho
Kusahamba kahle tshela mina

Usuyabona manje
Usuyazini tshela mina
Lezinyembezi zami
Lokhu kubalisa kwami
Ngawe usuyabona kuthi
Ngangizama ukukuvikela

Mtanami ngakukhuza
Wabona wena kuncono
Ukuyishaya indiva imibono yami
Wazibona uncono kunami
Ngikuzala
Mbeka manje sekuyimi
Engisenkingeni ngenxa yakho

Mtanami usishiyile manje
Kulomhlaba
Wasishiya nomuthwalo onzima
Mtanami njengoba ukulelibhokisi kungenxa yokungezwa kwakho

Bheka manje angazi
Ngizothathani ngihlanganise nani kuze ngikubeke endaweni yakho yokungcina
Wazi kahle kuthi ubaba wakho wakushiya ephila edla anhlamvana

Tshela mina labangani owawuhlohlana nabo baphi manje
Tshela mina lamadoda owawush*tshana ngawo kuhle kwamasokisi aphi manje

Udlalile ngami mtanami
Usaphila ngikukhuza ungezwa
Kulungile hamba uyobona okhokho bakho
Mhlampe mawufika kubo
Bazokukhombisa indlela eqondile

Ngiyavuma mina ungehlulile
Nomhlaba usukwehlule nawe
Wangishiya ngikhihla esikanandi ngenxa
Yezenzo zakho ezikuholele ekufeni
Hamba mtanami
NGAKUKHUZA KODWA

24/09/2019

ASOPHINDE

isono sami ukukwethemba
Isono sami ukukuvulela isifuba
Wena usubona isilima
Wena usuzibona usile slima

Kwasekuqaleni ngangisola
Ngasaba nje ukukususa
Ngangabaza ukuqhela
Ngibezwa besho benginxwayisa
Ngancwayi angithi wena uzungixhophile shlakaniphi

Kulungileke ngiyavuma
Kulungile qhubeka nokungenza isilima
Uhleka inhlinini kanti
Wena uthi lala lulazi sokwengula

Sengileleke vukake wena usile angithi
Sengihlehlile shona phambili wena angithi ubufuna lokho

Lalelake njengoba uzenza muhle
Phambi kwamehlo ami
Nami ngizobamuhle kuwe
Khululeka ungesabi

Soyidlala lento wena nje
Hlale ulindile njengoba nami
Ngisezithendeni Zakho
Awungitshelanga Mhla ukwenza
Kodwa mina ngiyakwazisa

Ukuphumula uzokuthola
Ukukhululeka uzokuthola
Lalela uzokuthola ngiyakuthembiza kodwa Mhla ngafa hhayi manje

Asophinde ngikwethembe
Sengisho wena
Kanti futhi nozwelo angisenaso phephisa
ASOPHINDE NGITHEMBE UMUNTU.

23/09/2019

Ngiyahluleka Ngiyamutshela.

Ngizibambile kwanele manje
Ngizamile sengiyahluleka
Ukuzibamba khona
Ukuthula ngilinde ngeke
NGIYAHLULEKA

Sesiside lesisikhathi
Sekuyiminyaka ngithule
Ngithule neqiniso
Phela sekuya ngokuya
Kuba ngaphezu kwamandla
Hhayi ngeke phela sekuyiso
Isikhathi mina
NGIYAHLULEKA NGIYAMUTSHELA.

Uyakhumbula ungibuza
Ngemba owawungayazi
Uyakhumbula ungixoxela
Ngesithandwa sakho
Ukuthi mina ngathini kuwe
Uyakhumbula ungithola
Esangweni lakini ngikulindile

Lalelake nali qiniso
Lokhu kubizana kwami nawe
Ngontwana yikho kanye
Okwakhanda intwanyana enhlizweni yami
Ngangcina sengikubuka
Ngenyi ndlela nemicabango
Yahluka

Lalelisisa ungizwe kahle
Iqiniso elimusulwa ukuthi
Angisakuboni njengo ntwanakazi manje
Sengikubona njengengilosi
Kazi ezosh*tsha impilo yami

Lalela ungayenzi nzima
Lento vele ifawundeshi kade
Sayiqala osekusele nje
Ukubeka isitini sakhe lendlu
Yothando lwethu iyephambili

Ngiyakucela ngivumele
Ngiyakunxusa ngikhulule
Emaketangweni othando
Angingabazi nguwena ubambo
Lwami nawe uyazi
Leyontwanakazi asiyishiye ngemumva sikhohlwe
Yiyo sakhe uthando lweqiniso manje
NGIYAHLULEKA NGIYAMUTSHELA..ISIKHATHI SIYAVUMA.

Address

Em'dundubezi(Mvunyane)
Vryheid
1212

Website

Alerts

Be the first to know and let us send you an email when MFO DA POET posts news and promotions. Your email address will not be used for any other purpose, and you can unsubscribe at any time.

Shortcuts

Share

Category