19/02/2025
๐ฅ Brandopdatering: Wellington
๐ Die Kaapse Wynland Distriksmunisipaliteit se Branddienste, saam met vennote CapeNature en Wynland FPA, het 'n besige nag gehad met aktiewe brandbestryding.
๐ฅ Die brand wat laat gistermiddag op die Oaklands-plaas bo Wellington ontstaan het, was baie problematies. Stormsterk winde en hoรซ brandstoflading wat deur bloekomplantasies en ander plantegroei verskaf is, het veroorsaak dat die brand vinnig versprei. Die brand het na die Slangrivierpad afbeweeg waar dit die pad oorgesteek het en in die Bo-Hermon-are gebrand het.
๐ Ten spyte van verskeie spanne, brandbestrydingsvoertuie, doelgeboude Landcruisers en die ondersteuning van plaaslike boere en landbouwerkers, is twee skure en 'n huis vernietig. Twee kothuise hoog teen die berg is ontruim; branddienste kon egter hierdie strukture beskerm.
๐ Laat gisteraand het die Wynland FPA versoek dat grondeienaars seker maak dat toegangshekke ens. oopgesluit is om vrye beweging vir branddienste te verseker.
๐พ Skade aan gewasse is aangemeld; op hierdie stadium is dit egter moeilik om die omvang van die skade te bepaal.
๐ฌ๏ธ Die brand is nie onder beheer nie, en die wind maak sake steeds moeilik. As gevolg van die weerstoestande sal helikopters nie kan vlieg totdat die wind bedaar nie.
๐บ๏ธ Sodra dit heeltemal lig is en die volle omvang van die situasie bepaal kan word, sal planne vir die dag in plek gesit word.
๐ก๏ธ 'n Baie warm dag word oor die Kaapse Wynland verwag. Neem asseblief kennis dat weens die uiterste weerstoestande en die veelvuldige brande in die distrik, geen beplande brande toegelaat gaan word nie, selfs al het die boer 'n permit van die FPA.
Fotos is deur KWDM Brandbestryders: Henry Robbertse en Lotter Lackay
