02/08/2026
....Umrii kee waggaa 20ota ykn 30ota keessa jirtaa?
Ganama yeroo hirribaa kaatu "Jireenyi koo duubatti hafeera" miirri jedhu sitti dhaga'amaa?
Naannoo kee yeroo ilaaltu namni hundi karaa jireenya isaa waan argate sitti fakkataa?... Inni tokko mana daldala banateera... Inni kaan gaa'ela dhaabbateera... Inni biraan addunyaa irra naanna'a... Hundi isaanii gammadoo, firii qabeeyyii fi kan milkaa'an sitti fakkatu...
Ati garuu achuma jirta, "Ammas yeroon qaba..!" Anis nan qaqqaba jettee of amansiisuuf yaalta. Garuu keessi kee si hin fudhatu... Keessi kee "Sirra dabreera" jedhee iyya jabaa iyya.
Obboleessa koo... Rakkoon kee ofii kee namoota biroo waliin dorgomsiisuu keeti.
Wanti ati Miidiyaa Hawaasaa (Social media) irratti argitu guutummaa Isaa jireenyaa dhugaa miti... Namoonni kan siitti agarsiisan injifannoo fi milkaa'ina isaanii qofa... Imimmaan, kufaatii fi yaaddoo isaanii si hin agarsiisan.
Dargaggeessa umrii waggaa 23tti dhaabbata bane argita... Ji'a 6 booda kisaaree cufamuu isaa garuu hin argitu.
Intala umrii waggaa 25 addunyaa irra naannoftu argita... Liqiidhaan akka jiraattu garuu hin beektu.
Ammas Namoita umrii waggaa 27tti sirna gaa'elaa Ajaa'iba ta'een heeruman (wal fuudhan) argita... Garuu iyyansaa fi wal loliinsa malee suuta jedhanii waliin dubbachuu akka hin dandeenye hin argitu.
Michuu koo... Ati duubatti hin hafne.
Jireenyi dorgommii miti.
Waggaa 20onni fi 30onni "Xumura waan hundumaa" utuu hin taane; Jalqaba waan hundumaa, bara yaalii, bara kufanii ka'uuti.
Waggaa 20ota dabarsitee
Waggaa 30ota keessa xumura irratti hojii kee argachuu dandeessa... Waggaa 40ota keessa immoo of argachuu fi of beekuu dandeessa... Waggaa 50ota keessa jaalalaan gaa'ela dhaabbachuu dandeessa... Waanti "Yeroo sirrii jireenyaa" jedhamu hin jiru.
Tokkoof dursee milkaa'uufii danda'a, tokkoof immoo dulluma keessa milkaa'uufii danda'a.
Galgalliis umriidha... Kadhannaan "Buddeena galgalaa naa kenni" jedhamu kan kadhatamuuf kanumaafi.
Kanaaf... Har'a jireenya namoota biroo caalaa imala ofii keetii kabaji.
Suuta jettee yoo deemtes tarkaanfataa jirta. Kufaatiin kee xumura kee miti... Kufaatiin har'aa milkaa'ina boruutiif sababa ta'a.
Ati nama gatii hin qabne miti... Ati nama jabaa adeemsa keessa jiruudha!! Uumaan yaada kee guutuu siif haa milkeessu, argatanii dhabuu irraa si haa fageessu.
