Tien abiertes colecciones de narrativa, poesía, ensayu, investigación, cómic, arte... Ediciones Trabe ye una empresa privada que se dedica a la edición y comercialización de llibros n’asturianu y en castellanu. Tien abiertes colecciones de narrativa, poesía, ensayu, investigación, cómic, arte, diccionarios, lliteratura infantil y xuvenil, didáctica, humor, etc., tanto orixinales escritos n’asturia
nu y en castellanu como traducciones dende les principales llingües de cultura. Creada nel 1992 y con más de 800 títulos nel catálogu, Ediciones Trabe ye anguaño una referencia dientro de les empreses culturales d’Asturies. Al tiempu, Trabe vien ufiertando importantes servicios de comunicación a instituciones, empreses y particulares: llibros, revistes, cartelería, imaxe corporativa, campañes de comunicación, dixitalización de documentos, discos, DVD’s, CD’s, USB…
Venticinco años d’esperiencia aválennos como una empresa profesional, seria y rigurosa nel so quefacer. Les persones que trabayen n’Ediciones Trabe realicen la so xera con relevante capacidá y aplicación, xestionando con eficacia la ferramienta de trabayu, mesmo que los tiempos a emplegar na realización de los encargos. La calidá de los trabayos y la satisfación total de los veceros ye’l fin últimu d’Ediciones Trabe. Una calidá contrastada nel llabor fechu nestos venticinco años d’historia. La esperiencia acumulada nestos años, la profesionalidá y el bon facer xunto cola xestión eficaz de la ferramienta de trabayu mesmo que de los tiempos emplegaos, permítennos ser una empresa qu’ufierta a la so vecería rapidez na ellaboración de los productos, ensin perder por ello nin un rispiu de calidá.
