26/07/2026
نالہ ڈیک میں مگرمچھ/محکمہ وائلڈ لائف کی کارروائی 👇
سوشل میڈیا KPD NEWS پر خبر نشر ہونے کے بعد اسسٹنٹ چیف وائلڈ لائف رینجر کی ہدایت پر سینئر وائلڈ لائف رینجر امجد علی کی سربراہی میں وائلڈ لائف ٹیم نے منڈھیالی نالہ ڈیک کا تفصیلی وزٹ کیا۔ ٹیم میں وائلڈ لائف رینجر امتیاز اور وسیم مصطفیٰ بھی شامل تھے۔
وزٹ کے دوران مقامی افراد سے معلومات حاصل کی گئیں۔ اہلِ علاقہ کے مطابق تقریباً 4 سے 5 روز قبل نالے میں مگرمچھ دیکھے گئے تھے، تاہم اس کے بعد اب تک ان کی دوبارہ موجودگی کی اطلاع نہیں ملی۔
مقامی لوگوں نے یقین دہانی کرائی کہ اگر آئندہ کسی بھی وقت مگرمچھ دوبارہ نظر آئے تو وہ فوری طور پر محکمہ وائلڈ لائف کو اطلاع دیں گے تاکہ بروقت کارروائی کرتے ہوئے عوام اور جنگلی حیات دونوں کے تحفظ کو یقینی بنایا جا سکے۔
محکمہ وائلڈ لائف کی ٹیم صورتحال پر مسلسل نظر رکھے ہوئے ہے اور مقامی آبادی سے رابطے میں ہے۔
